Farg'ona viloyati soliq boshqarmasi

Beshariq tumanida aholi muammolari uyma-uy yurib o‘rganildi

Farg‘ona viloyati soliq boshqarmasi, 4-sektor rahbariyati tomonidan aholi muammolarini yaqindan o‘rganish hamda amaliy yordam ko‘rsatish maqsadida Beshariq tumanida xonadonbay tarzida sayyor qabul o‘tkazildi.

Dastlab 4-sektor rahbariyati Yuqori Zarqaynar MFYdagi muammolarni hal qilishga mas’ul bo‘lgan “mahalla yettiligi” bilan uchrashib, hududda amalga oshirilayotgan ishlar, xususan, tadbirkorlarni qo‘llab-quvvatlash, ish o‘rinlarini ko‘paytirish, soliq bazasini kengaytirish borasida amalga oshirilayotgan ishlar bilan tanishdi.

Shundan so‘ng 4-sektor hududidagi fuqarolar muammolari o‘rganildi hamda 15 dan ortiq kelib tushgan murojaatga asosan 3 ta ehtiyojmand oilaga kundalik oziq-ovqat mahsulotlari, 3 nafar talabaga kontrakt pulining bir qismini qoplash uchun sertifikat, bir fuqaroga eshitish moslamasi, shuningdek, 6 ta oilaga suyultirilgan gaz ballonlari yetkazib berildi.

#sayyor_qabul

Telegram I Facebook I Instagram I Veb-sayt

#barqarorlik_reytingi

Farg‘ona soliq texnikumida talabalar uchun mahorat darsi tashkil etildi

Farg‘ona viloyati soliq boshqarmasi vakillari hamda faol tadbirkorlar ishtirokida Farg‘ona soliq texnikumi talabalari uchun mahorat darsi tashkil etildi.

Unda tadbirkorlarning yurt rivoji va iqtisodiy barqarorlikni ta’minlashdagi muhim o‘rni, ishbilarmonlarni qo‘llab-quvvatlash maqsadida berilayotgan keng imkoniyatlar xususida so‘z bordi.

Shuningdek, joriy yil 1-fevraldan joriy etilgan Tadbirkorlarning barqarorlik reytingi mohiyati haqida batafsil tushuntirish berildi hamda talabalarning reyting borasidagi fikr-mulohazalari tinglandi.

Shu bilan birga, talabalarga o‘z biznesini yo‘lga qo‘yishdan oldin tadbirkorlik faoliyatiga doir normativ-huquqiy hujjatlar bilan yaqindan tanishish, biznes rivojida huquqiy savodxonlikning muhim ahamiyati tushuntirib o‘tildi.

Telegram I Facebook I Instagram I Veb-sayt

#raqamlashtirish #yuridik_shaxs

2024-yil 1-aprel holatiga Farg‘ona viloyatida faoliyat koʻrsatayotgan yuridik shaxslar soni 50,4 mingtani tashkil etdi. Shundan 1 746 tasi yanvar-mart oylarida ro‘yxatdan o‘tgan.

Telegram I Facebook I Instagram I Veb-sayt

#soliq_taqvimi

🗓 Eslatma ❗️2024-yil 15-aprel

mart oyi uchun:

- hisoblangan va amalda toʻlangan daromadlar summalari hamda JSHODSning ushlab qolingan summalari toʻgʻrisidagi maʼlumotlarni taqdim etish, shuningdek ijtimoiy soliq hisob-kitobini taqdim etish va toʻlashning oxirgi kuni
(Soliq kodeksi 389-modda 1-qism, 407-modda 4-5-qismlar);

- AOS hisobotini taqdim etish va soliqni toʻlashning oxirgi kuni
(Soliq kodeksi 470-modda 3-4-qismlar);

II chorak uchun:

- joriy chorakda kutilayotgan foyda summasidan kelib chiqqan holda, boʻnak toʻlovlari summasi toʻgʻrisida maʼlumotnoma taqdim etishning oxirgi kuni
(Soliq kodeksi 340-modda 11-qism).

Telegram I Facebook I Instagram I Veb-sayt

Viloyat sektorlari rahbarlarining navbatdagi sayyor qabuli Toshloq tumanida o‘tkazildi

Toshloq tumanidagi Musiqa va san’at maktabi binosida viloyat hokimi X.Bozorov hamda viloyat sektorlari rahbarlari tomonidan navbatdagi qabul o‘tkazildi.

Qabulda viloyat prokurori B.Ismoilov, viloyat ichki ishlar boshqarmasi boshlig‘i A.Ikramov, viloyat soliq boshqarmasi boshlig‘i M.Mamatxanov, shuningdek, viloyat boshqarma va tashkilotlari, davlat va tijorat banklari rahbarlari ishtirok etdilar.

Unda fuqarolar tomonidan uy-joy, bandlik, tadbirkorlik faoliyatini yo‘lga qo‘yish, moddiy yordam, ta’lim, bank krediti ajratish, subsidiyalar ajratish, kadastr, qurilish, tibbiy xizmatlar va yana qator masalalarda qilingan murojaatlarning katta qismiga qabul chog‘ida ijobiy yechim belgilandi.

Hal etilishi uchun muddat talab etiladigan murojaatlar bo‘yicha mutasaddilarga qo‘shimcha o‘rganish bo‘yicha tegishli topshiriqlar berilib, ijrosi qat’iy nazoratga olindi.

Telegram I Facebook I Instagram I Veb-sayt

#barqarorlik_reytingi

Reytingda yuqori ballga ega bo‘lish uchun nima qilish kerak?

Reyting baholash mezonlari 23 ta va ular 3 ta guruhga bo‘lingan.

Birinchisi – 10 ta umumiy mezon.
Mazkur mezonlar orqali tadbirkor 100 ball olish imkoniyati mavjud.

Ikkinchisi – kamaytiruvchi 9 ta mezon. Bu mezonlar qonunchilik talablari buzilgan holatlar yoki hisobotlarga qayta-qayta tuzatish kiritish ko‘payib ketsa ishlaydi.

Uchinchisi – rag‘batlantiruvchi 4 ta mezon.
Ijtimoiy reyestr, ayollar daftariga kirgan fuqarolarni ishga olgan va ular umumiy xodimlarining 10 foizidan ko‘proqni tashkil qilgan tadbirkorlik subyektlariga 5 balldan 10 ballgacha qo‘shimcha rag‘batlantiruvchi ball beriladi.

Tadbirkorlik subyektlarini baholashda faoliyatni uzoq davom ettirish, soliq hisobotlarini belgilangan muddatda taqdim etish, soliqlarni o‘z vaqtida ixtiyoriy to‘lash kabi holatlar asosiy rol o‘ynaydi.

❗️Soliq majburiyatlarini vaqtida va ixtiyoriy bajarish reytingda yuqori ball olishni kafolatlaydi.

Telegram I Facebook

Jismoniy shaxslar egaligidagi noturar obyektlar mol-mulk solig‘i uchun minimal qiymat tatbiq etiladi

Soliq qonunchiligiga 2024-yilda kiritilgan oʻzgartirishlarga muvofiq, jismoniy shaxslar egaligidagi noturar obyektlar uchun mol-mulk solig‘i stavkasi (1,5%) oʻzgarishsiz qoldirildi.

Shu bilan birga, soliq yukini adolatli taqsimlash maqsadida, jismoniy shaxslarga tegishli boʻlgan tadbirkorlik faoliyati uchun ijaraga berishda foydalaniladigan soliq solish obyektlari, shuningdek tadbirkorlik faoliyati yoki daromadlar olish uchun moʻljallangan, yashash uchun moʻljallanmagan koʻchmas mulk obyektlarining soliq bazasini hisoblash tartibi yuridik shaxslar uchun belgilangan tartib bilan birxillashtirildi.

Yaʼni, 2024-yil 1-yanvardan boshlab, jismoniy shaxslar egaligidagi noturar obyektlarning mol-mulk solig‘i bazasi 1 kv.metr uchun mutlaq miqdorda belgilangan eng kam qiymatdan past boʻlishi mumkin emas.

Xalq deputatlari Farg‘ona viloyati Kengashi tomonidan kiritilgan kamaytiruvchi koeffitsiyentlarga ko‘ra belgilangan stavkalar bilan infografikada tanishishingiz mumkin.

Misol:

Quva tumanida joylashgan noturar joyning mulk maydoni 100 kv.metrni, kadastr qiymati esa 40 mln so‘mni tashkil etadi. Ushbu qiymat belgilangan eng kam miqdor – 100 kv.m*1020,0 ming so‘m = 102 mln so‘mdan past bo‘lganligi sababli soliqni hisoblab chiqarishda soliq bazasi etib 102 mln so‘m olinadi. Ya’ni, mol-mulk solig‘i👉
102 mln so‘m*1.5 % = 1530,0 ming so‘mni tashkil qiladi.

❗️Agar obyektning 1 kv.m qiymati belgilangan minimal miqdordan past boʻlsa, soliq toʻlovchilar koʻchmas mulk qiymatini soliq solish maqsadlarida baholash uchun mustaqil baholovchilarni jalb qilishlari mumkin. Bunda, mustaqil baholash natijalari soliq solinadigan baza sifatida tan olinadi.

Jismoniy shaxslar soʻnggi 2 yil davomida baholovchi tashkilotlar tomonidan oʻtkazilgan koʻchmas mulkni baholash natijalaridan mol-mulk soligʻi bazasini aniqlashda foydalanish mumkin.

#mol_mulk_soligi

Telegram I Facebook I Instagram I Veb-sayt

#soliq_taqvimi

🗓 Eslatma ❗️Agar soliq majburiyatini bajarish muddatining so‘nggi kuni dam olish (ishlanmaydigan) kuniga to‘g‘ri kelsa, shundan keyingi birinchi ish kuni muddatning tugash kuni hisoblanadi. Shu sababli 2024-yil 13-aprel

mart oyi uchun:

- aksiz soligʻi hisob-kitobini taqdim etish va toʻlashning oxirgi kuni
(Soliq kodeksi 292-modda 1-qism, 293-modda 1-qism).

aprel oyi uchun:

- AOS toʻlovchi hisoblanmaydigan soliq toʻlovchilar tomonidan mol-mulk soligʻi yillik summasining 1/12 qismi miqdorida joriy toʻlovlarni toʻlashning oxirgi kuni
(Soliq kodeksi 417-modda 6-qism);

- AOS toʻlovchi boʻlmagan soliq toʻlovchilar tomonidan qishloq xoʻjaligi uchun moʻljallanmagan yerlar boʻyicha yer soligʻi yillik summasining 1/12 qismi miqdorida toʻlashning oxirgi kuni
(Soliq kodeksi 432-modda 1-qism).

Telegram I Facebook I Instagram I Veb-sayt