Blogfolio


Channel's geo and language: Uzbekistan, Uzbek
Category: Design


Design blog
Portfolio (UX/UI): layers.to/sirojn1
Behance: be.net/sirojn1
© 2018–2025

Related channels  |  Similar channels

Channel's geo and language
Uzbekistan, Uzbek
Category
Design
Statistics
Posts filter


Forward from: Point of View
“Dizayn”

Product Manager: Dizayn men uchun — Figma emas. UI ham emas

Men uchun dizayn — bu reja, harakat va mas’uliyatlar aniq bo‘lgan jarayon.
Jamoaning har bir qadami oldindan o‘ylanganida, qarorlar tushunarli, harakatlar muvofiq bo‘lganida — shunda dizayn ishlay boshlaydi.
Men har kuni dizaynni ko‘raman — rejalar, yig‘ilishlar, deadline va yakunlarda. Tashqi ko‘rinmasligi mumkin, lekin u har bir natijaning ichida yashaydi.
Chiroyli interfeys emas, balki to‘g‘ri "FLOW" va natijaga yetaklaydigan "PLAN" — bu men uchun dizayn.

————————————————
Backend: Eng muhim dizayn — ko‘rinmaydigani.

Chiroyli interfeys hammaga yoqadi.
Lekin foydalanuvchi ko‘rmaydigan joyda nima bo‘lyapti?
Backend developer sifatida men dizaynni quyidagilarda ko‘raman:
— tizim arxitekturasi,
— bazaning puxtaligi,
— APIlarning barqarorligi,
— kod strukturasi va
— deploy jarayonlarining aniqligida.

Bular ko‘zga tashlanmaydi, lekin agar buzilsa, hamma sezadi.
Dizayn — bu shakl emas, bu ishlash tartibi.
Qanday ko‘rinishi emas, qanday ishlashi muhim.

————————————————
AI
Expert: Avval AI dizaynga muhtoj edi. Endi esa dizayn AIga.

AI engineer sifatida men uchun dizayn bu:
model arxitekturasi, oqimlar, qatlamlar, diagrammalar...
ya’ni tizimli fikrlash va algoritmik tuzilma.
Lekin 2025dan boshlab bu ro‘yxatga yana bir narsa qo‘shildi — kreativlik.
AI endi dizaynni faqat tushunmayapti, yaratyapti.
Dizayn — bu: AI yaratgan va AI tomonidan yaratilayotgan reallik.
Aftidan dizayn haqida qaytadan o‘ylab ko‘rish vaqti kelgan


Dizayn — bu ko‘rinishdan ko‘ra chuqurroq.
Fikrlar har xil, maqsad esa bitta — ishlaydigan tizim yaratish.


Mish-mishlar haqiqatga aylanmoqda

Jane Manchun Wong X ijtimoiy tarmog‘idagi sahifasida Figma tomonidan ikki katta loyiha ustida ishlanayotgani haqida yozdi:

Figma AI App Maker — matnli buyruqlar, Figma fayllari va rasmlarni qabul qilib, sun’iy intellekt yordamida ilovalar yaratishga imkon beruvchi platforma. Bu tizim Claude Sonnet LLM (Supabase orqali) asosida ishlaydi.

Figma Sites — tayyor bloklar, interaktivliklar va moslashuvchan dizayn asosida sayt yaratish imkonini beruvchi yangi xizmat. Bu loyiha no-code servislarga jiddiy raqobatchi bo‘lishi aniq.

@blogfolio


Yaxshi dizayn g‘oyasi bu — boshqa dizaynerlarni “nima uchun bu g‘oya menga kelmadi?” deb o‘zlarini ahmoqdek his qilishidir. (c)

@blogfolio


Yoshlarning hammasi ham ijtimoiy tarmoq va kompyuter o‘yinlariga qul emas

Yuqoridagi videoda ko‘rgan bo‘lsangiz Teamit Academy o‘zining Grafik dizayn kursi o‘quvchilari o‘rtasida kichik chempionat o‘tkazdi. Men natijalarni baholovchilar qatorida edim va shuni bildimki, hozirgi kunda grafik dizayn va umuman IT sohalarini o‘rganuvchilarning yoshi sezilarli darajada kichrayib bormoqda. Bundan 4-5 yil avval bu sohalarga ko‘pincha 20 yoshdan oshgan yigit-qizlar qiziqish bildirib, o‘rganishni boshlasa, bugungi kunda 12-15 yoshli o‘smirlar allaqachon dasturlash, dizayn asoslarini o‘rganib, o‘zlarining ilk loyihalarini yaratishga kirishib ketgan.

Texnologiyalarning rivojlanishi va ularga kirish imkoniyatining osonlashishi yosh avlodni nafaqat turli tarmoq va o‘yinlarga, balki, foydali sohalarga ham erta jalb qilmoqda deb o‘ylayman.

Buni qarangki, Teamit’da bo‘lib o‘tgan chempionatning asosiy mavzusi ham aynan vaqtni qadrlash bilan bog‘liq edi.

@blogfolio


Forward from: Teamit.uz
Video is unavailable for watching
Show in Telegram
Grafik dizaynerlar o‘rtasidagi musobaqamiz nihoyasiga yetdi!

Yaratuvchanlik, original g‘oyalar va yuqori darajadagi dizayn ishlari — barchasi bir sahnada jam bo‘ldi.
G‘oliblarni chin dildan tabriklaymiz va musobaqada qatnashgan har bir ishtirokchiga rahmat aytamiz!
Ijod davom etadi — bu endi boshlanishi!

Teamit Academy - zamonaviy kasblarni biz bilan o'rganing

🏢 Jizzax sh. Maishiy xizmat uyi
🏛 Mo'ljal: "Zokir ota" to'yxonasi
📍Lokatsiya

☎️ 99 550 77 99
🌐 teamit.uz

Telegram | Instagram | Facebook


Figma sayt konstruktori (website builder) ustida ishlayotgani haqida mish-mishlar tarqaldi

Framer, Webflow, Wix, Tilda va boshqa no-code xizmatlari uchun bu jiddiy raqobat bo‘lishi mumkin.

Yuqoridagi rasmni isbot sifatida postlarga qo‘yishyapti, qolaversa rasm egasining bu rasmni o‘chirib tashlashi kerakligi haqidagi xabari yozilgan skrinshot yuribdi.

Aftidan 7, 8-may kunlari bo‘lib o‘tadigan "Figma Config-2025" zo‘r bo‘ladiganga o‘xshaydi.

@blogfolio


Video is unavailable for watching
Show in Telegram
Yana sun’iy intellekt haqida

Anvar Narzullayev bilan bo‘lgan suhbatning ushbu parchasida ikkita narsani bilib olasiz:

1. Dasturchi nima ish qilishi )
2. Dizaynerning va umuman insoniyatning kreativligi uning sun’iy intellekt oldidagi eng katta ustunligi bo‘lib qolishi.

@blogfolio


Sun’iy intellekt bilan qanday raqobat qilamiz?

Matnda SI’dan foydalanilmagan.

So‘nggi kunlarda OpenAI’ning ChatGPT va Sora kabi vositalari haqidagi yangiliklar ko‘plab dizayn bloglarda asosiy mavzuga aylandi. Endilikda SI matn bilan bexato ishlashga qodir, yuqori sifatli va haqiqatga yaqin suratlarni generatsiya qilmoqda. Tan olish kerakki, bu innovatsiyalar dizayn sohasida katta o‘zgarishlarga sabab bo‘lmoqda. Bu xabarlar fonida ba’zi hamkasblarimizdan "endi dizaynerlarga ehtiyoj qolmadi" degan xavotirli fikrlar eshitilmoqda.

Ammo aslida vaziyat butunlay boshqacha. Neyron tarmoqlar biz uchun raqobatchi emas, aksincha, qo‘limizdagi yana bir vositadir. Sun’iy intellektdan foydalanish orqali ishimizni tezlashtiramiz, ko‘proq ijodiy imkoniyatlarni kashf qilamiz va yanada sifatli natijalarni olishga erishamiz. Lekin ijodkorlik va g‘oyalarni yaratish – insonning noyob va o‘rnini bosib bo‘lmas xususiyatiligicha qoladi.

Sun’iy intellekt ilgari odamlar qilgan ishlarni yig‘ib, umumlashtirib, ulardan yangi natijalar yaratadi. Aslida, dizayner sifatida biz ham tez-tez shunday qilamiz. Bu holatda bizning ustunligimiz esa, inson sifatida o‘z ishimizga mehr bilan yondashishimiz, unga ma’no va his-tuyg‘ularni qo‘sha olishimiz va eng muhimi, "nima uchun aynan shunday qilayotganimizni" boshqalarga tushuntirib bera olishimizda aks etadi.

Shuning uchun neyron tarmoqlarni raqobatchi sifatida emas, balki yangi g‘oyalar olish, ilhomlanish va kreativ jarayonni yanada boyitish uchun foydalanadigan yordamchilar sifatida qabul qilishimiz lozim.

@blogfolio


💎 Key Visuals 1.0: Logo dizayn bo‘yicha mentorship

Grafik dizayner va mentor Maqsadjon Olimjanov logo dizayn bo‘yicha o‘z tajribasi, bilimlari va ko‘nikmalarini boshqalar bilan bo‘lishish maqsadida yangi loyiha – mentorship dasturini boshlamoqda.

Ushbu mentorship dasturi dizayn sohasida ma’lum tajribaga ega bo‘lgan va o‘z faoliyatini keyingi bosqichga olib chiqmoqchi bo‘lganlar uchun maxsus ishlab chiqilgan.

Ro‘yxatdan o‘tish va mentorship haqida batafsil ma’lumot olish uchun quyidagi havolaga o‘ting: https://forms.gle/3PSpZYzXH4u8Ws576

@blogfolio


Figma tarif rejalariga o‘zgartirishlar kiritdi va narxlar oshdi

Mavjud mijozlar uchun yangi narxlar va tarifdagi o‘zgarishlar 2025-yil 11-martdan boshlab yoki undan keyingi birinchi yangilanish muddatida kuchga kiradi deyilmoqda xabarda.

Yaxshi xabar ham bor: Figma o‘qituvchi va talabalar uchun bepulligicha qoladi.

@blogfolio


Photoshop Beta’da Hue/Saturation’ning yangilangan versiyasi paydo bo‘ldi

Endi tasvirdagi ma’lum rangni o‘zgartirish uchun bosqichma-bosqich qidirish shart emas. Yangi versiya tanlangan tasvirda mavjud eng muhim 6 ta rangni sizga ko‘rsatadi.

Batafsil: PiXimperfect

@blogfolio


Tartibsizlikdan go‘zallik yaratish va foydalanuvchi tajribasini kuchaytirish san’ati

Klassik prinsiplariga qarama-qarshi ravishda, “Ixtiyoriy ritm” qotib qolgan qoidalardan tashqarida ishlaydi. Undan qo‘rqmang!

Havolani kompyuterdan ochish tavsiya etiladi: https://antiquewhite-jackal-431005.hostingersite.com/

@blogfolio


"Произвольный ритм (ixtiyoriy ritm)ni veb-saytlarda ishlatishdan maqsad nima? Mohiyati nimada o‘zi bu usulni? Nima foyda bunaqa qilishdan?" degan savollarni bergan edim Farruxbek Abdullayevga.

Erinmasdan batafsil javob tayyorlabdi. Keyingi postda javob havolasini ulashaman. Undan oldin esa kimda qanday qisqacha fikr bor bu bo‘yicha?

Yuqoridagi suratlar ixtiyoriy ritm atamasi nima ekanligi va gap nima haqida ketayotganligini anglab olishingiz uchun.

@blogfolio


Citigroup tasodifan mijozning hisob raqamiga 280 dollar o‘rniga 81 trillion dollar o‘tkazib yubordi

Financial Times’ning yozishicha, to‘lov 2024-yil aprel oyida amalga oshirilgan, biroq ushbu holat bir yil o‘tgach oshkor etilgan. Shu bilan birga, to‘lovni amalga oshirgan bank xodimi ham, tranzaksiyalarni tekshirishi kerak bo‘lgan ikkinchi mansabdor shaxs ham xatoni payqamagan.

Shubhali to‘lovni tranzaksiya qayta ishlanganidan bir yarim soat o‘tgach, bankning uchinchi xodimi aniqladi, yana bir necha soat o‘tgach, o‘tkazma bekor qilindi.

FT manbalarining ta’kidlashicha, hodisa ma’lumot kiritishdagi xatolik va noqulay foydalanuvchi interfeysiga ega bo‘lgan zaxira tizimi bilan bog‘liq.

Ko‘rib turganingizdek, yomon UI (User Interface) dizayni nafaqat foydalanuvchilarga noqulaylik keltiradi, balki milliardlab dollarlik xatolarga ham olib kelishi mumkin.

@blogfolio


Video is unavailable for watching
Show in Telegram
Ushbu videoda shunday ma’no bor: "Professional mahorat tajriba orqali o‘sadi, ijodkorlik esa e’tibor va ishtiyoq bilan rivoj topadi"

Dizaynda tajriba yillar orqali o‘lchanmasligini yanada yaxshiroq anglash uchun bundan ortiq ma’noga ega jumla bo'lmasa kerak.

To‘liq ma’ruza bu yerda.

@blogfolio


Forward from: ©️ gulomov design
Agar men sohamizda endi faoliyat olib borishni boshlaganimda...
Status: o'rganuvchi, yosh 18, 2025-yil.

1️⃣ Maqsad bosqich
Dizayn sohasi qo'limdan yaxshi kelishiga ishonch xosil qilish, online ochiq manbalardagi darsliklarni va boshqa dizaynerlar ishlarini kuzatish. Selfstudy bilan shug'ullanish va ushbu jarayon o'zimga ma'qul kelayotganini aniqlash. So'ng miyyadan boshqa barcha chalg'ituvchi hayollarni tozalab tashlash. Dizayn bo'yicha yaxshi darajaga chiqishni niyyat va maqsad qilish.

Maqsadlarni ma'lum bir muddat o'tganidan so'ng yana tekshirib va tahlil qilib olish mumkin. Bu haqida keyinroq yozib o'taman.

2️⃣ Ta'lim bosqich
Moliyaviy imkoniyatimdan kelib chiqqan holda o'quv markaz yoki online kurs sotib olar edim. Imkoniyatim umuman yo'q bo'lgan holatda - bepul ochiq manbalarga yo'l olar edim. Youtubeda hozirda yetarlicha manbalar mavjud. Hard bilimlarga maksimal fokusimni qaratar edim.

Kursda e'tibor berishim kerak bo'lgan yana bir holat - bu uning muddati. Butun bir yilga mo'ljal olmaganligiga qarash bo'lar edi. Ya'ni ushbu bosqich uchun kamida 4-6 oyni mo'ljal qilar edim. 1 yillik yoki undan oshiq vaqtga mo'ljal qilingan kursda vaqtdan yutqazish xavfi bo'lishi mumkin.

3️⃣ Shogirdlikka tushishga harakat qilar edim
Ma'lum bir darajadagi hard bilimlardan so'ng, ya'ni asosiy grafik dasturlarni o'rganganimdan so'ng, dizayn prinsiplari bilan yaxshilab tanishib chiqqanimdan so'ng, vizual bazamni kuzatuvchanlik va amaliy qism orqali rivojlantirib olgandan so'ng, shogirdlikka harakatni boshlar edim.

1-sektor agentliklar. Mahalliy barcha agentliklarni kuzatib chiqar edim. Potensial 2-3 yoki 4-5 talariga stajirovka uchun shogirdlik taklifi bilan chiqar edim (taklif bilan chiqishni o'zi ham alohida yondashuv talab qiluvchi qiziqarli mavzu, bu haqida keyingi postda tavsiya qoldiraman).

Agar agentliklarni barchasi rad javobini bersalar, unda dizayn sohasi mavjud bo'lgan 2-sektor poligrafiya yoki tipografiyaga shogirdlik taklifi bilan chiqar edim. Ular qabul qilish imkoniyatlari yuqoriroq.

Ushbu jarayonlarga ideal holatda ta'lim bosqich 6-oy, shogirdlik 1-1.5 yilgacha vaqtni mo'ljal qilgan bo'lar edim.


Video is unavailable for watching
Show in Telegram
Figma'da kichik yangilanish paydo bo'ldi

Endi har qanday obyekt – jumladan, freymlar, shakllar, rasmlar, videolar, vektorlar va matnlar uchun aspekt nisbatini qulflash mumkin. Bu esa obyekt yoki uning asosiy konteyneri o‘lchamini o‘zgartirganingizda uning proporsiyalari saqlanishini ta’minlaydi.

Qisqa qilib aytganda, endi "Scale (K)" kamroq bosiladigan bo'ldi.

@blogfolio


Video is unavailable for watching
Show in Telegram
"Sun’iy intellekt yaqin 2 yilda dizaynerlarni ishsiz qoldirishi 100%" – Jahongir Ortiqxo‘jayev

Tadbirkorning aytishicha, qo‘l mehnati va aqliy mehnat bilan shug‘ullanuvchilar, arxitektor va dizaynerlar yaqin yillarda ishsiz qoladi.

@blogfolio


🖨 Poligrafik jarayon nega muhim?

Dizayner oʻz loyihalarini professional darajada amalga oshirishi uchun poligrafiya jarayonini toʻliq tushunib olishi kerak. Bosma mahsulotlarning sifatli va jozibador koʻrinishi faqat dizayn bilan emas, balki poligrafiya jarayonini toʻgʻri tushunish bilan bogʻliq.

Ranglar rejimi (CMYK va RGB), qogʻoz turlari va bosma texnologiyalari, dizaynni bosma uchun tayyorlash (prepress) vahokazo.

Yaqinda Xojiakbar Xamdamov oʻz kanalida poligrafik jarayonni sodda tilda tushuntirishga harakat qildi. Tavsiya qilishga arziydi deb oʻyladim.

@blogfolio


Referens nima? 🪓

Referenslar — bu sizning g'oyalaringizni ishlab chiqishda yordam beradigan namunalar (fotosuratlar, illustratsiyalar, obyektlar). Ular nafaqat fikrlaringizni birlashtirishga, balki qaysi yo'nalishda harakat qilish kerakligini belgilashga yordam beradi.

Referenslar nima uchun kerak?
Ilhom. G'oyalar yetishmovchiligida ma'lum bir uslubdagi namunalar yordamga keladi.
Bilimlarni boyitish. Yangi texnika va usullar haqida bilim olish imkonini beradi.
Trendlar. Dizayndagi dolzarb yo'nalishlarni kuzatishni osonlashtiradi.

Referens turlari:
Uslubiy referenslar — dizayn uslubiga oid namunalar.
Funksional referenslar — muayyan vazifalar uchun yorqin misollar (masalan, veb-dizayn).

Referenslar bilan qanday ishlash kerak?
1. Avvalo, topshiriq asosida referenslarni to'plang.
2. To'plangan namunalarda nima yoqqanini tahlil qiling.
3. Platformalardan birida mudbord yarating va fikrlaringizni aniqlang.

Referenslarni mudbordlar bilan adashtirmang. Referens — bu namunalar manbai, mudbord esa (yoki "kayfiyat doskasi") — loyihangizning umumiy kayfiyatini aks ettiruvchi turli referenslarning birlashmasidir.

Xo'sh, siz o'z ishingizda referenslarni qanday ishlatasiz? Izohlarda usullaringizni baham ko'ring.

@blogfolio

20 last posts shown.