Type to search
Advanced channel search

Продам канал с доходом 138090

Всего за 55 000. Срочно нужны деньги.
img
ad

TGStat Bot

Bot to get channel statistics without leaving Telegram
img
ad

SearcheeBot

Your guide in the world of telegram channels
img
ad

Econview

@econview_1
Channel's geo and language: Uzbekistan, Uzbek
Category: Economics

Xullas

Related channels
Channel's geo and language
Uzbekistan, Uzbek
Category
Economics
Statistics
Is this your channel? Confirm Канал в реестре блогеров РКН? Confirm Channel history
Posts filter

Econview

30 Dec 2022, 01:19

Open in Telegram Share Report
The Economist nashriga ko’ra og’ir vaznlli ayollar vazni yengil yoki ijtimoiy ko’z normal deb biladigan darajadagi vazndagi ayollardan ko’ra kamroq ishlab topisharkan. Ya’ni, ular kamroq yoki samarasizroq ishlagani uchun emas, shunchaki semizroq bo’lgani uchun kamroq topishadi o’rtacha olganda.

Erkaklar orasida bu muammo deyarli yo’q ekan. Lekin umuman olganda tashqi ko’rinishni daromadlarga ta’siri ko’p o’rganilgan va chiroyliroq odamlar ko’proq ishlab topishlari ta’kidlanadi.

https://t.me/econview_1
2.1k 2 17 19 25
Econview

29 Nov 2022, 18:40

Open in Telegram Share Report
We are not going to leave Iran, we are going to take our country back

Bir Eronlik
1.5k 0 1 1 10
Econview

27 Nov 2022, 21:16

Open in Telegram Share Report
Video is unavailable for watching
Show in Telegram
Xitoyliklar, Parij. Amaldagi hukumatga qarshi protest qilishmoqda. Qo’rquv borligi sezilib turibdi suhbatlaridan ham.
1.5k 0 1 5
Econview

21 Nov 2022, 21:54

Open in Telegram Share Report
#challenge

Kelinglar xalq uchun, (ummat uchun) bir foydali #chellenj qilamiz.

Bilamizki, jamiyat muammosini yechishdagi ilk qadam odamlar ongida bu vaziyat haqida tushuncha paydo qilish.

Chellenj sharti juda oddiy – shu postni "copy" (копировать) qilingda telegram guruhlaringiz va kanallaringizga ulashing. Va o'zingiz ham suv inqirozi haqidagi ushbu filmni ko'rishni unutmang!

Bu har bir o'zbekistonlik ko'rishi kerak bo'lgan video:
https://youtu.be/-6n9ayTJZJM
SUV. Hujjatli film | ULAR
"ULAR" loyihasidan uchinchi maxsus son. Ushbu hujjatli filmda O'zbekistonda ichimlik suvi muammosi, Markaziy Osiyoda suv siyosati, unda mamlakatimizning tutgan o'rni yoritilgan. Shuningdek, O'zbekistonning suv tanqisligi mavjud bo'lgan hududlariga borib oddiy odamlarning dardini olib chiqishga harak...
1.4k 1 5 5 6
Econview

22 Aug 2022, 10:16

Open in Telegram Share Report
1.4k 0 10 1 6
Econview

20 Jul 2022, 08:54

Open in Telegram Share Report
1.7k 0 5 1 6
Econview

28 Jun 2022, 21:11

Open in Telegram Share Report
Forward from: NeoJadid
Injilda bir hikoya bor. Isoq oilasida egizaklar tug'iladi: Esau va Yoqub. Esau Yoqubdan bir daqiqa oldin tug'ilgani uchun kattalik huquqi (birthright, право первородства) unga beriladi. Yahudiy an'analariga ko'ra, ilk farzand Xudoga ataladi va shuning uchun tanlangan, juda ko'p barokot va imtiyozlarga ega hisoblanadi.

Kenja uka Yoqub akasi Esauga doimo hasad qilgani, bir kuni akasi ochligidan foylanib, bu kattalik huquqini bir kosa marjimek sho'rvaga sotib olgani hikoya etiladi. Ya'ni, Xudoning nazariga tushish, otasining boyliklariga me'rosxor bo'lish kabi imtiyozlarni Esau bir kosa sho'rvaga sotib yuboradi. Shundan beri продать право первородства за похлебку degan ibora nafsga qul bo'lib qiymatli narsani qiymatsiz narsaga almashishni anglatadi.

Tahminan, puxta va jo'yali Konstitutsyani bepul tonirovkaga almashishdek bir gap.
1.6k 0 6 3 28
Econview

23 Jun 2022, 21:03

Open in Telegram Share Report
Yana bir qo`shimcha: Turmush qurgan odamlar o`rtacha 18 % ga ko`proq baxtli bo`lar ekan qurmaganlardan ko`ra. Baxtsiz bo`ydoqlar, uylaninglar:)
1.5k 1 6 18 10
Econview

23 Jun 2022, 20:52

Open in Telegram Share Report
long-read

Yuqoridagi so'rovnomadagi kabi savol iqtisodchilarni ham qiziqtirgan va ular buni aniqlashga qaratilgan bir necha tadqiqotlar qilishgan. Tadqiqotlarga ko'ra ota-onalarning bunday harakatlari bolalarning 20-30 yoshlaridagi daromadida judayam oz miqdorda ta'sirga ega bo'lsa, hayotining qolgan qismida deyarli ta'sirga ega emas. Shuningdek, kollejga borgan ota-onalarning asrab olgan farzandlarining kollejda o'qishi (oliy ma'lumotli bo'lishi) xuddi shunday farzandlarning kollejga bormagan ota-onalar tomonidan asrab olinganda kollejga borishiga nisbatan 16 foizga ko'proq bo'lsa, kollejga borgan ota-onalarning biologik farzandlarini kollejga borish ehtimoli kollejga bormagan ota-onalarning biologik farzandlari kollejga borishi ehtimolidan 75 foizga ko'proq ekan. Bundan xulosa qilish mumkinki, farzand uchun ota-onalarning nima qilishi emas, aksincha ularning kimligi muhim. Boshqacha aytganda odatda yuqori ta'lim darajasiga ega, tirishqoq, tartibli ota-onalar odatda farzandlarini turli xil kurslarga beradi va ularning farzandlarining daromadi ham yuqori bo'ladi. Bu yerda statistika fanida ko'p tilga olinadigan OVB (omitted variable bias - tushirib qoldirilgan o'zgaruvchi xatoligi) yuz beryapti. Ya'ni ota-onalarning o'zlarining ta'limi uchun qilganlari bir vaqtda ularning farzandlarini aqliy salohiyatiga va ularni kursga berishiga ta'sir qiladi.

Demak farzandingizni aqlli, o'qimishli, qandaydir yuqori malakali inson bo'lishini istasangiz harakatni hozirdan o'zingizdan boshlashingiz kerak. Va yana muhim jihati turmush o'rtog'ingizni tanlashda ham e'tiborli bo'lishingiz zarur. Iqtisodchilarga ko'ra oila qurgandan keyin turmush o'rtoqni o'zgartirish bir muncha qiyin. Albatta bu kabi gaplar, farzandi ta'limi (turli xil kurslarga borish) uchun pul sarflayotgan ota-onalarga yoqmasligi tayin. Shu o'rinda ota-onalar farzandiga ta'sir o'tkazadigan (albatta ular dunyoga kelgandan so'ng) sohalar ham mavjud: alkogol ichish va tamaki chekish. Statistikaga ko'ra odatda ichuvchi va chekuvchi ota-onalarning farzandlarining shunday qilish ehtimoli nisbatan yuqori ekan.

Yana bir muhim topilma shuki ota-ona bo'lganlar o'rtacha xuddi shunday farzandli bo'lmagan odamga qaraganda baxtsizroq bo'lar ekan. Shu o'rinda qiziq savol tug'ilishi mumkin: u holda qanday qilib o'zlarining ratsionallikka da'vo qiluvchi nazariyalariga ega "yuraksiz" iqtisodchilar ota-ona bo'lishga qaror qilishadi? Bunga esa Stiv Levit quyidagicha javob beradi: "Mening iqtisodchi bo'lganim, men evolyutsiyaga boshqalar kabi kuchli aldanib qolmayman degani emas. O'z-o'zini aldash - bu ajoyib, qudratli kuch." Umuman olganda ko'pchilikni ota-ona bo'lishga undovchi narsa bu aynan qandaydir "ajoyib va qudratli kuch" bo'lsa kerak.

Podkastga link

P.S.: Izohlar fikrlar uchun ochiq!
P.P.S.: Xatoliklar uchun uzr. Kuzatuvchilarga rahmat.

@econview_1
Freakonomics Radio - The Economist’s Guide to Parenting (Rebroadcast)
Think you know how much parents matter? Think again. Economists crunch the numbers to learn the ROI on child-rearing.
1.4k 0 8 8 7
Econview

19 Jun 2022, 20:47

Open in Telegram Share Report
Selfish Reasons To Have More Kids.pdf
1.1Mb
Tarqatinglar kitobni, o`qishsin, zora orasida finalda gol uradiganlari chiqib qolsa:)
1.7k 0 59 21 8
Econview

12 Jun 2022, 10:49

Open in Telegram Share Report
Ota-onalarning o'z farzandlarini turli xil o'quv kurslariga berishi ularning kelajakdagi daromadiga qanday ta'sir qiladi deb o'ylaysiz?
Poll
  •   Ijobiy, ya'ni kelajakda farzandining daromadini oshiradi
  •   Ta'siri yo'q
  •   Salbiy
918 votes
4.3k 2 6 4
Econview

9 Jun 2022, 05:17

Open in Telegram Share Report
Forward from: Akrom Avezov | Izlanuvchi
Guriyev va Treismanga ko`ra, 20-asrning klassik diktatorlari, Gitler, Stalin va Mao Zedonglarni umumlashtriuvchi hislati bu – aholini doimiy qo`rquv ostida ushlab turish deb hisoblaydi. Shuning uchun ham olimlar bu rejimlarni Fear Dictators deb nomlaydi. Bunday rejimlar sirasiga nafaqat jamiyat ustidan total nazorat o`rnatgan fashistlar va kommunistlar, balki aksincha jamiyatni siyosiy demobilizatsiya qilishni maqsad qilgan Lotin Amerikasi, Janubiy Yevropa va Afrikadagi avtokratlar ham kiradi.

Ammo, kitobning asosiy obyekti zamonaviyroq fenomen, Spin Dictatorsga qaratilgan. Bu atamani qo`llanilishiga yangi tipdagi avtokratlarning jamoat bilan ishlashga katta kuch sarflashi sabab bo`lgan. Masalan, ingliz tilidagi Spin Doctors jumlasi polittexnologlar deb tarjima qilinadi. Ikki turdagi diktatorlarning asosiy farqi shundaki, birinchisi aholini bo`ysunishga majbur qilish yo`lidan ketsa, ikkinchisi ularning ishonchini qozonishni maqsad qiladi. Bu yo`lda Li Kuan Yu, Putin, Chavez va shu kabilar asosan 5ta shartli qoidaga amal qilishadi:
1. Aholi orasida yuqori reytingni saqlab turish (to be popular)
2. Yuqori reytingdan foydalanib o`z qudratini oshirish
3. O`zini demokratdek ko`rsatish
4. Dunyoga ochilish
5. Ochiqdan-ochiq repressiyadan saqlanish

Ushbu qoidalarning har biriga keyingi postlarimda aniq misollar bilan alohida to`xtalib o`taman.
1.3k 0 4 2 10
Econview

16 May 2022, 01:40

Open in Telegram Share Report
Think tanklar haqida (tahlil markazlari)

Think tank - bu muayyan siyosat, muammolar yoki g'oyalar atrofida tadqiqot o'tkazish uchun olimlar guruhini to'playdigan tashkilot. Think tanklarda muhokama qilinadigan mavzular ijtimoiy siyosat, davlat siyosati, iqtisodiy siyosat, siyosiy strategiya, madaniyat va texnologiya kabi keng doirani qamrab olishi mumkin. Ularni tahliliy fabrikalar deb ham atash mumkin.

Barcha think tanlar faoliyatiga ilmiy tadqiqotlar olib borish, munozaralar uchun maydon yaratish, g‘oyalar yaratish, davlat siyosatini monitoring qilish va jamoatchilikni intellektual resurslar bilan ta’minlash kiradi.

Aksariyat think tanklar notijorat tashkilotlar hisoblanadi, boshqalari esa hukumat, maxsus manfaatdor guruhlar yoki korporatsiyalar tomonidan moliyalashtirilishi mumkin. Bu akademik erkinlik darajasini va maqsadlarni aniqlashga yordam beradi. Masalan, hukumat think tanki milliy mudofaa strategiyasini rejalashtirishni, tijoriy tanklar esa yangi texnologiyalarni ishlab chiqish yoki sinovdan o'tkazishni o'z ichiga olishi mumkin.

Think tanklar turli yo'llar bilan tashkil etilishi mumkin, eng keng tarqalgani funktsiyalari bo'yicha quyidagi turlarga bo'linadi:

Mafkuraviy tanklar - Bu tashkilotlar mafkuraviy falsafaga asoslangan muammoni hal qilish uchun ishlaydi. Advokatlik tanklari sifatida ham tanilgan tadqiqot siyosatchilarni o'z yechimlarini qabul qilishga ishontirishga qaratilgan.
Mutaxassislar tanklari - Bu institutlar tashqi siyosat, qashshoqlik yoki atrof-muhit kabi o'ziga xos tematik yo'nalishga ega.
Submilliy markazlar - Bu milliy darajadan kichikroq bosqichlarda ishlaydigan hukumatga tegishli tahlil markazlari. Masalan, ma'lum bir davlat siyosatiga e'tibor qaratadigan tahlil markazlari.
Amaliy tanklar - "O'ylang va bajaring" deb ataladigan ushbu institutlar nodavlat tashkilotlarga o'xshaydi va xayriya loyihalarini moliyalashtirish kabi ko'proq amaliy harakatlarni amalga oshiradi.

Bazi ekspertlar think tanklarni ularning tashkiliy yoki geografik mansubligiga qarab tavsiflaydi. Bunga mustaqil fuqarolik jamiyati, universitet, hukumat, siyosiy partiyalar, korporativ, global va mintaqaviy homiylikdagi tahlil markazlari kiradi.Bundan tashqari, think tanklarni hajmi, ixtisoslashuv darajasi yoki yo'nalishi, rivojlanish bosqichi, moliyalashtirish manbasi yoki strategiyasi asosida tasniflash mumkin.

Quyida esa think tanklar uchun bazi misollar:
Heritage Foundation
Amerika taraqqiyot markazi
Tellus instituti
Xalqaro Karnegi tinchlik jamg'armasi.


@econview_1
Launch Content Homepage | The Heritage Foundation
Since our founding in 1973, The Heritage Foundation has been working to advance the principles of free enterprise, limited government, individual freedom, traditional American values, and a strong national defense.
1.4k 0 5 4 11
Econview

6 May 2022, 19:53

Open in Telegram Share Report
Hikmatli latifa:)

- Bir kunda xo'roz, tuya, eshak - uchchovini sud qilishibdi. Xo'roz xotinboz ekan, tuya tanbal ekan, eshak ahmoq ekan. Tekshirib-tekshirib xo'rozni begunoh deb topishibdi. Chunki xo'roz xotinboz bo'lgani bilan bu ishni tovuqlarni o'zi xohlarkan. Tekshirib-tekshirib tuyani ham begunoh topishibdi. Tuya tanbal bo'lgani bilan tanballika chidarkan. Qancha tekshirsayam, eshakni oqlashga sabab topa olishmabdi. Ahmoqligi ko'rinib turganmush. Oxiri ungayam muruvvat qilishibdi. Ahmoq bo'lsayam, mahalliy kadr-ku, yuraversin, deb qo'yib yuborishibdi.

© O'tkir Hoshimov. Nur borki, Soya bor

Men bu latifani proteksionizm siyosatini yuziga tutilgan oyna sifatida ko'rdim, xulosani o'zingiz chiqarib olasiz.

@econview_1
1.2k 0 9 4 18
Econview

1 May 2022, 10:00

Open in Telegram Share Report
Yana erkin savo haqida

Erkin savdo, uning foyda va zararlari haqida ho'b va ko'p gapirilgan. Erkin savdoning mamlakat iqtisodiyotiga ta'siri ko'plab olimlar tomonidan o'rganilgan. Boshqacha aytganda bu mavzu "chaynalib ketgan". Lekin bu safar biz erkin savdoning mamlakatning ichki siyosatida yoki institutlaridagi ham ta'siri bo'lishi mumkinligi haqida gaplashamiz. Ya'ni davlatlar tashqi savdosining erkinligi darajasiga qarab ularning siyosiy va iqtisodiy institularida o'zgarish bo'lishi mumkin. Masalan, tasavvur qilaylik, biz ixtiyoriy ravishda o'zimiz erkin savdo rejimini tanladik (hech bir tashkilotga a'zoliksiz). Ushbu holatda Rikardoning nisbiy ustunlik nazariyasiga ko'ra biz ayrim tovarlarni ishlab chiqaramiz ayrimlarini esa import qilamiz. Chunki ayrim tovarlarni ishlab chiqarishdan ko'ra ularni import qilsh arzonroqqa tushadi. Bu shuni anglatidiki biz yanada tashqi dunyoga bog'lanib qolamiz. Tashqi dunyoga qanchalik ko'p bog'lansak ichki siyosatdagi erkinlik biz uchun shuncahlik qimmatroq bo'lib boradi. Negaki dunyo tomonidan adolatsiz yoki inson huquqlarini buzuvchi deb topiladigan har qanday siyosiy o'zgarishlar dunyo hamjamiyati nigohida bo'ladi va bu uning oqibatlariga qarab ular bizga nisbatan tashqi savdoda sanksiyalarni qo'llashiga olib keladi. Bu holatda qaror qabul qiluvchilar tanlov qilishiga to'g'ri keladi. Ya'ni yoki sanksiyalar ostida bo'lib ichki siyosatda hukmronlik saqlab qolish va shu bilan birga siyosiy bosim ostida qolish, yoki umumqabul qilingan normalar asosida davlat boshqaruvini yo'lga qo'yish.

Bunga ayni kunlardagi Rossiya misol bo'la oladi. Rossiya o'zining xatti-harakatlari orqali dunyo hamjamiyati tomonidan ko'plab iqtisodiy sanksiyalarga uchramoqda. Rossiya agar tashqi savdoga yopiqroq bo'lganida sanksiyalar balki u qadar sezilarli bo'lmasdi chunki bu holatda Rossiya hozirgidan farqli o'laroq ma'lum bir tovarlargagina ixtisoslashib qolmasdan, qimmat bo'lsada ko'plab tovarlarni o'zi ishlab chiqarar va sanksiylar bu kabi tovarlarni narxida unchalik sezilmasdi. Lekin hozirgi holatda uning tashqi savdosining YaIMdagi ulushi nisbatan yuqori. Tashqi savdodagi sanksiyalar allaqachon o'zining ta'sirini ko'rsatyapti. Shu sababdan Rossiya uchun nafaqat tashqi balki ichki siyosatni o'zi xohlagandek erkin amalga oshirish unga qimmatga tushyapti. Bu esa Rossiya fuqarolarining farovonligida o'z aksini topmasdan qolmaydi.

Xulosa o'rnida Pol Krugman aytganidek, erkin savdo bitimlarini tuzishdan asl sabab bu - bizni xorijning qandaydir nohalol raqobatidan asrash emas, aksincha uning haqiqiy maqsadi o'zimizni o'zimizdan himoya qilish ya'ni siyosatdagi ma'lum bir toifa manfaatlarini cheklash uchun vosita xolos. Tashqi savdo siyosati bir nechta davlatlar o'rtasidagi emas, davlatlardagi ma'lum bir guruhlar ichida manfaatlar to'qnashuvini yuzaga keltiradi. Shu sababdan tashqi savdoning ochiqligi bevosita mamlakat siyosatida o'z aksini topmasdan qolmaydi.

@econview_1
1.7k 2 5 1 9
Econview

30 Apr 2022, 10:13

Open in Telegram Share Report
Сув (Онасининг бағрига кетётганлар учун)

Одатда онамга сувни идиши қопқоғини очиб бераман. Ўзи очишга кучи етмайди.



Бугун машинада мени кута туриб онам сув айтди. Онамни докторларни тавсиясига кўра анча вақтдан бери тез-тез сув ичиб юради. Рўза тутиш мумкинмас. Хуллас сувни опкелар эканман эрталабдан бери кутиб ўтирган жойимдан қўнғироқ бўлди. Айтишларича ишим битмасмиш. Асабларим бардош бермасди. Машинани миниб уйга кетишим керак. Онам ёнимда. Машинага сувни қўйдиму ўзимга-ўзим бутун дунёни қарғай, ишимни битирмаган одамларни лаънатлай бошладим. Машинани хайдар эканман аламдан бақирар эдим. Дунёни адолатсизлигию одамларнинг бефарқлигидан жунбушга чиқардим. Онам хеч нарса демай кетарди. Орада бир кўзим тушди, онам сувни қўйган жойимдан қўлига олди ичиш учун. Шу билан яна ўзимни хаёлларим, ўзимни ўйларим билан ўзимга-ўзим қарғаниб кетардим. Бутун дунёдан хафа эдим.

Анча вақт юрдик. Уйга яқинлаб қолдик. Ховуримдан тушдим. Озгина чалғидим. Чанқаганимни сездим. Сувни олиб очиб ичдимда яна қайтиб жойига қўйдим. Кейин бир нарсани сезиб қолдим. Сувни қўйганимдан кейин бироз ўтиб онам секин сувни олдида сумкасидан бокалини олиб қуйиб ичди. Аввалига эътибор бермагандим лекин кейин хаёлимга нима қилганим келдию уятдан қизара бошладим. Мен сувни очиб ичганимда сув очилмаган эди. Йўлга чиққан пайтимиз онам сувни қўлига олганди лекин уни оча олмаган. Мени вовиллаб кетишимни кўриб сувни очиб беришимни сўрашга қўрққан. Йўл бўйи мен сувни очиб ичишимни кутган ва очганимдан сўнг секин олиб ўзи хам ичган.



Йўл бўйи дунёдан хафа бўлиб келган мен энди ўзимдан хафа бўлиб юраман.

Онани буюклигию фарзанни расволиги хақида бундан ортиқ мисол бўлмаса керак.

Манба
Сув
 Одатда онамга сувни идиши қопқоғини очиб бераман. Ўзи очишга кучи етмайди. Бугун машинада мени кута туриб онам сув айтди. Онамни докторларн...
1.1k 0 8 2 30
Econview

15 Apr 2022, 15:08

Open in Telegram Share Report
SSSR va "Mo'jiza"

1960-yillarda SSSR AQSH ga texnologik va iqtisodiy jihatdan maksimal yaqinlashgandi deb yozmoqda Otabek Bakirov. 1931-yildagi nutqlaridan birida Stalin biz rivojlangan davlatlardan 50 yoki 100 yil orqadamiz, bu masofani 10 yil ichida yo'qqa chiqarishimiz kerak, aks holda ular bizni yanchib tashlashadi degandi. Natijada Ittifoq o'zidagi resurslarni barchasini nazorat qila olgani uchun, yuqori darajadagi investsiylash harakatini amalga oshirishga kirishdi.

Uzoq muddatli o'sishni mamlakatdagi investitsiya miqdori belgilab beradi, odatda. 1930-1980 yillar oralig'ida investitsiyaning YIM dagi ulushi SSSR da AQSH yoki boshqa g'arb mamlakatlarida bo'lganidan ko'ra ikki barobar ko'p bo'lgan. Avvaliga bunday katta ko'lamdagi investitsiyalash samaradorlikdagi hamda iqtisodiy o'sishni keltirib chiqardi va ko'pchilik Sovet Ittifoqi dunyoning eng samarali iqtisodiga aylanadi deb o'ylashdi. Ammo, 1970 va 1980-yillarga kelib o'sish sekinlashdi. Yakunda esa ittifoq parchalanib ketdi.

Ittifoqdagi qaror qabul qiluvchilar ular nimani qayerda, qancha, qanday ishlab chiqarishni bozordan yaxshi bilamiz deb o'ylashdi. O'sha vaqtda iqtisodiy o'sishga simbol bo'lib qolgan og'ir industriyaga ko'p resurs sarflandi. 1950-yillardan boshlab milliy g'ururni oshirgan, ammo iqtisodiy holatni taranglashtirgan kosmik dasturlar uchun ko'p mablag' ishlatildi. Bundan tashqari byurokratiya darajasi ham baland edi. Oxir-oqibat investitsiyaning noto'g'ri yo'naltirilgani uzoq muddatda baribir o'sishning sekinlashishiga olib keldi.

https://t.me/econview_1
bakiroo
​"Америка Қўшма Штатларига етиб олайлик ва ўзиб кетайлик!" Бундан 60 йил аввалги бу шиор ҳозир кулгули туюлиши мумкин. Лекин ўз вақти учун ўринли, балки имконли ҳам бўлган. Чунки айнан 60- йилларда Совет иттифоқи ва Ғарб ўртасида техник, технологик, иқтисодий фарқ энг минимумгача тушган. Шу вақтга...
1.4k 0 8 4 10
Econview

9 Apr 2022, 13:48

Open in Telegram Share Report
Ota: Eng kamida tabiatni vayron qilishdan oldin juda ko'p pul ishkadik.

O'gil: To'g'ri, lekin tushlikka nima deymiz dada?

https://t.me/econview_1
1k 0 0 18
Econview

3 Apr 2022, 14:38

Open in Telegram Share Report
Ishonch haqida

Biz kundalik hayotda foydalanadigan pullar agar biz ularni boshqalar ham qabul qilishiga ishonmasak bir parcha qog'ozga aylanadi. Misol uchun sizga qilgan ishingizga haqni Kuba pesosida to'lashni taklif qilishsa ko'p extimol bilan rozi bo'lmaysiz. Chunki bu pulni boshqalar qabul qilishiga ishonmaysiz. Bundan tashqari bugun qog'oz pullar bir vaqtlar bo'lganidek oltin kabi qimmatli metallarga tenglashtirilmagan.
Shu sababli bu tizimda doim ham hammasi yaxshi ketmaydi, agar odamlar bu pulni qabul qilishni to'xtatishsa. Bu holat ko'pincha yuqori darajadagi inflyatsiya tufayli sodir bo'ladi.

Taniqli iqtisodchi Laurens M. Ball "Money, Banking and Financial markets" kitobida yozmoqda:

1996-yilda O'zbekistonga yosh davlat amaldorlariga iqtisodni o'qitish uchun bordim. Bu paytda O'zbekistonda inflyatsiya yuqori edi va ko'pchilik odamlar o'zaro munosabatlarda dollardan ko'p foydalanishardi. Ammo, o'zbeklar dollarni faqat toza va buklab tashlanmagan holatda qabul qilishardi, chunki aks holda ular o'ylashardiki boshqalar kir yoki g'ijim pulni qabul qilmaydi.Talabalarimdan birining cho'ntagidagi 100 dollariga ruchka siyohi yoqilib qolibdi va pulni qadrini tushirib yuborgan. Men o'zimda bor toza 100 (90 dollar taklif qilish haqida ham o'yladim) dollarga siyoh to'kilgan 100 dollarni alishdim, chunki AQSHda bu pulni qabul qilaverishadi.Bu fiat pullarning qabul qilinish tizimi qanday ishlamay qolish mumkinligining real hayotdagi misoli.

Manzil:https://t.me/econview_1
Econview
Iqtisodiyot va uning atrofidagi bitiklar.
1.3k 1 7 2 18
Econview

31 Mar 2022, 17:02

Open in Telegram Share Report
Brain Drain va Rossiya

Putinning Ukrainadagi urushi tufayli millionlab Ukrainaliklar qochqinlarga aylanishdi. Polsha va Germaniya ularning asosiy manzillari bo'lishyapti. Ammo, Gruziya, Turkiya kabi mamlakatlar Rossiyadan kelyotgan yuqori malakali odamlarga uy bo'lishyapti. 2014-yildan keyin Rossiyadan qayta jonlangan brain drain jarayoni urush tufayli tezlashib ketdi. Brain drain - bu yuqori malakali ishchilarning yuqoriroq hayot standardlarini qidirib mamlakatni tark etishi hisoblanadi. Har qanday davlatning asosiy boyligi odamlar va Rossiya o'zining eng qimmat boyligini yo'qotmoqda.

The Economist ga ko'ra mart oyining ikkinchi haftasiga qadar 200 ming Rossiyalik vatanini tark etgan. Birgina Gruziya 30 mingga yaqin odamlarni qabul qilingan. Bizga ham ko'plab IT mutaxasislari kelyotgani aytilmoqda.

Rossiyaning qudrati bu uning neft yoki gazi, armiyasi emas, balki shunday insonlari va ular vatanni tark etishyapti, majbur bo'lishyapti. Yana takrorlayman, Rossiya o'zining eng qimmatbaho boyliklaridan ayrilmoqda.

https://t.me/econview_1
Econview
Iqtisodiyot va uning atrofidagi bitiklar.
1.1k 1 4 4 12
20 last posts shown.

242

subscribers
Channel statistics