Bolalar yozuvchisi

@bolalar_yozuvchisi

Channel's geo and language: Uzbekistan, Uzbek

Category: Blogs

Yozuvchi, adabiyotshunos (PhD) Sa’dullo Quronovning fantastik qarashlari 😊
Bog’lanish: @yozuvchigaXat_bot
squronov@gmail.com
https://quronov.uz
https://www.facebook.com/squronov/

Related channels | Similar channels

Channel's geo and language

Uzbekistan, Uzbek

Bolalar yozuvchisi

17 Jan, 18:34

Shu kitobni oʻqiyapman.

269 0 0 7 24

Hisbelgi nima?

2020-yili emoji soʻziga oʻzbekcha muqobil topish uchun soʻrovnoma bergandim. Unda kulgich, kuldirgich, kulinchoq, imochi, hisbelgi kabi soʻzlarni variant sifatida taklif qilgandim. Eng koʻp ovozni hisbelgi soʻzi olgandi.

Keyin bu maʼlumot 2022-yili nashr qilingan 6-sinf “Ona tili” darsligiga ham kiritildi.

Darslik bu soʻzga shunday izoh bergan:

Hisbelgi – his-tuygʻu, narsa va hodisalarni ifodalovchi belgi. Odatda bitta soʻz yoki gap maʼnosiga teng keladi. Hisbelgi odam, hayvon va turli predmetlar shaklida boʻlishi mumkin.

Hisbelgi rasmiy boʻlmagan matnlarda, shaxsiy yozishmalarda qoʻllanadi. Uning qoʻllanishi tinish belgilarining vazifasiga taʼsir etmaydi.

Oradan toʻrt yildan koʻproq vaqt oʻtdi. Hisbelgi soʻzi ommalashdi. Bugun faqat oʻqituvchilar emas, boshqa soha vakillari ham emoji yoki smaylik oʻrnida hisbelgi atamasini ishlatayotganiga guvoh boʻlyapman. Neologizmlarni oʻzbekchalashtirish yoʻlidagi kichik gʻalaba bu.

Aytgancha, emoji soʻzining inglizcha emotion – hissiyot soʻziga aloqasi yoʻq. Shaklan oʻxshash xolos. Asli yaponcha, rasmli belgi yoki rasm-belgi maʼnosiga ega. Emoʻzi deb oʻqiladi.

Emoji deganda kishining koʻz oldiga birinchi galda turli yuz ifodalariga ega belgilar keladi. Narsa-buyum, hodisaning biror yorqin xususiyatiga qarab ot qoʻyish amaliyoti tilda bor. Shunga koʻra, emojini hisbelgi deb atash asoslidir.

🌐 Sayt 🛜 Telegram ▶️ YouTube

289 0 10 19 13

Bolalar yozuvchisi

14 Jan, 07:41

Keyingi kitobimiz Stiven Xokingning “Qora tuynuklar va chaqaloq koinotlar” nomli kitobi.

Tarjimon Muzaffar Qosimov.
Orbita.uz saytidan olganman va pechat qilib, qoʻlbola kitob yasaganman :)

472 0 6 6 21

Bolalar yozuvchisi

12 Jan, 14:47

Koʻp oʻquvchilarim kitoblarimni qayta-qayta oʻqishini yozishadi.

Aslida, 3-kitobni bir oyda eʼlon qila olishim mumkin. Sababi asarning butun syujetini qurib boʻlganman. Shunchaki, undan koʻnglim toʻlmadi.

Shu holatda eʼlon qilsam ham Gollivudning bir marta koʻrishga arzirli filmlari kabi, bir marta oʻqishli kitob boʻlishiga ishonaman. Lekin menga oʻquvchimning qayta-qayta oʻqishi muhim. Shu bilan yozganimni baholayman.

Biror asarning qayta-qayta oʻqilishi u berayotgan hissiyotlarga bogʻliq. Yaʼni asarning syujetini yodlab olish mumkin, hissiyotlarni esa yo‘q. Bu hissiyotga faqat uni qayta oʻqibgina yetish mumkin. Oʻquvchi hissiyotni sogʻinadi!

Menimcha, qimmatbaho turshak, xaritaning Ahmad barmogʻidan topilishi, Ahmadning aslida Meriyalik yigit boʻlib chiqishi, Hodisalar gorizonti va Annigilyatsiya hodisalari oʻquvchiga shu hislarni beradi.

3-kitobga kelsak, men ana shu hislarni bera oladigan gʻoya va hodisalarni yetarlicha topa olmadim.

487 0 0 11 25

Bolalar yozuvchisi

12 Jan, 13:50

Hozir shu kitobni oʻqiyapman. Odatda Ijod vaqti kitob tanlamayman. Har qanday ma’lumot ichingda uxlab yotgan boshqa bir gʻoyani uygʻotib yuborishi mumkin…

P.S.
Fizik olim Muzaffar Qosimovning tarjimalarini shunaqa qoʻlbola kitob qilib olganman. Orbita.uz saytiga kirib boshqa oʻnlab ana shunday kitoblarni topishingiz mumkin.

465 0 2 7 16

Bolalar yozuvchisi

8 Jan, 09:45

Bugun barchamizning sevimli adibimiz, O‘zbekiston xalq shoiri Anvar Obidjon tavallud topgan kun.

Alloh u kishini mag‘firat qilsin!

Asarlarini oʻqing:

1. “0099 raqamli yolgʻonchi”
2. “Meshpolvonning janglari”
3. She’rlar
4. “Oltin yurakli avtobola”
5. “Mittivoymisan, Mittivoymisan?”
6. “Alamazon va uning piyodalari”

6.3k 2 48 4 27

Bolalar yozuvchisi

7 Jan, 13:28

00:57

Video is unavailable for watching

Show in Telegram

“Galaktikada bir kun” 3-kitob

Ijodiy jarayon 🔥

708 0 7 20 48

Bolalar yozuvchisi

7 Jan, 10:33

Forward from: Orbita.Uz ...Ilm-fan fazosi uzra!

Assalomu alaykum! Xayrli tong do'stlar!

Bugun 7-yanvar - fotografiya ixtiro qilingan sana

Biz hozir smartfonimiz, yoki, mashhur brendning yuqori sifatli raqamli foto-videokamerasi yordamida istagan narsamizni osonlik bilan suratga tushira olamiz. Ijtimoiy tarmoqlardagi eng bo‘lmag‘ur selfimaniyalardan tortib, ilm-fan uchun beqiyos ahamiyatli muhim fotosuratlargacha - hamma-hammasi birgina tugmachani yengil bosish orqali, hozirda juda oson va jo‘n olinmoqda. Hozirda fotosurat olish uchun maxsus o‘quv kurslaridan o‘tish va uyda bir qancha maxsus jihozlardan iborat fotolaboratoriyaga ega bo‘lish shart emas. Smartfon tugmasini yengil bosasiz va tamom! Fotosurat tayyor. Uni istasangiz internetga joylaysiz, istasangiz qog‘ozga chop etib, albomga yopishtirasiz... xullas, bizning avlod uchun fotosurat olish - pista chaqqandek ham ish bo‘lmay qolgani chin haqiqat.

...Lekin, bilasizmi, atiga 10-20 yillar muqaddam, hatto 2000-yillar boshida ham fotosuratga olish maxsus amaliyotlar talab qiladigan, anchagina qimmat jarayon bo‘lgan. 50-100 yillar avval esa, fotosuratga tushishga ko‘pchilik oddiy aholining imkoni yetmagan ham. Bugungi kunda hatto mushugi-yu kuchugini va yeyayotgan taomini ham suratga olib ijtimoiy tarmoqqa joylaydiganlarning aksariyatining buvi va buvalari, bu darajadagi suv tekin arzon fotosuratlar olish mumkinligini tushida ham ko‘rishmagan.

644 0 2 3 14

Bolalar yozuvchisi

4 Jan, 10:10

Forward from: Olimov's note

Qilayotgan ishingni sevsang, vaqt o'tganini sezmay ham qolasan. Soat 1 endi uyga qaytishga tayyorgarlik ko'rayapmiz.

Bugun Mutolaa ilovasi yo'q foydalanuvchi target orqali kelib, premiumni sotib olishgacha bo'lgan 31 ta qadamni 11 taga tushirish rejasini ishlab chiqdik. Qiziq bahs va munozara bo'ldi. Alisher aka "Rahbar inson bo'lsam, buni ertaga tayyor qilib ko'rsatinglar!" demay, yenglarni shimarib, har bir qadam va clickni erinmay chizib chiqdi. Endi buni amalga oshiramiz, sinaymiz va natijasini ko'ramiz.

G'oyangiz ishlaganini ko'rish, insonlar hayotini yengilashtirayotganini his qilish bu juda katta quvonch. Mutolaa'da erishgan natijalarimiz bu shunchaki raqam emas, balki katta jamoaning tinimsiz izlanish va o'rganishlar natijasi. Nasib qilsa oldimizga katta maqsadlar qo'yganmiz, birgalikda erishamiz.

451 0 1 30 27

Bolalar yozuvchisi

31 Dec 2024, 15:05

Muvaffaqiyat nisbiy tushuncha. Shuning uchun muvaffaqiyatli boʻlishni juda oson ish deb bilaman. Hayotda yaxshi odam boʻlish va baxtli yashash qiyin! Shu sabab yil yakunida yutuqlarimni sarhisob qilishni xushlamayman.

Qilgan xayrli amallaringiz, ota-onangizga, yaqinlaringizga va boshqalarga qilgan yaxshiligingiz, ularga baxt-quvonch ulasha olganingiz, aslida, shular muhimroq, qiyinroq.

Oldimga biror bir maqsadni qoʻyarkanman, oʻylayman. Unga yetib olgunimcha men yaqinlarimni qiynab qoʻymaymanmi? Bir vaqtda ularni baxtli qila olamanmi? Odamlar uchun xayr bormi? Javobim “ha” boʻlsa, shu maqsadga intilaman, “yoʻq” boʻlsa undan oson voz kechaman. U qanchalik jozibali, ulugʻvor koʻrinmasin, men uchun muhim qadriyatlardan ustun tura olmaydi.

Agar bu hayotda qandaydir muvaffaqiyatga erishgan boʻlsam, men unga kurashib, ogʻir mehnat bilan yetib bormadim. Shunchaki, oʻsha muvaffaqiyatdan ustun narsalarni belgilashga intildim. Erishmoqchi boʻlgan narsalarim esa oʻz-oʻzdan kelaverdi…

Hayotda ota-ona va yaxshilarning duosi eng katta muvaffaqiyat ekanini anglab yetdim. Shu sababli yil yakunida qilgan yaxshi va yomon amallarimni sarhisob qilib, mulohaza qilishga odatlandim. Bu men uchun muvaffaqiyat qozonishning eng oddiy va sodda formulasiga aylandi.

Yosh doʻstlarim, siz ham oʻylab koʻring. Siz uchun hayotda nima muhim? Oʻzingiz uchun belgilab olishning vaqti kelmadimi?

@bolalar_yozuvchisi

786 0 3 11 30

Bolalar yozuvchisi

28 Dec 2024, 19:22

She’r menga yoqdi, lekin muallifi sir ekan :)

1k 0 1 4

Bolalar yozuvchisi

28 Dec 2024, 19:16

Forward from: “Yoshlik” jurnali

#yangi_yil_hazili

***
Fantastika boʻsh turar,
Turganda ham xush turar.
Baayni muzlatkichda
Shundoq lahm goʻsht turar.

Saʼdulla Quronovning
Nozik burni is oldi...
Oqibat, bolalardan
Bir dunyo olqish oldi.

yoshlikjurnali.uz
@yoshlikjurnali

1.1k 0 5 8 49

Bolalar yozuvchisi

27 Dec 2024, 15:40

Bugun mazza qilib ijod qilishimga xalal berayotgan katta yukdan qutuldim, doktorlik (DSc) dissertatsiyamni himoya qilib oldim.

Ana endi, yangi asarlar yozishga yoʻl ochildi. InshaAlloh, yaqin oylarda “Galaktikada bir kun”ning 3-kitobini yozib tugataman.

1.2k 1 14 23 87

Bolalar yozuvchisi

22 Dec 2024, 07:40

“Galaktikada bir kun” asarimni yozayotganimda men shu saytdan foydalanganman.

Fizik olim Muzaffar Qosimov esa asarimni oʻqib, uning ilmiy taraflarini tahrirlab bergan.

1.3k 0 4 5 13

Bolalar yozuvchisi

22 Dec 2024, 07:39

Forward from: Orbita.Uz ...Ilm-fan fazosi uzra!

Катта спортга қайтишга қарор қилдим 😁.
Аниқроғи, Orbita.Uz ни қайта жонлантиришга киришдим. Бошланишига ушбу - Уоллес чизиғи ҳақидаги мақолани қабул қилгайсизлар. Иншаоллоҳ, яна қизиқарли ва фойдали мақолаларни кўпайтирамиз.

Ba’zi joylarda oraliq masofa juda qisqa ekaniga qaramay, mazkur chiziqning har ikki tarafida yashovchi «devor darmiyon qo‘shnilar» ham bir-birini yo‘qlab chiqishga oshiqmaydi. Misol uchun Lombok va Bali orollari orqasidagi masofa ba’zi joylarda hatto 40 km dan ham oshmaydi. O‘ylab qaralsa, bu masofa, masalan qushlar uchun karnaychining bir puf deganichalik ham gap emas. Biroq, «migratsiya qoidalarga» aynan qanotli do‘stlarimiz boshqalardan ko‘ra qat’iyroq amal qilishadi va hatto shu arzimas masofalarda ham ularni oroldan-orolga uchib o‘tganini ko‘rmaysiz

https://orbita.uz/index.php?option=com_content&view=article&id=1006:uolles-chizigi&catid=85:tabiat-qonunlari&Itemid=53

1.2k 0 5 1 6

Bolalar yozuvchisi

21 Dec 2024, 10:24

Kamoliddin Behzod nomidagi Milliy rassomlik va dizayn institutida "Galaktikada bir kun" kitobi bo‘yicha magistrlik diplom ishi tayyorlanyapti ekan. Eskizlar yuborishdi.

Sizning fikringiz qiziq?

605 0 6 11 43

Bolalar yozuvchisi

21 Dec 2024, 09:50

Kvantlar olamida jarlikka qulayotgan Ahmad!

Uning qoʻlida esa kvant zarracha – fotonlar!

Siz bu voqeani qanday tasavvur qilgansiz?

@bolalar_yozuvchisi

622 0 2 8 13

Bolalar yozuvchisi

18 Dec 2024, 14:52

Hayotimdagi jiddiy oʻzgarishlar taqdirning biror “hazili” bilan ro‘y berishiga oʻrganib qolganman. Ishimni necha marta oʻzgartirgan boʻlsam, doim shunday boʻlgan.

Respublika taʼlim markazidan boʻshaganimdan soʻng ilmiy ishimni yakunlab qoʻyish uchun 6 oy davomida uyda boʻldim. 2023-yilning dekabr oyiga kelib bir doʻstimning tavsiyasi bilan xususiy universitetda ishlamoqchi boʻldim. Universitet rektori bilan bogʻlanib, uchrashuv vaqtini belgiladik. Oʻsha kuni kostyum-shimlarni kiyib, qoʻlimga rezyumeni olib uydan chiqdim. Uchrashadigan vaqtimiz telegramdan rektor yozib qoldi, zarur ishi chiqib qolibdi.

Endi uyga qaytaman deb tursam Mehrinoz Abbosova qoʻngʻiroq qilib qoldi. Agentlikka taklif qilib, “Mutolaa” nomli loyiha ish boshlayotganini, loyiha rahbari men bilan maslahatlashmoqchi boʻlayotganini aytdi. Oʻsha holimda toʻgʻri Yoshlar ishlari agentligiga keldim. Agentlik rahbari Alisher Sadullaev, loyiha rahbari Sirojiddin Olimov, Mehrinoz va men biroz suhbatlashib masalani hal qilib qoʻya qoldik.

Mana oradan bir yil oʻtibdi. Oʻtgan vaqt mobaynida koʻp ishlar qildik. Masalan, 750 ta (400 dan ortigʻi roman va qissalar) kitobning audiolashtirilishiga bosh-qosh boʻldim. Umuman olganda hozir natijalar haqida yozmoqchi emasman. Oʻsha kungi taqdir “hazili”dan hamon minnatdor ekanimni yozgim keldi. Agar kelajakda biror jiddiy oʻzgarishni kutsam, taqdirning “hazili”ga albatta qarayman.

Bu oʻziga xos, gʻaroyib qonuniyat!