Bintu Sodiq

«Буюк хотира йили»да янги лойиҳа

#Буюк_хотира_йили
«Буюк хотира йили» муносабати билан «Пешқадамлар» муассасаси ходималари ўртасида Заковат ўйинларини ташкил қилишни режалаштирган эдик. 2025 йилнинг сўнгигача 20 та учрашув бўлиши, уларда устозимиз шайх Муҳаммад Содиқ Муҳаммад Юсуф роҳимаҳуллоҳнинг «Ҳадис ва Ҳаёт» туркум китобларидан 20 та жузи асосида мусобақалашиш мақсад қилинган эди.
Бугун мусобақаларнинг биринчи босқичи бўлиб ўтди. Устозамиз Одинахон Муҳаммад Содиқнинг хайрли дуолари, ажойиб тақдимлари билан бошланган ўйин кутилмаганда ниҳоятда қизиб кетди. Асосий саволлар тугаб, қўшимча саволларга ўтиб кетдик. Муросасиз баҳслар билан ўтган ўйиннинг натижалари мусобақа қанчалик қизғин ўтгани ҳақида яққол тасаввур ҳосил қилади. Учрашув сўнгида ғолиб жамоалар эсдалик совғалар билан тақдирландилар.
Энг олий мақсадимиз эса илм ўрганиш, илм борасида мусобақа қилиш, устозимиз шайх Муҳаммад Содиқ Муҳаммад Юсуф ҳазратларининг илмий меросларини ўрганиш ва уларга амал қилишдир. Шунинг учун бу ўйинларда кимдир ғолиб, кимдир мағлуб деган тушунча йўқ. Бу мусобақада барча ғолиб, чунки Аллоҳ таоло: «Мусобақа қилувчилар мана шу борада мусобақа қилсинлар», дея марҳамат қилган.

Ҳали олдинда мусобақа иштирокчиларини 19 та учрашув, кўплаб қизғин баҳслар, гўзал хотиралар, хомийларимизнинг қимматбаҳо совғалари кутиб турибди.

Бугун суратга олинган видеолавҳаларни эса тез кунларда ижтимоий тармоқларимизда томоша қилишингиз мумкин.

Аллоҳ таоло барчамизни хайрли ишларда бардавом қилсин.

Барно Саидраҳмон

@BintuSodiq