Коканд «Физ-Мат» (Тарих)

#personal

MOSKVA TAASSUROTLARI 3

Kecha Maktab tarix oʻqituvchilari I Butunjahon Kongressining plenum Kengashi oʻtkazilgan boʻlsa, bugun bevosita Kongress seksiyalari oʻz faoliyatini boshladi.

Men “Masofaviy taʼlim: zamonaviy davr muammosi” nomli seksiyada ishtirok etdim. Niderlandiyalik Alishe Modena (asli italyan ekan) seksiyaga moderatorlik qildi. Dastavval polshalik va kanadalik tarix oʻqituvchilarining yozib olingan debati namoyish qilindi. Keyin seksiya qatnashchilarining masofaviy taʼlimda orttirgan tajribalari tinglandi. Rossiyalik oʻqituvchilarni ham pandemiya davrida Oʻzbekistondagi kabi muammolar qiynagani ayon boʻldi. Navbat albaniyalik hamkasbimga kelganida men ham bir ogʻiz gapirishga qaror qildim. Biroq qaysi tilda nutq irod etsam ekan, deb qariyib 3-4 daqiqa taraddudlandim. Va nihoyat mikrofon menga tutilganida “Good time of the day everyone” deb yuborganimni sezdim. Boʻlar ish boʻldi deb inglizchada gapirib ketdim.

Nutqimning asosiy mazmuni IT-texnologiyalari bilan ilgaritdan doʻst tutingan muallimlarga masofaviy taʼlimga oʻtish u qadar qiyinchilik tugʻdirmagani (mediakompetentligi haminqadar boʻlgan muallimlar uchun esa – aksincha), biroq kontent masalasi, xususan, Jahon tarixi boʻyicha kontentga ehtiyojni Internet-resurslar hisobiga qoplash imkoni boʻlsa-da, Oʻzbekiston tarixi boʻyicha kontent taqchilligi bois oʻquvchilarning barchasi ham tezkor internetdan foydalanish imkoniga ega boʻlmagan bir pallada aksariyat mavzularni masofaviy oʻqitishda chigalliklar yuzaga kelganini taʼkidlashdan iborat boʻldi.

Men moderatorga qarab gapirganim uchun atrofdagilarning nutqimga munosabatini, reaksiyasini faqat uni tugatganimdan keyin yangragan qarsaklardan anglashga muvaffaq boʻldim. Seksiya ishida coffee-break eʼlon qilinganida xorijlik va rossiyalik hamkasblarimning menga maʼnoli qarab qoʻya boshlaganlarini sezdim. Tamaddi qilib chiqib, vestibyulda seksiyaning davomiga tayyorgarlik koʻrayotganimda Xabarovsk oʻlkasidan, Moskva viloyatidan kelgan hamkasblar men bilan suhbatlashish uchun ruxsat soʻrashdi, hatto men bilan suratga ham tushishdi. Ularga ehtimol tarix oʻqituvchisining ingliz tilida gapirishi sal gʻayrioddiy tuyulgandir, biroq oʻris tilida ular bilan bemalol muloqot qilganimdan keyin hayratlari yana bir karra oshganini yashirib oʻtirishmadi – quvonib ketishdi, desam xato qilmagan boʻlaman. Albatta, men masofaviy taʼlimda tajribani Prezident maktabida orttirganman, shu bois asosiy savollar Prezident maktabi, unga qabul, oʻqish jarayonlari, oʻquvchilarga yaratilgan shart-sharoitlar, bitiruvchilarning natijalari haqida boʻldi. Savollarga tegishli tarzda javob berishga harakat qildim. Shunday qilib, oʻzim uchun Moskvada yangi tanishlar orttirdim.

Kongress oʻz ishini davom ettirmoqda.

👉 http://t.me/ikbol_ilxomovic_channel

#personal

Rossiya tarix va jamiyatshunoslik fani oʻqituvchilari jamiyati rahbari Aleksandr Chubaryanning “madaniyatli inson” tushunchasiga taʼrifini eʼtiboringizga havola qilmoqchiman:

“Madaniyatli inson – oʻzining va oʻzgalarning oʻtmishini biladigan insondir”.

Qoʻshilsa boʻladigan fikr. Madaniyatli dunyo bilan muloqot qilishda oʻtmishni bilish muhim, shu bois diplomatlar uchun tarix fanini bilish muhim hisoblanadi.

👉 http://t.me/ikbol_ilxomovic_channel

#Mutolaa

Fayzulla Xoʻjayev siymosini sharhlash XX asr Oʻzbekiston tarixining eng ziddiyatli masalalaridan biri sifatida tilga olinadi.

Bugun 2-oktabr – Buxoro amirligi oʻrnida BXSR tashkil etilganiga 101 yil toʻldi. Buxoro Xalq Sovet Respublikasi (keyinchalik BSSR), 1924(25)-yildan boshlab esa OʻzSSRning birinchi rahbari Fayzulla Xoʻjayev haqida xuddi qozoq qardoshlarimiz Turor Risqulov xotirasiga koʻrsatganchalik ehtirom koʻrsatmayapmiz, uning shaxsini yetarlicha oʻrganmayapmiz, kinolar ishlamayapmiz, maktablarda yetarlicha oʻqitmayapmiz, degandim – agar kimdir eslasa. Shu topda Fayzulla Xoʻjayev hayoti va faoliyatiga oid bir qoʻshimcha adabiyot qoʻlimga tushib qoldi. Ruxsatingiz bilan uni sizlar bilan baham koʻrmoqchiman. Oʻqib, ehtimol oʻzingiz uchun tegishli xulosalarni olasiz degan umiddaman.

👉 http://t.me/ikbol_ilxomovic_channel

#TeachersDay #HappyHolidayToUs

Bugun O‘zbekistonda Alloh menga rizq qilib bergan kasb - o‘qituvchilik ulug‘lanadigan kun!

O‘quvchilarimdan, meni o‘ziga ustoz deb bilganlardan tabriklar kelmoqda va albatta, bundan ko‘nglim tog‘day ko‘tarilmoqda.

Men ham o‘zim kabi ustozlardan ta’lim olganman, ularning oldida boshim yerga tekkunicha ta’zimdaman. Vaqtida yo‘qlay olmayman, bilmadim, ularga mehr-muhabbatim shunday darajadaki, yuzlariga hech qachon aytolgan emasman. Aslida ham shunday bo‘lishi kerak, masalan, “Men Vatanimni sevaman!” deb kekirdagini yirtadiganlar, muhabbati haqida bong urib, dunyoga jar soluvchilarning qalbida zarracha ishq, misqolchalik sadoqat bo‘lmaydi. Mening ustozlarimga muhabbatim ham ana shunday, jim turib, so‘zda emas, amalda ularga munosib bo‘lish, bergan bilimlarini oqlashdan iborat! Shogirdlarimdan ham shuni kutaman - so‘zingiz bilan emas, amalingiz bilan MENING O‘QUVCHIM ekaningizni isbotlang!

So‘zimni o‘quvchilarimdan biri yuborgan tabrik bilan yakunlamoqchiman:

“Assalomu alaykum ustoz! Yaxshimisiz? Yangi ishlarni yaxshi boshlab oldizmi (bir oy o'tib bo'ldiyu o'zi)?
Siz bilan yaxshilab xayrlasholmadim ham 🤦‍♀️😅

Bayramlaringiz bilan tabriklayman! O‘zi bu bayramda faqat sizdek haqiqiy ustozlarni tabriklash kerak) Bergan bilimlaringiz, qiziqarli darslaringiz uchun kaaatta rahmat 😊

To'g'risi vijdonim haliyam qiynaladi sizni darslaringizda uxlab qolganim uchun, shunaqayam darslani o'tkazib yuborish mumkinmidi🤦‍♀️😭 Hozir o'rningiz juddddaaaa ham bilinyaptiii, buni so'z bilan tariflab ham bo'lmaydi.... Tarixga bo'lgan mehrni Siz menda uyg'otgandiz, endi siz ketib, yana o'sha "uzbek style" tarix darslari boshlandi... Sizning o'rningizni baribir hech kim bosolmaydida...

Mayli, ishlaringizda muvaffaqiyat tilayman, charchamang! ))) SIz bilan yana ko'rishamiz degan umiddaman!

Yana bir bor Kaaatta Rahmat! 🤗”

#HappyHolidayToUs

🥳🥳🥳🥳🥳🥳🥳🥳🥳🥳🥳🥳

👉 http://t.me/ikbol_ilxomovic_channel

🆕“Intel Legion” intellektual klubi taqdim etadi

#FORTNIGHT INTELLEKTUAL TURNIRI

1️⃣ Har kuni bittadan savol oʻynaladi;

2️⃣ Savolga javob topish uchun qariyb bir sutka vaqt – savollar har kuni Toshkent vaqti bilan soat 19:00 da eʼlon qilinadi va ularga ertasi kuni soat 18:59:59 gacha javob berish mumkin;

3️⃣ Savolga birinchi boʻlib TOʻGʻRI VA ANIQ javob bergan ishtirokchiga 1 ball, ikkinchi boʻlib va undan keyin TOʻGʻRI VA ANIQ javob bergan ishtirokchilarga 0,5 ball beriladi;

4️⃣ Har ikki hafta (14 kun)da bir marta jamgʻarilgan ballar sarhisob qilinib, gʻolib aniqlanadi va joriy raund uchun avvaldan eʼlon qilingan yutuq topshiriladi;

5️⃣ Yutuqlar har bir raund boshlanishidan avval eʼlon qilinadi, yutuqlar brendi yoki boshqa xususiyatlari posterda tasvirlanganidan farq qilishi mumkin, yutuqlar Toshkent shahri ichida yetkazib berish xizmati orqali, viloyatlarga “Oʻzbekiston pochtasi” joʻnatmalari orqali yetkaziladi (yutuqlarni viloyatlarga yetkazishning boshqa tezkor variantlari ham koʻrib chiqilishi yoki yutuq egasining oʻzi kelib, olib ketishi ham mumkin);

6️⃣ Turnirda qatnashish uchun roʻyxatdan oʻtish shart emas, istalgan nuqtada unga qoʻshilish yoki chiqib ketish mumkin. Shuningdek, mazkur turnirda qatnashish uchun ishtirokchilarning yoshi, jinsi, faoliyat turiga nisbatan hech qanday cheklovlar mavjud emas;

7️⃣ Iyun oyida raundlarda (har ikki haftada bir raund yakunlanib, gʻolib aniqlanadi) gʻoliblikni qoʻlga kiritgan bilimdonlar oʻrtasida mini-turnir tashkil etiladi va gʻolib qimmatbaho yutuqqa ega boʻladi;

8️⃣ Turnir “Virtual 207” Telegram-kanalida onlayn oʻtkaziladi.

Barcha bilimdonlarni mazkur yangi turnirga taklif etamiz. Batafsil maʼlumot uchun kanal tavsifida koʻrsatilgan Telegram-akkauntga murojaat etishingiz mumkin.

👉 t.me/ikbol_ilxomovic_channel