EskiObod_Uz

Япон халқининг доно фикрлари

● Тентак ва аҳмоқларга йўл бер.
● Кетаётганни тўхтатма, Келаётганни хайдама.
● Ёмон одамнинг дўсти бўлгандан яхши одамнинг душмани бўлган яхши.
● Оддий одамларсиз буюк одамлар бўлмайди.
● Тепага чиқишни қаттиқ хоҳлаган одам нарвонни ўйлаб топади!
● Эр ва хотин худди кўз ва қўлдек бўлиши керак: қўл оғриганда — кўз йиғлайди, кўз ёшланганда —  қўл уни артади.
● Қуёш хақ одамни билмайди. Қуёш нохақ одамни ҳам билмайди. Қуёш кимнидир иситиш мақсадида порламайди. Ўзлигини топган инсон бамисоли қуёш каби бўлади.
● Узоқ йўл ҳам яқинидан бошланади.
● Ғамни худди йиртиқ кўйлакни уйда қолдирганинг каби қолдир!
● Севги бўлса, юздаги чандиқлар ҳам худди кулгич каби чиройли кўринади.
● Биргина яхши сўз уч ой қаҳратонни иситади.
● Шубҳаланишдан олдин етти маротаба ишон.
● Қўлингдан келганича ҳаракат қил, қолганини тақдирга ташла.
● Хаддан ортиқ тўғрилик аҳмоқлик билан ўлчанади.
● Одамлари кулган уйга бахт келади.
● Ўйлаб хал қил, хал қилгач ўйлама!
● Сўрасанг, бир неча дақиқа уяласан, билмасанг — бир умр.


ДЎСТЛАРИНГИЗГА ҲАМ УЛАШИНГ!!!
@eskiobodmasjidi

#ТАФАККУР:

Аллоҳ розилиги учун насиҳат!

Хотинингиз, фарзандларингиз ва атрофингиздаги кишиларни ҳар қанча яхши кўрсангизда, лекин асло уларга эътимод қўйманг ва суянманг. Сиз фақат танҳо Аллоҳга суянинг, фақат Аллоҳга ишонинг, орзуларингизни ҳам Аллоҳдан кутинг, эътиборингиз фақат Аллоҳ розилиги учун бўлсин!
Бир кишининг Султон Абдулҳамид девонида ишлайдиган қариндоши бор эди. У киши камбағал бўлиб қолгани сабаб иш қидириш ниятида ўша мансабда ўтирадиган қариндошининг ҳузурига борди. Қариндоши уни кутиб олди. У киши қариндоши ҳузурида узоқ вақт турди. Қариндоши: "Ҳар гал муҳр босиш учун варақни қўйилса, Султон ўттиз кун мобайнида ҳам муҳр босмади", деди. Кўринишидан қариндоши бу кишининг қалби Аллоҳга эмас, қариндошига суяниб қолганини ва Аллоҳни унутиб қўйганини билгач танбеҳ бериш мақсадида ходимлардан бирига бу қариндошига нисбатан қўпол муомала қилишини таъйинлади. Ходим қовоғини солиб: "Бўлди етар, ўттиз кун турдингиз, қариндош зиёрати уч кун холос", деб у кишига қўпол муомала қилди. Бечора киши ғамгинлик билан йиғлаган ҳолда у ердан чиқиб кетди. Қариндоши хизматчига: "Ортидан боргинчи, у қаерга борар экан", деб айтди. Қараса, у бечора киши карвон саройга бориб, улардан иш талаб қилди. Шу аснода Султон Абдулҳамид унинг талабномасига имзо чекади ва қариндоши у кишини чақиртирди. Шунда қариндоши: "Ўттиз кун давомида сиз менга суяндингиз. Уйдан ғамгин ҳолатда чиқиб кетгач Аллоҳга суянишни бошладингиз, шу аснода Султон талабномангизга имзо чекди", деб хатосини тушунтирди.
Гоҳида инсон, орзусини ўзига ўхшаган бир инсонга боғлаб қўяди. Айнан ўша орзу қилинган инсон барча умидларингизни пучга чиқариб, қўпол муомала қилади. Аслида унинг муомаласи Аллоҳ томонидан сизни адабингизни бериб қўйиш эди. Чунки инсонга боғланиб, эътимод қилиш ҳам махфий ширк сирасига киради.
Сен одам боласидан ҳожатингни ҳаргиз сўрама.
Балки, эшиги асло ёпилмайдиган Зотдан сўра.
Агар сўровни тўхтатсанг Аллоҳ ғазаб қилур.
Одам боласи эса, сўраманг ғазаб қилур!


ДЎСТЛАРИНГИЗГА ҲАМ УЛАШИНГ!!!
@eskiobodmasjidi

#rivoyat

ҚАНЧАЛИК ПАСТ БЎЛСА, ШУНЧАЛИК БАЛАНД...

Қадим замонда подшоҳ саройида ўтирар экан, ташқаридан бир овоз келди:
- Ширин олмалар бооор!
У деразадан қараса, бир қария олма сотяпти. Атрофини мижозлар ўраб олган. Шоҳнинг олма егиси келиб, бош вазирини чақирибди:
- Мана сенга беш тилла, бор, олма олиб кел.
Бош вазир вазирни чақирибди:
- Мана сенга тўрт тилла, олма олиб кел.
Вазир сарой масъулини чақирибди.
- Мана сенга уч тилла, олма олиб кел.
Сарой масъули қоровуллар бошлиғини чақирибди:
- Мана сенга икки тилла, олма олиб кел.
Қоровуллар бошлиғи навбатчи аскарни чақирибди:
- Мана сенга бир тилла, олма олиб кел
Навбатчи эса кўчага чиқибди, сотувчи қариянинг ёқасидан олибди:
- Ҳой сен, нега бақирасан? Бу ер бозорми ёки саройми? Олмаларингни мусодара қиламан!


ДЎСТЛАРИНГИЗГА ҲАМ УЛАШИНГ!!!
@eskiobodmasjidi

بِسْــــــــــــمِ ﷲِ

Омонат дунёда бари омонат.
Дард ҳам омонатдир, бахт ҳам омонат.
Ғаму андуҳингга шерикман дея,
Елкасин тутгувчи дўстинг омонат.
Омонатдир чеккан оҳу зоринг ҳам,
Омонатдир жондан севган ёринг ҳам.
Эй дустим дилингни босмасин ғафлат,
Отанг омонатдир, онанг омонат.
Бу сиҳат-соғлик, омад омонат.
Эй дустим инсонсан унутма фақат,
Юракда титраган жон хам омонат.

Ассалому Алайкум ва роҳматуллоҳи ва барокатуҳу бошлаб олган кунингиз хайрларга васила бўлиб Жаннатга элтсин..

Тунни тонгга, Қишни баҳорга,
Дардни дармонга Етиштирган Роббим!

Бизни ҳам гўзал Дуоларимизнинг
Ижобатига Етиштиргин!

Тилимизни дуосиз, Дуоларимизни жавобсиз қолдирма!

Ватанимизни, Жон жигар, қардошларимизни, Замин узра қимирлаган тирик жонни ўзинг асра

Ислоҳ қил
Ўзинг рози бўладиган  амалларга йулдош қил!

Аллоҳим беҳисоб ҳамду саноларимиз ва шукроналаримиз бўлсин.

Шафоат қилувчимиз, Росулимиз саллоллоҳу алейҳи вассаламга дуру саловатларимиз бўлсин.


ДЎСТЛАРИНГИЗГА ҲАМ УЛАШИНГ!!!
@eskiobodmasjidi

Ҳадис ва ҳикматларга суянган ҳолда Қиёмат аломатларидан 50 тасини тасбеҳ тимсол териб, туздик

1. Охир замон пайғамбари - жанобимиз Муҳаммад соллаллоҳу алайҳи васаллам дунёга келдилар.
2. Аллоҳ таборака ва таоло олимларни олиб қўйиб, ўз илмини кўтаради.
3. Имонсизлар кўпайиб, Қуръондан бир расм, Исломдан бир исм, мусулмондан бир жисм қолади.
4. Миноралар кўпаяди, масжидлар черков каби безатилади.
5. Камбағаллар намоз ўқимай қўяди.
6. Бойлар тижорат учун, ҳофизлар (қорилар) риё учун, айримлар кўз-кўз учун ҳажга боради.
7. Ота-онага жафо қилинади ва узоқлашилади.
8. Силаи рахийм (қариндошлик алоқалари) йўқолади.
9. Инсонлар меҳрини фарзанди ўрнига турли жонзотга бериб, уларни боқишни одат қилади.
10. Уч нарса: ҳалол пул, амалдаги суннат ва олижаноб дўст танқислашади.
11. Фитна (глобал тармоқлар орқали) ҳар бир хонадонга кириб келади.
12. Закотлар берилмайди.
13. Тентаклар бойийди.
14. Тижоратчилар кўпаяди.
15. Садақа оладиган одам қолмайди.
16. Порага совға дейилади.
17. Судхўрлик ҳар бир хонадонга кириб келади.
18. Барака йўқолади.
19. Фақат танишларга салом берилади.
20. Чўри ўз хожасини туғади.
21. Чоллар қариликни тан олмайди.
22. Ёшлар катталарга ақл ўргатиб бошлайди.
23. Қўшнилар алоқаси ёмонлашади.
24. Вақт етишмайди, қисқаради.
25. Зулм, бузғунчилик кўпаяди.
26. Чап қўл билан ёзувчилар кўпаяди.
27. Қишлоқлардан оқиб келган ялангоёқ чўпонлар бино қуришда бир-бирларидан ўзишга уринишади.
28. Қавмга, маҳаллага бенамоз, ароқхўр бош бўлади.
29. Катталар марҳаматсиз, кичиклар ҳурматсиз бўлади.
30. Ўзига яхшилик қилган инсонга ҳам ёмонлик қиладиган бахил-ҳасадгўйлар кўпаяди.
31. Омонатга, ваъдага вафо йўқолади.
32. Ёлғончи, туҳматчи ва ғийбатчилар кўпаяди.
33. Фолбинлар кўпаяди.
34. Аёлларнинг кўплиги ва эркакларнинг озлигидан 40 та аёл битта эркакнинг кетидан юради.
35. Хотинлар ҳукмрон ва исрофгар бўлади.
36. Эркаклар семириб, аёлларнинг ҳарир кўйлагини кийиб бошлайди.
37. Аёллар эркакларнинг кийимини кийиб бошлайди.
38. Қадду қоматини васф қилувчи «Кийими бор, яланғочлар» кўпаяди.
39. Аёллар сочларини туя ўркачлари каби қабартириб кўчаларда кезишади.
40. Аёл қўшиқчилар ва бемаъни ашулалар кўпаяди.
41. Ичкилик, ошкора зино ва фаҳш ишлар авж олади.
42. Бедаво касалликлар кўпаяди.
43. Зилзила, сув тошқинлари каби офатлар кўпаяди.
44. Ёмғирлар озаяди, ҳаволар айнийди, наботот издан чиқади.
45. Аввал ўтганлар сўкилади ва масхара қилинади.
46. Ўлим тўсатдан, кутилмаганда келади.
47. Қабрлар безатилади
48. Дажжол лақабли ёлғончи, фирибгар - яҳудий чиқади. Исо алайҳиссалом осмондан ерга тушади ва Дажжолни ҳалок қилади.
49. Ер остидан Ер махлуқи «Доббатул Арз» чиқади: «Қачон уларнинг (кофирларнинг) устига сўз (азоб) тушганда (яъни, қиёмат олдидан) Биз улар учун ердан бир махлуқни чиқарурмиз. У уларга одамлар оятларимизга ишонмайдиган бўлиб қолганлари ҳақида гапирур».
50. Қуёш Ғарбдан чиқади ва ниҳоят Қиёмат қоим бўлади.

«Ислом - кўрсатма, ҳидоят, раҳмат» китобидан.


ДЎСТЛАРИНГИЗГА ҲАМ УЛАШИНГ!!!
@eskiobodmasjidi

​​ҲАДИС

   Абу Ҳурайра розияллоҳу анҳудан ривоят қилинади:
   «Набий соллаллоҳу алайҳи васаллам: «Ким бир ҳидоятга чақирса, унга ўзига эргашганларнинг ажрларича ажр бўлади. Бу эса уларнинг ажрларидан ҳеч нарсани камайтирмайди. Ким бир залолатга чақирса, унга ўзига эргашганларнинг гуноҳларича гуноҳ бўлади. Бу эса уларнинг гуноҳларидан ҳеч нарсани камайтирмайди», дедилар».

(Муслим, Абу Довуд ва Термизий ривоят қилганлар).

Яхшилик қилиш жуда савобли иш. Шу билан бирга, ана шундай яхшиликка чақириш, ишорат қилиш, унга йўллаб қўйиш ҳам ниҳоятда яхши ишдир. Ўша яхшиликни қилган одам қанча савоб олса, мазкур яхшиликка далолат қилган одам ҳам ўшанча савоб, ажр олади.

Бугунги кунимизда матбуот ва ахборот воситалари ўта таъсирли ташвиқот қуроли ўлароқ кенг жамоатчиликни яхшиликка, халқни бирдамликка чақириш воситаси бўлиши керак. Шунингдек, овоз ва сурат, ёзув ва кўрсатув ҳамда бошқа воситалар орқали илм-маърифат, одоб-ахлоқ тарқатиш омили бўлиши лозим. Худди шу ўринда яхшиликка чақирувчи матбуот ва ахборот воситалари ходимларининг ишлари ўта савобли эканига юқоридаги ҳадиси шариф далил бўла олади.

Шайх Муҳаммад Содиқ Муҳаммад Юсуфнинг “Ижтимоий одоблар” китобидан.


ДЎСТЛАРИНГИЗГА ҲАМ УЛАШИНГ!!!
@eskiobodmasjidi

Кечаси кўчада юришнинг зарарлари

Бисмиллаҳир Роҳманир Роҳийм

Ибн Умар розияллоҳу анҳумодан ривоят қилинади. Расулуллоҳ соллаллоҳу алайҳи васаллам: “Агар одамлар ёлғизликда нималар борлигини мен билганчалик билганларида эди, бирорта ҳам отлиқ тунда ёлғиз юрмасди”, дедилар (Имом Бухорий ривояти).

Ушбу ҳадиси шарифда Расулуллоҳ соллаллоҳ алайҳи васаллам кечаси ёлғиз юришдан қайтармоқдалар. Чунки унинг бир қанча зарарлари бор, аммо одамлар уларнинг ҳаммасини ҳам англаб етмайдилар. Шу сабабли, Расулуллоҳ соллаллоҳу алайҳи васаллам инсонлар билмаган ёмонликларни билганлари учун ундан огоҳлантирмоқдалар.

Бугунги кунда ота-она назорати ва эътиборисиз қолган жуда кўплаб ёшларнинг ушбу ҳадисга амал қилмай, кечаси билан кўчаларда, кафе-бар, интернет клубларда санғиб юришлари, тонгга қадар вақтларини беҳуда ва бекорчи ишларга сарфлашлари кузатилмоқда.

Энг хавфли ва аянчли жиҳати – ярим тунда бундай кўча дайдишларнинг охир-оқибати турли жиноятлар, қотилликлар, муштумзўрликлар билан якун топмоқда. Қолаверса, турли руҳий касалликларга дучор бўлганларнинг аксарияти айнан бемаҳалда кўчада санғиб юрганлар ташкил этишини унутмаслик керак.

Шунингдек, тунни бекорчилик билан ўтказиш инсон саломатлиги учун ҳам жиддий зарар эканини таъкидлаб ўтиш лозим. Буюк Британия олимларининг 90 мингга яқин кўнгилли қатнашган, олти йил давом этган тақдиқотлари натижасига кўра соат 22:00 дан 23:00 гача бўлган вақт оралиғида уйқуга ётиш юрак-қон томир касалликлари хавфини сезиларли даражада камайтириши аниқланган (European Heart Journal – Digital Health, Volume 2, Issue 4, December 2021, Pages 658–666).

Демак, шариат кўрсатмасига амал қилган банда дунё ва охирати учун фойдали бўлган амалларга яқин, нохуш ва зарарли ҳолатлардан эса узоқ бўлади. Аллоҳ таоло Ўзининг розилигини топадиган солиҳ амалларда бардавом қилсин!


ДЎСТЛАРИНГИЗГА ҲАМ УЛАШИНГ!!!
@eskiobodmasjidi

АЛЛОҲНИНГ ЗИКРИ

Аллоҳ таолонинг зикри шундай ҳаловатли ва шундай осонки, инсон озгина эътибор ила уни ҳар доим адо қила олади. Бу ибодатнинг фазилат ва фойдалари беҳисобдир. Аллоҳ таоло Қуръони Каримнинг бир неча ўринларида Ўзини зикр қилишга буюрган. Аҳзоб сурасининг 41-оятида:
يَأَيُّهَا الَّذِينَ ءَامَنُوا اذْكُرُوا اللَّهَ ذِكْرًا كَثِيرًا
“Эй иймон келтирганлар! Аллоҳни кўп зикр қилинглар”, дейди. Маълумки, Аллоҳ таолони зикр қилишдан У Зотга бирор фойда йўқ. Аллоҳ таоло бандаларнинг зикридан беҳожатдир. Лекин У Зотни зикр қилишнинг бандалар учун кўплаб фойдалари бор.
Масалан:
1. Кўп зикр қилиш ила банданинг Аллоҳ таолога қурбати зиёда бўлади.
2. Кўп зикр қилиш ила инсоннинг руҳи озуқа олади, ислоҳ бўлади ва қувватланади.
3. Инсонда ҳосил бўлган бу руҳий қувват ила инсон шайтонга қарши туриши ва гуноҳлардан тийилиши осон бўлади.
4. Аллоҳ таолонинг зикри ила номаи аъмолга яхшиликлар тинмай ёзилиб туради.
Бир саҳоба Расулуллоҳ соллаллоҳу алайҳи васалламдан: “Аллоҳ таолонинг наздида энг афзал бўлган, қиёмат куни энг баланд даражага сабаб бўладиган ибодат қайси?” деб сўради. Расулуллоҳ соллаллоҳу алайҳи васаллам: “Аллоҳ таолони зикр қилиш”, дедилар. (“Жомеъул усул”)

Бир куни яна бир саҳоба Расулуллоҳ соллаллоҳу алайҳи васалламга: “Эй Аллоҳнинг Расули! Яхшиликларнинг тури жуда кўп. Мен уларнинг барчасини қилишга қурбим етмайди. Шунинг учун менга шундай бир иш айтинки, уни ёдимда сақлайин, лекин кўп нарса айтманг, чунки унутиб қўяман”, деди. Расулуллоҳ соллаллоҳу алайҳи вассаллам: “Тилингни Аллоҳ таолонинг зикри ила нам қил” (яъни Аллоҳ таолони кўп зикр қил), деб жавоб бердилар. (Имом Термизий ривояти)

Абу Мусо Ашъарий розияллоҳу анҳу ривоят қиладилар: “Расулуллоҳ соллаллоҳу алайҳи васаллам: “Аллоҳ зикри қилинадиган уй билан Аллоҳ зикри қилинмайдиган уйнинг мисоли тирик билан ўликнинг мисоли кабидир”, дедилар (Имом Бухорий ва Муслим ривояти). Яъни Аллоҳ таоло зикр қилинадиган уй тирик, зикр қилинмайдиган уй эса, ўликдир.


ДЎСТЛАРИНГИЗГА ҲАМ УЛАШИНГ!!!
@eskiobodmasjidi