Давлатобод тумани ҳокимлиги | расмий канали

🌦 🌨 Наманганда 10 март куни кундузи 18 даражагача илиқ бўлади.  

Ўзгидромет 10 март, душанба куни кузатиладиган об-ҳаво маълумотини эълон қилди.

▫️Наманган вилоятида ҳаво ўзгариб туради, ёғингарчилик бўлмайди. Шарқдан секундига 5-10 метр тезликда шамол эсади. Кечаси 2-7, кундузи 13-18  даража илиқ бўлади.    

▫️Республикамизнинг тоғли ҳудудларида ҳаво ўзгариб туради, айрим жойларда ёғингарчилик (ёмғир, қор) бўлиб, туман тушиши мумкин. Қор кўчиши хавфи бор. Шарқдан секундига 7-12 метр тезликда шамол эсади. Кечаси 2-7 даража совуқ, кундузи 5-10 даража илиқ бўлади.  

"Навбаҳор" мавсумни дуранг натижа билан бошлади

Суперлига 2025-йилги мавсумининг 1-тур учрашувида "Навбаҳор" жамоаси ўз майдонида "Динамо" (Самарқанд) жамоасини қабул қилди. Кескин курашларга бой бўлган баҳсда томонлар дарвозаларни ишғол қила олишмади ва учрашув 0:0 ҳисоби билан якунланди.

Учрашувнинг дастлабки дақиқалариданоқ ҳар икки жамоа фаол ҳаракат қилди. 9-дақиқада меҳмонлар бурчак зарбасини амалга оширди, бироқ жамоамиз дарвозабони Умиджон Эргашев ишончли ўйнади. 11-дақиқада "Навбаҳор" аъзолари ҳам бурчак зарбасини амалга ошириб, рақиб дарвозасини ишғол қилишга уриниб кўришди, лекин тўп дарвоза устунидан юқорига чиқиб кетди.

Иккинчи бўлимдаги ўзгаришлар натижага таъсир қилмади

58-дақиқада "Навбаҳор" таркибида илк ўзгариш юз берди – бразилиялик ҳужумчи Педро ўрнига Забиҳилло Ўринбоев майдонга тушди. Шунингдек, 73-дақиқада Жавоҳир Абдужабборов ва Русланбек Жиянов ўрнига Комилжон Тожидинов ва Аббосжон Ғуломов майдонга тушди.

Учрашувнинг энг муҳим вазиятларидан бири қўшимча дақиқаларда содир бўлди. 90+5-дақиқада бош ҳакам Равшан Абдувоҳидов "Навбаҳор" дарвозасига 11 метрли жарима зарбасини белгилади. Меҳмонлар футболчиси Анваржон Ҳожимирзаев пенальтини амалга оширди, бироқ унинг зарбаси дарвоза устунидан юқорига чиқиб кетди.

Шундай қилиб, қизиқарли ва муросасиз курашларга бой бўлган баҳсда томонлар ҳисобни очишга муваффақ бўла олишмади ва учрашув нурсиз дуранг – 0:0 ҳисоби билан якунланди.

Кейинги ўйинларда "Навбаҳор" жамоамиздан муваффақиятли ўйин кутамиз!

Давлатобод тумани ҳокимлиги Ахборот хизмати

Sayt | Telegram | Facebook | Instagram | YouTube

☀️ Ҳафта бошида Ўзбекистонда қандай об-ҳаво кузатилади?

▫️Ўзгидромет 11-13 март кунлари республика бўйлаб кутилаётган об-ҳаво ҳақида маълумот берди.

Қорақалпоғистон Рeспубликаси, Хоразм вилоятларида ҳаво бироз булутли бўлади, ёғингарчилик кутилмайди. Шамол шарқдан 7-12 м/с тезликда эсади. Ҳарорат кечаси 11 мартда 3 даража совуқ-2 даража илиқ, 12-13 мартда 0-5 даража илиқ кундузи 10-15 даража илиқ бўлади.

Бухоро ва Навоий вилоятлари: ҳаво бироз булутли бўлади, ёғингарчилик кутилмайди. Шамол шарқдан 7-12 м/с тезликда эсади. Ҳарорат кечаси 2-7 даража илиқ, кундузи 11 мартда 13-18 даража илиқ, 12-13 мартда 15-20 даража илиқ бўлади.

Тошкeнт, Сирдарё, Самарқанд, Жиззах вилоятларида ҳаво бироз булутли бўлади, ёғингарчилик кутилмайди. Шамол шарқдан 7-12 м/с тезликда эсади. Ҳарорат кечаси 2-7 даража илиқ, кундузи 11-12 мартда 13-18 даража илиқ, 13 мартда 15-20 даража илиқ бўлади.

Қашқадарё ва Сурхондарё вилоятларида ҳаво бироз булутли бўлади, 11 мартда баъзи жойларда ёмғир ёғади, 12-13 мартда ёғингарчилик кутилмайди. Шамол шарқдан 7-12 м/с тезликда эсади. Ҳарорат кечаси 5-10 даража илиқ, кундузи 11 мартда 15-20 даража илиқ, 12-13 мартда 18-23 даража илиқ бўлади.

Андижон, Наманган, Фарғона вилоятларида ҳаво бироз булутли бўлади, ёғингарчилик кутилмайди. Шамол шарқдан 5-10 м/с тезликда эсади. Ҳарорат кечаси 2-7° илиқ, кундузи 11-12 мартда 13-18 даража илиқ, 13 мартда 15-20 даража илиқ бўлади.

Рeспубликанинг тоғли ҳудудларида ҳаво бироз булутли бўлади, 11-12 мартда баъзи жойларда ёғингарчилик (ёмғир, қор) бўлади, 13 мартда ёғингарчилик кутилмайди. 11 мартда қор кўчиши хавфи бор. Шамол шарқдан 7-12 м/с тезликда эсади. Ҳарорат 11-12 мартда кечаси 2 даража совуқ-3 даража илиқ, кундузи 8-13 даража илиқ, 13 мартда кечаси 0-5 даража илиқ, кундузи 10-15 даража илиқ бўлади

Азиз наманганликлар!

Жорий ойнинг хар ЖУМА, ШАНБА ҳамда ЯКШАНБА кунлари Давлатобод туманидаги қабристонлар, маҳалла марказларида кенг кўламли ободонлаштириш ишлари ҳашар ташкил этилмоқда!

Бу савобли ишда ҳар биримиз ўз ҳиссамизни қўшишимиз лозим! Келинг, азизлар, бирлашиб, муқаддас жойимизни обод қилайлик, поклик ва тартибга келтирайлик! Зеро ҳамжихатликда барака бор!

Барчани фаол иштирок этишга чорлаймиз!

Давлатобод тумани ҳокимлиги Ахборот хизмати

Sayt | Telegram | Facebook | Instagram | YouTube

"Нуробод"  қабристони обод бўлмоқда

Юртимизда ҳукм сураётган муборак Рамазон ойи, қолаверса, яқинлашиб келаётган "Наврўз"  умумхалқ байрами муносабати билан Давлатобод туманида ҳам кенг кўламли ободонлаштириш ишлари амалга оширилмоқда.

Бугун туман ҳудудида жойлашган "Нуробод"  қабристонида уюштирилган хашарда мингдан зиёд аҳоли вакили иштирок этди.

Наманган вилояти ҳокими Шавкатжон Абдураззоқов уларга "Хорма, бор бўл!"  қилиб, йўқлади.

Шу ерда бир гуруҳ оқсоқоллар ва аҳоли вакиллари билан суҳбатлашди. Уларнинг мурожаатига асосан қабристон атрофидаги қаровсиз ётган бўш майдон ҳам ободонлаштирилиб, қабристон ҳудудига қўшиладиган ва девор билан ўраладиган бўлди.

Хашар муносабати билан жонлиқ сўйилиб, нуронийлар томонидан дуо-фотиҳалар қилинди.

Қабристон ҳудудига манзарали дарахт кўчатлари экилди.

Наманган вилояти ҳокимлиги ахборот хизмати.