Bilol alixan Kemal O’g’li

Biznes — bu teatr, ish esa — sahna.

Mijoz kelganda o‘z rolini bajarolmagan, aktyor ekanligini unutgan xodimlar oyliksiz, teatrlar esa kassasiz qoladi.

Shu bilan, marketingni qachon o‘rganasiz?

Ma’lum bir darajaga yetganda: “Nima qilaman? Nima bilan shug‘ullanaman?” deb emas, balki “Nimani qilmayman? Nima bilan shug‘ullanmayman?” deb o‘ylay boshlarkan ekansan…

@bilolalixanceo

Tartibli insonlar

Metroga tushib Germaniyalik turistlarga duch keldim.

Albatta ular qayerlik ekanini fol ochganim yo’q, o’zlaridan so’radim!

Qisqa suhbat:
- Are you a tourist?
- Yeess😃
- Where are you from?
- Germany
- Are you from Tashkent?
- No, I’m from Namangan, I live in Tashkent
- Very well

Hullas so’ngra ularni kuzatib turdim!

Metro keldi va O’zimiznikila metroni ichiga kirishga tiqilib ichkaridagilarni chiqarishga qo’yishmayapti

Nemislar bo’lsa bir qator bo’lib metro ichidagilar chiqishini kutib turdi hamma chiqib bo’lgandan so’ng metroga minishdi.

“Men esa sig’may qoldim😂”

Hulosa: “Boshqalarga yo’l bersang joysiz qolasan” nomli hayotiy feedback

Albatta hazil menimcha biz ham bu tartibli madaniyatni o’zimizda shakllantirishimiz kerak

@bilolalixanceo

Kanalda hech qachon video message qilmaganman va bu birinchisi 😁

Hayajon bor qisqacha endi story emas blogni instagram format qilib yuritamiz nima dedila?

Uyg'ondingizmi?

Tarqoq fikrlar, Stress, Qo'rquv, Ko'p o'ylash!

Yuqorida sanab o'tgan bu hissiyotlar sizga tanishmi?

Meni o‘ylantirgani – Muxtor Maqauinning ushbu fikrlari biznesda ham o‘rinli emasmi ekan degan savol.

Necha pul topganing emas, balki o‘z potensialingni qay darajada amalga oshirayotganing muhimroq. Chunki agar imkoniyatlaringni to‘liq ishga solmayotgan bo‘lsang, demak, o‘zingga va atrofingga nisbatan beparvolik qilayotgan bo‘lishing mumkin…

Hatto o‘z iqtidorini, bilim va tajribasini yo‘lga qo‘ymasdan, ularni mayda narsalarga sarf qilayotgan odam qaysidir ma’noda “jinoyatchi”dir – jamiyatga, o‘z missiyasiga xiyonat qilayotgan inson.

Demak, biznesda ham gap qancha pul ishlashda emas, balki imkoniyatni nechog‘lik to‘liq ishga solayotganingda. Shu tomondan qaralsa, ish haqiqatan ham boshqacha ko‘rinishda ochiladi.

@bilolalixanceo

O‘z mahsulotingizga qiziqish uyg‘ota olish.

Qiziqish uyg‘otish yoki uni yaratish – bu harakat. Demak, “qila olaman” yoki “qila olmayman” degan savolga keladi. Demak, bu qobiliyat.

Qobiliyat esa yoki bor, yoki yo‘q.

Buni hali chuqurroq o‘rganaman, lekin hozir quyidagi fikrlar keldi:

Bu yerda eng avvalo aniqlab olish kerak bo‘lgan tushuncha – “qiziqish”. U nima? Uni qanday tushunamiz?

Qiziqish – diqqat va niyat birlashganda paydo bo‘ladi.

Agar biror narsaga diqqatimiz qaratilmasa, u bizning hayotimizda mavjud emas.

Masalan, yangi film chiqqan bo‘lsa-yu, men bu haqda hech qanday ma’lumotga ega bo‘lmasam, men unga qiziqolmayman ham. Qiziqmaslik degan narsa yo‘q. Bu qorong‘ulik kabi – yorug‘lik bor bo‘lsa, u bor; yo‘q bo‘lsa, biz uni “qorong‘ilik” deb ataymiz.

Ikkinchi omil – niyat. Niyat – bu sabab, har qanday narsaning mavjud bo‘lishi uchun zarur bo‘lgan omil. Qiziqish nuqtai nazaridan bu – muayyan “o‘zaro ta’sir”ga ehtiyoj.

Masalan, yuqoridagi film misolini olaylik:

1. Birinchi bosqich – odamga yangi film borligi haqida ma’lumot yetib keladi. Shu yerda produser va tomoshabin o‘rtasida ilk aloqa o‘rnatiladi. Agar e’tiborni jalb qila olsangiz, keyingi bosqichga o‘tish oson bo‘ladi. Agar e’tiborini torta olmasangiz, siz u odam uchun hali mavjud emassiz. Marketingda bunga “7 touchpoints” qoidasi deyiladi – ya’ni, turli kanallar orqali bir necha marta aloqaga kirishishga urinish kerak.

Maqsad – keyingi bosqichga o‘tish, ya’ni, kontentingizni bemalol qabul qiladigan holatga keltirish. Bu yerda usullar turlicha bo‘lishi mumkin: e’tiborni jalb qiluvchi sarlavhalardan tortib, hikoya qilish san’atigacha.

2. Ikkinchi bosqich – odam filmni tomosha qilish uchun chipta sotib olish qarorini qabul qilishi kerak. Buning uchun esa yuqorida aytganimizdek, “ehtiyoj” tushunchasini chuqurroq o‘rganish lozim. Aynan ehtiyojni to‘g‘ri tushunish orqali sotish sirini ochish mumkin.

Birgina so‘z – “ehtiyoj”ni chuqur o‘rganish orqali fikrlash tizimi, harakat qilish formulalari va yangi g‘oyalar paydo bo‘ladi, sezayapsizmi?

Ehtiyoj mavzusini o‘zingiz ham tadqiq qilib ko‘ring yoki shu mavzuda kurs qilsammikina?

@bilolalixanceo

Bolamni o‘qitdim, to‘qitdim, endi kelajakda meni boqadi deb aytadigan ota-onaning dunyoqarashi naqadar tor.

Shoshmang, Shoshmang!

Agar bolang “ota-onamni boqsammi, yo‘qmi?” deb o‘ylaydigan bo‘lsa, u odammi o‘zi? Yoki oddiy bir o’tinmi?..

Bunday gaplar maydalanib ketganimizning yaqqol ko‘rinishi.

Bolang dunyoni o‘zgartsin, Allohning omonatini insoniyatga yetkazsin deydigan, Orbulokda 50 ming askarga qarshi 600 kishi bilan chiqib, g‘alaba qila olgan, sultonlari Misrda Islomni himoya qilgan xalq farzandi edik-ku!

Hozir esa gap nimada?
“Ota-onam bilan yashaymizmi yoki yo‘qmi?, Men ularning to‘yiga 30 ming berdim, ular 20 ming bilan keldi, to’yga qaysi xonandani chaqiramiz 40 tog’ara uyoqqa, bir olam latta puttalar bilan burkangan isrofgarchiliklar ichidagi qo’shtirnoq ichidagi hashamat”

Sharmandalik. Aqlsizlik. Past tafakkur.

Bu millat qanday millat edi ne holga keldi?

@bilolalixanceo

Kompaniyada vision (ko‘rinish, kelajak maqsadi) nega muhim?

Payg‘ambarimizning (s.a.v.) Me’roj voqeasi menga “vision, strategiya, B nuqtasi” mavzusida katta saboqdek tuyuladi. Eng og‘ir, chidab bo‘lmas lahzalarda unga oxirgi nuqta – manzil ko‘rsatildi. Jabroil (a.s.) bilan birga olamning tashqarisiga chiqib, jannat va do‘zaxni ko‘rib, kelajak aniq tushunarli bo‘ldi.

Shundan keyin hammasi yangicha ruh bilan davom etdi.

Aynan shu prinsip kompaniyalar uchun ham muhim. Agar qayerga ketayotganingni, nima uchun harakat qilayotganingni bilmasang, yo‘lda taslim bo‘lish juda oson. Ammo aniq vision bo‘lsa, oxirgi manzil ko‘rinib tursa – har qanday to‘siqdan o‘tish ancha yengil bo‘ladi.

Xo‘sh… o‘zingizchi? Qayerga ketayapsiz?

@bilolalixanceo

Tadbirkorlik – bu almashinuv. Faqat ko‘proq olishni xohlovchilar haqiqiy ochko‘zlar.

@bilolalixanceo

Bugun odamlar mahsulot va xizmatlardan ko‘ra, taassurotlarni yuqoriroq baholaydi.

@bilolalixanceo

Insonni buyuk qiladigan narsa nima?

Eng achinarlisi – “pul” deb nomlangan o‘yinni o‘ynab, bir kun kelib uning chegaralaridan tashqarida hech narsaga qodir emasligingni anglash.

Haqiqiy buyuklik – pul miqdorida emas, balki boshqalarning taqdirini o‘zgartira olish qobiliyatidadir.

@bilolalixanceo

Hozirda ko‘plab bizneslarning qiynalayotgan joyi – kadr masalasi, chunki bozorga tayyor bo‘lmagan mutaxassislar kirib kelmoqda. Ko‘p bizneslar ish berishdan tashqari universitet rolini ham bajarishga majbur. Ba’zi rahbarlar boshqarishdan ko‘ra, pedagog bo‘lib ishlayotgani ham bor.

Lekin mening fikrim va taxminim shuki:

Kelajakda “infoqaroqchi” (infotsigan) bo‘lib ketishdan qo‘rqadigan, kamroq ish qilsa ham sifatga urg‘u beradigan shaxslar yaqin 4-5 yil ichida mamlakatimizdagi inson kapitalining sezilarli darajada oshishiga hissa qo‘shadi.

Uzoq yillar davomida barqaror yuqori darajani saqlab qolgan va real loyihalar ustida ishlagan hamkasblar shaxsiy brendga aylanib, hatto kollej va universitetlar bilan raqobatlasha oladigan darajaga yetishiga kafolat bor.

@bilolalixanceo

Sening qiymating – boshqalarga qancha foyda keltirsang, shuncha.

@bilolalixanceo

Ongli hayotning asosiy ma’nolari 👇🏽

1. Kelajak hayot uchun potentsial yaratish.

2. Koordinatalar tizimini shakllantirish va paradigmani o‘zgartirish.

3. Yetuk shaxs va to‘g‘ri xulq-atvor modelini rivojlantirish.

4. To‘siqlarni yengib o‘tish orqali erkinlik gorizontini egallash.

5. Har qanday sharoitda yashashni o‘rganish.

6. Ishonchli insoniy resursga aylanish.

7. O‘z ishida sifat namunasiga aylanish.

8. Murosasiz oldinga intilish.

9. Istaganingni qilish, lekin xato qilmaslik.

10. O‘zingni ortda qoldirmaslik.

11. Kompetentlikni rivojlantirish.

12. Kecha qanday bo‘lsang, bugun undan kuchliroq bo‘lish.

13. Shaxsiy ambitsiyalarni chetga surib, boshqalarning g‘alabasiga resurs bo‘lish.

14. Hamma yutadigan muhit yaratish.

15. O‘zingni chuqurroq darajada qayta yig‘ish.

16. Yangi tarix va yangi kelajak yaratish.

17. “Bu nimaga kerak?” degan savol bilan harakat qilish.

18. O‘zingga hurmatni rivojlantirish.

19. Taqdirni burish uchun doimiy ravishda precedentlar yaratish.

20. Sevimli ish orqali yangi o‘zingni topish.

21. O‘zingni yuksak ma’nolarga bo‘ysundirish.

22. Boshqalar muvaffaqiyatiga resurs bo‘lish.

23. Yaratish – hayotning asosiy ma’nosi sifatida.

24. “Men/Biz qanday kelajak yaratmoqdamiz?” degan savolga aniq javob berish.

25. Kelajakni yaratish va keyingi avlodlarga yetkazish (amanat).

26. Ijtimoiy injiniring.

27. Xatolar ustida ishlash, xulosa chiqarish va yangi imkoniyatlarni ochish.

28. Reallikka mos ravishda qayta tug‘ilish.

29. Xatolarni ochiq ko‘ra olish va ularni tan olishga jasorat topish.

30. Harakat qilishga tayyor inson bo‘lish.

31. Yaxshi inson va kuchli professional bo‘lish.

32. Barqarorlik va moslashuvchanlikni rivojlantirish.

33. Ortib boradigan (qiymat bilan boyitilgan) tizimlar yaratish.

34. Kutilgan natijadan oshib ketish.

35. E’tiborsiz emas, befarq bo‘lmagan inson bo‘lish.

36. Hatto yoqtirmagan narsangni ham sevib o‘rganish.

@bilolalixanceo

Ofis bo‘lishi – biznes emas.
Qimmat kresloda o‘tirish – biznes emas.
Devorga “CEO” deb yozilgan lavha osish – biznes emas.

Biznes – bu pul ishlash. Qolgani – dekoratsiya.

Haqiqiy biznesmen avval kassani to‘ldiradi, keyin kreslo yoki qahva mashinasi haqida o‘ylaydi. Unga ofis emas, natija kerak.

Mijoz pul to‘layaptimi?
Mahsulot yoki xizmat haqiqiy yechim berayaptimi?

Agar yo‘q bo‘lsa – sizda biznes emas, qimmat hobi bor.

@bilolalixanceo

🌙 Ramazonda bir marketologcha so'z:

Jahannam mahsulot sifatida unchalik yaxshi emas, lekin marketingi kuchli, qadog'i jozibali, CJM (mijoz yo‘li) yaxshi o‘ylangan.

Jannat mahsulot sifatida ajoyib, lekin hali ham yaxshi marketologlarga muhtoj.

@bilolalixanceo