Farmhuquq


Channel's geo and language: Uzbekistan, Uzbek
Category: Other


Лочинбек Худаяровнинг фармацевтикага оид ҳуқуқий маълумот берувчи ахборот канали

Related channels

Channel's geo and language
Uzbekistan, Uzbek
Category
Other
Statistics
Posts filter


Forward from: Uzpharmcontrol
Video is unavailable for watching
Show in Telegram
Salomatlik tuman boylik deb bejizga aytishmagan. Yurtdoshlarimiz va kelajak avlod sog‘ligini muhofaza qilish, ularni har tomonlama bezarar, sifatli va arzon dori vositalari bilan ta’minlash bugungi kunning dolzarb masalalaridan biri hisoblanadi.

O‘zbekiston Respbulikasi Prezidentining tegishli qarori bilan Sog‘liqni saqlash vazirligi huzurida tashkil etilgan Farmasevtika mahsulotlari xavfsizligi markaziga aynan shu yo'nalishda bir qator vazifalar yuklangan.

⏯ Markaz matbuot xizmati tomonidan tayyorlangan ushbu lavhada sohada amalga oshirilayotgan ishlar haqida so'z yuritiladi.

👉 Full HD видео

SSVning Farmatsevtika mahsulotlari xavfsizligi markazi Matbuot xizmati              

Telegram | Facebook | Instagram | @uzpharm_control' rel='nofollow'>Youtube


Forward from: Uzpharmcontrol
Фармацевтика фаолиятининг қайси йўналишларига лицензия олиш талаб қилинмайди?
Poll
  •   Тиббий буюмларни ишлаб чиқариш, тайёрлаш, улгуржи реализация қилиш
  •   Дори воситалари ва тиббий буюмларни яратиш бўйича илмий-тадқиқот ишлари
  •   Дори воситалари ва тиббий буюмлар сифатини назорат қилиш
  •   Доривор ўсимлик хомашёсини қадоқлаш ва улгуржи сотиш
  •   Офтальмология тиббий буюмларини чакана реализацияси (оптика) бўйича фаолият юритиш
  •   Барча жавоблар тўғри
626 votes


Ҳурматли юртдошлар!

Дори воситалари, тиббий буюмлар ва тиббий техника экспертизаси ва стандартлаштириш Давлат маркази ахборот хизмати томонидан телеграм мессенжерида Давлат марказининг расмий канали очилганлигини маълум қиламиз!

Ушбу каналга қуйидаги ҳавола орқали обуна бўлишингизни тавсия қиламиз:

➡️ t.me/+zUGvSZvJOnk4NGEy


Forward from: Uzpharmcontrol
#Қонунчиликдаги_янгиликлар

💊 Фармацевтика маҳсулотлари ишлаб чиқарилишидан истеъмоли натижасигача назорат қилинади

2023 йил 1 мартга қадар бюджетдан ташқари маблағлар ҳисобидан дори воситаларининг ишлаб чиқарилишидан бошлаб уларнинг истеъмоли натижасигача бўлган жараёнларни назарда тутувчи Фармацевтика маҳсулотлари ҳисоби ва назорати ахборот тизими жорий этилади.

Шунингдек, Санитария-эпидемиологик осойишталик ва жамоат саломатлиги хизмати ва Фармацевтика тармоғини ривожлантириш агентлиги томонидан 2023 йил 1 июнга қадар Ўзбекистон Республикасида давлат рўйхатидан ўтказилган дори воситаларининг тиббиётда қўлланилишига доир йўриқнома ҳамда биологик фаол қўшимчаларнинг электрон каталоги ишлаб чиқилади ва уларнинг расмий веб-сайтларига жойлаштирилади.

🗄 Манба: ПҚ-411-сон 26.10.2022

🕊@uzpharmcontrol


Forward from: Uzpharmcontrol
#Қонунчиликдаги_янгиликлар

Дорихона берган QR-кодли харид чеки орқали дори воситалари нархи автоматик текширилади

2023 йил 1 майдан бошлаб жисмоний шахслар томонидан сотиб олинган дори воситалари учун дорихоналар берган QR-кодли харид чекини сканерлаш орқали солиқ органларининг махсус мобил иловасида рўйхатдан ўтказилганда, дори воситалари нархлари Фармацевтика тармоғини ривожлантириш агентлигининг ахборот тизимидаги дори воситаларининг чакана референт нархлари билан автоматик тарзда солиштирилади.

QR-кодни сканерлаш натижасида дори воситаларининг чакана нархларига белгиланган устамалар ошириб қўлланилганлиги аниқланган тақдирда, тегишли чора кўриш учун бу ҳақида истеъмолчилар ҳуқуқларини ҳимоя қилиш учун махсус ваколат берилган давлат органига автоматик равишда хабар юборилади.

📤 Харид чеки бўйича нарх дори воситасининг чакана референт нархидан ортиқ деб топилганда, ушбу маълумот асосида ўтказилган текшириш якунига кўра ҳуқуқбузардан белгиланган тартибда жарима ундирилади.

👛 Харид чекида сотиб олинган дори воситалари ва тиббий буюмларнинг тўлиқ миқдорда кўрсатилмаслиги савдо ёки хизмат кўрсатиш қоидалари тўғрисидаги қонунчиликни бузиш сифатида эътироф этилади.

🗄 Манба: ПҚ-411-сон 26.10.2022

🕊@uzpharmcontrol


Forward from: Uzpharmcontrol
#Қонунчиликдаги_янгиликлар

Шифохоналарда дори воситалари ва тиббий буюмлар хариди бўйича мутахассис лавозими жорий этилади

2023 йил 1 июлдан бошлаб референт нархлари қайд этилмаган ёки қайд этилган нархдан юқори бўлган дори воситаларини сертификатлаштириш тақиқланади.

⌨ Шунингдек, 2022 йил якунига қадар:

2025 йил 1 январгача бўлган муддатда давлат рўйхатидан ўтказмасдан мажбурий сертификатлаштириш шарти билан тиббиёт амалиётида қўллаш ва киритишга рухсат бериладиган, Ўзбекистон Республикасида давлат рўйхатидан ўтказилган аналоглари мавжуд бўлмаган дори воситалари ва тиббий буюмлар рўйхати тасдиқланади.

🩺 Беморларни даволаш учун талаб этиладиган дори воситалари ва тиббий буюмларнинг тўлиқ шифохона томонидан харид қилинишини инобатга олиб, шифохоналарда дори воситалари ва тиббий буюмлар хариди бўйича мутахассис лавозими жорий этилади.

Давлат бюджети ва бюджетдан ташқари маблағлар ҳисобидан харид қилинган дори воситалари ва тиббий буюмларнинг кунлик қолдиғи ҳамда нархлари манбалар кесимида шифохоналарнинг расмий веб-сайтида жойлаштирилади.

🗄 Манба: ПҚ-411-сон 26.10.2022

🕊@uzpharmcontrol


Forward from: Uzpharmcontrol
#Қонунчиликдаги_янгиликлар

Рецептсиз бериладиган дори воситалари рўйхатини Соғлиқни сақлаш вазирлиги томонидан тасдиқлаш бекор қилинади

2023 йил 1 январдан бошлаб янги дори воситалари клиник тадқиқотларнинг ижобий натижаси асосида давлат рўйхатидан ўтказилади.

Алоҳида дори воситаларини клиник тадқиқотларсиз давлат рўйхатидан ўтказиш Соғлиқни сақлаш вазирлиги томонидан белгиланган тартибга мувофиқ амалга оширилади ва жойига чиққан ҳолда ишлаб чиқариш шароитларининг “Зарур ишлаб чиқариш амалиёти – GMP” талабларига мувофиқлиги ўрганилганидан сўнг давлат рўйхатидан ўтказилади.

Шунингдек, рецептсиз бериладиган дори воситаларининг рўйхатини Соғлиқни сақлаш вазирлиги томонидан тасдиқлаш тартиби бекор қилинади.

Дори воситаларининг рецепт бўйича ва рецептсиз берилиши уларнинг тиббиётда қўлланилишига доир йўриқномаларда белгиланган тартибда амалга оширилади.

Дори моддаларини (субстанцияларни) давлат рўйхатидан ўтказиш тартиби ва Ўзбекистон Республикасидан ташқарида амалга оширилган дори воситаларининг рўйхатдан ўтказиш натижаларини тан олишда стандарт намуналарини талаб этиш ҳам бекор қилинади.

Давлат тиббий суғуртаси жамғармаси орқали молиялаштириладиган республика даражасидаги давлат стационар тиббиёт муассасаларида беморларни дори воситалари ва тиббий буюмлар билан таъминлаш шифохона орқали амалга оширилади.

💊 Алоҳида ҳолатларда шифохонада беморлар томонидан олиб келинган дори воситалари ва тиббий буюмларни ишлатишга рухсат бериш тартиби эса Соғлиқни сақлаш вазирлиги томонидан белгиланади.

Беморларни шифохонанинг ўзида дори воситалари ва тиббий буюмлар билан таъминлаш республика даражасидаги шифохоналарда 2023 йил давомида тажриба-синов тариқасида амалга оширилади.

🗄 Манба: ПҚ-411-сон 26.10.2022

🕊@uzpharmcontrol


Forward from: Uzpharmcontrol
🔔 Биласизми?

Қандай дори воситаларига маркировка кодлари бепул тақдим қилинади?

Жавоб: Ишлаб чиқарувчининг дори воситаларига белгиланган чекланган сотиш нархи базавий ҳисоблаш миқдорининг бир фоизидан юқори бўлмаганда, Ўзбекистон Республикаси Соғлиқни сақлаш вазирлиги ҳузуридаги Фармацевтика тармоғини ривожлантириш агентлиги томонидан тақдим этиладиган дори воситалари рўйхатига мувофиқ рақамли маркировка кодлари Оператор томонидан бепул тақдим этилади.

Ишлаб чиқарувчи томонидан мазкур дори воситалари улгуржи ёхуд чакана савдода белгиланган чекланган сотиш нархидан юқори бўлган нархда сотилиши ҳолатлари аниқланганда, ушбу ҳолатлар рақамли маркировка қоидаларини бузиш деб ҳисобланади, шунингдек, ушбу маҳсулотларга тақдим этилган маркировка кодлари учун тўловлар Оператор томонидан тўлиқ ундирилади.

Эслатиб ўтамиз, 2022 йил 1 ноябрдан бошлаб, бирламчи (ички) қадоқларда ишлаб чиқарилган дори воситалари (агар иккиламчи (ташқи) ўрам мавжуд бўлмаса) ва доривор ангро маҳсулотлари мажбурий рақамли маркировкаланади.

🗄 Манба: ВМҚ-149-сон 02.04.2022

🕊@uzpharmcontrol


Forward from: Uzpharmcontrol
🇺🇿 Давлат фуқаролик хизматчилари одоб-ахлоқининг намунавий қоидалари тасдиқланди

Вазирлар Маҳкамаси тегишли қарори билан давлат фуқаролик хизматчилари намунавий қоидалари ҳамда одоб-ахлоқ комиссияси тўғрисидаги намунавий низом тасдиқланди.

📂 Низом билан касбий фаолиятга оид, хизмат фаолиятига оид ҳамда хизматдан ташқари одоб-ахлоқ қоидалари тартибга солинади.

📂 Намунавий қоидаларга мувофиқ, давлат фуқаролик хизматчилари меҳнат фаолияти давомида ва ишдан ташқари вақтда хулқ-атворнинг қуйидаги умумий қоидаларига амал қилиши лозим:

🗄 давлат хизматининг обрўсига путур етказиши мумкин бўлган хатти-ҳаракатлардан тийилиш;
🗄 масъулият, касбига садоқат ва ҳалолликни кундалик шиорга айлантириш;
🗄 мураккаб вазифаларни бажаришда ҳамкасбларига кўмаклашиш ва бошқалар. 

❗️Хизмат машинасидан шахсий мақсадларда фойдаланмаслиги, ўзининг шахсий машинасидан фойдаланганда эса тартиб-таомилларга амал қилиб ҳайдаши, йўл қоидаларига қатъий риоя қилиши зарур.

Давлат хизматчилари этикасини бузган ходимлар интизомий жазога тортилиши ҳамда огоҳлантирилиши, расмий узрнома келтириши, танбеҳ берилиши мумкин.

Давлат органлари, Қорақалпоғистон Вазирлар Кенгаши, вилоятлар ва Тошкент шаҳар ҳокимликлари ва бошқа ташкилотлар жорий йил 25 октябрь санасига қадар ўз фаолияти хусусиятларини ҳисобга олган ҳолда одоб-ахлоқ қоидаларини тасдиқлайди.

@uzpharmcontrol


#Қонунчиликдаги_янгиликлар

«Гиёҳвандлик воситалари ва психотроп моддалар тўғрисида»ги Қонуннинг 19-моддаси тўртинчи қисм билан тўлдирилди

Ўзбекистон Республикасининг 2022 йил 1 июндаги «Гиёҳвандлик воситалари ва психотроп моддалар тўғрисида»ги Ўзбекистон Республикаси Қонунининг 19-моддасига қўшимча ва ўзгартиш киритиш ҳақидаги ЎРҚ-774-сон Қонуни 1-моддасига мувофиқ, «Гиёҳвандлик воситалари ва психотроп моддалар тўғрисида»ги Қонуннинг 19-моддаси қуйидаги мазмундаги тўртинчи қисм билан тўлдирилди:

«Бирламчи маҳсулотни ишлаб чиқаришдан (қайта ишлашдан) қўшимча маҳсулот сифатида олинадиган, IV рўйхат доирасида Ўзбекистон Республикаси Вазирлар Маҳкамаси томонидан белгиланадиган айрим прекурсорларни ушбу Қонунда назарда тутилган мақсадларда ишлаб чиқариш ва тайёрлаш юридик шахслар томонидан уларда муайян прекурсорларни ишлаб чиқариш ҳамда тайёрлаш учун лицензиялар мавжуд бўлган тақдирда амалга оширилади»;

Тўртинчи қисм бешинчи қисм деб ҳисобланиши белгиланди.

Шунингдек, юқоридаги Қонуннинг 3-моддасига мувофиқ, Ўзбекистон Республикаси Вазирлар Маҳкамаси:

☑️ муомалада бўлиши чекланган прекурсорларни сотиб олувчиларнинг ва улардан якуний фойдаланувчиларнинг реестрини юритиш тизими жорий этилишини таъминлаши;
☑️ прекурсорларнинг ишлаб чиқарилиши, тайёрланиши ва реализация қилиниши устидан назорат механизмларини кучайтириш чораларини кўриши;
☑️ ҳукумат қарорларини ушбу Қонунга мувофиқлаштириши;
☑️ давлат бошқаруви органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминлаши белгиланди.

@farmhuquq


Forward from: Uzpharmcontrol
​​Кам учрайдиган касалликларни даволаш учун мўлжалланган дори воситалари рўйхати кенгайтирилди

ССВ кам учрайдиган касалликларни даволаш учун мўлжалланган орфан дори воситалари рўйхатини янгилади (рўйхат рақами 3258-3, 12.09.2022 й.).
 
Аввалги версиясига нисбатан рўйхат 171 позициядан 176 позициягача оширилган.
 
Янгиланган рўйхатга блинитумомаб, акалабрутиниб, помалидомид, экулизумаб препараратлари шунингдек, антимикробли гидрогель боғлами мирамистин қўшилган.

Маълумот ўрнида, «Дори воситалари ва фармацевтика фаолияти тўғрисида»ги қонуннинг 24-моддасига мувофиқ, Орфан дори воситалари ҳамда орфан касалликларга ташхис қўйишда ва уларни даволашда қўлланиладиган тиббий буюмлар импорти, ўта хавфли инфекциялар, шунингдек эпидемиологик жиҳатдан хавф туғдирадиган инфекциялар профилактикасида, уларга ташхис қўйишда ҳамда уларни даволашда қўлланиладиган, Ўзбекистон Республикаси Соғлиқни сақлаш вазирлигининг буюртмаси бўйича импорт қилинадиган дори воситалари ва тиббий буюмлар ҳамда тиббий техника импорти давлат рўйхатидан ўтказилмаган ҳолда амалга оширилиши мумкин.

@uzpharmcontrol


Forward from: Uzpharmcontrol
​​🔔 Биласизми?

Референт нарх шакллантириш тизими доирасида дори воситалари нархларини қайд этиш тартиби йўлга қўйилган бўлиб, маълумотлар Фармацевтика тармоғини ривожлантириш агентлигининг расмий сайтида юритилаётган реестрга жойлаб борилмоқда.

Ҳозирда (2022 йилнинг 1 октябр ҳолатига кўра) Ўзбекистон Республикаси ҳудудида тиббиёт амалиётида фойдаланиш учун рухсат этилган ва Uzpharminfo.uz ахборот тизимига савдо номи, дозаси, шакли ва қадоқдаги сонини ҳисобга олган ҳолда киритилган дори воситаларининг умумий миқдори 32989 тани ташкил этади.

Маълумот учун, 2020 йилдан то бугунги кунга қадар 11300 та савдо номдаги дори воситаларининг чекланган улгуржи ва чакана нархлари қайд этилган.

Шу билан бирга, Асосий дори воситалари рўйхатидаги 4645 та дори воситаларига ҳам чекланган нархлар қайд этилди.

@uzpharmcontrol


Forward from: Uzpharmcontrol
#Қонунчиликдаги_янгиликлар

Божхона божларидан озод этиладиган товар позициялари рўйхати тасдиқланди

Ўзбекистон Республикаси Президентининг 2022 йил 21 январдаги “2022 — 2026 йилларда Республиканинг фармацевтика тармоғини жадал ривожлантиришга оид қўшимча чора-тадбирлар тўғрисида”ги ПФ-55-сон Фармонида 2025 йил 1 январга қадар божхона божларидан озод этиладиган товар позициялари рўйхати Вазирлар Маҳкамаси томонидан тасдиқланиши қайд этилган бўлиб, шунга мувофиқ Ҳукумат томонидан имзоланган рўйхатга қуйидагилар киритилди:

☑️ 344 номдаги дори воситалари (шу жумладан, дорихонада тайёрлаш), тиббий буюмлар ва қадоқлаш материалларини ишлаб чиқариш учун ишлатиладиган хом ашё ва материаллар;

☑️ 153 номдаги технологик ва лаборатория ускуналари, уларнинг бутловчи ва эҳтиёт қисмлари;

☑️ Фармацевтика ишлаб чиқариш бинолари учун «тоза хоналар», сендвич-панеллар ва вентиляция тизимлари;

Имтиёз берилган позициялар батафсил рўйхати билан бу ерда танишиш мумкин.

Ҳужжатда кўрсатилган ТИФ ТН кодлари товарларни божхонада расмийлаштиришда белгиланади.

☝️ Эслатиб ўтиш жоиз, имтиёзларни қўллаш натижасида озод этиладиган, тасдиқланган рўйхат бўйича олиб келинадиган воситалардан муайян мақсадга мўлжалланмаган йўналишда фойдаланилган тақдирда, ушбу воситалар тўлиқ ҳажмда Давлат бюджетига ундирилади, ҳуқуқбузарларга нисбатан жарима чоралари қўлланилади.

@uzpharmcontrol


Forward from: Uzpharmcontrol
19 турдаги 117923 ўрам фармацевтика маҳсулотларига мувофиқлик сертификати берилиши рад этилди

Фармацевтика тармоғини ривожлантириш агентлиги ҳузуридаги «Дори воситалари, тиббий буюмлар ва тиббий техника экспертизаси ва стандартлаштириш Давлат маркази»нинг Тиббий маҳсулотларни сертификатлаштириш марказий органи жорий йилнинг июль-август ойларида сертификатлаштириш жараёнида номувофиқлиги аниқланган фармацевтика маҳсулотлари тўғрисида маълумот берди.

Давлат марказининг Тиббий маҳсулотларни сертификатлаштириш марказий органига бўлган мурожаатлар асосида юртимизда ҳамда Хитой, Ҳиндистон, Словакия, Австрия ва Покистон давлатларида ишлаб чиқарилган 19 турдаги 117923 ўрам, қиймати 6085006 минг сўм бўлган фармацевтика маҳсулотлари (батафсил рўйхат) қўллаш учун яроқсиз деб топилиб, сертификатлаштирилиши рад этилди.

☑️ Маълумот учун, «Мувофиқлик сертификати» — сертификатланган маҳсулотнинг белгиланган талабларга мувофиқлигини тасдиқлаш учун сертификатлаштириш тизими қоидаларига биноан берилган ҳужжат ҳисобланади.

Хурматли юртдошлар! Дори воситаси, тиббий буюм ва тиббий техниканинг номи, Давлат рўйхатидан ўтган рақами, чиқарилган шакли, ишлаб чиқарган мамлакат, мувофиқлик сертификат берилган сана ва бошқа тегишли маълумотларни Дори воситалари, тиббий буюмлар ва тиббий техника экспертизаси ва стандартлаштириш Давлат маркази расмий веб сайтидан олишингиз мумкин.

Эслатиб ўтамиз, “Махсус электрон тизим орқали айрим фаолият турларини лицензиялаш тартиби тўғрисида”ги ягона низом (рўйхат рақами 80-сон 21.02.2022) га кўра, дори воситалари ва тиббий буюмларни мувофиқлик сертификатларисиз сақлаш ва (ёки) реализация қилиш, Ўзбекистон Республикасида рўйхатдан ўтказилмаган, сифатсиз, қалбакилаштирилган дори воситаларини ва тиббий буюмларни, шунингдек, Ўзбекистон Республикасида рўйхатдан ўтказилган дори воситаларининг ғайриқонуний нусхаларини сақлаш ва (ёки) реализация қилиш - фаолият учун берилган лицензиянинг амал қилиши белгиланган тартибда тўхтатилишига олиб келадиган, лицензия талаблари ва шартларини қўпол равишда бузилиши ҳисобланади!

@uzpharmcontrol


Forward from: Uzpharmcontrol
#Қонунчиликдаги_янгиликлар

Фармацевтика маҳсулотларини сертификатлаштириш қоидалари тасдиқланди

Фармацевтика маҳсулотларини сертификатлаштириш қоидалари Адлия вазирлигида давлат рўйхатидан ўтказилди (рўйхат рақами 3386, 12.09.2022 й.).

✅ Мазкур қоидаларга кўра, фармацевтика маҳсулотларини сертификатлаштириш аккредитация қилинган сертификатлаштириш органлари томонидан амалга оширилади.

✅ Фармацевтика маҳсулотларини сертификатлаштириш учун аризачи электрон шаклдаги ариза ҳамда унга илова қилинадиган ҳужжатлар “Ягона дарча” божхона ахборот тизими орқали сертификатлаштириш органларига юборади.

✅ Сертификатлаштириш органлари 2 кунда аризани кўриб чиқиб сертификатлаштиришни ўтказиш тўғрисида қарор қилади ёки аризачига рад этилганлиги тўғрисида асослантирилган хулоса беради.

Сертификатлаштириш қуйидаги ҳолларда рад этилади:

🔘 аризада маълумотлар тўлиқ кўрсатилмаганда ва (ёки) аризага илова қилинган ҳужжатлар тўлиқ тақдим этилмаганда;
🔘 сертификатлаштириш учун тақдим этилган фармацевтика маҳсулоти давлат рўйхатидан ўтказилмаганлиги аниқланганда;
🔘 сертификатлаштириш учун тақдим этилган фармацевтика маҳсулоти қалбакилаштирилганлиги аниқланганда.

✅ Сертификатлаштиришни ўтказиш тўғрисида қарор қабул қилингандан бошлаб 2 кунда сертификатлаштиришни ўтказиш учун фармацевтика маҳсулотлари сақланаётган жойга чиққан ҳолда намуналарни идентификация қилиш ва танлаб олиш ишлари амалга оширилади.

✅ Фармацевтика маҳсулотларини сертификатлаштириш натижалари бўйича тўпланган ҳужжатлар сертификатлаштириш органининг фармацевтика маҳсулотини сертификатлаштиришда иштирок этмаган холис ходимига тақдим этилади.

✅ Холис ходим (техник қўмита) сертификатлаштириш натижалари бўйича тўпланган ҳужжатларни 1 кун ичида кўриб чиқади ҳамда мувофиқлик сертификатини бериш ёки уни беришни рад этиш тўғрисида қарор қабул қилади.

@uzpharmcontrol


Озишда ёрдам бериши айтилаётган “FATZORB PLUS Natural Fat&Carbo Binder” маҳсулотидан огоҳ бўлинг!

ССВ ҳузуридаги Фармацевтика тармоғини ривожлантириш агентлиги “Cемириш, ҳомиладорликдан кейинги семириш ва қорин осилишлари, ортиқча овқатланиш, гармонал бузилишлар рўй берганда ортиқча вазн билан курашишнинг энг хавфсиз ва самарали воситаларидан бири” дея интернет тамоқларида сотилаётган “FATZORB PLUS Natural Fat&Carbo Binder” маҳсулотидан огоҳ бўлишга чақиради!!!

Таркиби 100% табиий гиёҳлардан тайёрланган, организмга ҳеч қандай зарари йўқ маҳсулотлиги айтилиб сотилаётган ушбу маҳсулот таркибида кучли таъсир қилувчи сибутрамин (!) моддаси борлигини билаcизми?

Ҳуқуқни муҳофаза қилувчи органлар томонидан ўтказилган тезкор тадбирларда Ўзбекистон Республикаси ҳудудига ноқонуний йўллар билан кириб келган ва ашёвий далил сифатида олинган “FATZORB PLUS Natural Fat&Carbo Binder” маҳсулоти таркибида (Адлия вазирлиги ҳузуридаги Х.Сулаймонова номидаги Республика суд экспертизаси маркази хулосасига кўра) сибутрамин моддаси мавжудлиги аниқланган.

Юқоридаги ҳолат бўйича Ҳуқуқни муҳофаза қилувчи органларнинг “FATZORB PLUS Natural Fat&Carbo Binder” маҳсулотининг таркиби ва миқдорини қайта экспертизадан ўтказиш мақсадида Фармацевтика тармоғини ривожлантириш агентлигига (Республика суд экспертизаси маркази хулосаси илова қилинган ҳолда) йўллаган мурожаатига мувофиқ, Агентлик ҳузуридаги Давлат марказида қайта лаборатория таҳлиллари амалга оширилди.

Давлат марказининг Дори воситалари сифатини назорат қилиш ва стандартлаштириш лабораторияси эксперти хулосасидаги маълумотга кўра, капсулаларда сибутрамин гидрохлорид моногидрат моддаси борлиги аниқланди.

Таъкидлаш жоиз, сибутрамин Вазирлар Маҳкамасининг 2019 йил 27 сентябрдаги “Ўзбекистон Республикасида кучли таъсир қилувчи моддалар муомаласини тартибга солиш тўғрисида”ги 818-сон қарори билан тасдиқланган Кучли таъсир қилувчи моддалар рўйхатига киритилган. Лекин таркибида сибутрамин моддаси мавжуд бўлган “FATZORB PLUS Natural Fat&Carbo Binder” маҳсулоти дори воситаси сифатида Ўзбекистон Республикасида давлат рўйхатидан ўтказилмаган. Шунингдек бу маҳсулот ССВнинг Хавфсизлик параметрлари бўйича экспертизадан ўтказилган биологик-актив озуқа қўшимчалари (БФҚ) рўйхатида ҳам мавжуд эмас!

Амалдаги тартибга кўра, таркибида кучли таъсир қилувчи моддалар мавжуд бўлган дори воситаларини рецепт бўйича чакана реализация қилиш тартибини бузганлик учун қонунчилигимизда маъмурий ва жиноий жавобгарлик белгиланган.

ССВ ҳузуридаги Фармацевтика тармоғини ривожлантириш агентлиги Ҳуқуқни муҳофаза қилувчи органларнинг “FATZORB PLUS Natural Fat&Carbo Binder” маҳсулотининг таркиби ва миқдорини экспертизадан ўтказиш мақсадида йўллаган мурожаатига жавобан тегишли экпертиза хулосаларини тақдим қилганлигини маълум қилади.

Ҳурматли юртдошлар, ўз саломатлигингизга беэътибор бўлманг!

@farmhuquq


​​⚡️ #Тезкор

COVID-19'ни даволашда қўлланиладиган дори воситалари ва тиббий буюмлар импортига берилган имтиёзлар муддати узайтирилди

Республика махсус комиссияси қарорига мувофиқ, Вазирлар Маҳкамасининг “Коронавирус пандемияси даврида дори воситалари, тиббий буюмлар ва тиббий техникалар муомаласини тартибга солишга доир чора-тадбирлар тўғрисида” 2020 йил 22 июлдаги 449 - сон қарорининг 1 - бандига мувофиқ, айрим дори воситалари ва тиббий буюмлар импорт қилинганда, уларни давлат рўйхатидан ўтказмасдан, 5 кун муддатда сертификатлаштириш (фақат айрим кимёвий таҳлилларни ўтказган ҳолда) асосида божхона расмийлаштирувини амалга ошириш тартибининг амал қилиш муддати Соғлиқни сақлаш вазирлиги ва Фармацевтика тармоғини ривожлантириш агентлигининг қўшма хулосасига кўра, 2022 йилнинг 1 апрель санасига қадар узайтирилди.

@farmhuquq


⚡️ Расмий муносабат

Ижтимоий тармоқларда дорихоналарда ўтказилган тезкор рейдлар натижасида «Йодомарин», «Кардиомагнил» ва «Нимесил» дориларининг қалбаки турлари аниқланганлиги ҳақида хабарлар тарқалмоқда.

“МЕР Кардимагнис”, “Нимесул” ва “Йодо-Нарим” дори воситаларининг сифати борасида билдирилган хавотирли фикрлар юзасидан Фармацевтика тармоғини ривожлантириш агентлиги қуйидагиларни маълум қилади.

☑️ Айтиб ўтиш лозимки, Ўзбекистон Республикасининг 2016 йил 4 январда тасдиқланган "Дори воситалари ва фармацевтика фаолияти тўғрисида"ги Қонунига кўра:

Дори воситалари, тиббий буюмлари ва тиббий техниканинг тиббиёт амалиётида қўлланилишига, қоида тариқасида, улар давлат рўйхатидан ўтказилганидан кейин рухсат этилади (12-модда);

Маълумот учун: “МЕР Кардимагнис”, “Нимесул” ва “Йодо-Нарим” дори воситалари белгиланган тартибда давлат рўйхатидан ўтган.

Фармацевтика фаолиятининг дори воситаларини ҳамда тиббий буюмларни ишлаб чиқариш йўналишлари белгиланган тартибда бериладиган лицензия асосида амалга оширилади (15-16-моддалар);

Маълумот учун: “МЕР Кардимагнис”, дори воситасини ишлаб чиқарган «Меrrymed farm» МЧЖ, “Нимесул” дори воситасини ишлаб чиқарган "Dentafill Plyus" МЧЖ, “Йодо-Нарим” дори воситасини ишлаб чиқарган “Malika Laboratories” МЧЖ компаниялари фармацевтик фаолият учун лицензия берилган корхоналар рўйхатида мавжуд.

Шунингдек, Вазирлар Маҳкамасининг 2021 йил 30 январдаги 43-сон қарорига мувофиқ, фармацевтика маҳсулотлари Техник жиҳатдан тартибга солиш соҳасидаги норматив ҳужжатлар талабларига мувофиқлиги тасдиқланиши мажбурий бўлган маҳсулот ҳисобланиб, “МЕР Кардимагнис”, “Нимесул” ва “Йодо-Нарим” дори воситалари Фармацевтика тармоғини ривожлантириш агентлигининг Дори воситалари, тиббий буюмлар ва тиббий техника экспертизаси ва стандартлаштириш давлат маркази томонидан ўрнатилган тартибда сертификатлаштириш мақсадида синовлардан ўтказилган ва сифатини тасдиқловчи мувофиқлик сертификати расмийлаштирилган.

Юқоридагилардан келиб чиқиб, Фармацевтика тармоғини ривожлантириш агентлиги тегишли қонун хужжатларига асосан, “МЕР Кардимагнис”, “Нимесул” ва “Йодо-Нарим” дори воситалари:

☑️ Фармацевтика маҳсулотларини ишлаб чиқариш фаолияти учун берилган лицензияга эга корхона томонидан ишлаб чиқарилганлиги;

☑️ Белгиланган тартибда Давлат рўйхатидан ўтказилиб “Тиббиёт амалиётида қўлланилишига рухсат этилган дори воситалари, тиббий буюмлар ва тиббий техника Давлат реестри”га киритилганлиги;

☑️ Аккредитациядан ўтган сертификатлаштириш органлари томонидан тегишли лаборатория синовларидан ўтказилиб, мувофиқлик сертификатига эга бўлган маҳсулот эканлигини ва бу дори воситаларининг сифати борасида юртдошларимиз хавотирга тушмасликлари кераклигини билдиради.

@Farmhuquq


​​Биласизми? Ўзбекистон Республикаси Президентининг 2020 йил 27 мартдаги ПҚ-4662-сон қарорига мувофиқ:

☑️ Давлат солиқ қўмитаси, Давлат божхона қўмитаси ва Монополияга қарши курашиш қўмитаси томонидан дори воситалари, тиббий буюмлар, тиббий техника, уларни ишлаб чиқариш учун ишлатиладиган материаллар ва субстанциялар, энг зарур товарлар нархлари устидан кунлик мониторинг ўтказишни таъминлаш ҳамда уларнинг нархларини сунъий ошириш, сунъий танқислик ва юқори талабни вужудга келтиришга йўл қўймаслик устидан қатъий назорат ўрнатиши белгиланган.

@Farmhuquq


​​#Қонунчиликдаги_янгиликлар

Ўзбекистон Республикасининг 2021 йил 12 октябрдаги ЎРҚ-721-сонли қонуни 11-модда 7-бандига асосан, "Дори воситалари ва фармацевтика фаолияти" тўғрисидаги қонунга янги "21¹-модда. Офтальмология тиббий буюмларининг чакана реализацияси (оптика) бўйича фаолият" моддаси қўшилди. Унга мувофиқ:

✅ Офтальмология тиббий буюмларининг чакана реализацияси (оптика) бўйича фаолият ваколатли органни мазкур фаолиятни бошлаганлик тўғрисида белгиланган тартибда хабардор қилган ҳолда юридик шахс ёки юридик шахснинг таркибий бўлинмаси шаклидаги оптикани (офтальмология тиббий буюмларини реализация қилиш пункти) ташкил этиш орқали амалга оширилиши мумкин. Оптиканинг филиаллари ва даволаш-профилактика муассасаларининг оптикаси ҳам оптика тоифаси жумласига киради.

✅ Дори воситаларини ва тиббий буюмларни чакана реализация қилиш учун лицензияга эга бўлган юридик шахслар томонидан офтальмология тиббий буюмларининг чакана реализацияси (оптика) бўйича фаолиятни амалга ошириши учун ваколатли органни хабардор қилиш талаб этилмайди.

Оптиканинг ва оптика филиалларининг мудирлари олий ёки ўрта махсус фармацевтика маълумотига эга бўлиши керак.

Офтальмология тиббий буюмларининг чакана реализацияси (оптика) бўйича фаолият офтальмология тиббий буюмларини тайёрлаш, бериш, реализация қилиш қоидаларига ва уларнинг сифатини таъминловчи сақлаш шароитларига мувофиқ амалга оширилиши керак.

Офтальмология тиббий буюмларининг чакана реализацияси (оптика) бўйича фаолият санитария қоидалари, нормалари ва гигиена нормативлари талабларига риоя этган ҳолда амалга оширилиши керак.

@Farmhuquq

20 last posts shown.

632

subscribers
Channel statistics