Fikr1yat

Maktabni tugatayotgan vaqtimda rahbariyat boshchiligida katta qilib o'tkazilgan so'nggi qo'ng'iroqda menga "Maktabning eng vijdonli o'quvchisi" degan nominatsiya berishgan edi. Shu vaqtda men maktabdagi yagona viloyat fan olimpiadasi gʻolibi va sport bo'yicha O'zbekiston chempioni edim ammo menga shu nominatsiya berilgan. Bilasizmi, bu nominatsiyaga mos bo'lib yashash juda og'ir ekan.

Assalomu alaykum va rohmatulloh
Jumaning hayri va barokati sizlarga boʻlsin!

Bugun Kozimxon Turayevning "Korporativ boshqaruv va HR" kursining 11-mavsumi o'z yakuniga yetdi. Qariyb 2 oy davom etgan kurs juda yaxshi xotiralarini menda muhrladi. Dastlab ushbu kursni o'qishni xohladim ammo imkoni bo'lmadi (kurs bahosi asosan top menejment uchun mo'ljallangan). Ammo nasibamiz qo'shilgan ekan men ushbu kursda aynan o'quvchi sifatida emas balki volontyor sifatida qatnashdim va auditoriyada berilayotgan bilimlarga sherik bo'ldim. Ushbu kurs men uchun juda manfaatli bo'ldi, ko'p yangi narsalarni o'rgandim, ko'p tadbirkor va top menejmentdagi insonlar bilan tanishdim, u insonlardagi chiroyli muomala va to'xtovsiz harakat meni hayratda qoldirdi. Xullas dars atmosferasi juda zo'r bo'ldi. Hozir niyat qilayapman, o'zim uchun olgan yangi energiya va bilimlarni hayot yo'limda samarali qo'llayman INSHAALLOH. Bu kabi kurslarda, katta konferensiyalarda ishtirok etish kerakligini yana qayta tushunib yetdim.

Kozimxon aka boshchiligidagi ahil va samimiy jamoaga omad tilayman. @KozimxonTuraev

Sabr

Ayni zamonda sabrsizligimiz bizni ko'p ofatlarga ro'para qilmoqda. Hozir nafsimiz sabr bilan sinalmoqda. Ilm olishda sabrsizlik qilamiz oqibat bilim chala bo'ladi. O'zimizdagi bor moddiyatga sabrsizlik qilamiz (taom, kiyim, telefon, mashina, uy va hokazo) va pul bo'lmasa qarz, kredit olamiz. Ishimiz tez bitishini istab kimgadir pora - "sovg'a" beramiz. Ibodatni tezroq ado qilishga shoshamiz oqibat xushu-xuzudan mahrum bo'lamiz. Ba'zan do'stlikka, sevgiga shoshib noto'gʻri insonni tanlab pushaymon bo'lamiz.

Shayton bizni shoshiltirayapti. Katta marafonga sprint yugurishga chorlamoqda. Unga ishonsak, g'olib bo'lish tugul marraga ham yeta olmay qolamiz.

Assalomu alaykum va rohmatulloh
Jumaning hayri va barokati sizlarga bo'lsin

Ichki ishlar litseyida tahsil olayotganimda direktorimizdan tortib nafaqadagi organ xodimlarigacha menga har doim: "Дружба дружбой, служба службой" - deb aytishar edi.
Bu maqolga ko'ra ish qilsam kursdoshlarim va menga bo'ysunuvchi o'quvchilar bilan oramiz buzilar ammo vazifalar a'lo bo'lar edi. Hozir ham qo'llasam atrofdagilar mendan norozi bo'lishmoqda. Haqiqatan, adolatni ta'minlash uchun unga rioya qilish kerak ekan. Adolatli bo'lish nafaqat qo'l ostidagi insonlarga, yaqinlarga, tabiatga nisbatan avvalo inson o'zi uchun ham tatbiq qilishi zarur.

Adolat faqatgina katta ishlarda, xizmatlarda zarur emas u har doim shart. Tabiatga munosabatda axlatlarga nisbatan e'tiborsizlik qilishi tabiatga, o'ziga va atrofdagi insonlarga nisbatan adolatsizligidir.

Adolatsizlik bo'lgan har qanday muhitda buzilish va bo'linish bo'ladi. Jamiyatlar, davlatlar, oilalar buziladi, vayron bo'ladi. Eng achinarlisi inson o'ziga nisbatan adolatsizligi uni to'g'ri oxiri yo'q tubsiz botqoqqa chorlaydi.

Adolatli bo'laylik!

Assalomu alaykum va rohmatulloh
Jumaning hayri va barokati sizlarga boʻlsin

Assalomu alaykum
Jumaning hayri va barokati sizlarga va sizlarning oila a'zolaringizga mukammal yog'ilsin.

Sinov muqarrar, u hikmat va poklanishdir. Kimdir mol bilan kimdir yaqin insonlari bilan yana kimdir sog'liq bilan va boshqa sabablar bilan sinovga duch keladi. Hozir sinovlar har qadamda har nafasda uchramoqda. Gunoh yengil davrda sabr juda og'irdir. ALLOH TAOLO sinovlarga go'zal sabr qilganlar uchun ajrni va'da qilgan. Shu ajrga munosib boʻlishda O'zi qo'llasin, rahmatidan bizlarni benasib etmasin.

“Albatta, sizlarni bir oz xavf va ochlik bilan, mol-mulkka, jonga, mevalarga nuqson yetkazish bilan sinaymiz. Va sabrlilarga xushxabar ber.”
(Baqara surasi, 155-oyat)

Inson resurslarini baholash

Baholash nisbiy narsa sizni yoki sizning ishlaringizni kimdir baholashi juda-juda nisbiydir.

Ayni vaqtda dasturchilarni HR/Rekruter suhbatlariga tayyorlayotgan vaqtda bunga urg'u beraman. Har bir inson bir moʻjiza(imkoniyat)dir. Uni hamma ham ko'ra olmaydi. HR/Rekruter kompaniya talablaridan kelib chiqib o'zining filtrlari(qarashlari) asosida saralaydi va to'g'ri baholay olmagani sabab shunchaki kompaniyani ko'tarishi mumkin bo'lgan potensialni havoga uchirishi mumkin. Bir kompaniyadan ish topa olmagan insonning boshqa kompaniyalarni boshqarganini yoki bunyod etganidan (Jek Ma) xabarimiz bor. Yoki Stiv Jobsni kompaniyada muammo o'rnida ko'rgan direktorlar kengashi bankrotlik arafasida iltimos qilib chaqirishgani hammaga ayon. O'z vaqtida to'g'ri baholanmagan kompaniyalar hozir o'z sohasida gegemonlikni hech kimga bermayapti(Google).

Kompaniyalar, HR/Rekruterlar, imtihon oluvchilar hattoki eng yaqin insonlaringiz ham sizni to'g'ri baholay olmasligi mumkin. Buni normal qabul qiling va shunchaki davom eting.

"O'zini taqdim qila olmaslik" bu boshqa masala.

Sizga nisbatan bildirilgan fikrlarga (feedbacklarga) ochiqmisiz?

1-qism.
Ishoning, agar feedbacklarga samimiy yondashsangiz va to'g'ri(ochiq) qabul qilsangiz u sizni keyingi darajaga chiqaradi. Menga bir suhbatda "kirishimli emassiz" degan feedback berildi. O'ylab koʻrsam oxirgi vaqtlarda o'z dunyoyimga (ish, o'qish va har xil muammolar) sho'ng'ibman. Keyin buni tuzatish harakatiga tushdim. Ancha insonlar bilan tanishdim, turli tadbirlarda qatnashdim, noqulay holatlarga ham tushdim. Jarayon davom etmoqda, men hali ham kirishimli bo'lish harakatidaman. Bu ko'nikma nafaqat ishda balki oilada, do'stlar, tanishlar davrasida ham juda kerakli ekan. Tushunishimcha, uni rivojlantirish to'xtamaydi va shunday boʻlishi kerak. Men o'shanda bildirilgan feedbackdan mamnunman, axir bu feedback meni foydam uchun aytilgan edi. Menda biror kamchiliklarni ko'rsangiz bildiring(xoh ishda, xoh o'qishda, xoh madaniyat va hokazo) tortinmang. Sizning o'rinli bildirgan fikringiz men uchun dur kabidir.😊😊

2-qism.
Feedbacklarning to'g'ri bildirilganiga e'tiborli bo'ling. Ba'zan yumush yoki munosabatga nisbatan feedback beraman deb shaxsiyatga o'tish holatlari vujudga keladi yoki notoʻgʻri yondashuv fikr bildiriladi(farosatdan kelib chiqib). Har qanday holatda ham sokinlik bilan qabul qilib biroz oʻylab ko'rilishi va fikrni tekshirib koʻrish kerak. Feedback asoslimi, rivojlanish uchun kamchiliklarni bartaraf etishga harakat qilish kerak. Feedback asosli emasmi shunchaki unuting, asabingizni asrang.

Mo'min mo'minga ko'zgudir (hadis). Biz bir-birimizga yaxshi niyatda nasihat qilishimiz, samimiy bo'lishimiz, kamchiliklarni tuzatishda yordamchi bo'lishimiz darkor. Xuddi koʻzguga qarab tashqi koʻrinishimizni tuzatganimiz kabi feedbacklar orqali aytilgan kamchiliklarni bartaraf etishimiz kerak. INSHAALLOH shu orqali ham amalimiz ham xulqimiz go'zallashadi.😊😊

Assalomu alaykum va rohmatulloh
Jumaning hayri va barokati sizlarga boʻlsin

Birovning haqqiga xiyonat(norozi) qilma!

Bir tanishimiz pul topishda to'g'ri yo'ldan biroz chetladi(ma'lum summa topdi) oqibatda boshqa asosiy daromad keladigan manbaidan 10 barobardan ziyod yutkazdi. Pulini undirib oldimi bilmayman ammo kompaniya yopildi.

Men pulli masalalarda o'ta xushyorman ammo ma'lum sabablarga koʻra men ham yo'ldan adashdim. Zanjir davom etdi va men ham 10 barobarida yutkazdim. Men anglab yetdim o'zimni taftish qilib xatoyimni bartaraf qildim. INSHAALLOH men bilan hammasi joyiga tushadi.

Zanjir davom etmoqda...

E'tiborli bo'ling dunyo bumerang kabidir. Qachon o'zingizga qaytishini bilmaysiz bu dunyoda qaytsa yaxshi ammo bu dunyoda yo'liqmasa unda qo'rqavering.