Qachon yutib olsam sayohat qilaman, qachon kimdir qilib bersa uyim bo’ladi, o’qishga kirgizishsa o’qiman, qachon giv konkursda yutib olsam mashinam bo’ladi va hk… Unda “Hech qachon” degan javobga tayyor turing.
Hatto konkurslarda yutish ham harakatni talab qiladi. Maqsadlar harakatni, mas’uliyatni, mehnatni talab qiladi, harakat qilmas ekansiz, hech narsa o’zgarmaydi yoki nolib yashashda davom etasiz. G’oliblar hech qanday bahonalarni qabul qilmaydi, maqsadi aniq mehnatkash inson hech qanaqa qiyinchilikka qaramasdan maqsadi yo’lida davom etadi, tashqi bahonalar ta’sir qilmaydi.
Siz meni tushunmaysizda menga qiyiiin deyishingiz mumkin, juda yaxshi tushunaman, sizdan-da qiyin vaziyatlarni bosib o’tganman, siz shunchaki pozitsiyangizni o’zgartirmagansiz,boshqalardan kutyapsiz, harakat qilgingiz kelmayapti.
Hozir aksariyat qizlar hatto yigitlarga juda katta talab qo’yadi: oyiga 10 ming dollar topsin, mashinasi zo’r bo’sin, alohida uyi bo’lsin, chet ellarga oborsin. Buni qoralamayman, hamma yaxshi sharoit, chiroyli hayotni xohlaydi. Lekin, kechirasiz-u siz shunga loyiqmisiz? Dadangizning qanday mashinasi bor? O’zingiz shunday yigitlarning talablariga javob berolasizmi? Shunchaki tayyorga “ayyor” bo’lib boradiganlar ko’p. Lekin u inson bilan bir oila, bir ruh bo’lish, og’ir kunlarida qo’llab-quvvatlash, hayotning past-u balandligidan birga o’tish yanayam juftliklarni jipslashtiradi, manfaat uchun qurilgan munosabatlar esa ana shunday kunlarda tugaydi)
Yo’q-yo’q, bularni xohlamang demayapman, albatta xohlang, dinimizda ham ayolni ta’minlash erkaklarimiz zimmasiga yuklatilgan, aytmoqchimanki, shu narsalarga o’zingiz ham loyiq bo’ling, masalan endigina karyerasini qurayotgan yigitni “mashinasi yo’qligi yoki siz xohlagan nimadiri bo’lmagani uchun rad qilish” to’g’ri deb o’ylamayman. Rizq Allohdan va muhimi u yaxshi insonligi, qadriyatlari, qilayotgan harakati.
Aytmoqchi bo’lganim, hamma narsani boshqalardan kutish: kimdir manga olib bersin, sovg’a qilsin, qilib bersin, yutib olay, hamma narsa tayyor bo’lsin degan fikrlar dangasa, jabrdiyda pozitsiyasidagi insonlarga xos. Yordam faqat Allohdan so’raladi, rizqni Alloh beradi va harakat ham kerak. Boshqalardan kutar ekansiz, hech narsaga erishmasdan nolib o’tirishda davom etasiz, o’zingiz uchun harakat qilish, mehnat qilish vaqti keldiiii, nolib o’tirgandan foyda yo’q, siz nolib o’tirganingizda esa boshqalar harakat qilib maqsadiga erishyapti, hamma narsa Allohdan, lekin olma pish, og’zimga tush deb yotishdan foyda yo’q, xulosa o’zingizdan)
(Bu fiklar hammaga tegishli emas, kanalimizda aqlli, o’qimishli, adekvat fikrlaydigan qizlar juda ko’p)
Bu borada sizning fikrlaringiz qanday?
