DEBAT XOLL | Saylov 2024

— Xalqimiz bugungi siyosatni to‘laqonlicha tushunmasligi mumkin, lekin jadidlar buni tushungan bo‘lar edi. Chunki, jadid bobolarimiz mana shunday O‘zbekiston uchun yashashdi, mana shunday O‘zbekiston uchun jon berishdi. Ular O‘zbekistoning shunday mustaqil parlamenti, hurriyati, so‘z erkinligi bo‘lishini istashgan edi. O‘ylaymanki, oradan 100-150 yil o‘tib ham jadid bobolarimiz — Cho‘lpon, Fitrat, Qodiriy va boshqalarning nomlari, ular orzu qilgan yangi O‘zbekistonda jarang sochib turaveradi.

– Bu yil butun dunyo bo‘ylab saylovlar yili bo‘ldi. Mamlakatimiz ham ushbu jarayonda faol ishtirok etib, yangi parlamentni tarkiblantirdi.

— Bu yilgi saylov YXHT tomonidan avvalgi yillardagi kabi jiddiy tanqid ostiga olinmadi. Jiddiy xato va kamchiliklar ko‘zga tashlanmadi.

– Kuzatuvlar natijasida saylov jarayonining ochiqligi, shaffofligi va sifati oshganligi ma’lum bo‘ldi.

— Xorijiy ekspertlar saylovlarimizda nogironligi bor shaxslar uchun yaratilgan shart-sharoitlarni ijobiy baholashdi.

– Partiyalarimiz jonli efirlarda jasorat bilan o‘z so‘zini ayta oldi, o‘z g‘oyasi, tashabbusi va rejalarini aniq ochib bera olishdi.

– Bu yilgi saylovlarni yoritish tizimi yaxshi ishlagani uchun "fake"lar kamaydi va axborotlar tezkorlik bilan vaqtida berildi.

– Yangi O‘zbekistonning yangi parlamenti saylovda insonlar orzu qilgan jamiyat sari hammani birlashtira oldi.

— Biz debatlarni avval ham tashkil etilganini ko‘rgandik, lekin jonli efirda, jonli auditoriya bilan dialog orqali debatlar biz uchun yangilik bo‘ldi. Spikerlar zaldan berilgan savollarga jonli efir muhitida, tayyorgarliksiz javob berishi barcha uchun hayratlanarli bo‘ldi.

– Bu yilgi saylovlarda har bitta ovozining qadr-qimmati oshdi, aholimiz har bir ovoz muhimligini anglashdi.