Шайх Фаридуддин Аттор (қуддиса сирруҳу) 🌸

ИХЛОС СУРАСИНИНГ ФАЗИЛАТИ

Эй, фарзанд!
Ихлос сурасини кўп ўқиш керак. Ихлос сураси ҳақида Пайғамбаримиз (соллаллоҳу алайҳи васаллам) шундай дейдилар:

“Маҳшар майдонида бир жарчи шундай жар солади:
«Аллоҳни кўп зикр этганлар, Ихлос сурасини кўп ўқиганлар бери келинглар!» Шундай кишилар олдинга чиқадилар.

Фаришталар уларга шундай дейдилар:

«Дунёда Аллоҳни кўп зикр этиб, Ихлос сурасини кўп ўқирдингиз, шунинг барокати билан кечирилдингиз. Қани, ҳақингиз, жаннатга киринг!»

Эй, фарзанд!
Абу Ҳурайра (розияллоҳу анҳу) ривоятига кўра, Расулуллоҳнинг (соллаллоҳу алайҳи васаллам) ёнларида бир киши Ихлос сурасини ўқиди. Бир пайт Пайғамбаримиз (соллаллоҳу алайҳи васаллам) «Важабат» дедилар. Бу — «вожиб бўлди», деганлари. Бир саҳоба: «Вожиб бўлган нима? Ё Расулуллоҳ?!» (соллаллоҳу алайҳи васаллам) деб сўраганида Пайғамбаримиз (соллаллоҳу алайҳи васаллам) «Жаннат» дея марҳамат этдилар: «Ихлос сурасини ихлос билан, ишонч билан ўқиган киши муҳаққақ жаннатга киради».

Бу суранинг фазилати кўп.

Жобирдан (розияллоҳу анҳу) қилинган ривоятга кўра, Расулуллоҳ (соллаллоҳу алайҳи васаллам) шундай дейдилар:

“Бир фаришта кўкка чиқаётиб, иккинчиси кўкдан ерга тушаётиб бир пайт орада учрашиб бири иккинчисига шундай деди:

«Иллийнга (жаннат) шундай бир амал элтдимки, бундай амални шу пайтгача олиб чиқмагандим». Буни эшитган фаришта сўради:

У қандай амал эди?
Бир киши Ихлос сурасини ўқиди, шу амални элтдим, — деди фаришта.
Аллоҳ у кишини қандай мукофотлади?
Ўша банданинг барча гуноҳларини кечириб, ўрнига шунча савоб ёзади”.

Эй, фарзанд!
Ихлос сурасини «Бисмиллоҳ» билан минг марта ўқиган тиш оғриғидан қутилиши ривоят этилган. Муҳаммад ибн Фазл дейдиларки:

“Бир кун тишим жуда қаттиқ оғриди. Тушимда минг марта Ихлоси шарифни ўқишим билдирилди. Бир оз ўтди. Кетидан яна туш кўрдим. Бу гал «Бисмиллоҳ» билан ўқишимни айтдилар. Айтилганидек адо этдим. Ва бундан сўнг бир марта ҳам тишим оғримади”.

Имом Ғаззолий "Эй фарзанд" китобидан.

@fariduddin_attor🌸

@AliNasimiy канали админи биз билан боғлансангиз

#РАМАЗОН_ШУКУҲИ
  Аллоҳим Қодир!
Аллоҳим етказгучидир!
Ўзига беҳисоб шукрлар бўлсин.
   У буюк Зот Ўзи яратган осмонини ҳар йўсинда намоён этгучидир. Мадинаи Мунаввара, Маккаи Мукаррамада қушдай енгил руҳингиз нигоҳи ила осмонга боқиб кўрганмисиз?
Ул муқаддас маконлар осмони заминга шу қадар яқинки, қўл узатсангиз етгудай.
Ул муқаддас маконлар осмони шу қадар кенг, шу қадар нурга чўлғанганки, у ерда қалб ана шу нур чашмасидан ҳузурланади.Зарралар миқдори қадар ҳузур ичра Илоҳий ишқ сурурини туяди.

Ул муқаддас маконларда Рамазон шукуҳи бутун борлиғингизни ўраб олганми?
Сабру қаноатингиз оромини ҳис этганмисиз?
Моҳи Рамазонда Аллоҳ ихтиёри ила, ана шу маконларда ибодат қилиш шарафига етган бандаси саодатмандлар ичра саодатманд бўла олур.
У саодатманд инсон, шукроналик туйғуси қалбда улуғворлик кашф этишига ана шу қутлуғ кунларда гувоҳ бўлур.

Ул муқаддас маконларда Қадр тунини кутиб олишга муяссар бўлганмисиз?
У кундаги издиҳом ичра Аллоҳга таваккул қилиб қадам босишингиз, қалбингиз само сарҳадларига кўтарилган онлар энг гўзал онларингиздир.
Бу тунни авф умиди ила ибодатда ўтказа олишингиз саодатини насиб айлагани, вужудингизу руҳингиз етган асл мукаррамликдир.
Рамазон ила, Қадр туни ила зиёратингиз мақомини улуғлагани азизлик шарафингиздир.

Аллоҳ Қодир!
Аллоҳ етказгучи!
Илоҳи, ҳар бандасини муқаддас маконларини зиёрат этиш шарафига етказсин. Амийн!
Нилуфар Иброҳимова