10 kun davomidagi kitob mutolaasi
Avalida davolanish davomida nima qilishni bilmay anchagina zerikdim. Ammo, keyin ajoyib yechim sifatida hech qachon bajarmagan ishimdan biri boʻlgan elektron kitoblar mutolaasi fikrimni tortdi. Va ancha avval yuklab qoʻyganim Hilol eBook dasturiga kirdimu sevimli, suyukli Shayximiz haqidagi kitobni qayta mutolaa qilish istagi ila "Islomga bagʻishlangan umr" kitobi mutolaasini boshladim.
Natija esa, albatta ijobiy. Shunchaki dam olish uchun sarflanishi mumkin boʻlgan vaqtni toʻgʻri boshqara olish.
Menda ham, barcha kabi oʻta dangasalik egallab olgan vaqtlar juda koʻp boʻladi, men ham 100% vaqtimdan unumli foydalana olmayman, umuman hech narsa qilmasdan oʻtkazganlarim ham bor lekin, bu bilan umrim ham shunday oʻtib ketishi mumkin. Hech kim bir kundayoq 180 gradusga oʻzgarib qolgan emas. Kichik oʻzgarishlar bir kun katta natijalarga olib keladi, atiga biroz e'tibor bilan qilingan vazifalar-u, tartibga keltirilgan fikrlar bilan.
Kitob mutolaasi ham shunday kuniga 1 sahifadan oʻqisangiz ham, bir yilda 2 ta oʻrtacha hajmdagi kitobni mutolaa qila olasiz.
Huddi shunday men ham "Amallar niyatga bogʻliqdir" kitobini kunlik 5 sahifa miqdorida mutolaa qilmoqdaman.
@booklover_azamatovna