Продам канал с доходом 138090

Всего за 55 000. Срочно нужны деньги.

TGStat Bot

Bot to get channel statistics without leaving Telegram

SearcheeBot

Your guide in the world of telegram channels

Statistics Favorites

Hayot falsafasi 🍃

@FALSAFASI_HAYOT

Channel's geo and language: Uzbekistan, Uzbek

Category: Quotes

Ҳаётда ҳеч нарса тасодиф эмас. Сиз айнан керакли вақтда, керакли жойдасиз!
📚 «Ҳаёт фалсафаси» - Ҳаёт ўргатади, лекин биз билан тезроқ.!
✅ Реклама: @manfaatli_reklama
🌿 Моҳинур ))

Related channels | Similar channels

Channel's geo and language

Uzbekistan, Uzbek

Category

Quotes

Statistics

Posts filter

Hide deleted

Hide forwards

Hayot falsafasi 🍃

24 Mar, 14:08

📝🌿 Halollikning mukofoti...

Makkada haj ibodatini ado qilayotgan edim" deb so‘z boshladi bir muslim...
-Men, qimmatbaho olmos (brilliant) shodasini topib oldim. Olmos shodasida qizil yaltiroq ip ham bor edi. Men olmosni olib, topgan joyimda "kim qimmatbaho tanqinchok yo‘qotdi.?" deb uzoq vaqt baqirdim. Ammo hech kimdan sado chiqmadi...
- Oradan bir kun o‘tib, kimdir olmos shodasini qidirayotgani va topgan odamga katta pul suyunchi berilishini eshitib qoldim. Men shoshilib olmos egasini topishga oshiqdim.
- Olmos shodasini egasiga topshirdim. Ular menga pul taklif qildilar. Men pulni olishga rozi bo‘lmadim.
"Pul o‘rniga meni duo qiling" - deb, duo so‘radim...
- Haj ibodatini tugallab vatanimga jo‘nadim.Yo‘lda charchab, och nahor holda bir shaharda to‘xtadim. Ramazon oyining birinchi kuni edi, masjidga kirib namoz o‘qidim. Masjidga yig‘ilganlar meni musofir va iftorlikka yeguligim yo‘qligini payqab, taomlantirdilar... Ular erta tong meni masjidda imomlik qilishimni iltimos qilishdi. Masjid imomi olamdan o‘tgan ekan... Men Alloh uchun rozi bo‘ldim. Ramazon oyida o‘sha masjidda qolib ketdim... Kunlarning birida, mahalla oqsoqollari qazo qilgan imomning yagona qizi qolganligi, meni u qizga uylanib o‘sha shaharchada qolishimni iltimos qilishdi...
- Men rozi bo‘ldim. Allohni taqdiri va qudrati bilan muslimani nikohimga oldim.
Oradan bir yil o‘tib, o‘g‘ilchalik bo‘ldik. Bir kuni ayolim namozdan so‘ng duo qilib yig‘layotgani ustiga kirib qoldim.
- Ne ko‘z bilan ko‘rayki, qo‘lida men o‘sha Makkada topib olgan qizil ipli olmos shodasi turar, va otasini xaqqiga yig‘lab duo qilar edi..
- Men ayolimga olmos shodasi haqidagi voqeani aytib berdim..
Muslima yig‘lab, dedi:...
- "Otam toki joni xalqumiga kelguncha, xasta holatida Allohdan so‘rar edilar.
"Allohim, yagona qizimga Makkadagi olmosni topib olgan yigit kabi iymonli kuyov yubor” – deb duo qilgandi.
Alloh duolarimizni eshitguvchi yagona zotdir. Mehribon, rahimli va buyuk qudrat sohibi Allohga xamdu sanolar bo‘lsin.

@falsafasi_hayot 🍃

1.9k 0 13 40

Hayot falsafasi 🍃

24 Mar, 11:29

🔠🔠🔠🔠🔠🔠🔠🔠🔠🔠

🔠🔠🔠🔠🔠🔠🔠

PROFIL UCHUN ENG ORIGINAL RASMLARNI AYNAN SHU KANALDAN TOPASIZ.

🧕❤️🌹🧕❤️❤️🧕🧕🧕🧕🧕🧕

KANALGA KIRISH

🖤🖤🖤🖤🖤🖤🖤🖤🖤

6.9k 0 1

Hayot falsafasi 🍃

23 Mar, 17:59

✒️💔 Ziqna zaqqum...

(Bo‘lgan voqea)

Kiyimlarining oxori to‘kilib, eskirib ketgan ayol, eriga yolvordi: "Jon adasi, iltimos... Bozorga olib tushing. Ustimga u-bu narsa olib bering. Kiyimlarim eskirib, ilma-teshik bo‘lib ketdi. Kiygani uyaladi odam. Rosayam vilyur xalat kiygim kelyapti. Olib beraqoling iltimos, jon adasi..."
Necha oydan beri eriga yalinadi. Ziqna, qurumsoq eri o‘ziga olsa oladiyu ayoliga qaramaydi. Uning ayoliga qarab, aytadigan bir shiori bor: "Erkak ko‘chaniki... Doim o‘ziga qarab yurishi kerak. Ayol uyniki... Ayolga shart emas har xil qilib kiyinib...Boringni kiyib yuraver!"
Og‘ir ishlarni hammasini ayoliga qildiradi. Ayolning vazifasi deb biladi. Ayolning yuki yengillashsa, boshga chiqadi deb o‘ylaydi. Shundan qo‘rqib, ayolini tindirmaydi. Erning qo‘liga qaragan inson, uning hech mehnat qilmasligini yaxshi anglaydi. Qo‘li huddi go‘zallik salonidan chiqqan hurliqoning qo‘liga o‘xshaydi.

Oylar o‘tib, erini bozorga ko‘ndirgan ayol, harxasha qila-qila muzqaymoqqa yetishgan boladek hursand...
Oldirdi...Vilyur ko‘ylak oldirdi. Hursand bo‘lib ketganidan: "Adasi Alloh rozi bo‘lsin. Pulingizni barakasini bersin," dedi quvonib. Er: "Afiristlik qilmasdan tez-tez yur. Yaxshi gapirib yana u-bu narsa oldirmoqchi bo‘lsang xomtama bo‘lma...", dedi qadamini tezlatib.
Erining orqasidan pildillagancha yurib ketar ekan, ko‘zi kabobga tushib, yutinib qo‘ydi. Uydan chiqarkan o‘zicha hayol qilgandi..."yaxshi gapirib, kabobgami, lavashgami ko‘ndiraman. Er-xotin gaplashiib mazza qilib, o‘tirib yeymiz", deb. Eriga hech narsa deyolmadi.
Uyga kelgach bir kun avvalgi moshxo‘rdasini isitarkan, eri oshxonaga mo‘ralab: "Menga ovqat tayyorlama. Bugun o‘rtoqlarim bilan kabobxo‘rlik qilamiz. Birozdan so‘ng ketaman", dedi ayoliga kiyim olib berib, katta ishni qoyillatgan erkakdek. Ayol yig‘lagudek bo‘ldiyu sekingina "xop", dedi. Bolalari bilan o‘tirib,
ovqatlanarkan o‘pkasi to‘ldiyu sabr bilan ko‘z yoshini ichiga yutdi...

@falsafasi_hayot 🍃

11.6k 0 32 174

Hayot falsafasi 🍃

23 Mar, 17:41

01:32

Video is unavailable for watching

Show in Telegram

Тикувчиликни бепул ўрганишни хохлайсизми? 😍

Бугун сизлар учун ажойиб янгилигим бор😍

🥳Бунақа янгиликни ҳеч қаердан эшитмагансиз!

😍Профессионал устозлардан талим олиш, амалий дарслар ва бепул билимлар эгаси бўлишни хохласангиз ҳозироқ пастдаги ҳавола орқали қўшилиб олинг!!!👇👇👇

👉https://t.me/DinaraTurayevabepulvebinar/1548
👉https://t.me/DinaraTurayevabepulvebinar/1548

11.3k 0 9 4

Hayot falsafasi 🍃

22 Mar, 18:20

🌿 Norasida uvoli...

Katta tezlikda kelayotgan mashina «g‘iyq» etib to‘xtadi.
— Nima bo‘ldi, odamning yuragini yordingiz? — so‘radi ayol eriga qarab.
— Yo‘limdan nimadir chiqqandek bo‘ldi…
Erkak asta mashinadan tushib, old tarafga yurdi. Xotini ham ortidan bordi.
Mashina g‘ildiraklari tagida kichkina kuchuk bolasi ingrab yotardi. Oyog‘ini bosib ketgan ko‘rinadi… Erkak ax dedi-da, xotiniga nima qildik, degandek boqdi.
— Xayriyat odam emas ekan, — yoqasiga tufladi ayol. — Yuring ketdik, kechikyapmiz…
Shu payt yo‘l chetida katta it ko‘rindi. Lo‘killab ular tomonga chopdi. Ayol ko‘rqqanidan mashina eshigiga suyandi va erini shoshirdi. Ammo it odamlarga qiyo boqmay, kuchukchani iskadi. So‘ng alamli bir alfozda uvladi.
— Bolasi, shekilli… — boshini qashladi erkak va arang nafas olayotgan laychaga qo‘lini tekkizdi.
— Dilnoz, qara, hali tirik… balki, shu atrofda biror mol do‘xtiri…
— Ey, buncha ko‘ngilchan bo‘lmasangiz! Bitta itga shunchami? Bo‘lsangiz-chi, ota-onam kutib qolishdi!
Homilador ayolini betoqat qilmaslik uchun erkak majbur mashinaga o‘tirdi. Ketarkan, ko‘zgu orqali orqaga qolib ketgan mahzun ona it va kuchukchadan ko‘zini uzolmadi.
— Ishqilib, omon qolsin…
O‘sha voqea anchagacha esidan chiqmadi erkakning. Oradan besh oy o‘tib xotini o‘g‘il tuqqach esa unutib ham yubordi… Ammo to‘rt yildan keyingi bir mudhish voqea unga o‘sha kunni eslatdi.
Ko‘chada o‘ynab yurgan o‘g‘ilchasini mashina urib ketibdi. Haydovchi qo‘qqanidan qochib qolibdi. Bir kishi uni shoshilinch kasalxonaga olib boribdi. Ota-ona jon holatda jonlantirish bo‘limiga kelishdi.
— O‘g‘lingizning joni omon, faqat… bir oyog‘i… nogiron bo‘lib qolishi mumkin.
Ona ayuhannos soldi, ota esa boshini changallab yerga cho‘kdi. Boshi gir aylanib, ko‘z oldiga ingrab yotgan kuchukcha keldi.
— Baxtingga o‘sha kuchukcha omon qolgan bo‘lsa kerak, yo‘qsa… — dod solayotgan xotiniga pichirladi u.
Ayol ham birdan sergaklandi va o‘zini erining oyoqlari tagiga tashladi.

@falsafasi_hayot 🍃

13.5k 0 30 143

Hayot falsafasi 🍃

22 Mar, 16:32

Har bir musulmon boʻlishi zarur boʻlgan Savol-javoblar!

Savol: Rabbing kim?
Javob: Alloh.
Savol: Qaysi dinga eʼtiqod qilasan?
Javob: Islom diniga.
Savol: Paygʻambaring kim?
Javob: Muhammad sollallohu alayhi va sallam.
Savol: Kitobing qaysi?
Javob: Qurʼoni karim.
Savol: Kimning millatidansan?
Javob: Ibrohim alayhissalom millatidanman.
Savol: Bu dunyoda kimsan?
Javob: Sinov uchun kelgan musofirman.
Savol: Yashashdan maqsading nima?
Javob: Alloh roziligiga erishish.
Savol: Allohni qanday rozi qilish mumkin?
Javob: Alloh buyurgan amallarni bajarish, qaytarganlaridan qaytish, U Zot rozi boʻladigan tarzda yashash bilan.

Yaqinlaringizga ham ulashing ular ham bilib olishsin.

@falsafasi_hayot 🍃

11.4k 0 109 72

Hayot falsafasi 🍃

22 Mar, 12:34

🍂💔....

U adashdi! Badavlat xonadondan kelgan sovchilar tufayli hayoti tubdan o'zgarib ketdi. Kambag'alning bekasi bo'lgandan, boyning choʼrisi bo'lgan afzal, degan hayolda oddiy oilaning farzandiga unashtirilayotgan joyida fotihani buzdi. Kuyov tomonning zor qaqshab qolganiga ham qaramay, badavlat sovchilarga rozilik berdi. Bir oyga qolmay, dang‘illama restoranda to'y boʼlib o'tib, hashamatli xonadonning keliniga aylandi. U pul hamma narsani hal giladi, pul bo‘lsa boshqa narsa kerak emas, deb o'ylardi. Ko'p o'tmay adashganini angladi. Bugun egnida qimmatbaho kiyimlar, taqinchoqlar. Hamyoni pulga, javoni kiyimga toʻdiyu, ammo yuragi bo'm-bo'sh. Boyvachcha eri undan avval boshqa millatga mansub qizga uylangan, farzandi ham bor ekan. Uni xotin sifatida qabul qilmadi, hashamatli uyning qimmat yotogʼida yostiq quchib tong ottiradi. O'zi istagan moddiyat unga yolgʻizlik degan baloni bera oldi, xolos... Kecha klinikaga ko'rik uchun borganda navbat kutib oʼtirgan er-xotinga ko‘zi tushdi. Tanidi... Bir paytlar ostonasidan quvilgan yigit! Homiladorligi o'ziga yarashgan ayoli uning barvasta yelkasiga boshini qoʼygancha erkalanib oʻtirardi. Ular orasidagi oʻzaro iliqlik shundoq sezilib turar, shu lahzada oʻsha ayolning oʻrnida boʻlib golish uchun mol-dunyolardan voz kechishga ham tayyor edi...

@falsafasi_hayot 🍃

10.8k 0 24 91

Hayot falsafasi 🍃

21 Mar, 16:40

🌿 Mehmon haqqi...

Gʻarblik bir musulmondan suxandon so‘radi:

- Nima uchun musulmon bo‘lgansiz?
U shunday javob qildi:
- 1993 yilda turmush o‘rtog‘im bilan Turkiyaga safar qildik. Qishloqlardan birida yo‘lni yo‘qotib qo‘ydik. Bir yo‘lovchidan:
- Ushbu manzilni bilasizmi?, deb so‘radim.
U :
- Bu yerda mehmonxona yo‘q. Men bilan uyimga yuringlar. O‘sha yerda tunaysizlar, dedi.
Biz uning uyiga bordik. Juda ham qorong‘u edi. Uyga kirsak, u yerda besh bola va ikki qariya er-xotin bor ekan. Bizga kamtarona taom keltirishdi. Uni yedik.
Keyin uy sohibi menga :
- Sen xotining bilan shu xonada dam ol. Biz boshqa xonada tunaymiz, dedi.
Biz uxladik. Ertalab turib uy sohibiga rahmat aytish uchun tashqariga chiqdim. Qarasam, biz tunagan xonadan boshqa xona yo‘q ekan. Uy sohibini qidirdim. U oilasi bilan xovlida daraxt ostida yotar edi.
Men unga:
- Sen jinnimisan, nega bunday qilding?, dedim.
U :
- Men jinni emasman. Men musulmonman. Dinim meni mehmonni qo‘limdan kelganicha izzat-ikrom qilishni buyurgan. Sen esa mehmonimsan, dedi.
Xotinim bu manzarani ko‘rib yig‘lab yubordi. Men uy sohibiga:
- Unday bo‘lsa bu Islom biz eshitgan islom emas. Men qanday qilib Islomni o‘rganishim mumkin, dedim.
U :
- Qur’on va hadislarning tarjimasini olasan. Ularni o‘qib Islomni taniysan, dedi.
Men u aytgan kitoblarni olib ikki oy Islomni o‘rgandim va bu dinga kirganimni e’lon qildim. Keyin o‘z gardanimga Islomga da’vat qilishni vazifa qilib oldim. Qo‘limda mingdan ortiq kishi Islomga kirdi. Ruminiyada Islom markazi qurib butun dunyoga bu dinni tarqatishni niyat qildim...

@falsafasi_hayot 🕊

12.3k 0 39 176

Hayot falsafasi 🍃

21 Mar, 10:46

Bahor qaytdi...! Olamni yorug'likka, quvonchga, yangi-yangi orzularga to'ldirib qaytdi...! Go'yoki hech qachon qaytmaydigandek tuyilgan edi qishning sovuq kunlarida... Hayotimizda ham shunday... ba'zan shu darajada tushkunlikka tushamizki, go'yoki qalbimiz bahori hech ham qaytmaydigandek noumid bo'lamiz... Lekin qaytadi ☺️ ishoning, qalbingiz bahori ham albat qaytadi, oldingidanda go'zalroq bo'lib qaytadi...! Allohga nisbatan go'zal gumon qiluvchilardan bo'ling...!
Aziz kanalimiz obunchilari, Navroʻz muborak...! 💐🌹🌷🌺🌸🌼

@falsafasi_hayot 🕊️

12.4k 0 27 64

Hayot falsafasi 🍃

21 Mar, 07:09

🌿 Yirtiq kalish...

– Bu tilla uzukni men sovg‘a qilganman, e’tiboringiz uchun! Men opketaman!

– Mana bu paltoni men obergandim, tug‘ilgan kunlariga eslasalaring!

– Tilla zanjirim senga qoladi derdilar!

Uch qiz kampiridan qolgan latta putta buyumlarni uch yoqqa tortqilay tortqilay ahiri bo‘lishib olishdi.

Chol ularga birpas tikilib turdi-yu, zinada to‘nkarilib yotgan, kampiri kiya-kiya ado qilgan orqasi yirtiq kalishni bir chetga olib qo‘ydi.

– Shu menga qola qolsin, yo‘q demasalaring... onangni eslatib turadi...

Nursiz ko‘zlardan ikki tomchi yosh sizib, behisob ajinlar orasiga singib ketdi.

@falsafasi_hayot 🍃

17.6k 0 30 133

Hayot falsafasi 🍃

20 Mar, 18:44

🌿 Goʻzal gumon...

Bir ayol dedi:
“Xudo xohlasa, men albatta solih insonga turmushga chiqaman! U bilan baxtli hayot kechiraman”. Aytgani boʻldi.

Dedi:
“Men universitetda oʻqishga qabul qilinishimga ishonaman va shunga intilaman! Oʻzim istagan mutaxassislikga kiraman!” Aytgani boʻldi.

Unga dedilar:
“Yetar shuncha tuqqaning! Bolalar charchatishdan boshqasiga yarashmaydi”.
Dedi:
“Alloh yordam beradi. Farzandalarim qobil, koʻzimning quvonchi boʻlishadi”. Aytgani boʻldi.

Eri katta tuhmatga qolib qamaldi. Dedilar:
“Ering tuhmatga qolib qamaldi. Yaqin orada chiqmasa kerak. Uning faqat oʻligi chiqadi”.
Dedi:
“Yoʻq, Xudo xohlasa, albatta chiqadilar. Men ularni juda ham chiroyli kutib olaman”. Aytgani boʻldi. Erining qanday chiqqani hammani hayratda qoldirdi...!

Bir kishi dedi:
“Men ishdan haydalishdan qoʻrqaman. Shuning uchun ishsiz qoladigan kunlarimga ham pul yigʻmogʻim kerak!” Aytgani boʻldi. Ishdan boʻshatildi.

🌿 Nimaga bizning aytganlarimiz roʻyobga chiqadi?

Chunki Alloh taolo: “Bandam Meni qanday oʻylasa, shundayman!” deydi. Agar Alloh haqida chiroyli gumon qilsa, oʻziga yaxshi. Yomon oʻylasa, oʻziga yomon.

Shuning uchun ham Muso alayhissalom Nil daryosiga kelib, qochishga yoʻl qolmaganda ham Robbilari haqida chiroyli gumon qildilar. Qavmlari: “Endi qoʻlga tushdik” deyishsa ham, ular: “Yoʻq! Albatta, Robbim men bilan, U menga toʻgʻri yoʻlni koʻrsatur” dedilar. Alloh ularning aytganlarini roʻyobga chiqardi. Aql bovar qilmas holda daryo qoq ikkiga boʻlindi. Yoʻl ochildi...!

Hatto arzimas narsalar haqida gapirish, oʻylashda ham diqqat qiling!

Doim nekbin (optimist) boʻling! Alloh haqida chiroyli gumon qiling! U - Kariym, U Rohiym!

Yomonlik haqida oʻylamang! Agar qiyin vaziyatga tushib qolsangiz, Muso alayhissalom aytganlaridek:

U (Muso) “Yoʻq! Albatta, Robbim Albatta, Robbim men bilan, U menga toʻgʻri yoʻlni koʻrsatur”, dedi, deb ayting...!

Inshaalloh hali hammasi yaxshi boʻladi 🙂

@falsafasi_hayot 🕊

16.6k 0 141 137

Hayot falsafasi 🍃

20 Mar, 16:53

🌿💔...

"Qizimizni ko'rmaganimizga bugun 3 oy boʻlibdi. Onasi ikkimiz har kuni eshik poylaymiz. Kelib qolarmikin degan umidda yo'liga ko'z tikamiz. Darvozamiz oldiga moshina kelib to'xtasa, "Ana, keldi!", deb sapchib tushamiz.Hayajondan yuragimiz gupillab, bo'g'zimizga tiqilgudek boʻladi. Kutishdan ham yomoni - bu mahvumlik. Qachon kelishi ma'lum bo'lsaku,mayli, oʻsha kunni kutib yashash ota-onaga bir huzur bagʼishlaydi. Ammo kelar vaqti nomaʼlum bo'lsachi? Qiz bolaning ota-onasi bo'lish ham bir sinov ekan, o'glim, oson tutmang.Sizdan o'tinaman, qizimizni bag'rimizdan yulib olmang. Bizni ham boylab bermagan.Koʻzimiz ochiqligida diydoriga to'yib olaylik.Ertaga bizdan keyin vijdon azobida qolmasin.

Shoʻrlik ota bir necha kundan buyon kuyoviga aytmoqchi bo'lgan gaplarini hayolan ipga tizdi. Telefonni qoʻliga olib, shularni yozarkan,birdan yuragiga sanchiq turdi.Boshi aylanib, koʻz oldi qorongʼulashdi.Ayoli xonaga kirganida,eri telefonini mahkam changallagancha, xona oʻrtasida behush yotardi.

@falsafasi_hayot 🍃

12.5k 0 44 127

Hayot falsafasi 🍃

20 Mar, 09:03

🌿 Avtobus....

Bir necha yil ilgari, musulmonlardan biri London shahriga ko‘chib keladi. Har kuni bir vaqtda ishga ketayotganida, har safar o‘sha haydovchi va huddi o‘sha avtobusga minar ekan. Bir kuni aftobus xaqqini to‘lab, borib o‘tiradi. Qarasa, haydovchi qaytimiga 20 pens, ya’ni qaytimini ziyodasi bilan berib yuboribdi. Musulmon odam esa oshig‘ini qaytarib berishni o‘ylabdi. Chunki bu uning xaqqi emasdi. So‘ngra yana o‘ziga-o‘zi debdi:
«eee, esingdan chiqar, arzimagan chaqalar bo‘lsa, hech kimga keragi ham yo‘q. Shundog‘am avtobuslar shirkati avtobuslardan yaxshigina daromad topishadi. Bu chaqalarni bermasam kamayib qolishmaydi. Bularni o‘zimga olib qo‘yaman. Allohning menga ilingan hadyasi deymanu, yaxshisi jim ketaman», deb shunday hayollar bilan musulmon odam bekatiga ham yetib olibdi. Avtobus to‘xtadi. Ammo tushishdan avval musulmon odam haydovchiga qo‘lini cho‘zib, 20 pensni qaytarib berdi va dedi:
- Marhamat oling, oladigan xaqqimni ziyodasi bilan berib yuborgan ekansiz!!!
Haydovchi chaqalarni olar ekan tabassum qilib so‘radi:
- Siz shu tumanga yangi kelgan musulmonmisiz?
Men anchadan beri masjidingizga borib, islom dini bilan tanishmoqchi edim. Men sizni hatti-xarakatingizni ko‘rishim uchun bu chaqalarni sizga atayin bergan edim!!!
Musulmon odam avtobusdan tushar ekan ich-ichidan qaltiroq bosib, oyoqlari zir-zir titraganidan zo‘rg‘a turar edi. O‘zining qanchalar zaif ekanligini xis etdi. Oyoqlari chalkashib, huddi yiqilib ketadigandek edi. Borib birinchi duch kelgan ustunga suykalib oldi, so‘ngra osmonlarga qarab yig‘lab duo qildi:
- Ey Alloh, yana ozgina qolsa islomni 20 pensga sotib yuborar ekanman, deb ko‘zlaridan duv-duv yosh sizilib tushar edi.

@falsafasi_hayot 🍃

17.4k 0 43 133

Hayot falsafasi 🍃

20 Mar, 06:39

🌿 Surat sohibi aytadi: Tuyaning hovuzda o‘tirib, so‘ngra o‘rnidan turib bo‘talog‘ini emizayotganini ko‘rib, hayratda qoldim va tuya sohibidan buning sababini so‘radim.

Tuya egasi: Bunday jazirama kunlarda tuya bolasini emizishdan oldin sutini sovutish uchun hovuzga o‘tiradi, so‘ng o‘rnidan turib, bolasini emizadi, deb javob berdi.

«Ular tuyaning qanday yaratilganiga nazar solmasmi?»

@falsafasi_hayot 🍃

18.6k 0 24 145

Hayot falsafasi 🍃

20 Mar, 04:55

#ulashing

Er xotiniga dedi:

- Kechasi bilan traktorday tarillab xurrak otyapsan!

- Sal chiroyliroq o‘xshatish qilsangiz bo‘lardi.

- Kechirasiz xonim! Birga o‘tkazgan fayzli oqshomlarimizda, sizning nafasingiz baxor shamoli sezilayotganda, lolaqizg‘aldoqlar qiyg‘os ochilgan dalalarga ishlov berayotgan baquvvat mashinalar kabi navo taratmoqda:)

Ozgina tabassum 🙃

@falsafasi_hayot 🍃

19.3k 0 98 173

Hayot falsafasi 🍃

19 Mar, 20:36

🌿 Ayol ilm olishi shart...

Dunyoning yarmi ayollar, qolgan yarmi ularning tarbiyalanuvchisidir.

Ayollar mardikor bozori bor yurtning xotin-qizlar kunini nishonlashga haqqi yo‘q.

«Jaholatning yagona qo‘rquvi - ayoldir. Chunki ayol o‘rgansa farzandlariga ham o‘rgatadi.

Ayolga ilm berish - jamiyatga ilm berishdir.

Kimda bir qiz bo‘lsa oila daftariga 10 o‘g‘lim bor deb yozib qo‘ysin.

Shayx Ali Tantoviyning
"Ey qizim" nomli kitobidan

@falsafasi_hayot 🍃

18.4k 0 109 120

Hayot falsafasi 🍃

18 Mar, 17:49

🌿💔... Xabar

-tez yetib keling ayolingizni ahvoli og‘ir!
Said katta qiziga qolgan uch qizini tayinlab shosha-pisha yo‘lga chiqdi..
"Nima bo‘ldi ekan? Hech qaysinda bunday bo‘lmagandiku? O‘zi qaysi qizida tug‘ruqxonaga boruvdi..ayolini qiz tug‘ding deb kaltaklagani qancha?"
Ayoliga qayta qayta qo‘ng‘iroq qildi..o‘chiq!
-o‘lmas..tug‘ib kim o‘libdi!-dediyu baribir yuragi orqaga tortib ketaverdi..

🌺🌺🌺🌺🌺

-ayolim...
-siz Xonzodani erimisiz?
Hamshira uni boshqa xonaga yetakladi
-ayolingiz vafot etdi! Bir qancha hujjatlar va chaqaloqqa kerakli narsalar...
Said hushini yo‘qotay dedi..ko‘z oldidan munisgina mushtipar ayoli gavdalandi..ko‘zidan yosh oqdi
"Sensiz menga o‘g‘il nima kerak? Bizni nega tashlab ketding?"
Atrofidagi rang tasvir chaplashdi..

-ma’zur tutasiz! Yangi hamshiramiz adashibdida..uzr Xonzoda ismli ayol ikkita ekan! Hamshirani bugunoq ishdan bo‘shatamiz!
-yo‘q shart emas..u menga katta saboq berdi!-dedi Said quvonchli yoshlarini berkitib..ichkarida ayoli bir shiringina beozor qizaloqni undan qo‘rqib quchib turganini ko‘rib shaxdam qadam bilan borib chaqaloqni bag‘riga bosib ayolini qo‘lini mahkam siqdi..
-boringga shukur onasi!
Ayolning qo‘rquvdan oqargan yuzida minnatdorlik va baxt aks etdi...

Tamom.

@falsafasi_hayot 🍃

16.6k 0 33 231

Hayot falsafasi 🍃

18 Mar, 16:53

🌿 Hali shunday kun keladi...
Hovuchingizdagi duolaringiz ijobatidan yum~yum yig‘laysiz...

🌿 Hali shunday kun keladi, sabringizga tasanno aytasiz. Chunki orzularingiz ushaladi...

🌿 Hali shunday kun keladi, sizni qo‘l bilan ko‘rsatganlar, sizga qarsak chaladi...

🌿 Hali shunday kun keladi, daromadingiz kengayib o‘zingiz o‘ylamagan ulkan saxovatli ishlarni boshlaysiz...

🌿 Hali shunday kun keladi, Allohim "Bo‘l" deydi va hammasi bo‘ladi... Qadrligim, bo‘ladi, shunga ishoning...

@falsafasi_hayot 🍃

15.5k 0 188 181

Hayot falsafasi 🍃

18 Mar, 06:39

Bu dunyoda har qanday qarzlarni qaytarish mumkin... Ota-onalarimizni oldidagi qarzlarimizdan tashqari...

@falsafasi_hayot 🍃

21.2k 0 92 177

Hayot falsafasi 🍃

18 Mar, 03:32

🌿 Saxarlik uchun shirin uyqusidan kechib, uyg‘onganlarga Allohning salomi bo‘lsin!

💚 Tutgan ro‘zalarining ajrini yozib, farishtalar adog‘iga yetolmasin!

🍀 Ro‘zalari vujudlariga darmon, qalblariga halovat, oxiratlariga zeb bo‘lsin!

🌱 Alloh sabr bersin, kuch-quvvat bersin!

@falsafasi_hayot 🍃

21.6k 0 98 110

20 last posts shown.

58 406

subscribers

Channel statistics

Popular in the channel

🌿 Oy to‘ldi. Mana, Ramazonning yarmi ham o‘tdi. Uch kun oldin boshlangan edi, go‘yo :'( Allohim...

🍀 Ramazon shu qadar barakali oyki, ertalab saxarlikda kam ovqat yesangiz ham kun bo'yi to'q yuras...

Ozgina tabassum 🙃 Saharlikda ko‘o‘pgina suv ichib, g‘amlab olsam, shunda iftorgacha chanqamayman...

🌿 Ramazon shu qadar barakali oyki, ertalab saxarlikda kam ovqat yesangiz ham kun bo'yi to'q yuras...

🌿 Saxarlik uchun shirin uyqusidan kechib, uyg‘onganlarga Allohning salomi bo‘lsin! 💚 Tutgan ro‘z...