Ishlar yurishmayapti.
O'qisam kirmayapti. Aytsam xato bo'lyapti. Gapirsam ta'sir qilmayapti.
Nima qilsam bo'ladi?
Shu kabi savollar berishadi
Savolga savol beraman
Qachondir ish boshlashdan oldin, "kuch va quvvat O'zingdandir" deb duo qilasanmi?
Oxirgi marta qaysi kechada turib, O'ziga duo qilding. Qachon tahajjud o'qiding?
Shunchalik xohlayotgan ekaning, ozgina uyqudan kechib turish qiyinmi?
Qachon oxirgi bor onanga shirin gapirding. U kishini yig'latish o'rniga kuldirding?
Qachon ko'chadagi daydi jo'ralar bilan yurish o'rniga, Qur'on o'qiding?
O'qishni bilmasang, hech bo'lmasa tinglading?
Qachon restaranda jonlarga sarflaydigan pulinga, mazlumga sarflading. Qachon yetimni boshini silading?
Nolishdan uyal. Shikoyat qilishga hayo qil.
...
Hamma narsa qo'limizdagidek tutamiz, aslida hech narsamiz bo'lmasa ham.
Bilmaymizki, O'zi xohlasagina xohlay olamiz
Kuch bersagina, harakatlana olamiz
Istasagina o'ylay olamiz
Istasagina yoza olamiz
Istasagina o'qiy olamiz
Istamasa, post ham, postni o'quvchi ham bo'lmasligini o'ylab ko'rmaymiz.
@khasanov_blog