ПУЛ ПСИХОССЕНАРИЙСИ💸
Психоссенарийга кўра, эркакларнинг пулни йўқотишга муносабатини 3 типга ажратиш мумкин:
1. Овчилар (ёки ғолиблар). 🔸
Улар пулнинг келишидан қанчалик хурсанд бўлишса, кетишини ҳам, хотиржам кутиб олишади. Пулнинг миқдори, катта кичиклигидан катъий назар, уни йўқотиш - бу янги овнинг бошланиши.
Улар учун пулнинг мавжудлиги ва уни сарфлашдан кўра, уни излаб топиш (овлаш) йўли қизиқроқ. Ҳар сафар, янги овга имконият пайдо бўлганида, уларнинг яширин қобилиятлари, ички потенсиаллари юзага чиқади.
Шунинг учун улар баъзан, таваккал катта жойда, йиқилишларини интуитив ҳис қилсалар ҳам, атайин хатарли йўлдан юришлари мумкин.
2. Кассирлар (ёки омадсизлар) 🔺
Уларда доим бир меъёрда келадиган даромад манбаи бор. У камайиб ҳам, кўпайиб ҳам кетмайди. Кассирлар пул келган вақт қанчалик хурсанд бўлишса, у тугаганида, шунчалик хафа бўладилар. Жуда кам ҳолларда, кўпайиб, яна стабил давом этиши мумкин. Улар пулнинг келишига фаол интилишмайди, бор имкониятларни ишга солишдан, таваккал қилишдан қўрқишади. Аммо, ўзлари топаётган пулларидан хам доим кўнгиллари тўлмаслиги мумкин.
3. Ўсмирлар ёки (мағлублар). 🔹
Бу типдаги эркаклар ҳали пул билан муомала қилишга тайёр бўлмасларидан, бирданига катта пулга эга бўлишлари мумкин. Аммо, озгина вақтдан сўнг қандай қилиб, шу пулларнинг хаммасини ишлатиб қўйганларини ёки кимгадур бериб юборганлари, алданиб қолганларини тушунмай ўтиришади. Уларнинг ҳаётида фақат 1 мартагина "тўкин" давр бўлади. Аммо, бу даврга ўз билим ва меҳнати эвазига эришмагани учу биринчи йўқотишдаёқ "синиб" қоладилар.
Кейинги ҳаётлари фақат ўша тўкин ҳаётни эслаб, афсусланиш билан ўтади.
⚠️ Бу 3 та психотипнинг қайси бирида бўлишни инсон 6 ёшидаги психоссенарийсини танлаганидаёқ ҳал қилган бўлади. Аммо, психоссенарий эгилувчан, ўзгартириш имкони бўлган ҳодиса. Кимдур катта психологик туртки сабабли, бошқа биров, референт гуруҳнинг таъсирида ўзгартириши мумкин.
Санаб ўтилган типлар орасида, сиз ўзингиз ёки яқинларингизни кўра олдингизми?
📱
@baxtliayol_baxtlioila