buxoronoma1920 / Расмий канал

"ЖАДИДЛАР ИЗИДАН" ТАНЛОВИНИНГ БУХОРО ВИЛОЯТИ БОСҚИЧИ ЎТКАЗИЛДИ

Мактабгача ва мактаб таълими вазирлиги томонидан умумий ўрта таълим мактаблари ўқувчилари ўртасида буюк жадид аллома, адиб ва мутафаккирларимизнинг бой маънавий меросини кенг тарғиб қилиш, ёшлар маънавий дунёсини бойитиш мақсадида ташкил этилган "Жадидлар изидан" танловининг вилоят босқичи ниҳоятда қизғин кечди. 
Тадбирнинг бухоролик жадид Файзулла Хўжаев уй музейида ташкил этилганлиги ҳам иштирокчиларга ўзгача кайфият бахш этди. 
Тадбир аввалида Ф.Хўжаев ҳайкали пойига гулчамбар қўйилиб, сиймога ҳурмат-эҳтиром кўрсатилди. 
Танловнинг тантанали очилиш маросимида Мактабгача ва мактаб таълими вазирлиги вакиллари ҳамда вилоят мактабгача ва мактаб таълими бошқармаси мутасаддилари сўз олиб, иштирокчиларга омад тиладилар. 
Шундан сўнг танловга старт берилди. Унда 2 та ёш тоифасида шаҳар ва туман босқичларида ғолибликни қўлга киритган 26 нафар ўқувчи иштирок этиб, бошқотирма, савол-жавоб ва асар таҳлили шартлари асосида ўз билимини синовдан ўтказди.  Қизғин кечган синовлар натижасига кўра, 
6-7-8-синфлар ўртасида:
1-ўрин Бухоро шаҳридаги 20-мактаб ўқувчиси Мадина Шароповага, 2-ўрин Вобкент туманидаги 3-мактаб ўқувчиси Зафар Муродовга, 3-ўрин Шофиркон туманидаги 6-мактаб ўқувчиси Гўзалхон Салимовага;
9-10-синфлар ўртасида:
1-ўрин Бухоро туманидаги 4-мактаб ўқувчиси Машҳура Толибовага, 2-ўрин Жондор туманидаги 45-мактаб ўқувчиси Маржона Файзиевага, 3-Вобкент туманидаги 18-мактаб ўқувчиси Азиза Туроповага насиб этди. 
Эндиликда 1-ўринни қўлга киритган ўқувчилар танловнинг республика босқичида вилоятимиз шарафини ҳимоя қиладилар. 
Ғолибларни тантанали тақдирлаш маросимида вилоят мактабгача ва мактаб таълими бошқармаси бошлиғи Фаррух Қурбонов иштирок этиб, танлов ғолиблари ҳамда фаол иштирокчиларга диплом ва ташаккурномалар, эсдалик совғалар топширди. 

Тоҳир ИСТАТОВ фотолавҳаси

⭕️ Уланиш учун: @buxoronoma1920