🎉3-dekabr kuni Toshkentda “Inson huquqlari uyi”ning rasmiy ochilish marosimi boʻlib oʻtdi.

Tadbirda “Taraqqiyot strategiyasi” markazi ijrochi direktori Eldor Tulyakov ishtirok etib, oʻz faoliyatini boshlagan “Inson huquqlari uyi” inson huquqlari boʻyicha taʼlim va tadqiqotlar uchun zamonaviy maydon, innovatsion yondashuvlar asosida sohadagi yangi tashabbuslar rivojlantirilishiga zamin boʻlib xizmat qilishiga ishonch bildirdi.

“Inson huquqlari uyi”ning ochilishi nafaqat inson huquqlarini himoya qilish sohasidagi saʼy-harakatlarimiz, balki “Oʻzbekiston-2030” strategiyasi va yangilangan Konstitutsiyamiz asosidagi maqsadlarni roʻyobga chiqarish yoʻlidagi muhim qadamdir.

Endilikda ushbu maskan raqamli platformalar orqali huquqiy axborot tarqatish, huquqlarni himoya qilish borasida innovatsion yechimlarni joriy etishda yana bir muhim maydon boʻladi. Shu orqali yoshlar va jamiyatning keng qatlamlari inson huquqlariga oid bilimlar bilan taʼminlanadi, deb ishonamiz.

Oʻz navbatida, “Inson huquqlari uyi” — nafaqat huquq himoyachilarining, balki butun jamiyatimiz faoliyatini qoʻllab-quvvatlaydigan markaz sifatida inson huquqlari sohasidagi faoliyatimizni yangi bosqichga koʻtaradi”, — dedi Eldor Tulyakov.

Markaz rasmiy sahifalari
Telegram | Facebook | Instagram | Twitter | Youtube