Sahifa

O‘ZBEKISTONDA OILA INSTITUTI KATTA XAVF OSTIDA

Shu kunlarda ayollar orasida "chidama" degan chellenj faol targ‘ib qilinmoqda. Avvaliga oilaviy zo‘ravonliklarga chidamaslikka chaqirgan bu chellenj endi mayda oilaviy ikir-chikirlarga ham chidamaslikka chaqiryapti. Bundan keyin ham bu yana agressivlashib va radikallashib borishiga shubham yo‘q.

Aslida bu g‘oyaning ilgari surilishining o‘zi xato edi. Chunki oilaviy zo‘ravonliklar ayollarning chidamasligi bilan hal bo‘ladigan muammo emas. Bu uchun har bir holat alohida ko‘rib chiqilib, yechim berilishi kerak. O‘zi umuman ikki odamning orasini isloh qilish juda nozik masala bo‘lib, buni shunchaki "chidama" deyish bilan hal qilib bo‘lmaydi.

Bir paytlari g‘arb davlatlarida qilinib, oila institutini parchalab tashlagan bu kabi radikal targ‘ibot kimga kerak bo‘lib qolgani menga qorong‘u. To‘la ishonch bilan ayta olamanki, bu targ‘ibotni tashkillashtirayotganlar oila haqida yetarli tushunchaga ega emas. Ular shunchaki jimjimador, ammo tagi puch g‘oyalarni ilgari surishmoqda.

Tasavvur qiling, davlatdagi ijtimoiy muammolarga ham odamlarga "chidama" deb ko‘chaga olib chiqsa nima bo‘ladi!? Bunaqa davlat parokanda bo‘ladi. Muammo chidamaslik bilan emas, hamma tomonlarning birdek harakat qilishi bilan bartaraf etiladi.

So‘zim so‘ngida shuni alohida ta’kidlash kerakki, men oilaviy zo‘ravonliklarga mutlaq qarshiman. Biroq, buni bartaraf etish uchun "chidama" deb targ‘ibot qilishni radikal yondashuv deb hisoblayman. Agar chidamaslik yechim bo‘lganida, g‘arb oila instituti parchalanib ketmas edi.

©️ Vafo Mo'min

🔝 @foydali_moliya