Bahodir Mahmud


Channel's geo and language: Uzbekistan, Uzbek
Category: Blogs


Yaxshi kitoblar, kinofilmlar, musiqalarni xush koʻruvchi oddiy ingliz tili fani oʻqituvchisining shaxsiy qarashlari va tavsiyalarini ulashib boruvchi kanal.
🎧 Audiokitoblar: @audiomaskan
Murojaat: @BahodirOga

Related channels  |  Similar channels

Channel's geo and language
Uzbekistan, Uzbek
Category
Blogs
Statistics
Posts filter


📚 Suratlarda "Yangi asr avlodi" nashriyoti tomonidan 2024-yil davomida chop etilgan eng sara kitoblarni koʻrishingiz mumkin.

Dizaynlar va kitoblar shunchaki🔥

2025-yil bundan ham yaxshi kitoblar chop etilishiga tilakdoshman.

@BahodirMahmud




#Fakt

✈️ Omon qolganlar hikoyasi (Survivorship Bias)

Omon qolganlar hikoyasi – bu tahlil va qaror qabul qilish jarayonida faqat muvaffaqiyatli yoki omon qolgan holatlar tahlil qilinib, muvaffaqiyatsiz yoki yo‘q bo‘lib ketgan holatlar inobatga olinmaganda yuzaga keladigan mantiqiy xatodir.

Ushbu xatolik odamlarni noto‘g‘ri xulosalar chiqarishga olib kelishi mumkin. Masalan, faqat muvaffaqiyatli tadbirkorlarning hikoyalariga qarab, biznesda omadga erishishning yagona yo‘li shunday deb o‘ylash yoki mashhur kishilarning tajribasini ko‘rib, ular bajargan ishlarni takrorlash muvaffaqiyat olib keladi deb ishonish – omon qolganlar hikoyasining yorqin misollaridir.

Klassik misol: Ikkinchi jahon urushida AQSh harbiylari jangdan qaytgan samolyotlarning shikastlangan joylarini mustahkamlash orqali ularning omon qolish ehtimolini oshirishni rejalashtirgan.

Biroq statistik Abraham Wald shuni anglab yetdiki, urushdan qaytmagan samolyotlar tahlil qilinmagani sababli, aslida omon qolmagan samolyotlarning shikastlangan joylarini mustahkash muhimroq edi.

Xulosa: To‘g‘ri xulosa chiqarish uchun faqat omon qolganlarni emas, balki muvaffaqiyatsiz holatlarni ham o‘rganish kerak. Shundagina, natijalar yanada haqqoniy bo‘ladi.

Bu holat haqida Xurshid aka Maroziqov o'zlarining Youtube sahifalarida ham chiroyli kontent qilganlar:

https://www.youtube.com/watch?v=YHkjTnh6Hlo&t=19s

@BahodirMahmud


📚"Mutolaa" dasturida TOP-3000lik dovon zabt etildi.

Mart oyi davomida TOP-2500lik choʻqqini egallash niyat bor.

@BahodirMahmud


🎁 Kanal obunachilariga sovgʻa ulashishda davom etamiz!

Fevral oyida mutolaa qilib, oʻzimga eng maʼqul boʻlgan kitoblardan biri Jyul Vernning "Oʻn besh yoshli kapitan" asari boʻldi.

Sizda ushbu kitob egasiga aylanish imkoni bor.

✅ Shunchaki, ushbu post ostidagi "Ishtirok etaman" tugmasini bosing. Gʻolib tasodifiy tanlov orqali navbatdagi yakshanba kuni aniqlanadi.

🔥 Postni kitobsevar doʻstingiz bilan baham koʻrish esdan chiqmasin. Omad!

@BahodirMahmud


#MenOʻqiganKitob

📖 Frans Kafka. Jarayon (🇩🇪 Der Prozess; 🏴󠁧󠁢󠁥󠁮󠁧󠁿 The Tiral) (1925)

Jarayon - chaqilishi oʻta qiyin boʻlgan yongʻoq! 🌰

Asar haqida:


Yozuvchining boshqa asarlari kabi ("Qasr", "Amerika") bu asar ham to'liq o'z yakuniga yetmagan.

Asar Jozef K. (balki Kafkadir) ismli bank ishchisining o'ziga umuman oshkor qilinmay ayblanib, qandaydir ko'rinmas kuch tomonidan qamoqqa olinishi bilan tasvirlanadi.

Kafka bu roman orqali insonning huquqsizligi, jamiyatdagi sirli va noaniq tuzumlarning zulmi, shaxsning ichki qo‘rquvlari va yakkalanib qolishi kabi masalalarni ochib beradi. Asar noaniq va g‘ayritabiiy muhit bilan ajralib turadi, undagi dialoglar esa go‘yoki absurd teatr sahnasini eslatadi.

Yozef K. o‘z aybsizligini isbotlashga intilgan sari yanada ko‘proq chalkashliklarga duch keladi, bu esa roman atmosferasini yanada bo‘g‘iqlashtiradi.

"Jarayon" – zamonaviy insonning begonalashuvi va byurokratiya oldidagi ojizligi haqida o‘ylashga majbur qiluvchi falsafiy asardir.

Kafka uslubiga xos bo‘lgan noaniqlik, vahimali ramzlar va mantiqsizlik romanni inson ruhiyati haqida o‘ziga xos psixologik tadqiqot darajasiga olib chiqadi.

⭐️ Asar uchun shaxsiy reyting: 8/10

📚 Men oʻqigan boshqa kitoblarga taqrizlar

@BahodirMahmud


"Million" jamoasining yangi konsertini 15 daqiqa koʻrdim. Biror marta kulmadim.

🧠 Miyam qayt qilib yubordi. 🤮

Kitoblarimga qayta qolay.

Vaqtinglarni uvol qilib oʻtirmanglar.

@BahodirMahmud


🎂 Tugʻilgan kun sabab kitob javobdagi kitoblar soni koʻpayadigan boʻldi.

Katta rahmat, akalar, doʻstlar.

@BahodirMahmud


🦉"Duolingo"da 700 kun!

Ilm olish uchun bahonalar toʻsiq boʻlmaydi.

Shu dastur yordamida qariyb uch yildan beri tinimsiz nemis tili(A1), turk tili(B1), rus tili(B1) va oʻgʻlim Biloliddin bilan boshlangʻich matematika kurslarini oʻrganib kelmoqdaman.

Bu postni bemalol til oʻrganolmayapman degan tanishingizga yuborishingiz mumkin. 🤓

@BahodirMahmud


🏆 Kecha maktabimizda "Namangan Zakovat klubi" koordinatorlari mehmon bo'lib, "O'quvchilar ligasi"ning bahorgi mavsum ilk tur o'yinlarini o'tkazib berishdi.


Yuqori sinf o'quvchilarimiz oliy o'quv yurtlariga tayyorgarlik ko'rishayotgani sababli zakovatsevarlarning aksari 5-9-sinf o'quvchilari.


Quvonarlisi, maktabimizning 9-sinf o'quvchilaridan tashkil topgan "Monopoliya" jamoasi borgan sari sayqallanib, kuchayib bormoqda.

Umid qilamanki, yaqin yillarda Namanganning yangi chempionlari aynan bizning yigitlar bo'ladi.

@BahodirMahmud


🎭 Yoshligimda aktyor boʻlaman deb orzu qilardim. Lekin buni amalga oshirish uchun na oʻzimni sinab koʻrish uchun imkon va na yoʻnalish boʻlgan. Rejalar bir necha bor oʻzgarib, umuman boshqa yoʻnalish, oʻqituvchilikni tanlaganman.

Lekin hozirgi oʻquvchilarda barcha sohada oʻzini koʻrsata olishga imkon ham, sharoit ham bor.

Yaqinda oʻtkazilgan "Turon teatri" respublika tanlovida bizning maktabimiz oʻquvchilari ham aktyorlik "ta'mini tatib koʻrishdi" deb aytish mumkin.

Garchi bu sohada oʻzlarini ilk bor sinab koʻrishlariga qaramay, oʻzlariga berilgan rollarni mahorat bilan ijro eta olishdi. Mahmudxoʻja Behbudiyning "Padarkush" dramasini ijro etgan oʻquvchilarimiz oʻzlarini qayta kashf etishdi deb oʻylayman.

Respublika bosqichiga chiqishga biroz omad kelmagan boʻlsa ham, bolalarning koʻzidagi quvonch va ishonchni koʻrib oʻzim ham xursand boʻldim.

Ayniqsa, boy rolini oʻynagan Ozodbek ijro mahorati boʻyicha hakamlarni ham lol qoldirib, "Eng yaxshi erkak aktyor" nominatsiyasi boʻyicha Oskarjon mukofotini yuzlab oʻquvchilar orasidan oʻziniki qilib oldi.

Suratlarda esa koʻzi yonib turgan oʻquvchilarimizni koʻrishingiz mumkin.

@BahodirMahmud


Ajoyib irimchi xalqimiz bor 😁 🥚

@BahodirMahmud

284 0 1 15 13

#Fakt

Frans Kafka "Evrilish"
asarini yozishda Dostoyevskiyning "Jinoyat va jazo" hamda "Aka-uka Karamazovlar" kitoblaridan ilhomlangan.

@BahodirMahmud


🌟 "Carpe Diem" kitobxonlik klubi Chortoq tuman ixtisoslashtirilgan maktabida!

Xabaringiz bor, chortoqlik bir necha kitobsevarlar bir oyda eng kamida ikkita kitob mutolaa qilish maqsadida Chortoqda "Carpe Diem" kitobxonlik klubini tashkil qilgan edik.

Oradan bir oz vaqt o'tib chortoqlik qiz va ayollarimiz ham o'zlari uchun "Ad Meliora" nomli klub ochishgan edi.

Endi esa Chortoq tuman ixtisoslashtirilgan maktabida ham kitobxon do'stimiz Ilyosxo'ja Bekmirzayev tomonidan maktabning 5-sinf o'quvchilari bilan "Carpe Diem Kids" loyihasi boshlabdilar.

Loyiha davomida o'quvchilar kitob mutolaa qilib, yakunda kitob yuzasidan test ishlashadi. Eng yaxshi natija ko'rsatgan o'quvchi(lar)ga 100 000 so'm pul mukofoti beriladi.

📖 Ilk kitob sifatida esa Xudoyberdi To'xtaboyevning "Besh bolali yigitcha" asari tanlanibdi.

Go'zal tashabbus, shunday emasmi?

P.S: Suratda ilk test jarayonidan fotolavha

@BahodirMahmud


#Fakt

🪹 Bo‘sh(agan) uya sindromi (emtpy nest syndrome) – farzandlar mustaqil hayotga qadam qo‘yib, ota-onalar uyini tark etganda yuzaga keladigan psixologik holat.

Bu sindrom ota-onalarda yolg‘izlik, depressiya va bo‘shliq hissini paydo qiladi. Ayniqsa, farzandlariga bog‘lanib qolgan yoki butun e’tiborini ularga qaratgan ota-onalar uchun bu jarayon qiyin kechadi.

📖 Mey Mask o’zining “Rejali ayol” kitobida uch nafar farzandi Ilon, Kimbal hamda qizi Taska o’z kelajaklarini qurish uchun mustaqil bo’lishni afzal ko’rib, mamlakatning boshqa nuqtalariga o’qish va ishlash istagida uchirma bo’lishgach, odamlar Meyni bo'shagan uya sindromidan aziyat chekishini bashorat qilishganini aytadi.

@BahodirMahmud



16 last posts shown.