TERMIZ SHAHAR KENGASHI

O‘zbekiston Ekologik partiyasi hamda Toshkent shahridagi Geologiya fanlar universiteti bilan hamkorlikda talaba-yoshlar ishtirokida 15-aprel – “Ekologik bilimlar kuni”ga bag‘ishlab “Yoshlarda ekologik bilim va madaniyatni shakllantirish” mavzusida davra suhbati bo‘lib o‘tdi.

Unda O‘zbekiston Ekologik partiyasi Markaziy Kengashi raisining birinchi o‘rinbosari Baxriddin Xofizov ishtirok etib, hozirgi globallashuv jarayoni, texnika va texnologiya, sanoat yuqori darajada rivojlangan asrda ekologiya, bioxilma-xillikni asrash, tabiatni muhofaza qilish bilan bog‘liq muammolar dolzarb vazifalardan biri ekanini ta’kidladi.

Shuningdek, bu borada yoshlarning ekologik madaniyatini yuksaltirish, ularni ekologiya sohasidagi qonunchilik va haq-huquqlar bilan tanishtirish alohida ahamiyat kasb etishi, bu harakatlar mamlakatimizda ekologiya yo‘nalishida olib borilayotgan ishlarda yoshlarning o‘rni va rolini oshirishga xizmat qilishi to‘g‘risida so‘z yuritdi.

Tadbir so'ngida O'zbekiston Ekologik partiyasi va Geologiya fanlari universiteti o'rtasida hamkorlik memorandumi imzonlandi.

✅Telegram|✅Facebook | 🌐Instagram |🌐 Web site | 📹You Tube

🌿 Tabiatni saqlash — faqat tanqid emas, harakat hamdir!

Ko‘p eshitamiz: "Daraxtlar kesilmoqda, tabiat yo‘qolmoqda" degan gaplarni. Bu albatta — og‘riqli haqiqat. Ammo yana bir haqiqat bor: yuragida yashillik muhabbati bo‘lganlar jim emas. Ular harakatda.

Masalan, M-39 xalqaro yo‘lining Termizdan Sherobodgacha bo‘lgan 61 km masofasida 290 mingdan ortiq daraxt ko‘chatlari ekildi. Ilgari chang‘-to‘zon, xas-cho‘p bilan to‘lgan bu yerlar bugun yashil kamarga aylanmoqda.

Faqat ekib qo‘yish bilangina ish bitmaydi. Mazkur yo‘lning 122 km maydoniga zamonaviy sug‘orish tizimlari o‘rnatildi, 32 ta suv havzasi yaratildi, yomg‘irlatib sug‘orish texnologiyasi ishga tushirildi. Bu — faqat tabiatga emas, kelajakka qo‘yilgan jondir!

Shunday ekan, ko‘zimizni faqat kesilgan daraxtlarga emas, ekilayotgan daraxtlarga ham tuta bilaylik.

❗️ Tabiatni asrash — tanqid bilan emas, harakat bilan boshlanadi!

Surxondaryo.uz | Telegram | Facebook | Instagram | YouTube | X

15-APREL — XALQARO EKOLOGIK BILIMLAR KUNI

Dunyoda kun sayin keskinlashib borayotgan ekologik muammolarni bartaraf etish uchun ekologik bilim yuqori bo‘lmog‘i lozim. Shu bois ham har yili dunyoning ko‘plab mamlakatlarida Ekologik bilimlar kuni nishonlanadi.

Bu kunni 1992-yil Rio-de-Janeyro shahrida o‘tkazilgan BMT konferensiyasida atrof-muhit muammolari muhokamasi chog‘ida insoniyatning hayoti va barqarorligi uchun butun dunyo aholisi o‘rtasida ekologik bilimni targ‘ib etish maqsadida nishonlash taklif etilgan edi.

Ushbu sananing asosiy maqsadi – sayyoramiz aholisining ekologik bilimini boyitish g‘oyasini ilgari surish, aholida ekologik madaniyatni rivojlantirish, jamiyatning ekologik xavfsizligi haqida jamoatchilikning xabardorligini oshirish hamda har bir fuqaroni tabiatga hurmat-ehtirom ruhida tarbiyalashni targ‘ib etishdan iborat.


✍️Surxondaryo viloyat partiya tashkiloti Matbuot xizmati

👉 Ijtimoiy tarmoqlarimizni kuzatib boring
🕊https://t.me/ecopartysurxon

🏢Fraksiya a’zolari qonun loyihasi bo‘yicha qanday savollarni ko‘tardi?

Oliy Majlis Qonunchilik palatasidagi O‘zbekiston Ekologik partiyasi fraksiyasi yig‘ilishida “Huquqbuzarliklar profilaktikasi to‘g‘risida”gi O‘zbekiston Respublikasi Qonuniga qo‘shimcha va o‘zgartirishlar kiritish haqida”gi qonun loyihasi muhokama etildi.

🔴BATAFSIL

✅Telegram|✅Facebook | 🌐Instagram |🌐 Web site | 📹You Tube

#iqtibos

Qarilik – bu quruqlik. Odam qarigani sari tanasidan suv qochganidek, yerdan suv qochgani sari u ham qarib boradi.

Abdushukur Xamzayev,
Oliy Majlis Qonunchilik palatasidagi
O‘zbekiston Ekologik partiyasi fraksiyasi rahbari

✅Telegram|✅Facebook | 🌐Instagram |🌐 Web site | 📹You Tube

O‘zbekiston Respublikasi Prezidentining 2021-yil 1-2-iyun kunlari Surxondaryo viloyatiga tashrifida ilgari surilgan tashabbus doirasida "To‘polang" suv omboridan Termiz shahrigacha bo‘lgan qariyb 382 kilometr uzunlikdagi magistral ichimlik suvi tarmog‘i qurilishi amalga oshirilmoqda.

Ushbu yirik infratuzilmaviy loyiha orqali Sariosiyo, Denov, Oltinsoy, Sho‘rchi, Qumqo‘rg‘on, Jarqo‘rg‘on, Termiz, Bandixon, Qiziriq, Angor, Muzrobot va Sherobod tumanlari, shuningdek, Termiz shahrida istiqomat qiluvchi 2 millionga yaqin aholi toza ichimlik suvi bilan ta’minlanishi rejalashtirilgan.

Bugun O‘zbekiston Respublikasi Bosh vazirining o‘rinbosari Achilboy Ramatov Surxondaryo viloyatiga tashrif buyurib, loyiha doirasida olib borilayotgan ishlar bilan yaqindan tanishdi. Tashrif doirasida Termiz va Bandixon tumanlarida nuroniylar, faollar va jamoatchilik vakillari ishtirokida uchrashuv tashkil etildi.

Tadbirda Surxondaryo viloyati hokimi Ulug‘bek Qosimov, "O‘zbekgidroenergo" AJ boshqaruvi raisi Abdug‘ani Sanginov, tegishli vazirlik va idoralar mas’ullari, loyiha ijrochilari, muhandis-quruvchilar hamda ommaviy axborot vositalari vakillari qatnashdi.

Uchrashuvdan so‘ng loyihaning ikkinchi bosqichi doirasida Termiz tumanida 28,6 kilometr va Bandixon tumanida 2,3 kilometr uzunlikdagi ichki metall hamda 9,4 kilometr magistral suv quvuri tarmog‘i qurilishiga start berildi.

Surxondaryo.uz | Telegram | Facebook | Instagram | YouTube | X