Bukhara Tourism_Official

⚡️BUXORO TURIZM SOHA VAKILLARI MALAYZIYADAGI TURISTIK FORUMDA ISHTIROK ETDI

Buxoroga turistlar oqimini yanada koʻpaytirish boʻyicha belgilangan vazifalar doirasida Buxoro viloyatining turizm sohasidagi tadbirkorlik subyektlarining joriy yilning 3-fevral kuni Malayziyaning Penang shtatida bo‘lib o‘tgan “O‘zbekiston-Malayziya” turistik forumida ishtirok etdi.

Ushbu yirik turistik tadbir doirasida Buxoro viloyatining turizm salohiyati, boy tarixi, madaniyati va gastronomik merosi namoyish qilindi.

Malayziyadan keluvchi sayyohlar sonini oshirish maqsadida Buxoro delegatsiyasi a’zolari turli turistik kompaniyalar va agentliklar vakillari bilan muzokaralar o‘tkazdi. Jumladan, shu kunning oʻzida Buxoroning “Tour East” sayyohlik kompaniyasi va Malayziyaning turizm tashkilotlari vakillari oʻrtasida bo‘lib o‘tgan B2B uchrashuvlarda har oyda viloyatimizga sayyohlar tashrifini amalga oshirish boʻyicha qator kelishuvlarga erishildi.

Shuningdek, tadbir mehmonlari viloyatimizning boy madaniyati va xalqimizning mehmondo‘stligini yuqori baholab, viloyatimizga sayohat qilish istagini bildirishdi va Buxoroni madaniy va ziyorat yo‘nalishidagi sayohatlar uchun eng maqbul manzil sifatida e’tirof etdilar.

Tahlilarga koʻra, 2025-yilda Malayziyadan Buxoroga turistlar oqimini 6 ming nafardan oshirish mo'ljallanmoqda.

Telegram | Facebook | Instagram

☀️Tonggi Buxoroning sokin koʻchalari

Buxoro, ayniqsa, eski shahar tashrif buyuruvchi sayyohlarda gavjumligi bilan tasavvur uygʻotishi tabiiy hol. Biroq erta tongda, qadimiy shahar boʻylab yarqiragan quyoshning ilk nurlarini kuzatgan holda sayr qilish o'zgacha ko'rinish beradi.
___

☀️Тихие улочки утренней Бухары

Естественно, что Бухара, особенно Старый город, поражает воображение приезжих туристов своей бурлящей жизнью. Однако совсем другое дело прогуляться ранним утром по древнему городу, любуясь его красотами под журчание птиц и светом, падающим от первых лучей яркого солнца.
___

☀️Quiet streets of morning Bukhara

Naturally, Bukhara, especially the Old Town, amazes the imagination of visiting tourists with its vibrant life. However, it’s a completely different matter to walk through the ancient city in the early morning, admiring its beauty with the murmur of birds and the light falling from the first rays of the bright sun.

Telegram | Facebook | Instagram

#korrupsiyaga_qarshi_kurash
#kiberxavfsizlik

⚡️KORRUPSIYA VA KIBERJINOYATCHILIKKA QARSHI KURASH MAVZUSIDA YIG‘ILISH BO‘LIB O‘TDI

Joriy yilning 31-yanvar kuni Buxoro viloyati turizm boshqarmasi hamda Buxoro turizm va madaniy meros texnikumi bilan birgalikda xodim va talabalarga korrupsiyaga qarshi kurash va kiberjinoyatchilik mavzusiga bag‘ishlangan yig‘ilish bo‘lib o‘tdi. Mazkur tadbir huquqiy savodxonlikni oshirish,  jinoyatchilik va korrupsiya xavf-xatarlaridan ogohlantirish maqsadida tashkil etildi.

Tadbirda Buxoro shahar prokuror yordamchisi Shavkat Boltayev  hamda Buxoro IIB profilaktika katta inspektori Shuhrat Aripov  ishtirok etdilar. Ular korrupsiya tushunchasi, uning jamiyatga salbiy ta’siri, shuningdek, zamonaviy texnologiyalar rivojlanishi bilan bog‘liq kiberjinoyatchilik tahdidlari haqida atroflicha ma’lumot berdilar.

Shavkat Boltayev o‘z chiqishida korrupsiyaning iqtisodiy va ijtimoiy barqarorlikka salbiy ta’siri, unga qarshi kurashishning muhimligi haqida gapirib, korrupsiya jinoyatlariga qarshi qabul qilingan qonun va tartiblar to‘g‘risida tushuntirish berdi.

Shuningdek, katta inspektor Shuhrat Aripov kiberjinoyatchilikning zamonaviy ko‘rinishlari, internet orqali sodir etilayotgan firibgarlik va boshqa xavflar haqida so‘z yuritib, yoshlarni internetda hushyor bo‘lishga chaqirdi. U kiberjinoyatlarga qarshi kurashishda ehtiyotkorlik, shaxsiy ma’lumotlarni himoya qilish va xavfsiz internetdan foydalanish bo‘yicha tavsiyalar berdi.

Bu kabi tadbirlar huquqiy savodxonlikni oshirish, noqonuniy harakatlardan ogohlantirish va jamiyatda korrupsiyaga qarshi muhitni shakllantirishda muhim ahamiyat kasb etadi.

Telegram | Facebook | Instagram

#xalqaro_aloqalar
#Qozogiston

⚡️JANUBIY QOZOG'ISTONNING “AYG‘AQ” TELEKANALI VAKILLARI BUXORODA

Ayni damda Qozog‘iston Respublikasining yetakchi media kompaniyalaridan biri “Ayg‘aq” telekanali ijodkorlaridan iborat delegatsiyaning Buxoro viloyatiga tashrifi amalga oshirilmoqda.

Tashrifdan ko‘zlangan maqsad – Buxoroning turizm salohiyatini targ‘ib qilish orqali Qozog‘iston auditoriyasini ko‘hna va boqiy Buxoroning noyob madaniy va tarixiy qadamjolari bilan tanishtirish.

Tashrif davomida ijodiy guruh vakillari shaharning sayyohlik salohiyati to‘g‘risidagi ko‘rsatuv tayyorlash maqsadida “Ark” qo‘rg‘oni, “Labi Hovuz” ansambli, “Poyi Kalon” majmuasi, Ismoil Somoniy maqbarasi hamda Chashmai Ayub kabi qator madaniy meros obyektlari, shuningdek, hunarmandchilik markazlariga tashrif buyurishdi.

Qayd etish joizki, qozog‘istonlik jurnalistlar tomonidan tayyorlangan mediakontentlar Chimkentdagi “Ayg‘aq” telekanalida namoyish etiladi va bu esa o'z o'rnida Qozog‘istondan Buxoroga tashrif buyuradigan sayyohlar oqimining o‘sishiga zamin yaratadi.

Ma’lumot uchun: "Ayg‘aq" telekanali bolalar va yoshlar uchun axborot, ijtimoiy-siyosiy, madaniy-ma’rifiy dasturlarni efirga uzatadi.

Telegram | Facebook | Instagram