PEDIATRIYA (Dr.Lazizbek_Nurmamatov)

🩺 Bolalarda qusish: sabablari va yordam berish usullari

Qusish bolalarda keng tarqalgan simptomlardan biri bo‘lib, turli sabablar bilan bog‘liq bo‘lishi mumkin. Baʼzan bu oddiy hazm jarayonining buzilishi bo‘lsa, baʼzan esa jiddiy kasallik belgisi bo‘lishi mumkin.

🛑 Asosiy sabablar

✅ Infeksiya – virusli gastroenterit (ich ketish bilan kechadigan ichak infeksiyalari), ichak infeksiyalari, o‘rta quloq yallig‘lanishi (otit) va boshqa kasalliklar.
✅ Hazm tizimi muammolari – refluks, laktoza intoleransi, qorin dam bo‘lishi.
✅ Zaharlanish – sifatsiz oziq-ovqat yoki dori-darmon qabul qilish.
✅ Neyrologik sabablar – miya chayqalishi, intrakranial bosim oshishi.
✅ Psixogen omillar – stress, qo‘rquv, emotsional holat.

👶 Qaysi hollarda shoshilinch shifokor chaqirish kerak?

🚨 Bola qusish bilan birga quyidagi belgilar kuzatilsa:
🔴 Suvsizlanish belgilar (og‘zi quruqlashishi, siydik kam chiqishi, teri elastikligining pasayishi).
🔴 Qorinda kuchli og‘riq.
🔴 Qonda qusish yoki axlatda qon aralash bo‘lishi.
🔴 Harorat juda baland (39°C dan yuqori).
🔴 Bola hushsiz yoki juda zaif bo‘lsa.

🏠 Uy sharoitida yordam

✅ Bolani yonboshlab yotqizish (nafas yo‘llariga qusindi ketishining oldini olish uchun).
✅ Suvsizlanishning oldini olish – ORS eritmasi (Regidron), onalik suti yoki qaynatilgan suv berish.
✅ Ovqatni vaqtincha cheklash, yengil hazm bo‘ladigan mahsulotlar bilan boshlash.
✅ Agar qusish to‘xtamasa yoki boshqa xavfli belgilar bo‘lsa, darhol shifokorga murojaat qilish.

⚕️ Muhim!
Antibiotiklar va qusishga qarshi dorilarni shifokor maslahatidan tashqari ishlatish tavsiya etilmaydi.

Unutmang!
Sogʻlom bola sogʻlom kelajak deganidir!!!

Dr.Lazizbek_Nurmamatov

Kanalga ulanish👇
https://t.me/doctor_pediatr_uz

🩺 O‘tkir respirator virusli infeksiyalar (ORVI) va gripp: Farqi va davolash usullari

🔹 Gripp va ORVI o‘rtasidagi farqlar
Gripp va ORVI (o‘tkir respirator virusli infeksiyalar) bolalarda tez-tez uchraydi, lekin ularni ajratish muhim:
✔️ Gripp: To‘satdan boshlanadi, yuqori isitma (39-40°C), zo‘riqish, mushak og‘rig‘i va bosh og‘rig‘i bilan kechadi.
✔️ O'RVI: Sekin boshlanadi, dastlab burun bitishi, yo‘tal va tomoq og‘rig‘i kuzatiladi.

🔹 Qanday simptomlar xavfli?
🚨 Shifokorga murojaat qilish kerak, agar bola:
- Nafas olishda qiyinchilik sezsa
- Teri rangi oqarib yoki ko‘karib qolsa
- Suv ichishdan bosh tortsa
- 3 kundan ortiq yuqori isitmada bo‘lsa

🔹 Uy sharoitida yordam:
✅ Xona harorati +18-22°C, namlik 50-60% bo‘lishi kerak
✅ Bolaga ko‘p suyuqlik ichirish kerak (issiq choy, kompot)
✅ Burunni yuvish va yotishdan oldin tomoqni chayish foydali
🚫 Antibiotiklar virusga ta’sir qilmaydi! Ularni faqat bakterial infeksiya bo‘lsa shifokor tavsiya qiladi.

Dr.Lazizbek_Nurmamatov

Kanalga ulanish👇
https://t.me/doctor_pediatr_uz

🔔Ona suti – chaqaloqning eng qimmat ozig‘i

🍼 Ona suti – yangi tug‘ilgan chaqaloq uchun eng mukammal ozuqa manbai bo‘lib, uning jismoniy va aqliy rivojlanishida muhim rol o‘ynaydi.

🔹 Tarkibidagi noyob moddalari bilan ajralib turadi:
✅ Proteinlar va yog‘lar – chaqaloqning o‘sishi va rivojlanishi uchun zarur;
✅ Immunoglobulinlar – bolaning immunitetini mustahkamlab, infeksiyalarga qarshi himoya qiladi;
✅ Laktoza – miya rivoji va ovqat hazm qilish tizimining yaxshi ishlashiga yordam beradi;
✅ Vitamin va minerallar – suyak va to‘qimalarning mustahkam o‘sishini ta’minlaydi.

🔹 Ona suti bolani qanday himoya qiladi?
🦠 Ichak infeksiyalaridan
🤧 Virusli kasalliklardan
🚼 Allergik reaksiyalardan
👶 Kamqonlik va raxitdan

🔹 Emizishning onaga foydalari ham bor:
❤️ Homiladorlikdan keyin organizmning tiklanishiga yordam beradi;
⚖️ Ortiqcha vazndan qutulishga yordam beradi;
🦸‍♀️ Ko‘krak bezi saratoni xavfini kamaytiradi;
🧘‍♀️ Ruhiy holatni barqarorlashtiradi.

📌 Eksklyuziv emizish (faqat ona suti bilan boqish) chaqaloqning dastlabki 6 oyi davomida tavsiya etiladi. Keyinchalik esa 2 yoshgacha ona suti bilan oziqlantirish foydali hisoblanadi.

👶 Har bir tomchi ona suti chaqaloq uchun qimmatli! Onalik ne’matini qadrlaylik!

Dr.Lazizbek_Nurmamatov

Kanalga ulanish👇
https://t.me/doctor_pediatr_uz

👶 Bolaning og‘zidan nega suv oqadi?

Bolaning og‘zidan suv oqishi (tupurik oqishi) ko‘pincha tabiiy holat bo‘lib, quyidagi sabablarga bog‘liq bo‘lishi mumkin:

🔸 Tish chiqishi — Odatda 4-7 oyda boshlanadi. Tish chiqayotgan paytda og‘izda ko‘proq tupurik hosil bo‘ladi.
🔸 Og‘iz mushaklari rivojlanishi — Chaqaloqlar boshqaruvni o‘rganayotganda, og‘izdagi tupurikni yutishni hali to‘liq o‘zlashtirmagan bo‘ladi.
🔸 Ovqat hazm qilishga tayyorgarlik — 4-6 oylikdan boshlab organizm qo‘shimcha ovqatlarga tayyorlanib, tupurik ajralishi kuchayadi.
🔸 Allergiya yoki infeksiya — Ba’zi hollarda allergiya yoki og‘iz bo‘shlig‘i infeksiyalari ham tupurik oqishini kuchaytirishi mumkin.

⚠️ Qachon tashvishlanish kerak?
Agar bola bezovtalansa, isitmasi chiqsa yoki og‘izda yaralar paydo bo‘lsa, pediatr bilan maslahatlashish lozim.

📌 Bolalardagi o‘sish va rivojlanish haqida ko‘proq ma’lumot olish uchun bizni kuzatishda davom eting!

Dr.Lazizbek_Nurmamatov

Kanalga ulanish 👇
https://t.me/doctor_pediatr_uz

🩺 Bolalarda qayt qilish: Sabablari va xavfli holatlar

Qayt qilish (qusish) bolalarda keng uchraydigan simptom bo‘lib, turli sabablarga ko‘ra yuzaga kelishi mumkin.

🔍 Asosiy sabablari:

✔ Infeksiya – oshqozon-ichak viruslari (rotavirus, norovirus)
✔ Ovqat hazm qilish buzilishi – ortiqcha ovqatlanish, allergiya
✔ Neyrogen sabablar – bosh jarohati, miya ichki bosimining oshishi
✔ Metabolik muammolar – glyukoza muvozanati buzilishi, elektrolit disbalansi
✔ Toksikoz – oziq-ovqat yoki dori zaharlanishi

⚠ Qachon xavotirga tushish kerak?

🚨 Shoshilinch yordamga murojaat qiling, agar:

Bola doimiy qusayotgan bo‘lsa (6-8 martadan ko‘p)

Qusganda qon yoki safro (yashil qusish) bo‘lsa

Suvsizlanish belgilar (quruq lab, kam siyish, holsizlik) kuzatilsa

Qusish bilan birga yuqori harorat, tutqanoq yoki hushyorlik pasayishi bo‘lsa


👩‍⚕ Nima qilish kerak?

✅ Bolani yotqizib, boshini yon tomonga buring
✅ Suvsizlanish oldini olish uchun oz-ozdan suyuqlik ichiring (Regidron, qaynatilgan suv)
✅ Yangi ovqat berishdan avval 4-6 soat kuting
❌ Dori vositalarini shifokorsiz bermang!

Bolangizning ahvoli yomonlashsa yoki qusish davom etsa, shoshilinch ravishda shifokorga murojaat qiling!

Dr.Lazizbek_Nurmamatov

Kanalga ulanish👇
https://t.me/doctor_pediatr_uz

📌 Bolalarda Appenditsit: Alomatlari, Sabablari va Davolash Usullari

Appenditsit — bu koʻpincha bolalarda uchraydigan va tez tibbiy yordam talab qiladigan jiddiy holat. Appenditsitni oʻz vaqtida aniqlab, davolash asoratlarning oldini olish uchun juda muhim.

🩺Appenditsit nima?
Appenditsit — (appendiks) koʻrichak chuvalchangsimon oʻsimtasining nospetsifik yalligʻlanish kasalligi. Agar davolanmasa, appendiks yorilishi (perforatsiya) va jarohatlanishi mumkin, bu esa jiddiy asoratlarga olib keladi.

❕Asosiy alomatlari:
1. Qorin ogʻrigʻi: Koʻpincha kindik atrofida boshlanib, oʻng qorin pastki qismiga siljiydi.
2. Koʻngil aynishi va qusish: Ogʻriq bilan birga koʻngil aynishi va qusish kuzatilishi mumkin.
3. Ishal yoki qabziyat: Baʼzi bolalarda qabziyat boʻlishi mumkin.
4. Haroratning koʻtarilishi: 37,5°C dan 39°C gacha harorat koʻtarilishi mumkin.
5. Ishtahaning yoʻqolishi: Bolaning ishtahasi keskin pasayadi.

🔍Sabablari:
- Appendiksning ichidagi yoʻlning toʻsilishi (masalan, najas yoki limfa toʻplanishi natijasida).
- Yuqumli kasalliklar.
- Ichak parazitlari.

✔️Davolash:
- Jarroxlik amaliyoti (appendektomiya): Appenditsitning eng samarali davolash usuli. Appendiksni olib tashlash uchun oddiy yoki laparoskopik operatsiya qilinadi.
- Antibiotiklar: Operatsiyadan oldin yoki keyin infektsiyani oldini olish uchun qoʻllaniladi.

📝 Muhim maslahatlar:
- Agar bolada yuqoridagi alomatlar kuzatilsa, darhol shifokorga murojaat qiling.
- Appenditsitni oʻz vaqtida davolamaslik jiddiy asoratlarga (masalan, peritonitga) olib kelishi mumkin.

📎 Qoʻshimcha maʼlumot:

Appenditsitni oʻz vaqtida aniqlash va davolash bolaning sogʻligʻini saqlab qolish uchun juda muhim. Har qanday shubhali holatda mutaxassisga murojaat qiling.


Dr.Lazizbek_Nurmamatov

Kanalga ulanish 👇
https://t.me/doctor_pediatr_uz

👶 BOLALARDA CHURRA (ГРИЖА) SABABLARI VA DAVOSI

🔍 Churra nima?
Churra – qorin ichki a’zolarining qorin devoridagi zaif joylar orqali tashqariga chiqishi. Ko‘p uchraydigan turlari:

✅ Kindik churrasi (umbilikal churra)
✅ Qovuq churrasi (inginal churra)

📝 Sabablari
📌 Tug‘ma zaif to‘qimalar
📌 Chaqaloqlarda kindik halqasining yopilmasligi
📌 Qattiq yig‘lash, yo‘tal yoki qabziyat tufayli qorin ichki bosimi oshishi
📌 Haddan tashqari og‘ir yuk ko‘tarish

🗯 Belgilari
🔻 Qorin yoki chov sohasida yumshoq shish paydo bo‘lishi
🔻 Yotganda yoki bosilganda yo‘qolishi
🔻 Yig‘lash yoki zo‘riqishda kattalashishi
🔻 Baʼzan og‘riq yoki noqulaylik sezilishi

⚠️ Xavfli holatlar! 🚨
Churra siqilib qolsa (strangulyatsiya):
❗ Qattiq og‘riq, qusish, qizarish yoki ko‘karish
❗ Churra joyini qaytarib bo‘lmasligi
❗ Bolaning bezovtaligi, harorat ko‘tarilishi

✔️ Davolash

🔹 Kindik churrasi: Ko‘pincha 2-3 yoshgacha o‘z-o‘zidan yopiladi. Maxsus bog‘lam va massaj foydali bo‘lishi mumkin.
🔹 Qovuq churrasi: Odatda jarrohlik yo‘li bilan davolanadi. Agar churra siqilib qolsa, shoshilinch operatsiya talab etiladi!

📌 Muhim!

⚠️ "O‘z-o‘zidan tuzalib ketadi" deya eʼtiborsiz qoldirmang!
⚠️ Xalqona muolajalar (tanga yopishtirish, bog‘lash) yordam bermaydi, aksincha zararli bo‘lishi mumkin!
⚠️ Churra belgilarini sezsangiz, pediatr yoki bolalar jarrohiga murojaat qiling!

UNUTMANG❗️

📢 Bolaning sog‘lig‘i – eng katta boylik! Shu mavzu bo‘yicha savollaringiz bo‘lsa, izohlarda qoldiring yoki shaxsiy xabarlarga yozing. ✅

Dr.Lazizbek_Nurmamatov

Kanalga ulanish👇
https://t.me/doctor_pediatr_uz

Bolalarda tilosti pardasini kesish (ankyloglossia frenotomy) boʻyicha klinik taktika

Tilosti pardasini kesish—ankiloglossiya (til osti pardasining qisqaligi) holatlarida bajariladigan kichik xirurgik muolaja. Bunda bolada emish, soʻzlash yoki ogʻiz gigiyenasi bilan bogʻliq muammolar kuzatilsa, frenulotomiya yoki frenulektomiya bajariladi.

📌 Jarrohlik taktikasi

▪️Bemorni baholash

Til osti pardasi qanchalik qisqa ekanligini aniqlash uchun Hazelbaker Ankyloglossia Assessment Tool (HATLFF) yoki KOTLOW klassifikatsiyasi ishlatiladi.

Emish qobiliyatini LATCH yoki IBCLC baholash tizimlari yordamida tekshirish mumkin.

▪️Indikatsiyalar

Bola emishda qiyinchilik tortayotgan boʻlsa (kam vazn olish, uzoq emish, onada ogʻriqli laktatsiya).

Til harakati cheklanganligi sababli soʻzlash muammolari yuzaga kelgan boʻlsa.

Bolaning ogʻiz gigiyenasiga taʼsiri bor (masalan, tishlarni tozalashda qiyinchilik).

▪️Anesteziya

Yangi tugʻilgan chaqaloqlar uchun odatda lokal anesteziya talab qilinmaydi, lekin 2-3 oylik va undan katta bolalar uchun lidokain 2% yoki topikal anestetik ishlatilishi mumkin.

Katta yoshdagi bolalar uchun baʼzan sedatsiya yoki umumiy anesteziya zarur boʻlishi mumkin.

🔪 Kesish usullari

🔺 Klassik frenulotomiya

Steril qaychi yoki elektrokauter yordamida kesish.

Minimal qon ketishi boʻladi, koʻpincha tampon bilan bosib toʻxtatish mumkin.

3-5 daqiqadan soʻng ona yoki shisha orqali emizish tavsiya etiladi.

🔺 Frenulektomiya

Agar pardasi qalin boʻlsa yoki mushak toʻqimalarini qamrab olsa, toʻliq eksizyon (kesib olib tashlash) qilinadi.

Xirurgik skalpel yoki lazer bilan bajariladi.

Tikuv (suturalar) kamdan-kam hollarda talab etiladi.

🔺 Lazer bilan kesish

CO₂ yoki diode lazeri kam qon yoʻqotish bilan anesteziyasiz bajarilishi mumkin.

Kam invaziv va tiklanish tezroq.

⏳ Operatsiyadan keyingi bosqich

✅ Bolani emizib koʻrish: Natijani darhol baholash.
✅ Ogʻiz gigiyenasi: Bemorning til harakatini mashqlar bilan ragʻbatlantirish (tilni tepaga koʻtarish mashqlari).
✅ Dori vositalari (agar kerak boʻlsa): Analgetiklar (paratsetamol), antiseptik eritmalar (xlorheksidin) yoki shifobaxsh gellar.

⚠️ Asoratlar

Qon ketishi (kam uchraydi, koʻpincha bosish bilan toʻxtaydi).

Infeksiya (kam hollarda, antiseptik bilan yuvib oldini olish mumkin).

Chandiq toʻqima hosil boʻlishi (agar notoʻgʻri kesilsa).

📌 Xulosa

Agar bola normal emsa va til harakatlari cheklanmasa, jarrohlik shart emas.

Frenulotomiya oddiy va xavfsiz protsedura boʻlib, aksariyat hollarda 1-2 daqiqa ichida bajariladi.

Operatsiyadan keyin bolani darhol onaning koʻkragiga qoʻyish tavsiya etiladi, chunki bu tabiiy ogʻriq qoldirish va stressni kamaytirishga yordam beradi.

Dr.Lazizbek_Nurmamatov

Kanalga ulanish👇
https://t.me/doctor_pediatr_uz

🔹 Bolalarda til pardasi (Ankyloglossiya)

Til pardasi (frenulum linguae) – tilni og‘iz tubiga bog‘lab turuvchi ingichka to‘qima bo‘lib, uning qisqa yoki haddan tashqari zich bo‘lishi bolaning emish, yutish va keyinchalik nutqiga ta’sir qilishi mumkin.

🧬 Etiologiyasi

⚠️Til pardasining anormal rivojlanishi homiladorlik davrida yuzaga keladi va quyidagilar sabab bo‘lishi mumkin:
🔹 Genetik moyillik (oilaviy kuzatilishi mumkin)
🔹 Embrional rivojlanishning buzilishi
🔹 Homiladorlik paytida infeksiyalar yoki toksik ta’sirlar

📌 Klinik belgilar

👶 Yangi tug‘ilgan chaqaloqlarda:

✔️ Emishda qiyinchilik, onada og‘riqli emizish
✔️ Kam vazn orttirish
✔️ Tilni yuqoriga yoki yon tomonlarga harakatlantirishda cheklov

🗣 Katta yoshli bolalarda:

✔️ Ba’zi tovushlarni noto‘g‘ri talaffuz qilish (L, R, S)
✔️ Ovqatni chaynash va yutishda qiyinchilik

Bu muammo qanday davolanadi? 🩺 Keyingi postda shu haqda batafsil yozaman!

Dr.Lazizbek_Nurmamatov

Kanalga ulanish👇
https://t.me/doctor_pediatr_uz

🩺 Apgar shkalasi

Bu yangi tugʻilgan chaqaloqning holatini baholash tizimi. Bu chaqaloqqa shoshilinch tibbiy yordam zarurligini aniqlash uchun kerak.
Eslab qolish uchun ayol shifokor APGAR tomonidan qoʻllanilgan uning familiyasinig bosh harflaridan foydalaniladi:
Ularning har biri 0 dan 2 gacha qilib baholanadi.

А (Appearance) — terining rangi (qizgʻish - 2 ball,қизғиш koʻkimtir
1- ball, marmar rang - 0 ball )

Р (Puls) — puls (120 dan ortiq - 2 ball, 80 dan past - 1 балл, arang aniqlanadi)

G (Grimace) — yuz mimikasi, yigʻishtirib yigʻlaydi - 2 ball, mimikasiz yigʻisi past - 1 ball, yigʻlamaydi - 0 ball.

А (Aktivity) - harakat faoliyati, mushaklar tonusi: faol - 2 ball, passiv - 1 ball, harakatsiz - 0 ball.

R (Respiration) — nafas olish harakatlari, refleksli qoʻzgʻaluvchanlik: faol - 2 ball, passiv - 1 ball, refleks yoʻq - 0 ball.

Shunday qilib, baholashning umumiy natijasi 0 dan 10 gacha hisoblanadi.
8-10 ball - ahvoli yaxshi;
5-8 ball - ahvoli qoniqarli;
3-5 ball - ahvoli ogʻir;
2-3 ball - oʻta oʻgir ahvolda.

Dr.Lazizbek_Nurmamatov

Kanalga ulanish👇
https://t.me/doctor_pediatr_uz

📌 Bolalarda Kriptorxizm: sabablari, belgilari va davosi...

Kriptorxizm nima?

Kriptorxizm – bu bola tugʻilganda moyaklarning bittasi yoki har ikkitasi moyak xaltasiga (skrotumga) tushmagan holati. Bu holat asosan oʻgʻil bolalarda kuzatiladi va tugʻma anomaliyalar orasida eng koʻp uchraydiganlaridan biridir.

🔍Kasallikning sabablari

▪️Gormonal buzilishlar:
▫️Androgen yoki gonadotropin yetishmovchiligi.

▪️Mehnat jarayonidagi qiyinchiliklar:
▫️Muddatidan oldin tugʻilgan chaqaloqlarda uchrash ehtimoli yuqori.

▪️Genetik omillar:
▫️Oilaviy anamnezda kriptorxizm yoki reproduktiv tizimning boshqa anomaliyasi.

▪️Moyak yo‘lining mexanik toʻsiqlari:
▫️Moyak qorin boʻshligʻi yoki qovuq sohasida “yurib qolishi” mumkin.

Kriptorxizmning turlari

1⃣ Haqiqiy kriptorxizm:
▫️Moyak qorin boʻshligʻida yoki qovuq yaqinida joylashgan.

2⃣ Ektopik kriptorxizm:
▫️Moyak notoʻgʻri joyda – oʻrindan tashqari joylashadi (masalan, sonning yuqori qismida).

3⃣ Oʻz-oʻzidan qaytuvchi moyak (Retraktil):
▫️Moyak vaqtinchalik tushadi, keyin yana yuqoriga qaytadi.

Belgilari va tashxislash

📍 Klinik belgilari:

🔸Moyak xaltasining bir tomoni boʻsh boʻlib koʻrinadi.
🔸Chaqaloqning harorat oʻzgarishiga yoki sovuqqa sezgirligi oshishi.
🔸Baʼzi hollarda moyak atrofiyasi.

📍 Tashxis usullari:

🔸 Vizual ko‘rik va palpatsiya.
🔸UZI (ultratovush) – moyakning joylashgan oʻrnini aniqlash uchun.
🔸MRI yoki laparoskopiya – qiyin holatlarda.

Davolash taktikalari

✔️Kuzatish:
🔺Bir yoshgacha moyaklarning oʻz-oʻzidan tushish ehtimoli mavjud.
🔺Agar moyak tushmasa, 6 oylikdan boshlab davolash kerak.

✔️Gormonal terapiya:
🔹HCG (chorionik gonadotropin) yoki GnRH (gonadotropin-rilizing gormoni) inʼeksiyalari.

✔️ Jarrohlik davosi (Orxidopeksiya):
🔺Moyakni moyak xaltasiga joylashtirish.
🔺Operatsiya odatda 6-12 oy oralig‘ida amalga oshiriladi.

✔️ Laparoskopik davolash:
🔺Moyak qorin boʻshligʻida boʻlsa, ushbu usul tavsiya qilinadi.

Kriptorxizmning asoratlari

❗️Bepushtlik: Moyakning yuqori harorat taʼsirida funksiyasi buzilishi.
❗️Moyak o‘sma kasalliklari (seminoma): Kriptorxizmda xavf ortadi.
❗️Moyakning burilib qolishi (torsiya).
❗️Psixologik muammolar: Estetik va jinsiy rivojlanishdagi noqulayliklar.

Oldini olish va profilaktika

⚠️ Homiladorlik davrida salomatlikni nazorat qilish:
⚠️Stressni kamaytirish, toʻgʻri ovqatlanish va zararli odatlardan voz kechish.
⚠️ Muddatidan oldin tugʻilish xavfini kamaytirish.
⚠️ Tugʻruqdan soʻng chaqaloqni pediatrik ko‘rikdan muntazam o‘tkazish.

Kriptorxizmni vaqtida aniqlash va davolash – asoratlarning oldini olish uchun muhim. Agar farzandingizda moyaklarning tushmagani sezilsa, imkon qadar tezroq pediatr yoki bolalar urologi bilan bog‘laning.


Dr.Lazizbek_Nurmamatov

🔗 Telegram kanalimizga qo‘shiling: Pediatriya bo‘yicha foydali maʼlumotlar va maslahatlar uchun!
https://t.me/doctor_pediatr_uz

🔔Nutq nuqsonlari quyidagi mezonlar asosida tekshiriladi!!!

▪️Gullash davri (3 oylikdan)

🔸1 yosh 6 oylikda 10-15 ta soʻz

🔸2 yoshda 300 ta soʻz

🔸3 yoshda 1000 ta soʻz

🔸6-7 yoshga kelib 4000 dan 5000 gacha soʻz lugʻat boyligida boʻlishi lozim.

✅ Nutq nuqsonlarini bartaraf etish yoʻllari:

🔺Artikulatsiya, nafas, mayda qoʻl muskullarini rivojlantiruvchi mashqlar.

🔺Logomassaj (nuqtali, boʻshashtiruvchi, tetiklashtirivchi massaj)

🔺 Muammoli tovushni nutqqa qoʻyish (taqlid va mexanik usulda)

🔺 Nutqni rivojlantiruvchi didaktik oʻyinlar.

⚠️ Logoped tavsiyalari:

🔹Bolaning nutqi kechikayotganini yoki tovushlarni notoʻgʻri talaffuz qilayotganini, duduqlanayotganin sezsangiz, darhol pediatr-logopedga murojat qiling. Qancha erta murojaat qilsangiz, nutq nuqsonlari shuncha tez va samarali tarzda bartaraf etiladi.

Dr.Lazizbek_Nurmamatov

Kanalga ulanish👇
https://t.me/doctor_pediatr_uz