Bekorga “Soliha ayol iymonning yarmi” deyilmas ekan.
Ba’zan charchaysan, qalban charchaysan-ku, o‘shanda u senga dalda bo‘ladi.
Bugun qo‘lingga Qur’onni ololmagan bo‘lsang, u sen uchun o‘qib beradi, sen unga shunchaki boshingni qo‘ysang bas.
Agar kunlik zikrlarni unutsang, eslatadi, kechroq uxlasang, seni o‘zi bomdodga uyg‘otadi.
U g‘amgin bo‘lsang opang, xursand kuningda singling bo‘la oladi. Har qanday vaziyatda esa do‘sting.
Sen shaytonga quloq solib namozga dangasalik qila boshlasang, u xuddi farishtadek seni ibodatga chorlaydi.
Kitob o‘qimoqchi bo‘lsang-u, charchoq o‘qishga qo‘ymasa, u kitob o‘qib beradi, sen tinglaysan.
Ammo unutma, u ham charchaydi. Sen ham uning yarmi bo‘l!
Allohim! O‘zing xayrli deb bilgan vaqtda, xayrli inson ila iymonimizning yarmini to‘ldir.
@Eslatdik
