DavronJON

Руминия президенти Чаушеску ўлдирилгандан кейин бир киши унинг қасрига келди ва у билан кўриштиришларини сўради. Қўриқчи: Президент ўлди - деди. Бир соатдан кейин келиб яна ўша нарсани сўради. Қўриқчи: Мен сенга Президент ўлди - дедим.
У одам учинчи марта қайта келиб сўровини такрорлади. Қўриқчи асабий ҳолда деди: Эй одам, сен гап тушунасанми, президент ўлган, дедим. Ва ниҳоят бу одам ҳам деди: Ҳа, тушунаман. Лекин бу хабарни эшитиш менга жуда ёқимли бўляпти!

@MubashshirAhmad

2 ой ишсиз юрдим

Ич-ичимдан ўйлардим. Мен ҳеч қачон ишсиз қолмайман.

Мабодо ишсиз қолсам ҳам:

а) Инглиз тили билан «любой» жойга кириб кетаман;
б) Диплом балим 96%. Давлат ишхоналари шундоқ ишга олади;
с) Иш тажрибага эгаман, умуман муаммо бўлмайди;
д) Рус тилини мулоқот даражасида биламан, талаб юқори;
э) Блогим бор. 1000 тача одам ўқийди;
ф) Амакимга алоқага чиқаман, мактабга жойлаб қўяди;
ҳ) Ўлдим деганда, устозларимга ёзаман — иш топиб беради.

Хуллас, ҳамма сабаблар бор. Ҳеч ким мени тўхтатиб қололмайди!

Ичимда ўйлаган кун келди. Бирдан ишсиз қолдим:

а) Инглиз тили мактаблари тўлган;
б) Диплом баҳойим билан итам қизиқмади;
с) Қаерларда ишлагансан дейдиган одам йўқ;
д) Рус тилини идеал билиш керак дейишди;
э) Блогимда ёздим. Ёрдам бўлмади;
ф) Амаким ишга жойлай олмади;
ҳ) Устозлар дуо қиламиз деёлди холос..

2 ой қийналдим. Қарзга ботдим. Эркак киши ишсиз қолиши азоб экан..

Охири тушундим — обрўли жойда ўқишим, яхши жойларда ишлашим, хуллас барчаси — тиришқоқлигимдан эмас, балки Аллоҳнинг раҳматидан экан.

Биз унутувчимиз. Сабаблар билан ўралашиб қоламизда, барча нарсанинг ортида Аллоҳ турганини эсдан чиқарамиз. Ўзим эришяпман деган ҳиссиёт ўтади.

а, б, с, д... алфавит тўла сабаб бўлмайдими — Аллоҳ изн бермаса бир тийн экан.

Сиз ишонаётган — амаки, тоға, амма. хола, оппоқ дода ёрдам беришга қодир эмас. Ишонаверинг.

Охири синиқлик билан таҳажжудда дуо қилдим.

Бирдан йўлим очилди. Бир нечта жой ишга чақиришни бошлади. Ҳаммаси жойига тушди.

Хулоса, дунёнинг илми сизда бўлса ҳам, 20 йиллик мутахассис бўлсангиз ҳам, 88 та тил билсангиз ҳам — Аллоҳ изн бермаса бир тийн.

Ва уларга: «Сизлар Аллоҳни қўйиб ибодат қилиб ўтган бутларингиз қани?!

Улар сизларга ёрдам бера олурми ёки ўзлари ёрдам ола билурми?!», дейилди.

Шуъаро (92,93)

@Ustoz_kundaligi

Панадаги амалингиз ошкорасидан кўра кўпроқ бўлсин. Шунда ботинингиз зоҳирингиздан яхшироқ бўлади.

Зубайр ибн Аввом розияллоҳу анҳу айтадилар: Ким солиҳ амалини махфий қилишга кучи етса, шундай қилсин!

Имом Молик дедилар: Ким қалбида бир (нур кирадиган) туйнук бўлишини, ўлим шиддатидан нажот топишни ва Қиёмат қўрқинчларидан халос бўлишни истаса, ошкора амалидан яширини кўп бўлсин!

"Тартибул-мадорик" (1/92).

@MubashshirAhmad

Боягина бир аъробийнинг туя сўйгани, унинг энг яхши жойини онасига илингани ва хотини қарши бўлгани учун уни талоқ қилгани ҳақидаги гапни таржима қилиб, ФБга қўйган эдим. Икром Шариф саҳифасида шу гап анча муҳокамаларга сабаб бўлибди.

Шу қадар ўйга ботдимки, ҳатто уйқум қочди. Мана, ҳозир ярим кечаси шу гапларни ёзяпман.

Аъробийнинг туя сўйиши бир мисол, холос.

Сиз ишлаб, меҳнат қилиб топиб келган нарсангизнинг энг яхшисини онангизга бермоқчи бўлсангиз ва шу ишга аёлингиз қаршилик қилса, шуни оддий қабул қиласизми?

Сиз топиб келган нарсани сизни туғиб катта қилган, вояга етказган онангизга раво кўрмайдиган аёл билан яшай оласизми?!

"Онангизга мана буниси ҳам бўлаверади", деб турган аёлни севиш, ардоқлаш, қучиш, ўпиш, у билан бир ёстиққа бош қўйиш осон кечади, деб ўйлайсизми?!

Бундай аёл билан бутун умримни боғлаш менинг қўлимдан келмайди.

Таниган-билган устозларимга, дўстларимга, яқинларимга хаёлан шу саволларни бериб кўрдим. Ҳаммалари: "Йўқ, ундай аёлни сева олмайман, уни ардоқлаш қўлимдан келмайди", деб жавоб бердилар.

Ўлчовларимиз шу қадар бузилиб кетдими? Кимдир рўзғор ишларини яхши эплай олмайдиган аёл билан ажрашса, уни оддий қабул қиламиз. Яна кимдир ўзига оро беришни билмайдиган ғўдайганроқ аёл билан ажрашса, тўғри қилибди, деймиз. Онасига нисбатан беҳурматлик қилган аёл билан ажрашган одам эса маломат қилинади.

Соат кечаси 01:00. Уйқум қочиб, шуларни ёзиб ўтирибман.

Қизларимизга тўғри тарбия берайлик. Катталарни ҳурмат қилишни ўрганишсин. Пайғамбаримиз алайҳиссаломнинг: "Катталарни улуғламаган ва кичикларга шафқат қилмаган одам биздан эмас", деган гапларини яхшилаб уқтирайлик.

Оналаримизнинг ҳурматларини жойига қўяйлик. Она улуғ, деган гапни фақат тилимиздагина эмас, амалда кўрсатайлик.

Саломат бўлинглар.

@mahmudiylar