✨
JASORATLI YURAKLAR HECH QACHON UNUTILMAYDI
Bugun, “Farg‘ona hududiy elektr tarmoqlari korxonasi” aksiyadorlik jamiyatida 9-may – Xotira va qadrlash kuni munosabati bilan yurtimiz ozodligi va tinchligi yo‘lida jon fido qilgan fidoyi insonlarni yod etish, ularning mardligi va jasoratini qadrlashga bag‘ishlangan xotira va qadrlash tadbiri bo‘lib o‘tdi.
Tadbir davomida Ikkinchi jahon urushi (Ulug‘ Vatan urushi) hamda Afg‘on urushi qatnashchilarining mislsiz jasorati, mardlik va sabr-toqati yuksak e’tirof etildi. Aynan ularning qahramonligi evaziga yurtimizda bugun tinchlik hukm surmoqda, osmonimiz musaffo, xalqimiz erkin yashamoqda. Bunday fidoyi insonlarning tarixiy xizmati hech qachon unutilmaydi, ularning jasorati kelajak avlodlarga ibrat bo‘lib qoladi.
Tadbirda hozirda korxonada mehnat qilayotgan Afg‘on urushi qatnashchilari ham alohida e’tirof etildi. Korxona rahbariyati va kasaba uyushmasi qo‘mitasi tomonidan ular uchun esdalik sovg‘alari hamda pul mukofotlari topshirildi. Bu e’tibor, nafaqat o‘tmishdagi, balki bugungi kundagi vatanparvarlik va sadoqat ruhining yuksak qadrlanayotganidan dalolatdir.
So‘z olganlar bunday ezgu an’analarni davom ettirish, tarixiy xotirani yoshlarga yetkazish va yurt qahramonlariga doimiy hurmat bilan qarash kerakligini ta’kidladilar.
Shubhasiz, bu kabi tadbirlar el-yurt ozodligi yo‘lida kurashgan ajdodlarimiz xotirasini ardoqlash, tinch va farovon hayotimizni munosib qadrlash borasida muhim ahamiyat kasb etadi.
👉 t.me/farhetk_admin