Baxtiyorjon Gaziyev | Branding Expert

@baxtiyorjongaziyev

Channel's geo and language: Uzbekistan, Uzbek

Category: Design

🎯 Branding & Marketing bo'yicha amaliy strategiyalar
● 7 yillik tajriba asosida real keyslar
● Professional dizayn va kreativ g'oyalar
● Brending va marketing maslahatlari
💼 Sayt: https://jonbranding.webflow.io
📲 Loyiha uchun: @baxtiyorjon_gaziyev

Related channels

Channel's geo and language

Uzbekistan, Uzbek

Baxtiyorjon Gaziyev | Branding Expert

5 Feb, 06:04

#brending #marketing #audit #strategy #business

🔍 BREND AUDITI: BRENDINGIZ KUCHINI TEKSHIRAMIZ

Bugun brendingizni diagnostika qilamiz. Brend auditi orqali kuchli va zaif tomonlarni aniqlab, yaxshilash yo‘llarini ko‘rib chiqamiz.

Statistika:
- 67% brendlar har yili audit o‘tkazmaydi
- 82% brendlar o‘z muammolarini bilmaydi
- 91% mijozlar brend kuchsizligini darhol sezadi

〰️〰️〰️

Brend muammolari va ularning belgilari

1. Brend identifikatsiyasi muammosi
Belgilari:
- Logo professional darajada emas
- Ranglar va shriftda bir xil tizim yo‘q
- Vizual material sifatsiz

Yechim:
- Brend guide yaratish
- Dizayn tizimini ishlab chiqish
- Professional rebrending qilish

2. Noaniq pozitsiyalash muammosi
Belgilari:
- Mijoz auditoriyasi aniq emas
- Raqobatchilardan farq yo‘q
- Brend ovozi (tone of voice) shakllanmagan

Yechim:
- Bozor tadqiqoti o‘tkazish
- Raqobatchilar tahlili qilish
- Pozitsiyalash strategiyasini ishlab chiqish

3. Zaif kontent muammosi
Belgilari:
- Kontent rejasi yo‘q
- Postlar auditoriya e’tiborini jalb qilmaydi
- Vizual materiallar bir xil ko‘rinishga ega

Yechim:
- Kontent strategiyasini ishlab chiqish
- Storytelling yondashuvini qo‘llash
- Dizayn konsepsiyasini yangilash

〰️〰️〰️

Xavfli belgilar
- Logoni tez-tez o‘zgartirish
- Arzon shablonlardan foydalanish
- Raqobatchilardan nusxa olish
- Marketing byudjetini qisqartirish

Kuchli brend belgilari
- Aniq vizual uslub
- To‘g‘ri pozitsiyalash
- Faol auditoriya
- Doimiy o‘sish

〰️〰️〰️

Qiziqarli faktlar
- BMW har 20 yilda audit o‘tkazadi
- Pepsi har 10 yilda rebrending qiladi
- Nike logosi 50 yildan beri o‘zgarmagan

Savol: Brendingizda qaysi muammolar bor?

Bonus: "Audit" deb yozing – brend audit checklistini yuboraman.

@baxtiyorjongaziyev

49 0 0 6 3

Baxtiyorjon Gaziyev | Branding Expert

4 Feb, 15:15

#brending #marketing #biznes #strategy

🧠 Xotirada qoladigan brend yaratish: Top 5 maxfiy taktika

Bugun brendingizni mijozlar xotirasida qoldirishning maxfiy taktikalarini ochaman. Bu usullar bilan tanishgandan so‘ng brending haqida butunlay boshqacha fikrlashni boshlaysiz!

📊 Statistika:
Mijozlar kuniga 500+ brend reklamalarini ko‘radi. Lekin faqat 12 tasini eslab qoladi. Nima uchun?

1 Emotsional aloqa qonuni
Odamlar faktlarni emas, his-tuyg‘ularni eslaydi!

Misollar:
- Nike — g‘alaba hissi
- Apple — kreativlik va innovatsiya
- Coca-Cola — baxt va quvonch
- Starbucks — uydan tashqaridagi uy

Kichik brend misoli:
"ISSIQ NON" shunchaki non sotmaydi. Ular "bolalikdagi sehrli ta’mni" sotadi. Natija nechchi yildan beri doimiy mijozlar ega!

2 Vizual identifikatsiya siri
Ranglar psixologiyasi bizni boshqaradi:
- Qizil → Energiya, shoshilinch (McDonald's)
- Ko‘k → Ishonch, professionallik (Facebook)
- Yashil → Tabiiylik, sog‘lomlik (Whole Foods)
- Qora → Premium, elit (Mercedes)

📌 Xulosa: Ranglarni tasodifiy tanlamang! Har bir rang mijozingizga ma’lum signal beradi.

3 "Story-first" yondashuv
Brendingiz tarixi qanchalik qiziqarli?

- IKEA — asoschisi garajdan boshlagan
- Amazon — kitob do‘konidan boshlangan
- Ferrari — traktor ishlab chiqarishdan boshlagan

📝 Oddiy tarix = unutilish.
🔥 Drama va kurash = xotirada qolish!

4. Bir so‘z strategiyasi
Brendingiz faqat 1 ta so‘z bilan bog‘lanishi kerak:
- Volvo = Xavfsizlik
- Tesla = Innovatsiya
- Google = Qidiruv

📌 Savol: Sizning brendingiz qaysi so‘z bilan bog‘lanadi?

5️⃣ Differensiatsiya formulasi
📌 Oddiy formula:
Yagona Afzallik + Hissiyot = Esda Qolish

❌ "Biz eng sifatli kiyimlar ishlab chiqaramiz"
✅ "Biz o‘zbek ayollarining nozik didiga mos zamonaviy liboslar ishlab chiqaramiz"

〰️〰️〰️

💡 Bonus maslahat:
Brendingizni har 24 soatda mijozlar ko‘z oldiga keltirishning 3 usuli:
- Instagram story
- SMS xabarlar
- Retargeting

📌 Savol: Qaysi brend sizning xotirangizda eng ko‘p qolgan? Nima uchun?

Kommentga "Xotira" deb yozsangiz, brend xotirada qolish darajasini o‘lchash formulasini yuboraman! 📊

@baxtiyorjongaziyev

59 0 0 4 4

Baxtiyorjon Gaziyev | Branding Expert

31 Jan, 16:11

#marketing #biznesstrategiya #mijozlarbilanboglanish

🩺 BIZNES VA MIJOZLAR O'RTASIDAGI SHIFOKORLIK ALOQASI: YANGI MARKETING REVOLUTSIYASI

🔍 SHIFOKORLIK MARKETING MODELI
Aynan shundek:
- Shifokor har bir bemorga INDIVIDUAL yondashadi
- Har bir bemorning ANIQ tashxisi bo'ladi
- Davolash PERSONAL rejaga asoslanadi

BIZNESDA ham AYNAN SHUNDAY bo'lishi kerak!

3 ASOSIY ELEMENT:

1. "DIAGNOSTIKA" bosqichi
- Mijozning BUTUN tarixini o'rganish
- Uning muammolarini chuqur tushunish
- Maxsus "kassalik tarixi" yig'ish

2. "PERSONAL YONDASHUV"
- Har bir mijozga UNIKAL yondashish
- Umumiy templatelardan voz kechish
- Mijozning shaxsiy ehtiyojlarini tushunish

3. "DOIMIY MONITORING"
- Mijoz holаtini uzluksiz kuzatib borish
- O'zgarishlarga tez va moslashuvchan bo'lish
- Keyingi qadamlarni birga rejalashtirish

🚀 Real misol:
Yandex musiqa mijozlarning musiqa tanlashini o'rganib, INDIVIDUAL playlisting yaratdi.

Netflix har bir foydalanuvchiga SHAXSIY film tavsiya qiladi.

Tesla har bir mijoz uchun MAXSUS komplektatsiya tayyorlaydi.

❓ Siz biznesingizda qanday PERSONAL yondashuv o'rnatishingiz mumkin? Kommentda yozing!

@baxtiyorjongaziyev

99 0 0 4

Baxtiyorjon Gaziyev | Branding Expert

28 Jan, 17:25

Izohlarda savol kelibdi. Javobni alohida post qilib chiqarishga qaror qildim. Barchaga foydali bo‘ladi degan umiddaman.

Bu juda muhim tushuncha. "Mijozlar narxdan emas, QIYMATDAN norozi" degani:

Mijozlar mahsulot yoki xizmatning faqat pul qiymatidan emas, balki ular olayotgan umumiy foyda, tajriba va qiymatdan qoniqmasligini anglatadi. Masalan:

1. Restoranda ovqat qimmat bo'lishi mumkin, lekin agar xizmat sifatli, taom mazali va muhit yoqimli bo'lsa, mijozlar bunga rozi bo'ladi

2. Aksincha, arzon narxdagi mahsulot yoki xizmat ham, agar:
- Sifati past bo'lsa
- Mijozga kutilgan natijani bermasa
- Xizmat madaniyati past bo'lsa
- Vaqtni tejamasa
Mijozlar bundan norozi bo'ladi

Sodda qilib aytganda - mijozlar "pulimga arziydimi?" degan savolni beradi. Shuning uchun biznes egalari nafaqat narxni, balki mijozga berilayotgan umumiy qiymatni o'ylashlari kerak:
- Xizmat sifati
- Muomala madaniyati
- Qulaylik darajasi
- Vaqt tejamkorligi
- Muammolarni hal qilish tezligi

Bu tushunchani yaxshi bilgan kompaniyalar muvaffaqiyatli bo'ladi, chunki ular mijozga haqiqiy qiymat taklif qiladi.

@baxtiyorjongaziyev

Keyingi post: "Mijozlar bilan Shifokorlik aloqasini o'rnatish" haqida bo‘lsa nima deysizlar? Qiziq bo'lsa izohlarda yozing

100 0 1 2

Baxtiyorjon Gaziyev | Branding Expert

28 Jan, 10:23

#branding #marketing #biznes #muvaffaqiyat

"Raqobat kuchayib ketdi", "Bozorlarda odam yo'q" "Odamlarda pul yo'q" "Bizneslarda savdo yo'q" - bu gaplarni har kuni eshitamiz. Lekin keling, muhim savolni o‘rtaga tashlaylik:

Dunyodagi eng yirik brendlar aynan inqiroz va raqobat eng kuchaygan davrlarda qurilganini bilasizmi?

✅ 1929-yil Buyuk Depressiya davrida Proctor & Gamble radio reklamalarga sarmoya qilishni OSHIRDI. Natija? Ular bozor yetakchisiga aylanishdi.

✅ 2008-yil jahon moliyaviy inqirozi paytida Amazon o‘zining innovatsion Kindle e-kitob o‘qish qurilmasini taqdim etdi. Hamma xarajatlarni qisqartirayotgan paytda ular yangi mahsulotga investitsiya qilishdi.

Nima uchun?
Chunki kuchli kompaniyalar bitta narsani biladi: eng murakkab davrlarda imkoniyatlar yashiringan bo‘ladi.
- Raqobatchilar marketingni qisqartiradi
- Mijozlar e'tiborini tortish osonlashadi
- Brend qurishga sarflangan har bir so‘m kelajakda 10 barobar ko‘p foyda olib keladi

Savdo tushib ketdimi? Demak, ayni vaqti:
- Mijozlar bilan munosabatni kuchaytirish
- Brendingizni yanada yorqinroq qilish
- Sohangizda ekspert mavqeni mustahkamlash

Bugun "savdo yomon" deb o‘tirganlar, ertaga sizning muvaffaqiyatingiz haqidagi case-studyni o‘qiydi.

Tanlov sizda: Bozorda yo‘q bo‘lib ketasiz yoki undan kuchliroq bo‘lib chiqasiz.

@baxtiyorjongaziyev

P.S. Brendingizni kuchaytirishda yordam kerak bo‘lsa, Shaxsiy orqali bog‘laning. Birgalikda strategiya ishlab chiqamiz.

93 0 1 2

Baxtiyorjon Gaziyev | Branding Expert

25 Jan, 06:22

#customeranalytics #biznesstratagiya #marketing #brending

🎯 MIJOZLAR BERGAN MA'LUMOTNI NOTO'G'RI TAHLIL QILISH SIZNI XONAVAYRON QILISHI MUMKIN!

Kecha bir tadbirkor bilan uchrashuvda hayratda qoldim. U 1000 ta mijozidan so'rovnoma o'tkazibdi. Lekin natijalarni BUTUNLAY NOTO'G'RI talqin qilayotgan ekan!

😱 Misol:
Mijozlarning 60% mahsulot narxidan norozi ekan. U narxni tushurmoqchi...
KATTA XATO!

Chunki chuqurroq suhbatlashganda ma'lum bo'ldiki, mijozlar narxdan emas, QIYMATDAN norozi ekan!

💎 Mijozlar bergan ma'lumotni to'g'ri tahlil qilishning 3 ta OLTIN QOIDASI:

1. "Raqamlar ortidagi hissiyotni ko'ring"
- "Qimmat" degani — "Menga buncha qiymatli emas" degani
- "Sifatsiz" degani — "Kutganim boshqacha edi" degani
- "Yoqmadi" degani — "Men buni qanday ishlatishni bilmayman" degani

2. "Kichik guruhlar katta sirlarni yashiradi"
- 1000 kishidan 50 tasi bir xil muammoni aytsa — bu TREND
- Bu 50 kishi sizga kelajakdagi 5000 mijoz ovozini beryapti!

3. "Muammo = Imkoniyat"
- Har bir shikoyat — yangi mahsulot g'oyasi
- Har bir norozilik — marketing xabaringiz uchun mavzu
- Har bir taklif — raqiblardan ajralib chiqish imkoni

🔥 CASE STUDY:
Evos vodiydagi mijozlari bilan chuqur suhbatlashib, ularning ta'm didini o'rgandi. Shu suhbatlar natijasida ular menyuga qalampir lavashni qo'shishdi.
Natija? Qalampir lavash vodiyda eng ko‘p buyurtma qilinadigan mahsulotga aylandi!

Bu misol ko'rsatadiki, mijozlar bilan muloqot qanchalik muhim!

♦️ Bugungi vazifa:
Oxirgi 10 ta mijozingiz shikoyatini qayta o'qing. Ular sizga qanday IMKONIYATLAR beryapti?

❓ Savol: Qaysi OLTIN QOIDA sizga ko'proq ta'sir qildi? Raqamini kommentda yozing!

P.S. Postni foydali deb bilgan bo'lsangiz, kerakli odamlarga yuborib qo'ying 😉

@baxtiyorjongaziyev

120 0 1 3 8

Baxtiyorjon Gaziyev | Branding Expert

23 Jan, 07:26

#customerinsights #marketing #brending #biznes

💡 MAQSADLI AUDITORIYANGIZ SIZDAN NIMA KUTAYOTGANINI BILASIZMI?

Bir tanishim: "Men Instagram va Telegramda har kuni post qo'yaman, lekin natija yo'q", deb nolidi.

Men undan: "Oxirgi marta mijozlaringizdan nimani xohlashlarini so'raganmisiz?" deb so'radim.

Javob "YO'Q" bo'ldi... O'zingizga savol bering sizda ham shunday holatmi?

Shunday bo'lsa bu - ko'pchilik biznes egasi yo'l qo'yadigan eng katta xato!

📊 Yaqinda o'tkazgan tadqiqotimda 100 ta muvaffaqiyatli brendni o'rgandim.
Bilasizmi, ularning 92% aynan mijozlar bilan muloqot orqali o'sgan!

Mana 4 ta savolni mijozlaringizga bering:

1. "Bizni tanlaganingizda qanday muammoni hal qilmoqchi edingiz?"
2. "Mahsulotimizning qaysi jihati sizga eng ko'p foyda berdi?"
3. "Nimani yaxshilashimiz kerak deb o'ylaysiz?"
4. "Bizni do'stlaringizga tavsiya qilarmidingiz? Nega?"

🚀 CASE STUDY:
Bir kosmetika brendi shu savollarni bergach, kutilmagan javob oldi — mijozlar *qadoq dizaynidan* norozi ekan.

Natija: Qadoqni o'zgartirish orqali savdoni 2.5 barobarga oshirishdi!

♦️ Bugun bitta vazifa:
Kamida 10 ta mijozingizdan yuqoridagi savollarni so'rang. Javoblar sizni hayratda qoldirishi aniq!

Postni foydali deb bilgan bo'lsangiz, "+" qoldiring.
Keyingi postda: mijozlar bergan ma'lumotni qanday tahlil qilish va undan qanday foydalanish kerak 😉

P.S. Qaysi savolni eng muhim deb bilasiz? Raqamini kommentda yozing!

@baxtiyorjongaziyev

114 0 1 2 3

Baxtiyorjon Gaziyev | Branding Expert

22 Jan, 05:30

#marketing #brending #targetologiya #businessadvice
1 kishiga bo'lsa ham qiziq ekan, demak davom etamiz.

🎯 Maqsadli auditoriyani aniqlashning 5 ta sirli usuli haqida va'da bergan edim. Mana ular:

🔍 1-USUL: "Teskari muhandislik"
Raqiblaringizning eng faol mijozlarini kuzating. Ularning profillari, kommentlari, shikoyatlarini o'rganing. Bu sizga tayyor "xaridor portreti"ni beradi.

👥 2-USUL: "Hayotiy sikl"
Mijozingiz kunini tasavvur qiling - ertalab soat 7 dan kechki 11 gacha. Qayerda bo'ladi? Nimani o'qiydi? Qanday muammolarga duch keladi? Bu tahlil sizga marketing kanallarini aniq belgilashda yordam beradi.

💬 3-USUL: "Qarama-qarshi portret"
Kim sizning mijozingiz EMAS? Masalan, premium kosmetika brendimiz 18 yoshli talabalarga emas, 35+ yoshdagi moliyaviy barqaror ayollarga mo'ljallangan. Bu usul noto'g'ri auditoriyaga pul sarflashdan saqlaydi.

📊 4-USUL: "80/20 qoidasi"
Mavjud mijozlaringizning eng foydali 20% ini tahlil qiling. Aynan ular sizga daromadning 80% ini keltiradi. O'xshash xaridorlarni toping!

🎯 5-USUL: "Muammo-yechim xaritasi"
Mijozingiz duch kelayotgan TOP-3 muammoni yozing. Har bir muammo uchun sizning mahsulotingiz berishi mumkin bo'lgan yechimlarni ko'rsating. Bu sizning reklama matnlaringiz asosiga aylanadi.

♦️ Bonus maslahat:
Bu usullarning har birini alohida emas, kompleks qo'llang. Shundagina maqsadli auditoriyangizning 360° portretini olasiz.

Qaysi usul sizga ko'proq yoqdi? Raqamini kommentda yozib qoldiring!

@baxtiyorjongaziyev

123 0 2 1 2

Baxtiyorjon Gaziyev | Branding Expert

21 Jan, 06:15

#marketing #brending #biznes #targetologiya

🎯 Maqsadli auditoriyangizni tushunish - biznesingiz muvaffaqiyatining kaliti!

Kecha bir mijozim bilan bo'lgan suhbat meni o'ylantirdi... Ular mahsulotini "hamma uchun" deb reklama qilmoqchi ekan. Aslida esa, bu eng katta xato!

Bilasizmi nega?

"Hammaga" mo'ljallangan mahsulot - aslida hech kimga mo'ljallanmagan mahsulotdir.

Bu xuddi 100 ta odamga bir xil o'lchamdagi kiyim tikish bilan barobar. Kimgadir katta, kimgadir kichik kelishi aniq.

3 ta oddiy savol orqali o'z maqsadli auditoriyangizni aniqlab olishingiz mumkin:

1. Mahsulotingiz qanday muammoni hal qiladi?
2. Bu muammoga duch kelayotgan odamlarning umumiy xususiyatlari qanday?
(yosh, daromad, qiziqishlar)
3. Ular qayerda ko'proq vaqt o'tkazishadi?
(ijtimoiy tarmoqlar, saytlar, do'konlar)

Mana shu savollar biznes egalariga ko'zini ochib bergan.
Natijada ular marketing byudjetini 2 barobar qisqartirib, savdoni 3 barobarga oshirishgan!

♦️ Bugun birgina maslahat beraman:
Marketing strategiyangizni qayta ko'rib chiqing.
"Hamma uchun" emas, "aniq kimlar uchun" ishlayotganingizni aniqlang.

Postni oxirigacha o'qigan bo'lsangiz, "+" belgisini qoldiring.
Keyingi postda maqsadli auditoriyani topishning yana 5 ta sirli usulini baham ko'raman!

@baxtiyorjongaziyev

124 0 1 2 4

Baxtiyorjon Gaziyev | Branding Expert

20 Jan, 06:02

#portfolio #rebranding #ysk

YSK: O'zbek kiyim brendning zamonaviy transformatsiyasi

Vaziyat
O'zbek kiyim brendi YSK o'z identifikatsiyasini zamonaviylashtirish va yangi avlod iste'molchilariga yaqinlashish maqsadida rebrendingga ehtiyoj sezdi. Avvalgi logo brendning zamonaviy qadriyatlarini to'liq aks ettira olmas edi.

Yechim
Avvalgi yumshoq va klassik logotipdan, yangi dinamik va bold dizaynga o'tdik. Rebrending jarayonida:
• Geometrik elementlar asosida yechim topdik
• Zamonaviy tipografika tanladik
• Yorqin ranglar gammasini qo'shdik

To'q ko'k rang - premium va ishonchlilikni, och yashil va to'q sariq aktsent ranglari esa yoshlik va energiyani ifodalaydi.
Natija
• Brend zamonaviy ko'rinishga ega bo'ldi
• Yosh auditoriyaga yaqinlashdi
• O'zbek kiyimlarining zamonaviy talqini yaratildi
• Xalqaro bozorga chiqish uchun professional imij shakllandi

Rebrending orqali YSK an'anaviy qadriyatlarni saqlab qolgan holda, zamonaviy moda industriyasining faol ishtirokchisiga aylandi.

@baxtiyorjongaziyev

107 0 0 4

Baxtiyorjon Gaziyev | Branding Expert

15 Jan, 06:02

#brand #color #marketing #branding

Bitta rangni tanlash bilan brendingiz taqdiri hal bo'lishi mumkin. Korzinka nega aynan qizil rangni tanlagan? Buni o'qiganingizdan keyin ranglar psixologiyasini qayta o'rganasiz! 🎯

1996-yilda tashkil topgan Korzinka supermarketlar tarmog'i o'zining qizil rangini birinchi kundan tanlagan. Bu tasodif emas edi.

Nega aynan qizil?

1. Qizil - ishtaha ochadi.
Dunyo retail gigantlari KFC, McDonald's va Coca-Cola bejizga bu rangni tanlamagan.

2. E'tiborni tortadi.
Qizil rang insonni to'xtashga va e'tibor berishga undaydi.

3. Harakatga undaydi.
Qizil rangdagi "CHEGIRMA" yozuvi ko'k rangdagiga qaraganda 23% ko'proq xarid qilishga undaydi.

4. Milliy mentalitetga mos.
O'zbek xalqi qizil rangni bayram, quvonch va farovonlik belgisi sifatida qabul qiladi.

Bugun Korzinkaning qizil rangi - bu shunchaki rang emas. Bu xaridorlar miyasida o'rnashgan kuchli brend signali. 25 yildan ortiq vaqt davomida bu rang O'zbekistonning eng yirik retail zanjirlaridan birining ajralmas qismiga aylandi.

Brending darsidan xulosa:
Rang tanlash - bu faqat dizayn qarori emas. Bu marketing strategiyasining muhim qismi.

Qaysi rangni tanlashdan oldin o'zingizga 3 ta savol bering:
- Bu rang mening maqsadli auditoriyamga qanday ta'sir qiladi?
- Raqiblarim qaysi ranglardan foydalanmoqda?
- Bu rang mahsulotim/xizmatim mohiyatini to'g'ri yetkazadimi?

Siz o'z brendingiz uchun qaysi rangni tanlagan bo'lardingiz? Fikringizni kommentlarda qoldiring! 👇

@baxtiyorjongaziyev

167 0 1 2 3

Baxtiyorjon Gaziyev | Branding Expert

14 Jan, 07:39

#portfolio

HAO Holdings: Korporativ aydentika

HAO Holdings uchun zamonaviy va professional brend identifikatsiyasi vazifasi qo'yildi.

Muammo
Kompaniya xalqaro maydonga chiqish maqsadida professional korporativ identifikatsiyaga ehtiyoj sezdi. Mavjud brending elementlari kompaniyaning global miqyosdagi faoliyatini to'liq aks ettirmayotgan edi.

Yechim
Biz H, A va O harflarini bir-biriga uzviy bog'lagan holda, kompaniyaning barcha biznes yo'nalishlarining o'zaro aloqadorligini ifodalaydigan logotip ishladik. Qizil uchburchak elementi esa doimiy o'sish ramzi sifatida qo'shildi.

To'q ko'k rang ishonchlilik va professionallikni, qizil rang esa innovatsion yondashuvni ifodalaydi.

Natija
- Xalqaro standartlarga mos brend identifikatsiyasi
- Yagona vizual uslubdagi marketing materiallari
- Standartlashtirilgan brend qo'llanmasi
- Professional korporativ imij

Brending kompaniyaning nafaqat bugungi imijini, balki uning kelajakdagi o'sish strategiyasini ham aks ettiradi.

@baxtiyorjongaziyev

129 0 0 5

Baxtiyorjon Gaziyev | Branding Expert

12 Jan, 13:11

#portfolio

Attar Branding Professional Parfum mahsulotlari sotuvchi brendning vizual identifikatsiyasi.

💫 Kontseptsiya:
Attar — zamonaviy va premial atir mahsulotlari brendining ramzi bo'lgan "A" harfi va "Gul" elementlarining nozik uyg'unligi. Logotip minimalistik uslubda yaratilgan bo'lib, mahsulotning nafisligini aks ettiradi.

🎨 Brand elementlari:
• Monogram: "A" harfi va gul shakli kombinatsiyasi
• Ranglar: Mayin pushti-qizil gamma
• Typography: Serif va Handwritten shriftlar uyg'unligi
• Pattern: Gul elementlari asosidagi naqshlar

✨ Loyiha natijalari:
• Premium segmentga mos vizual identifikatsiya
• O'zbek bozorida o'ziga xos pozitsiyalash
• Xalqaro darajadagi brending standartlari
• Qadoqlash dizayni uchun universal sistema

#branding #logodesign #brandidentity #packaging #portfolio

@baxtiyorjongaziyev