Dilshoda Xakimova | Blog

Bakalavrni tugatib, darhol magistratura oʻqish afzalliklari⤵️

1. Akademik va tadqiqotning uzluksizligi — Tadqiqot va ko'nikmalaringiz hali yangiligida magistraturada oʻqish oson boʻladi.

2. Karyerada ko‘tarilish — Magistrlik soha bo'yicha chuqurroq bilim beradi va siz mehnat bozorida yanada “qadrli” boʻlasiz.

3. Yuqori daromad olish — Ba'zi sohalar yuqori darajadagi lavozimlar uchun magistr darajasini talab qiladi, ya'ni siz tezroq yaxshi ishga kirishingiz mumkin.

4. Netvorking imkoniyatlari — Professor, tadqiqotchi va kursdoshlar bilan professional munosabatlar o'rnatasiz.

5. PhDni erta boshlash — Agar PhD darajasini olishni rejalashtirsangiz, magistraturani erta tugatgan yaxshi.

6. Shaxsiy rivojlanish — Magistrlik tanqidiy fikrlash, muammolarni hal qilish va mustaqil tadqiqot ko‘nikmalarini oshiradi.

7. Grantlar — Ko‘p universitetlar to‘g‘ridan to‘g‘ri bakalavrdan so‘ng topshirganlarga stipendiyalar taklif qiladi.

❓Xoʻsh, kim “srazu” magistr oʻqimoqchi?

@dilshoda_xakimova

❤️“Progress-D” loyihasi bitiruvchisi, Qarshi 35-maktab o’quvchisi Shodiyeva Dilnura chet elda bakalavr oʻqish uchun umumiy hisobda 264 ming dollar grant yutib oldi!

1. Western England University’da oʻqish uchun jami 128 ming dollar Prezident Stipendiyasi.

2. Saint Louis University’da oʻqish uchun jami 38 ming euro Inigo mukofoti.

3. Simmons University’da oʻqish uchun jami 96 ming dollar Trustee Stipendiyasi.

💸Bu raqamlar hali davom etadi. Dilnuraning keyingi ishlariga omad tilaymiz!

@dilshoda_xakimova
@Progress_d

Assalamu alaykum! Eng yaxshilarim🤍

Bugungi Iyd al-Fitr — ulugʻ Ramazon Hayiti muborak boʻlsin! Allohdan nimaiki soʻrasangiz, xayrli shaklda nasib boʻlsin. Qilgan ibodatlar, tutilgan roʻzalarni dargohida qabul qilsin.

InshaaAllah, keyingi Ramazon oyiga salomatlikda yetkazsin!

@dilshoda_xakimova

🤔Magistraturada sohani o’zgartirsa bo’ladimi?

Magistr sohamni aytgandan keyin ko’pchilik so’radi: “Til filologiyasini bitirib, ta’lim boshqaruvida o’qisa bo’ladimi?”

🤔Ha, albatta.

Ammo O’zbekiston milliy universitetlarida bakalavr sohaga mos bo’lgan turdosh magistraturaga topshirish shart. Magistrda sohasini o’zgartirish maqsadidagi yoshlar ko’p.

Xorijiy universitetlar va O’zbekistondagi xalqaro universitet filiallarida esa bakalavr sohasiga qaralmaydi.

Xalqaro universitetlar magistratura “admission requirements” da bakalavr diplomini talab qilishadi. Lekin aynan mos sohadagi diplomni emas. Magistrda yo’nalishini o’zgartirganlar o’qishga kirolmasa, bakalavr sohasi to’g’ri kelmaganini aytadi. Aslida unday emas!

Xo’sh, bakalavrda boshqa yo’nalish, ammo magistrda umuman boshqa sohani tanlab o’qishga kirmoqchi bo’lsak, nima qilish kerak?

— TOP universitetlar sohaga kuchli qiziqishi borlarni qabul qiladi. Kuchli qiziqishni esa quyidagilar orqali aniqlaydi:

1. Xatlarda magistr sohasiga kuchli qiziqishingizni ko’rsating.

2. Portfolio (hujjatlar) ni magistr sohasiga mos ish tajribasi bilan boyiting. Amaliyot qiling.

3. O’zgartirgan sohangiz bo’yicha proyektlarga qatnashing, loyihalar tashkillang.

4. O’sha soha bo’yicha qo’shimcha trening, kurslar o’qing.

5. Soha bo’yicha ilmiy izlanish qilib, maqola, tezislar yozing.

6. Eng muhimi, topshirayotgan hujjatlaringizda bakalavrda olgan bilim, ko’nikmalaringiz magistratura sohasida zo’r bo’lishingizga imkoniyatlar berishini tushuntiring.

🚀Bularni bajarsangiz, istagan sohangizga ko’zlariga 🦜yo qilib qabul qilishadi😉

@dilshoda_xakimova

Chet elda magistratura o’qish uchun nimadan boshlash kerak?

1. Maqsad va yo’nalishni aniqlang:
Avvalo, o’zingizga savol bering: qaysi sohada va qanday mamlakatda magistratura qilishni xohlaysiz?

2. Universitetlarni oʻrganing:
Tanlagan yo’nalishingiz bo’yicha yuqori reytingli universitetlar va dasturlarni o’rganing. Kirish talablari, narxi, stipendiyalar va qabul muddatlarini aniqlang.

3. Til talablarini bajarish:
Chet elda IELTS kabi til sertifikati talab qilinadi. Balki GRE, GMAT ham. Ularga tayyorlaning.

4. Hujjatlarni tayyorlang:
Asosan, CV, motivatsion xat, tavsiyanoma, baholar kerak.

5. Stipendiya imkoniyatlarini qidiring:
Ko’pgina universitetlar va xalqaro tashkilotlar chet ellik talabalar uchun moliyaviy stipendiyalar taklif qiladi. Ularga ariza topshiring.

6. Ariza topshirish:
Universitetning onlayn platformasida barcha talab qilinadigan hujjatlarni yuklab, arizangizni yuboring.

Savollaringiz bo’lsa, izohlarda yozib qoldiring!

@dilshoda_xakimova

NSP (National Scholarship Programme) uchun qabul ketmoqda.

#nsp heshtegida kanalda juda ko’p postlar yozganman.

Bu grant bo’yicha ko’plarga bilim berdim va ular hozir Yevropada o’qishmoqda. Siz ham topshiryapsizmi?

@dilshoda_xakimova

⚡️Bakalavriat talabalari uchun Turkiya Sabanji universitetida barcha xarajatlari qoplanadigan 8 haftalik amaliyot dasturi

Talablar
— Barcha davlat fuqarolari qatnashishi mumkin;
— Bakalavr bosqichi talabalari ariza topshirishi mumkin;
— Nomzodlar yaxshi akademik ko'rsatkichga ega bo'lishi lozim;
— Dastur doirasidagi tadqiqotlar ingliz tilida, shu sababli ingliz tilini yetarlicha bilish lozim.

Foydali tomonlari
— Ariza topshirish bepul;
— Bepul turarjoy bilan ta'minlanadi;
— 9,000 lira oylik stipendiya ajratiladi, Turkiyaga safar xarajatlari qoplanadi;
— Dastur yakunida sertifikat beriladi.

Oxirgi muddat
11.04.2025

Batafsil bu yerda

@dilshoda_xakimova

🇺🇸YPIP intervyu bosqichi

• Intervyu onlayn shaklda, odatda, Zoom’da individual tarzda bo’lib o’tadi. Sizga millati oʻzbek yoki ingliz mas’ul savollar beradi. Odatda, 4-5 ta muhim savollar beriladi.

Avvalgi mavsumlarda berilgan odatiy savollar:

1. Oʻzingizni tanishtiring. (Ism-familiya, oʻqish joyi…)

2. 3 oylik dastur davomida qayerda turasiz? (Dastur Toshkentda offlayn boʻlgani uchun viloyatda yashaydiganlar Toshkentga kelishi kerak. Xarajatlar qoplanadi.)

3. Universitet va yoʻnalishingiz haqida. Nega aynan shu sohani tanlagansiz?

4. Oʻzingiz haqda gapiring: fazilat, ko’nikma va tajriba.(qualities, skills and experience)

5. Aynan siz tanlagan sohada ish topib bera olmasak, boshqa yana qanday sohada ishlay olasiz?

• Avval ish tajribangiz boʻlsa, tajriba boʻyicha savollar beriladi. Intervyudan oldin dasturga topshirgan hujjatlaringizni yaxshilab oʻqib chiqing. Savollar oʻzingiz haqingizda tushadi🤓

Hammaga omad!

@dilshoda_xakimova

💐Yosharish, yangilanish, yashnash bayrami Navroʻz ayyomi bilan tabriklayman!

Alloh ulug’ kunlarda duo va ibodatlarni qabul qilsin. Qalbingiz bahor havosidek huzurli bo’lsin.

@dilshoda_xakimova

🇺🇸Oʻquvchilarim Amerika elchixonasi YPIP dasturi intervyu bosqichiga oʻtdi.

🎙️Keyingi hafta intervyu bosqichi ekan. Intervyu savollari haqida yozaymi?

✋🏻Yana kimlar o’tdi?

@dilshoda_xakimova

⚡️NSP (National Scholarship Programme) ga qabul ochildi!

Grant bakalavrning 2 yarim yilini tamomlagan talabalar, professor va tadqiqotchilar uchun Slovakiyada toʻliq grant asоsida oʻqish va tadqiqot olib borish imkoniyatini beradi.

🔆Saralov bosqichlari qanday?

📝Saralov 2 bosqichda o’tadi.

1-bosqich:

Siz Slovakiya universitetlaridan yo’nalishingizga mos bo’lgan fakultetidan Qabul xati (Acceptance Letter) olishingiz kerak.
Odatda, bu bosqichda sizdan:

1. CV
2. Motivational letter (Motivatsion xat)
3. Recommendation letters (ba’zida so’raladi (tavsiyanoma xatlari)
4. Language certificate/Proof of language level (Til sertifikati/ Til bilish bo’yicha ma’lumotnoma)
5. Passport (Shaxsni tasdiqlovchi hujjat)
6. Study plan (O’quv rejasi)
7. Academic transcript (Baholar jadvali)
8. Confirmation letter from university. (Universitetdan ma’lumotnoma)

❗️Ba’zi universitetlar hujjatlaringizni topshirganingizdan keyin siz bilan intervyu o’tkazishi mumkin.

2-bosqich: Bunda siz National Scholarship Program (NSP) saytiga quyidagi hujjatlarni topshirasiz.

1. Acceptance letter (Qabul xati)
2. CV
3. Detailed study plan (Batafsil yozilgan o’quv rejasi)
4. Motivational letter (Motivatsion xat)
5. Two Recommendation letters (2 ta tavsiyanoma xati)
6. Confirmation letter from university. (Universitetdan ma’lumotnoma)

Ariza topshirish uchun link: https://www.scholarships.sk/en/main/submit-application

@dilshoda_xakimova