Ozodbek Nazarbekov - Onam allasi

(Qo`sh beshikda borim bolam,
Qatordagi norim bolam,
Qarchig`ayim, sorim bolam,
Nomusim ham orim bolam.
Uxla, yulduzim, alla-yo,
Orom ol, qo`zim, alla.

Umring xazon bo`lmasin-o,
Baxting armon bo`lmasin-o,
Qomatlaring tik bo`lsin,
Tanlaganing oy bo`lsin.
Uxla, yulduzim, alla-yo,
Orom ol, qo`zim, alla.

Uxla, jonim, alla-yo,
Orom ol, qo`zim, alla. {x2})

Jon ozig`i bo`lar ekan navoda,
Qancha kuylar bordur jondan ziyoda, (x2)
Lek baridan menga aziz dunyoda {x2}
Onam allasi, onam allasi, ey onam allasi.

Vujudimda nedur yurar tinglasam,
Yuragim boshqacha urar tinglasam, (x2)
Jon-jonimga titroq solar tinglasam {x2}
Onam allasi, onajonim allasi, onam allasi.

Allasi ko`zda yosh bo`lib qaytsa ham,
Goh berilib goho xasta aytsa ham, (x2)
Ta’sirli pichirlab asta aytsa ham, {x2}
Onam allasi, onajonim allasi, onam allasi.

Alla bolam, desa ruhim dam olar,
Tanamda charchoqlar zumda yo`qolar, (x2)
Jarangli, bir umr quloqda qolar, {x2}
Onam allasi, onam allasi, ey onam allasi.

Sen onamdan menga qolgan zo`r malham,
Xotirimdan ketmas, sodiqsan har dam, (x2)
Dunyoda bor kuyga seni alishmam, {x2}
Onam allasi, onam allasi, ey onam allasi.

Jon ozig`i bo`lar ekan navoda,
Qancha kuylar bordur jondan ziyoda, (x2)
Lek baridan menga aziz dunyoda {x2}
Onam allasi, onam allasi, onam allasi.

(Uxla, jonim, alla-yo,
Orom ol, qo`zim, alla,
Orom ol, qo`zim, alla-yo...‎)

Kichkintoylaringizga alla aytib beryapsizmi? Vaqtingiz bo`lmayaptimi? Hech ham qayg`urmang.Taniqli o`zbek honandalari tomonidan kuylangan eng sara alla qo`shiqlarini o`ziga jamlagan ilovani yuklab oling.

O`zingizga ham farzandingizga ham yoqishi aniq.