Otabek Bekmirzayev

Shivirlaydigan radio!

Oldinlari radiolar bo'lar edi, musiqa tinglar edik.

Sevimli musiqamiz orasiga esa shivirlagan ovozlar kelib qo'shilardi, asablarimiz buzilardi.

Buni esa sevimli hayotimizga boshqa insonlarning muammosi kelib bizni baxtsiz qilishga o'xshaydi.

Shunday lahzalar bo'ladiki boshqa insonlarning muammosini o'zimizga olishimiz kerak bo'lmaydi.

Prinsiplarni shakllantirmas ekanmiz barchaga yordam bergimiz kelib o'z hayotimizdan qolib ketamiz.

Yo'q deyishni o'rganishimiz kerak.

Shunday ekan, qiladiganlarimiz va qilmaydiganlarimizni aniqlaylik!

@bekhmirzayev_blog

Yordam bermang!

Ishxonamizda yoshlari katta inson borlar, tayoqqa suyanib yuradilar. Barcha joyga o'zlari og'ir-bosiqlik bilan hassasiga tayanib borib keladilar.

Ilk bor ko'rganimda yordam berishmayotganidan jahlim chiqdi. Bordim, yordam taklif qildim, qo'llaridan ushladim.

Birinchi qilgan ishi meni qaytarish bo'ldi, keyin zinadan o'zi chiqdi.

Tushundimki, men va mening do'stlarim amakiga yordam berib yashashganida, hozir zinaga chiqish u-yoqda tursin hassadan ham foydalana olmasdilar.

Ja'fari sodiq Abu Hanifadan so'ragan:
- Sizningcha oqil kim?
- Oqil shundayki, ikki yaxshilik va ikki yomonlikning orasidan yaxshirog'ini va yomonrog'ini ajrata oladi.

@bekhmirzayev_blog

1- yanvardan o‘zgarmoqchi bo’lganlar diqqatiga:

O‘zgarishni ertadan yoki bugundan ham boshlasa bo‘ladi.

Buning uchun Sezar belgilab bergan yil boshini kutish shart emas.

Baribir kutaman deganlar uchun eslatma:

Aynan kutuvchilarning o‘zgarishlari odatda yil oxirigacha ham yetib bormaydi.

@azizrakhimov_blog | @bekhmirzayev_blog

2024 yil o’rganganlarim

Noto’g’ri boshlashdi, avtoulov haydashda birinchilardan bo’lib kamar qadashni o’rgatishmadi. Endi esa ulovdan tushayotib eslayapman: boshlash yetarli emas, to’g’ri boshlashga ham e’tiborli bo’lish kerak.

Ishsizlikdan qiynaldim, yolg’on gapirishga majbur bo’ldim, ma’suliyatsizlik qildim, Rustam Tursunovga shogird tushdim: ustoz - tajribalari orqali to'g'ri yo'l ko'rsatadi, barchamizga ustoz kerak.

Kutuvim 0 edi, amaliyotdan keyin ish topa olmaslikka ruhan tayyor edim, kutganimdanda yomonrog'i sodir bo'ldi, kutuvlarni 0 ga emas minusga tushirishni boshladim, endi 0 ham men uchun natija va baxt: kutuvlarni past qilish va eng yuqori kutuvga ham tayyor bo'lish kerak.

Yaxshi joyda ishlayotgan edim, boshqa joydan taklif keldi, ikki yaxshi tanlov orasida qiynaldim, ustozim dars sifatida ma'suliyatli qarorni o'zimga qoldirdi, yo'nalishimdagi kitoblarning "Ishdan ketish" mavzularini o'rgandim, o'rgatishdi, kitoblardan yechim topdim: ustozning topshiriqlariga kitoblardan yechim topilar ekan.

@bekhmirzayev_blog

Rivojlanishda yon atrofingizdagi ilmli insonlar bilan qilingan raqobat muhim tamoyillardan hisoblanadi, lekin raqobatdanda yaxshiroq narsa bu muhitdir.

Insonni shakllanishida yaxshi muhitning ta’siri katta.

Ustozimi Aziz Rahimov “Paralell muhit” nomli club tashkillabdilar, clubga qo’shilish esa bir necha kunda yopilar ekan.

@parallelmuhit_bot
Oylik to’lov 67 ming so’m

Yana bir, doim yaxshi kontent qiluvchi va kontentlarni pulga sotuvchi ustozimizning ham clublari bor. Ko’pchiligimiz tanigan Abdusattor akaning “Maqsad” clubi haqida gap ketyapti.
Bu clubni ham tavsiya qilaman.

@Maqsad30bot
Oylik to’lovlik, 88 ming so’mdan.


Endi esa qimmatrog’i haqida aytib o’taman, boshqa bir ustozimiz, manajer, tadbirkor, yaxshigina tajribaga ega Abdulloh ustoz menejerlar uchun kurs qilgan ekan, sohangiz shu bo’lsa o’qishingiz ma’qullanadi.

https://telegra.ph/Samarali-boshqaruv-kursi-12-08


Clublarga tezroq qo’shilinglar, pul yig’ib kursni sotib olinglar, postni o’chirib yuboraman!

Siz aybdor emassiz.

Tonggi soat 9 lar, maktabdaman, qo'riqlash xizmatidagi akaning oldida ishimni qilayotgan edim, ular bilan yaxshi munosabatda edik. Tasodifan so'kib qoldi, tortishib ketdik, Bir necha kun oldin ular qilgan xato ishni "yopdi-yopdi" qilgan edim, bunday munosabat qilgani mening ham bir necha kun davomida to'plab yurgan agressiyamni oshirib yubordi.
Doimgi kulib yurish yo'q, 1-2 soatlarcha oldimdan chiqqan barchaga achchiq qildim, qo'pol gapirdim hattoki direktor bilan tortishdim.

Xizmatdagi aka kechki smenaga qoldi va ertaman-da boshqa bir hurmati baland inson bilan tortishib qolgani ammo hurmati yuzasidan jim turganini, barcha jahlni esa o'sha paytda noto'g'ri vaziyat tufayli menga chiqib ketganini tushuntirdi, uzr so'radi, akani to'g'ri tushundim. Men esa 1-2 soatlik odamlarni eslay olmayman, uzr ham so'ray olmadim.

Agressiyani to'plab boshqa bir insonga chiqarib yuborish odatda munosabatlarga kuchli ta'sir qilar ekan(tadqiqotda aytishdi).
Bu ishimdan hozir biroz xijolatdaman.

Odatda, muammo paydo bo'ldimi vaqtida aytar edim, kimningdir so'zi, xatti-harakati yoqmasa ham o'ziga aytadigan darajada betgachoparlik qilardim, va bu odatim bilan men ichimda agressiya saqlamas edim. Bu odat esa mening baxtlilik darajamga ulkan ta'sir qilayotgan edi. Sizlarga ham foydalanishni tavsiya qilaman.


Tanganing boshqa qismi: biror inson sizga jahl qilishida doim ham sizning aybingiz bo'lmasligi mumkin, insonmiz, barchamiz xato qilamiz, u insonni ham to'g'ri tushunishimiz va doim ham ranjimaslikni o'rganishimiz lozim.

@bekhmirzayev_blog | Anonim

Tanlovlar

Oyiga 2mln oylik olasiz, ishingizni yoqtirasiz, umuman olganda hozir qilayotgan ishlaringiz 1 yil oldin tasavvur qilib bo'lmas edi.
Telegramga kirdingiz, yangi vakansiya, oylik yuqori, ishdagi o'rganish ham ko'proq, do'stlaringizga yaqinroq, networkingbop manzil, umuman olganda ideal.
Bir necha kun uxlatmaydi.

Kichik hayotiy tajribalardan angladimki, inson faqat tanlovlardan iborat ekan. Bizning qadarimiz aniq, ammo bizga noma'lum, bu esa har bir tanlovning murakkabligini anglatadi.

Qazo va qadar hamda insondagi tanlov haqida shunday tushuntirishgan edi.
Oldingizda 5 ta qishloq bor, qaysi biriga kirish tanlovingiz, u yerda sodir bo'ladigan ishlar esa qadaringizdir, degandilar.

Tanlovlar:
Har qanday rejalaringizni buza oladi
Maqsadlaringizni soniyasiga o'zgartira oladi
Kutuvlaringizni sindira oladi
…

Sizning tanlovingiz boshqa insonning hayotini yaratishi, vayron qilishi, rivojlantirishi mumkin.
Tanlovlarga jiddiy munosabat bildirmaslik esa mas'ulyatsizlikdir.

@bekhmirzayev_blog | Anonim

Zukkolar va landavurlar

Kitobda bir ma'lumot berilgan edi: IQ test insonning IQ sini o'lchaydi, hayotda osonroq yashash esa bu testga bog'liq emas!

Hamda bir tadqiqot haqida aytilgan edi: maktabda 2 turdagi(IQ darajasi yuqori-"aqlli", IQ darajasi past-"aqlli bo'lmagan") bolalarga topshiriq berilgan edi. Topshiriq: sizga sochiq berilgan undan qanday qilib foydalanish mumkin?
1-turdagilarning javobi:
1. Yuz-qo'lni artish mumkin

2-turdagilarning javobi:
1. Yuz qo'lni artish
2. Yoqib, isinish
3. Partaning oyog’iga tirgak qilish
....

Tadqiqotdan o'rganishimiz mumkin bo'lgan narsa: har bir narsaning boshqa tomonlari mavjud, har bir buyum yoki jarayondan turli xil insonlar uchun turli xil maqsadlar mavjud. Qisqa qilib aytsa hayot yagona qarashlardan iborat emas.

Maktab - kimgadir qamoqxona, boshqa biriga o'z imkoniyatlarini aniqlash markazi.
Universitet - kimgadir diplom beradi, boshqa biriga kuchli ustozlar va yaxshi networking berishi mumkin.
Oylikli ish - kimnidir qul qiladi, boshqa inson o'z ishidan rohatlanib insonlarga foyda beradi.
....

Jarayon qanday bo'lishi ahamiyatsiz, siz jarayonga qaysi nazardan qarashingiz muhim!

Doimo zukko bo'ling, landavurlardek yomon tomonlarga boqmang!

@bekhmirzayev_blog | Anonim

Qizlarning muvaffaqiyati

21-asrning odatiy yutuqlarga erishgan, kelajagi uchun harakat qilayotgan qiz deganda, deyarli barchaning hayoliga yuqori IELTS natijasiga ega, universitetga grantga kirgan, boshqa bir sohada ishlaydigan qiz siymosi yaraladi.

Ko’plab insonlar eskicha deydigan 18 yoshlik qiz haqida aytib bermoqchiman.

4 ta tilda suhbatlasha olgan(O’zbek, Rus, Ingliz, Arab), Arab tilini mukammal bilgan. E’tiborli tomoni tillarni o’rganish uchun o’quv markazlaridan emas online qo’llanma va darsliklardan foydalangan.

Maktabni qizil diplomga bitirib, universitetga grantga kirgan.

Tikuvchilik hamda pazandachalikdan ham intizom bilan masofadan o’rgangan, o’z mahallasida qo’shnilari uchun pardalar tikib sotgan.

Diniy ilmini ota-onasi yoshlikdan berib borgan, xulqiga Qur’on singan, Qoriya edilar.

Shunchasidan yana vaqt ajratib arab tilida bitilgan kuchli kitoblardan 4 donasini tarjima ham qilganlar.
Nashr qilinsa va bizgacha yetib kelsa sotuvini ham yo’lga qo’yamiz.

Bundayin vaqtida barakasi bo’lgan muslima opa/singlimiz orqa miya saratonidan olamdan o’tdi. Ularning haqlariga duo qilib qo’yaylik.

@bekhmirzayev_blog

Havaskorman

Men havaskor futbolchiman. Futbol haqida o'zimga kerakli narsalarni bilaman, ammo maydon uzunligi, uning kengligi, koptok vazni haqida bilimlari yo'q.

Men havaskor haydovchiman. Manzilimga yetib bora olaman, ammo qoidalarni to'liq bilmayman, avtomobilimda baland musiqa eshitib insonlar oldidan o'tib ketaman.

Havaskor va professionalning farqi texnik qonun-qoidalarini bilish darajasida farqlanadi.
Istalgan soha, jarayon yoki amallarni qarasangiz chiroyli ko'rinishi mumkin, lekin bu chiroyli harakat texnik jihatdan to'g'rimi? insonlarga yoqish uchun qilinmadimi? degan savollarni berishingiz kerak.

Uzoq muddatli harakatlar, ularni ajratishning eng yaxshi usulidir.
Sizga yaxshi gapirgan haydovchi qizilda o’tishi mumkin, yangi biznes boshlagan 1 yilda bankrotga uchrashi mumkin, hijobda yuribdi ammo amallari musulmonniki bo’lmasligi mumkin…

Havaskorlikda qilingan amallarning katta qismi inson nafsi o’laroq qilinadi.
Ilm shuning uchun kerak, nafsga uchmasdan qoidasiga amal qilishga!

@bekhmirzayev_blog

Erta uyg'onish formulasi

Menga o'xshagan dangasa, tanbal hamda ishyoqmaslar uchun mo'ljallangan usul bo'lib bizdan ko'p narsa talab etilmaydi.

1. Shubhasiz, erta uxlash. 10 dan oldin.
2. Erta tongga mas'ulyatli vazifa yuklash. Tavsiya: pullik narsa bo'lsin(kurslar), uning qiymati esa ko'zga ko'ringudek bo'lsin.
3. Ekran vaqtini kamaytirish, to'liq kunlik nazarda tutildi.
4. Yotishdan oldin suv iching, faqat iching!

Bu yerda yashirin texnika yo'q, shunchaki uxlab qolsangiz moddiy tomonlama zararga kirasiz. Boshida biroz qiynashi tabiiy holat.

Ishoning, bu usulni 1 hafta qo'llasangiz sizga budilnik shart emas.

Fikr-mulohazalar uchun | Anonim
@bekhmirzayev_blog

Faqat siz emas!

Dunyoda diqqat buzilishi bilan bog'liq muammo avj olib bormoqda. Diqqat buzilishiga esa ko'plab omillar sabab bo'lmoqda bu to'g'risida olimlarning tadqiqotlariga yuzlanib ko'ring.( Frontiers, LiveScience)

Eng yaxshi xodimlar(direktor, menajer, marketolog, hattoki prezident) diqqatini mediaga berib qo'ygan insonlar emas. Dunyo diqqatini jamlay olgan mutaxassislarga muhtoj.

Sizlarga o'z diqqatingizni chatlarni o'chirish, instagram/youtubega kirmaslik va boshqa bir nechta yo'llarini o'rgatmoqchi emasman.
Sizlarga boshqalarning diqqatini bo'lmaydigan ishlar qilishingizni o'rgatmoqchiman.

Deyarli barcha mediada faol, ayniqsa 21-asr hamda ishlarimizning asosini media tashkil qilgan davrda.
Ba'zi insonlarning kanallari mavjud, qolganlar esa ko'plab hikoyalar joylaydi, boshqalar esa shunchaki yozish bilan ovora.

Siz qilayotgan ishlaringiz, qo'yayotgan postlaringiz, hikoyalaringiz yoki rasmlaringiz bilan sizni hurmat qilib kuzatayotgan insonlarning diqqatini kichik miqdorda yemirayotgan bo'lasiz.

Inson o'laroq o'zimizni emas, boshqalarni ham o'ylashimiz kerak ekan!
Mediadagi faolligimiz boshqa tomondagi insonlarning diqqatini sarflash bilan bo'lmasin.

Bir insonning vaqtini hamda diqqatini olamizmi, demak shunga arziydigan narsa ham beraylik!
Tarmoqlarda shaxsiy hisob ochgan lekin hech narsa qilmaydigan odam bo'ling demoqchi emasman.

Fikr-mulohazalar uchun | Anonim
@bekhmirzayev_blog

Kanal mundarijasi:

2024 mart-may
Har sohaga burun SUQAVERMA !!!
Yaqinimdan kutmagan edim!
O'zbekistonda yashash o'rinli(mi)?
Meni boshimdan o'tganlarni bilmaysan(siz)!!!
Maydalashamiz yoxud muammolarni tomirdan bartaraf etish kerak.
Telegram buzildi(mi?)!
Social media effekti !!!
Insoniylik ulardan muhimroqdir
Noto’g’ri boykot!!!
Amir Temur 👑
Bilimsiz bloggerlik
Qadriga yetilmaydigan ta’lim
Qalbingizga yetib boradi
Rumiy aytgan(mi?)!
Kamtar bo'ling!
25-may shayton bazimdan farqi qolmayabdi!
Notcoin bosishga ulgurdingizmi?
Zahiriddin Muhammad Bobur👑

2024 iyun-avgust
Chetelliklar halol deyabdi-ku!!!
Singdiriluvchi mafkura!!!
Odamlar to'g'ri deydi!
Hayoda issiqning aybi yo'q!
G'alati avlodmiz!
Uzuni esda qoladi!
Ehsonning mukofoti ehsondir!!!
Utopia davlati qanday yaralishi mumkin?
Maqsadsiz bo'lishgan!
Endi nima?
No Problem! Here’s the Information About the Mercedes CLR GTR
Boshqacha bo'ling!
Yutqizganda ham yonida bo'ling!
Kulib turing :)
Cheklash kerak!
Sevishib ko'rish kerak(mi) ?!
Bu so'nggisi!
Kommunistlar majlisidan parcha!
Omon qolganlar effekti!
Insha'Alloh ajri boshqacha!
Mustaqillik muborak bo'lsin!

2024 sentabr-hozirgi davr
Erkak...
Katta muammolar kichiklaridan paydo bo'ladi
Jamoaga qo'shiling
Vakansiya e'lon qilamiz
Shunchaki boshlash yetarli emas
Ba'zi ayol/qizlar gapirishni qoyilllatadi
Do'stlarning ahamiyati
Ayol fahmi
Oyna kabidir
Faqat siz emas!
Erta uyg’onish formulasi
Havaskorman
Qizlarning muvaffaqiyati
Zukkolar va landavurlar
Tanlovlar
Siz aybdor emassiz.
2024 yil o’rganganlarim

Muqaddima

"Mo'min mo'minning ko'zgusidir. Mo'min mo'minning birodaridir"

Alloh taolo bergan xulq hamda aql, farosat ila qadarimda yozilgan ishlardan olgan huloasalarimni o'z qarashlarimga binoan shu kanalga bitib boraman.

Kanaldagi postlardagi mazmun har bir inson uchun amal qiladi demayman, Alloh bilguvchidir.
Kanalning asosiy maqsadi, o'zimga eslatmadir, kegin sizlarga tajribadan ulashuvlar.

Ismim Otabek, 18 yoshman(haliyam :)) ), Namangan viloyatidagi norin tumanining chekka bir qishlog'idan, oddiy bo'lmagan oilada tug'ilganman. Oddiy bo'lmasligining sababi menga ota-onam imkon va ishonch berishganidir.
Qishlog'imizdagi maktabda 7 yilli ta'lim olganman, 8-9-sinflarni ixtisoslashtirilgan maktabda o'tkazganman. qolgan 2 yilda esa akademik litseyda bo'lganmiz.

Hozirda Toshkent Davlat iqtisodiyot Universiteti(narxoz)ning masofaviy yo'nalishi 2-kurs talabasiman.
Registon maktabi Farg'ona filialida esa shogirdman(ustoz-shogird an'anasi), hozirda ish almashtirish jarayonidaman…

Kitobxon emasman, kitob o'quvchilardanman, dasturlashni dangasalik bilan o'rganganman, boshqa bir nechta sohalardan tushunchalarim mavjud, futbolning barcha turini(o'ynash, kuzatish, tvda ko'rish, qurilmalarda o'ynash) yoqtiraman.
Muhimi radikal emasman, kamchiliklarimni tan olishga harakat qilaman.

28-dekabr, 2024-yil.

Oyna kabidir!

Maktabda transport muammosini hal qilayotgan edik. Avtobus topish, ota-onalar bilan bog'lanish hamda eng maqbul liniyani shakllantirish mening vazifam edi.

Shahar ichi hamda shaharga yaqin joyda bo'lgan ota-onalar o'z manzillarini yuborishni boshladi. Ko'lamimiz kutganimdan kengayib ketdi, muammo kutilganidan kattaroq edi. Bir necha kunda barini bartaraf etdik.

Muammoni hal qilish davrida deyarli har bir ota-ona bilan eng kamida telegram audio shaklida suhbat qurdik. Shu jarayonda ularning farzandlarini ham ko'rdim, kuzatdim, e'tibor qilib, tahlil qildim.

Bolachalarning ko'pligini, muammoni hal qilish jarayonida ekanligini, hattoki yo'ldagi tirbandliklarni ham inobatga olmay, "Men tomondan nega aynan shu vaqtda o'tmadinglar?" deyuvchilar ham topildi. Ahamiyatli tomoni, ularning farzandlari ham ularga tortgan edi: bir ko'cha aylanib boramiz desak qovog'ini solib oladigan, avtobus to'xtatishi uchun biroz oldinroq yursak ichida nimadirlar deydigan sifatli edi.

Farzandini kech olib borsak-da yo'lning qiyinligini, kichik bolalarning ko'pligini, avto-ulovlar tig'izligini tushunib sabr qilib kuta olgan va olib borganimizda rahmat aytganlari ham bor edi. Ularning farzandlari esa kichiklarga joy beradigan, aytganimizni qilib kutib tura oladigan, nojo'ya ishlar qilmaydigan va umuman yaxshi xulqli o'quvchilar edi.

Biz muammoni hal qildik, lekin shunchaki hal qilmadik, bizni tushungan insonlarga biz birinchi qadam tashladik, ularga yaqinroq va qulayroq yo'lga yurdik, adolatni ham qildik.

Fikr-mulohazalar uchun | Anonim
@bekhmirzayev_blog