Lev Tolstoy 18 yoshida o'zi uchun manifest yozgan va unda quyidagi bandlar bo'lgan:
— Har tong o'zing uchun qilishing kerak bo'lgan narsalarni belgilab ol;
— Iloji boricha kamroq uxla;
— Barcha og'riqli vaziyatlarni tashqariga chiqarmaslikka harakat qil, chida;
— Qanday ish boshlaganingdan qat'iy nazar, uni oxiriga yetkazmaguncha to'xtab qolma;
— O'zing tanimagan yoki sen hurmat qilmaydigan insonlarning sen qilayotgan ish haqdagi fikri bilan qiziqma;
— Kechqurun kun davomida o'rganganlaringni takrorla. Har hafta, har oy va har yil o'rganganlaring bo'yicha o'zingni imtihon qil. Nimanidir esdan chiqarganingni bilib qolsang — boshidan boshla;
— Hatto o'n baravar boyib ketsang ham, o'z turmush tarzingni o'zgartirma;
— Shuhrat yoki obro' uchun sarf-xarajat qilguvchi bo'lma;
— O'zing uchun iloji boricha ko'proq mashg'ulot o'ylab top;
— Yolg'iz bajara oladigan ishing uchun yordamchi talab qilma;
— Vaziyat qanchalik yomon bo'lsa, faollikni shunchalik kuchaytir;
— Yaxshilik qilish uchun imkoniyat qidir.
@Bookerberg
