Botir Zaripov

⚡️ “Yashirin iqtisodiyot” ni qisqartirish borasidagi ishlar muhokama qilindi, istiqboldagi vazifalar belgilandi

Viloyat hokimligida “yashirin iqtisodiyot”ni qisqartirish, soliq qonunchiligi va bu borada amalga oshirilayotgan dolzarb chora-tadbirlar muhokamasiga bag‘ishlangan yig‘ilish bo‘lib o‘tdi. Bosh prokuratura huzuridagi Iqtisodiy jinoyatlarga qarshi kurashish departamenti va boshqa huquqni muhofaza qilish idoralari, davlat soliq inspeksiyasi, tijorat banklari, moliya-iqtisodiyot tarmoqlari mutasaddilari ishtirok etgan yig‘ilishni viloyat hokimi Botir Zaripov olib bordi.

Ta’kidlanganidek, Prezidentimiz tashabbusi bilan 2024-yilda Bosh prokuratura huzuridagi Iqtisodiy jinoyatlarga qarshi kurashish departamenti organlari faoliyati tubdan isloh etilib, Davlat moliyaviy nazorat inspeksiyasi departament organlari tizimiga o‘tkazildi, byudjet mablag‘larining maqsadli sarflanishini ta’minlash bo‘yicha nazorat tizimi o‘rnatildi.

Joriy etilgan yangi mexanizmlar hamda islohotlar natijasida muayyan natijalar qayd etildi. Xususan, “yashirin iqtisodiyot” ga qarshi kurashishda uni keltirib chiqarayotgan omil va sabablarini bartaraf etish yo‘nalishlaridan biri sifatida faoliyat tashkil etilgan. Respublika miqyosida tadbirkorlarning qonuniy faoliyat yuritishiga to‘sqinlik qilish hamda ularning huquq va manfaatlarining buzilishi bilan bog‘liq 190 ta jinoyatga barham berilgan. Soliq huquqbuzarligi to‘g‘risida tadbirkorlarni xabardor qilish hamda profilaktika choralari orqali jinoyat ishlari qo‘zg‘atmasdan 15,3 milliard so‘m soliqlarning ixtiyoriy ravishda davlat byudjetiga to‘lanishi ta’minlangan. Respublikada yashirin iqtisodiyotdagi hisobga olinmagan 20,6 mingta holat rasmiy iqtisodiyotda aks ettirilishi ta’minlanib, shakllangan qo‘shimcha manbalar byudjetga undirilgan.

Buxoro viloyati bo‘yicha esa 2024-yilda soliq obyektlarini to‘liq hisobga olish va soliq solish bazasini kengaytirish, foydalanilmayotgan zaxiralarni safarbar qilish orqali 9 ta yo‘nalishda qiymati 1 trillion 202 million so‘m qo‘shimcha daromadlarni byudjetga jalb qilish imkoni mavjudligi aniqlangan. Bu bo‘yicha “Yo‘l xarita”si ishlab chiqilib, ijroga qaratilgan va 1 trillion so‘mdan ortiq mablag‘ bo‘yicha qayta hisobot topshirilgan va byudjetga undirilgan.

Ishlarni tizimli tashkil etish uchun esa Yashirin iqtisodiyotga qarshi kurashish bo‘yicha viloyat komissiyasi faoliyatini to‘g‘ri yo‘lga qo‘yish muhimdir. Maxsus komissiya faoliyati viloyat prokuraturasi tomonidan o‘rganilganda, bir qator nuqson va kamchiliklar mavjudligi aniqlangan.

Shundan kelib chiqib yig‘ilishda barcha hududdagi savdo majmualari, do‘konlarda chek bermaslik, savdo tushumlarini hisobga olmaslik orqali daromadlarni yashirish hamda raqobat qoidalarini chetlab o‘tib haqiqiy aylanmani kamaytirib ko‘rsatish holatlariga barham berish zarurligi ta’kidlandi.

Kun tartibidagi masala yuzasidan viloyat prokurori Ulug‘bek Hamdamovning ma’ruzasi tinglandi.
Yig‘ilishda O‘zbekiston Respublikasi Bosh prokurori o‘rinbosari – Bosh prokuratura huzuridagi iqtisodiy jinoyatlarga qarshi kurashish departamenti boshlig‘i Shamsiddin Sohibnazarov ishtirok etdi.

Viloyat hokimligi matbuot xizmati

Buxoro.uz | Facebook | Instagram | YouTube

#hokim_hududlarda

O‘rganishlar davomida Botir Zaripov Respublika tez tibbiy yordam markazi Buxoro filiali binosi va Call-markazini rekonstruksiya qilish, 2-son maktabgacha ta’lim tashkilotini mukammal ta’mirlash, 2-son sport maktabida qo‘shimcha sport zal qurish loyihalarini borib ko‘rdi.

Shuningdek, viloyat rahbari Respublika ixtisoslashtirilgan onkologiya va radiologiya ilmiy-amaliy tibbiyot markazi Buxoro filialida bo‘lib, yangidan barpo etilayotgan bo‘limlardagi ish jarayonlarini ko‘zdan kechirdi. Har bir obyektda bajarilishi ko‘zda tutilgan qurilish-ta’mirlash ishlari loyihalariga o‘zi munosabatini bildirib, bu borada zarur vazifalarni belgilab berdi.

Ayni paytda o‘rganishlar davom etmoqda.

Buxoro.uz | Facebook | Instagram | YouTube

#hokim_hududlarda

Buxoro viloyati sportning o‘yin turlari va yengil atletikaga ixtisoslashtirilgan sport maktabi chim ustida xokkey bazasida yengil atletikaga yugurish yo‘lagini barpo etish ishlariga kirishilgan. Hozirga qadar o‘yingohda zamonaviy plastik o‘rindiqlar, quyosh nuridan foydalaniladigan tungi yoritish chiroqlar o‘rnatilgan, tribuna va devorlar joriy ta’mirlangan.

Viloyat rahbari majmuada bo‘lib, aholi, ayniqsa, professional sportchilarni Xalqaro musobaqalarga tayyorlash uchun zamonaviy shart-sharoitlar yaratish loyihasi bilan tanishdi. Ma’lumot uchun: bugungi kunda qariyb 2 ming nafar buxorolik yengil atletika sport turi bilan shug‘ullanib keladi. Ularning 41 nafari milliy terma jamoa a’zosi hisoblanadi.

Botir Zaripov sportchilarga munosib sharoit hozirlash bo‘yicha o‘zining loyihaga qo‘shimcha taklif va tavsiyalarni berdi.

Buxoro.uz | Facebook | Instagram | YouTube