Din ishlari bo‘yicha qo‘mita

“УМРА” ТАДБИРЛАРИНИ ТАШКИЛ ЭТАЁТГАН ТУРОПЕРАТОРЛАРГА ОГОҲЛАНТИРИШ


🔎 Ўтказилган таҳлилларга кўра, интернет ва ижтимоий тармоқларда “Умра” тадбирларини ташкил этиш ва ўтказишга оид хизматларни кўрсатиш билан боғлиқ реклама ахборотлари фаоллашганлиги, тегишли лицензия ва рухсатномалар бўлмаган ҳолатда ушбу хизматлар реклама қилинаётганлиги кузатилмоқда.

⚡️Жумладан, туроператорлар томонидан октябрь-декабрь ойларида Умра зиёратига юбориш бўйича хизматлар кенг реклама қилинаётгани қайд этилмоқда.

🤔Маълумки, “Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида”ги Ўзбекистон Республикаси Қонуни 2024 йил 2 июль куни қабул қилинди. (02.07.2024 йилдаги ЎРҚ-935-сон)

✅Ушбу Қонунга мувофиқ лицензияга эга бўлган туроператорлар томонидан “Умра” тадбирларини ташкил этиш ва ўтказишга оид хизматларни кўрсатиш жорий йил 5 октябрга қадар амалга оширилади.

✅Бунда, Дин ишлари бўйича қўмита мазкур соҳадаги лицензияловчи ваколатли орган сифатида белгиланди.

❌2024 йил 5 октябрдан сўнг “Умра” хизматини кўрсатиш бўйича барча турдаги фаолият ноқонуний ҳисобланади.

🔴Ушбу қонунбузарлик учун лицензия олиш соҳасидаги ҳуқуқбузарликлар учун юридик шахсларга солинадиган жарималар миқдорлари БҲМнинг 200 баравари (68 млн сўм) этиб белгиланган.

🟠 Огоҳ бўлинг, “Умра” тадбирларини ташкил этиш ва ўтказишга оид хизматларини лицензияга эга бўлмаган субъектлар томонидан кўрсатиш тақиқланган.

❕ Ҳурматли фуқаролар, Дин ишлари бўйича қўмита зиёратчиларимизни "Умра" амалларини муносиб ва хавфсиз бажаришлари учун огоҳ бўлишлари ва кейинчалик турли кўнгилсиз ҳолатларга тушиб қолмасликлари мақсадида ишончли ва кафолатланган хизматлардан фойдаланишларини тавсия этади.

🌐 Din ishlari boʻyicha qoʻmita
Axborot xizmati

Telegram | Instagram| Facebook | Twitter

Manfaatlar to‘qnashuvi bilan bog‘liq munosabatlarni tartibga solish bilan bog‘liq eng muhim masalalarni qamrab olgan uslubiy ishlanmalar:

🔖Davlat xizmatida yuzaga keladigan manfaatlar to‘qnashuvi holatlari, ularni bartaraf etish choralari bo‘yicha milliy qonunchilik va xalqaro standartlarga asoslangan uslubiy qo‘llanma

🔖Manfaatlar to‘qnashuvini tartibga solish bo‘yicha uslubiy tavsiyalar

🔖Davlat organlari va tashkilotlari xodimlari ish stolida eslatma sifatida foydalanishi uchun manfaatlar to‘qnashuvi bilan bog‘liq holatlar va bunday vaziyatlarda ko‘riladigan choralar bo‘yicha illyustrativ tarqatma materiallar

Mazkur materiallar davlat organlari va tashkilotlarida manfaatlar to‘qnashuvi bilan bog‘liq munosabatlarni tartibga solishga masʼul bo‘lgan tarkibiy bo‘linmalar (korrupsiyaga qarshi ichki nazorat yoki kadrlar bo‘linmalari), shuningdek, Odob-ahloq komissiyalari faoliyatida uslubiy yordam bo‘lib xizmat qiladi.

🌐 Din ishlari boʻyicha qoʻmita
Axborot xizmati

Telegram | Instagram| Facebook | Twitter

#umra2024

🕋 Makkaga yetib kelgan ilk umrachilar katta ehtirom bilan kutib olindi

🗣“Umra – 2024” yangi mavsumi boshlanib, ilk guruh ziyoratchilari muborak diyorga joʻnab ketgani haqida xabar bergan edik.

📌 Madinai munavvaradagi ziyoratlar yakunlangandan soʻng, ziyoratchilarimiz Zul-Hulayfa masjidida umrani niyat qilib, oppoq ehromda zamonaviy avtobuslarda Makkai mukarramaga yoʻl oldi.

📍Hamyurtlarimiz muhtasham “Al-Ayam Elite” mehmonxonasiga kirishlari bilanoq iliq qarshi olinib, zam-zam suvlari, xurmo, shirinliklar, gullar va hadyalar ulashilib ikrom qilindi. Ishchi guruhi va hamkor shirkat vakillari tomonidan tantanali ravishda katta ehtirom bilan kutib olindi.

✅Zamonaviy mehmonxonada xonalari tayin boʻlgan ziyoratchilarimiz mohir oshpazlar pishirgan lazzatli taomlaridan bahramand boʻlgandan soʻng guruh rahbarlari hamrohligida Masjidul Haramga yoʻl olishdi va Baytullohda tavof, saʼy kabi umra amallarini bajarishga kirishdilar.

Telegram | Instagram| Facebook | Twitter

#xushxabar #umra2024

🕋 Xushxabar: “Umra – 2024” yangi mavsumi boshlandi

📅 2024-yil 10-sentabr kuni “Umra – 2024” mavsumining navbatdagi bosqich ilk guruh ziyoratchilari Toshkent xalqaro aeroportidan Saudiya Arabistoniga joʻnab ketdi.

✈️ Mazkur reysda Qoraqalpogʻiston Respublikasi, Qashqadaryo, Fargʻona, Buxoro viloyatlari va Toshkent shahridan 240 nafar umrachilar Jidda shahriga yoʻl oldi.

📌 Maʼlumot oʻrnida, ziyoratchilarimiz Madina shahrida 3 kun, Makka shahrida esa 8 kun boʻladi.

🏢 Ziyoratchilar Madinada “Grand Shahba”, Makka shahrida esa “Al-Ayyam Elite” va  “Marmara Hotel” singari zamonaviy mehmonxonalarda istiqomat qilishadi.

✅ Ularga 3 mahal issiq ovqat, shirinlik va sarxil mevalar tortiq qilinadi.

🌐 Din ishlari boʻyicha qoʻmita
Axborot xizmati

Telegram | Instagram| Facebook | Twitter

#tabrik
#mustaqillik

🇺🇿 Bayram muborak, aziz yurtdoshlar!

Oʻzbekistonimiz oʻtgan davr mobaynida xalqimizning tinchligi va totuvligini taʼminlash hamda xalqimiz farovonligi yoʻlida mashaqqatli va zalvorli yoʻlni bosib oʻtdi. Shu bilan birga, hali oldimizda ulkan va masʼuliyatli rejalar, ulugʻvor maqsadlar turibdi.

Din ishlari boʻyicha qoʻmitaning ahil jamoasi jonajon xalqimizni Mustaqilligimizning 33 yillik shodiyonasi bilan samimiy tabriklaydi.

Yurtdoshlarimizga uzoq umr, sihat-salomatlik, farovon hayot tilaymiz. Bu yilgi bayram tadbirlari bosh shiorida ta’kidlanganidek “Bir bo‘lsak – yagona xalqmiz, birlashsak – Vatanmiz!”

Mustaqillik bayrami barchamizga muborak boʻlsin!

🌐 Din ishlari boʻyicha qoʻmita
Axborot xizmati

Telegram | Instagram| Facebook | Twitter