💫 ОДАМЛАР  ИЧИДАН  ОДАМ  ИЗЛАДИМ

Келамиз, кетамиз, келар кетарлар,
Барча бир биридан меҳр кутарлар.
Кўпчилик биламан шуни айтарлар,
Одамлар ичидан одам изладим!

Атрофда саноқсиз инсонлар бисёр,
Каттами, кичикми бирдек сизладим.
Шунда ҳам тинмайин бўлиб умидвор,
Одамлар ичидан одам изладим!

Қарайман ўнг-сўлга ҳаммаси ўхшаш,
Билмайман мен кимга нени сўзладим.
Келсамда жуда кўп одамга тўқнаш,
Уларнинг ичидан одам изладим!

Баъзида ёлғиздек сезаман ўзим,
Биров қўл чўзар деб роса бўзладим.
Кимсани тополмай ёшланиб кўзим,
Одамлар ичидан одам изладим!

Билмадим балки мен бандаман телба,
Телбадек яшашни ростан кўзладим.
Ҳеч кимсиз саҳрода ясаб бир кулба,
Тупроқлар остидан одам изладим!

Қашқирлар қутурди, кўппаклар ҳурди,
Чаёнлар чақай деб изимдан юрди,
Ўргимчак инини кўзимга қурди,
Одамлар ичидан одам изладим!

✍ Баҳодир Исо

👇👇👇
🌐 www.facebook.com/evohidov
🌐https://t.me/erkinvohidovijodi
🌐 www.erkinvohidov.com