✍𝐅𝐈𝐊𝐑𝐀𝐓✍

#kechki_mutolaa

🔽Dunyoqarash

⚡️Ikki aka — uka bor edi. Akasi sahiy, omadli va boy, ukasi esa qotil, yomon inson bo‘lgan ekan. Sud oldidan jurnalistlar qotil ukaga savol berishdi:

— Qanday qilib jinoyat yo‘liga kirib qoldingiz?

— Meni bolaligim og‘ir o‘tgan. Otam ichardi, onamni va meni kaltaklardi. Yana kim bo‘lishim mumkin edi?!

Keyin jurnalistlar akani savolga tutishdi:

— Siz shuncha yutuqlarga qanday qilib erishdingiz?

— Mening bolaligim og‘ir o‘tgan. Otam ichardi, onamni va meni kaltaklardi. Yana kim bo‘lishim mumkin edi…?!

📱 Kanalga ulanish: FIKRAT.UZ

Podshohning bir haftada ikki kun zulm ko‘rganlarni qabul qilmasdan iloji yo‘q. U zulmkorni jazolamog‘i, insofga chaqirmog‘i, raiyat so‘zlarini o‘z qulog‘i bilan vositachisiz eshitmog‘i kerak. Arzchilar eng muhim so‘zlarini aytmoqlari, (hukmdor esa) ular bo‘yicha hukm chiqarmog‘i lozim. Shunda mamlakatda podshoh ezilgan va adl istovchilarni haftada ikki kun qabul qilib, ularning so‘zini tinglar ekan, ovozasi tarqaydi. Zolimlar bundan cho‘chiydilar, qullarini kaltaklamaydilar.

© Nizomulmulkning “Siyosatnoma” asaridan

📱 Kanalga ulanish: FIKRAT.UZ

Javobni e’lon qilamiz.

💥 Javob: Qo‘rg‘oshin

Manbaa: 7-sinf geografiya darsligi 33-bet

To‘g‘ri javob berganlarni tabriklaymiz!

📱 Kanalga ulanish: FIKRAT.UZ

#viktorina_savol

💬100 gramm urandan 74 million yil davomida 1 gramm U hosil bo‘lar ekan. Zulfiqor Musoqovning U nomli filmida bosh rollarni Bobur Yo‘ldoshev va Temur Musoqov ijro etishgan.

Savol: U o‘rnidagi bitta so‘zni toping.

Javoblarni komentariyada qoldiring. Javob 12:00 da e’lon qilinadi.

📱 Kanalga ulanish: FIKRAT.UZ

💵Pul ishlashda:
“Hech qachon bitta foyda manbasiga qarab qolmang. Ikkinchi manbani yaratish uchun sarmoya qiling”.

📊Sarflashda:
“Agar siz keraksiz narsani sotib olsangiz, tez orada kerakli narsalaringizni sotishga toʻgʻri keladi”

📈Jamgʻarmada:
“Sarflashdan keyin ortgan pulni jamgʻarmang, jamgʻarishdan keyin ortgan pulni sarflang”

❓Tavakkal qilishda:
“Hech qachon daryoning chuqurligini oyoq bilan oʻlchamang”

🛍Sarmoyada:
“Barcha tuxumlarni bitta savatga qoʻymang, chunki savat tushib ketsa barcha tuxumlar sinadi”

✔️Umidda:
“Adolat juda qimmatli tuhfa.
Buni arzon odamlardan kutmang”

📱 Kanalga ulanish: FIKRAT.UZ

#kechki_mutolaa

KO‘Z YOSHINGIZNI TIYOLSANGIZ OXIRIGACHA O‘QING!

8 yoshli bolaning onasi vafot etishi bilan dadasi farzandini yolg‘iz va ona mehrsiz qolishidan qo‘rqib, boshqa ayolga uylanishga majbur bo‘ldi. Oradan bir necha kun o‘tgach ota farzandini bag‘riga bosib, erkalab: - Toychog‘im, yangi onang bilan eski onangni orasida qanday farq bor, deb so‘rab qoldi. Bola judayam beg‘uborlik bilan javob berdi: - Haqiqiy onam menga yolg‘on gapirardilar, ammo ikkinchi onam doim rostini aytadilar va aytgan gaplarida turadilar. Ota hayratlanib so‘radi: -Qanaqasiga, bolajonim? O‘g‘il: -O‘ynab o‘tirganimda onamga yoqmaydigan ish qilsam, menga aytardilar: "Agarda quloq solmaslikni bas qilmasang va menga zulm qilaversang senga ovqat bermay qo‘yaman", derdilar.. gaplariga parvo ham qilmasdim. Ba’zan, ko‘chada ko‘p o‘ynab qolib ketsam, chiqib meni ko‘chama-ko‘cha izlardilar, meni topmagunlaricha oyoqlari qayerga boshlasa o‘sha yerga ketaverardilar. Va nihoyat meni topganlaridan keyin yuz ko‘zlarimdan o‘pib, meni uyga olib borardilar va mazali taomlari bilan siylardilar. Endi esa yangi onam,"agar o‘yinni bas qilmasang senga ovqat yo‘q", dedilar. Mana ikki kundan beri qornim och. Menga yolg‘onchi onamni qaytarib bering, iltimos dada. Yolg‘onchi onamni juda sog‘indim.

📱 Kanalga ulanish: FIKRAT.UZ

• Insoniyat SPIDga davo topib uni maymunda sinab ko‘rish bilan band, sen esa internetda “Domla ehsonni dollorda qilsam, kurs oshsa savobi ham oshadimi?” degan videoni ko‘rish bilan ovvorasan;

• bir do‘stingni uylanishga puli yo‘q, sen esa yordam berish o‘rniga “bo‘ydoqlarga jo‘natib qo‘yamiz” degan videoni unga jo‘natasan, ustidan kulib;

• Kimdir shartta tavakkal qilib biror ishni boshladi, sen esa soxta motivatorning soxta darsiga layk bosib o‘tiribsan;

• onang dasturxon yozganida otang “uyimizga baraka ber” deb duo qiladi, sen esa “Real Madrid”, “Barselona” kabi jamoalarga pul tikib, duoning “Azroili”ga aylanyapsan;

• vataningni kelajagi bilan ishing yo‘q, lekin “AQSh haqmi yoki Rossiyami?” deb izohlarda talashmasang bo‘lmaydi;

• oilang bilan suhbatga bir soat ajratsang, internet uchun ikki soat sarflayapsan;

⚡️Unutma: hech qachon, hech kim qaytarib bermaydigan umring bekorchi narsalar bilan shunchaki o‘tib ketyapti.

📱 Kanalga ulanish: FIKRAT.UZ

Javobni e’lon qilamiz!

💥 Javob: Sportchi doping sabab sportdan chetlashtiriladi va hamma yutuqlari bekor qilinadi.

To‘g‘ri javob berganlarni tabriklaymiz!

📱 Kanalga ulanish: FIKRAT.UZ

#viktorina_savol

💬 Velopoygachi Lens Armstrong o‘zining sportdagi yutuqlari haqida avtobiografik kitob yozadi. Lekin nimagadir 2012-yil bu kitob avtobiografik kitoblar bo‘limidan fantastik kitoblar bo‘limiga ko‘chiriladi.

Savol: 2012-yil Lens Armstrong bilan qanday salbiy voqae yuz bergan?

Javoblarni komentariyada qoldiring. Javob 12:00 da e’lon qilinadi.

📱 Kanalga ulanish: FIKRAT.UZ

#kechki_mutolaa

SADAQA BALONI QAYTARADI

.

Hikoya qilishlaricha, bir ayol tushida bir odamni zaharli ilon chaqib, o‘ldirganini ko‘rdi. Bu tush ayolni juda qo‘rqitdi. Tong otgach, ayol o‘sha tushida ko‘rgan odamning uyiga borib, ko‘rgan tushini uning o‘ziga aytib berdi. Undan ehtiyot bo‘lishni, xushorroq bo‘lib yurishni iltimos qildi. Ayol ketgach, xaligi odam Alloh uchun ikkita qo‘y so‘yib, sadaqa qilishni nazr qildi. Shoyad, o‘sha so‘ygan qo‘ylari sababli xaligi qo‘rqinchli tushning xataridan salomat bo‘lsa.
O‘sha kuni kechga yaqin ikkita qo‘yni so‘yib, qo‘shnilar va qarindoshlarni uyiga chaqirdi. Ular uchun shohona ziyofat uyushtirdi. Hamma go‘shtni tarqatib, o‘zida qo‘yning birgina oyog‘i qoldi. Qalbini to‘ldirgan qo‘rquv, tinchini buzgan bezovtalik sababli o‘zi xali taom va go‘shtdan totib ko‘rmagan edi. Boyagi oyoqni nonga o‘radi-da, yeyish uchun endi og‘ziga olib kelgan ham edi, bir qari kampir qo‘shnisi esiga tushib qoldi. U zaifligi va qariligi tufayli ziyofatga kela olmagan edi. Boyagi kishi o‘zini malomat qilib: “Sen u kampirni esdan chiqaribsan. Mana shu oyoq uning nasibasi bo‘ladi” dedi-da, tezda o‘sha kampirning uyiga chopdi. Borib, quy oyog‘ini kampirga tutqazdi va bundan boshqa go‘sht qolmaganini aytib, uzr so‘radi. Qariya ayol bundan juda sevindi va go‘shtni yeb, suyagini tashqariga uloqtirdi. O‘sha kechasi xaligi oyoq suyagidan kelayotgan yoqimli hidga bir ilon sudralib keldi va suyakda qolgan go‘sht qoldiqlarini yeya boshladi. Bir payt suyakning bir uchli joyi ilonning bo‘g‘ziga tiqilib qoldi. Har qancha urinsa ham ilon undan qutula olmadi. Uning barcha urinishlari besamar ketdi. Suyak uning tomog‘iga sanchilib qolgan edi.
Ertasi kuni tong otgach, xaligi odamning o‘g‘illari uylarining orqasida bir narsaning harakat qilganini va shitir-shitir qilgan ovozini eshitdilar. Otalariga buning xabarini yetkazdilar. Boyagi kishi darhol voqeaning tafsilotini bilish uchun uyining orqa tarafiga o‘tdi. Qarasa, bir ilon yerda tipirchilab yotibdi, og‘zida esa tiqilgan suyak. Darrov uni o‘ldirdi va undan qutqargani uchun Allohga hamdu sanolar aytdi. Uyiga kirib, oilasiga bo‘lgan voqeani gapirib berdi. Keyin ko‘chaga chiqib, qo‘ni-qo‘shnilariga ham o‘sha hodisani so‘zlab berdi. Bu qissa tildan tilga ko‘chib, mana bugungi kungacha yetib keldi.

Odamlar bu qissadan quyidagi maqolni paydo qilishgan:
“Luqmaning ko‘pligi baloni qaytaradi”. Ya’ni ko‘p sadaqa qilish, kishilarga ko‘p taom ulashish sendan balolarni daf qiladi.

📱 Kanalga ulanish: FIKRAT.UZ

Oddiylikka oshiq kitobsevarlar uchun xos sahifa 🍵✔️


🔺Sahobalar hayotlaridan iqtiboslar..
🔺Mutolaadan qisqa parchalar..
🔺Kichik lekin mazmunli satrlar..
🔺Tarjimasi bilan profil uchun statuslar..

Barchasi ⏪Musannif⏩ da ulanib oling o'chiriladi✅

Odamlar bor, bosgan qadami hikmat,
Odamlar bor, aytgan har so‘zi illat.

Odamlar bor, vatan uchun jon berar,
Odamlar bor pul uchun yurtdan kechar.

Odamlar bor, hech bir yaxshilik qilmas,
Odamlar bor, xizmatin minnat qilmas.

Odamlar bor, go‘yo farishtasifat,
Odamlar bor, hayvondir odamsifat.

Odamlar bor, onasin rozi qilar,
Odamlar bor onasidan or qilar.

Odamlar bor, otam boy bo‘lsa deydi,
Odamlar bor, otam bor bo‘lsa deydi.

Odamlar bor, do‘stlarga jon fido der,
Odamlar bor, do‘stlarin boshini yer.

Odamlar bor, odam taftini olar,
Odamlar bor, boshingga kulfat solar.

Odamlar bor, o‘rnak olsang arziydi.
Odamlar bor, ko‘rsang yurak beziydi.

Odamlar bor, xiyonat yo‘lin tutar,
Odamlar bor, diyonat yo‘lin tutar.

Odamlar bor, qalbi pok toza vijdon,
Odamlar bor, unga begona iymon.

Odamlar bor, ezgulikning qalqoni,
Odamlar bor, shaytonlarning shaytoni.

© Muallif: FIKRAT kanali admini Ulug‘bek Jamolidinov

📱 Kanalga ulanish: FIKRAT.UZ

Javobni e’lon qilamiz!

💥 Javob: Pochta kabutari.

Izoh: Billi laqabli kabutar yo‘ldan adashib ketadi va natijada Atlantika okeani ustidan 5,5 ming km yo‘l bosib o‘tadi.

To‘g‘ri javob berganlarni tabriklaymiz!

📱 Kanalga ulanish: FIKRAT.UZ