Fargʻona tumanida “Xalqqa yordam-oliy qadriyat” shiori ostida kouching tadbiri o‘tkazildi

Fargʻona tumanidagi 24-sonli oʻrta taʼlim maktabida tuman “Inson” ijtimoiy xizmatlar markazi tomonidan tayyorlangan “Xalqqa yordam – oliy qadriyat” shiori ostidagi kouching tadbiri o‘tkazildi.

Tadbir ijtimoiy himoya tizimi xodimlari va fuqarolar o‘rtasida samarali muloqot o‘rnatish, aholining ijtimoiy himoyaga oid muammolarini hal etishda yangicha yondashuvlarni joriy etish maqsadida bo‘lib o‘tdi.

“Xalqqa yordam – oliy qadriyat” shiori ostida bo‘lib o‘tgan tadbirda “Inson” ijtimoiy xizmatlar markazining mas’ullari, mahallalarda faoliyat olib borayotgan ijtimoiy xodimlar hamda mahallalardan kelgan fuqarolar ishtirok etishdi.

Qiziqarli trening va o‘zaro savol-javoblarni o‘zida jamlagan kouchingda ishtirokchilarga tizimdagi yangiliklar, aholining ijtimoiy himoyaga muhtoj qatlami uchun yaratilayotgan qulayliklar va inson qadrini ulug‘lashga xizmat qiluvchi islohotlar samarasi xususida tushunchalar berildi. Shuningdek, ishtirokchilarga "Inson" ijtimoiy xizmatlar markazi tuman boʻlimi tomonidan esdalik sovgʻalari topshirildi.


✈️ Sayt | Telegram | Facebook | Instagram | YouTube | X | Threads | WhatsApp | BiP