"Qoldim"

Oynaga qaradim
Sochlarim to'zg'in,
Asta tarab
So'zlaring yodimga oldim
Afsuski, sen chizgan chiziqdan chiqmay
Men senga
Arvohdek ergashib qoldim.

Na o'zimni eplab, yuraman yo'lda
Na bir inson menga senchalik kerak
Javob bor yagona meni qiynagan
Sensizlikka nahot ko'nmagan yurak?
Axir, men shunchalik dardlarda yondim
Nahotki,
Men sensiz yashamay qoldim?

Kecha,
Yomg'ir yog'di,
Men ham yig'ladim...
Shallobbo bo'lguncha ko'chada qoldim.
Sen bilan tanishgan kunlarni eslab
Sen bilan ayrilgan yo'llarda toldim.

Qoldim,
Barcha kutgan sevgini kutib
Hattoki qalbimga zulmatni soldim
Seni uchratganda uni unutib
Seni yo'qotganda
Ishqni yod oldim.

Oynaga qaradim,
Sochimni tarab
Go'yoki,
Oynada sen bilan qoldim.
Aslida, bu yolg'on
Bahonalarda
Men senga
Soyangdek ergashib qoldim.


-Tilsim-