Фарзандга мурожат.
Эшит жон ўғил-қизим.
Сўзларим насиҳат бил.
Ҳам илтижо, ҳам орзум.
Болам, юзим ёруғ қил!
Гох уришиб тергадим.
Баьзан бошинг силадим,
Бу дунёда керагим.
Болам, юзим ёруғ қил!
Ўқи, ўрган олим бул,
Мехрибон-у хотам бул.
Энг муҳими одам бул.
Болам, юзим ёруғ қил!
Донолар ўргатгандай,
Тилингда бўлсин лаббай.
Ўзим сендан айланай,
Болам, юзим ёруғ қил!
Юртинг учун тик тургин,
Алқаб, эьзозлаб юргин.
Жонингдай азиз кўргин.
Болам, юзим ёруғ қил!
Сўзлагин тўғри, майин,
Бўлма номард, бетайин.
Ёмон гап эшитмайин,
Болам, юзим ёруғ қил!
Ўқигин оят, Қурьон.
Юргин ҳидоят томон.
Ожизларга бўл қалқон.
Болам, юзим ёруғ қил!
Кексаларни хурмат қил.
Гапларин қулоққа ил.
Борлигини бахт деб бил.
Болам, юзим ёруғ қил!
Синов келса қил тоқат,
Тўғри йўлдан юр фақат.
Десин-"Отангга раҳмат ".
Болам, юзим ёруғ қил!
Худодан умринг сўрай.
Орзу ҳавасинг кўрай.
Бошим кўтариб юрай,
Болам, юзим ёруғ қил!
✍ Дилобар Ўролова
