"Баҳоуддин Нақшбандий"

Қабр азоби

Ибн Абу Дунё “Қубур” (қабрлар) деган китобларида Шаъбийнинг бир киши ҳақидаги ривоятини келтиради. У киши Пайғамбар соллаллоҳу алайҳи ва салламга ҳикоя қилиб айтди:
- “Бадрдан ўтаётиб, ер қаъридан чиқаётган бир кишини кўриб қолдим. Қарасам, иккинчи бир киши уни темир гурзи билан ерга кириб кетгунича уряпти. У эса бир оздан сўнг яна чиқиб келяпти, иккинчи киши яна худди аввалгидек (ерга киритиб юбормоқда)”.
Шунда Расулуллоҳ соллаллоҳу алайҳи ва салам дедилар:
- “У Абу Жаҳл ибн Ҳишомдир, қиёмат кунига қадар азоб тортади”.

Наманган шахар
"Баҳоуддин Нақшбандий" жоме масжиди.
(Янгиобод Боғ масжид)
Масжид каналига уланиш:
👇👇👇
@b_naqshbandiy
♻️Яқинларингизга ҳам улашинг!
https://t.me/joinchat/AAAAAE9c81_2R9K4KWvFKw

Сабр

Буюк тасаввуф шайхларидан Мирзо Мазҳари Жони-Жононнинг аёли жуда баджаҳл, ёмон хотин бўлган экан. Шундай бўлса-да, шайх ҳар куни бомдоддан кейин, шогирдларидан бирини аёли олдига жўнатиб, ҳол-аҳволини сўраттирар экан. Аҳвол сўрагани борган шогирдларини аёл сўкиб:
- “Дунёда менинг эримдан бошқаси қуриб қолибдими, шунгаям шогирд бўласанларми?” - деб вайсиб бераркан. Унинг бундай муомаласини шайхга айтишга улар истиҳола қилишаркан. Бир куни шайх аёлининг олдига бир бадавийсифат шогирдини жўнатибди. У эса аёлнинг бундай муомаласини кўриб, югурганча, шайхнинг олдига кириб, шундай дебди:
- “Устоз, бундай аёл билан қандай яшайсиз, мениям, сизниям боплаб сўкиб берди. Талоқ қилиб юбормайсизми уни?”.
- “Мени ким деб биласан?”.
- “Сиз устозсиз, буюк илм соҳибисиз”.
- “Менинг эришган барча илмим, мартабам, шу хотинимдан. Унинг бу азобларига сабр қилганимдандир. Агар мен бир кун унинг ҳолини сўрамасам, мартабамдан тушиб қоламан. Энди қандай қилиб, мени шу даражага олиб чиққан хотинимни талоқ қилай”.

Наманган шахар
"Баҳоуддин Нақшбандий" жоме масжиди.
(Янгиобод Боғ масжид)
Масжид каналига уланиш:
👇👇👇
@b_naqshbandiy
♻️Яқинларингизга ҳам улашинг!
https://t.me/joinchat/AAAAAE9c81_2R9K4KWvFKw

Қуръон шафоати

Абу Муслим Сафтар етук ва буюк олимлардан эди. Бир кун сафарга чиқиб кемагаминди. Кемада кўп одамлар бор эди. Сафар асносида бирданига шамол туриб, тўлқинлар катталашди. Кема чўкишининг олдини олиш учун юкларни денгизга отдилар, ёрдам истадилар.
Абу Муслим айтади: “Биз билан бирга кимлиги номаълум бир бадавий ҳам бор эди. Унинг ёнида бир мусҳафи бор эди. У ўрнидан туриб, мусҳафни қўлига олиб “Ё Рабби! Агар бир кишининг қўлида дунё султонидан бир мактуб бўлса, ҳеч ким унга теголмайди, зарар етказолмайди, балолардан узоқ бўлади” деди ва мусҳафни юқорига кўтариб “Ё Рабби, бу Сенинг китобингдир, буни бизга бердинг. Қўлларида Сенинг китобинг бўлган қулларингни сувда чўктириш карамингга ярашмайди. Бу таҳликадан қутқар” деб дуо қилди. Шу заҳоти тўлқинлар ва денгиз тинчланди. Биз соғ-саломат йўлимизда давом этдик”.

Наманган шахар
"Баҳоуддин Нақшбандий" жоме масжиди.
(Янгиобод Боғ масжид)
Масжид каналига уланиш:
👇👇👇
@b_naqshbandiy
♻️Яқинларингизга ҳам улашинг!
https://t.me/joinchat/AAAAAE9c81_2R9K4KWvFKw

Таҳажжуд

Кечани қоим қилишни осонлаштирувчи омиллар саккизтадир: тўрттаси зоҳирий ва тўрттаси ботинийдир:

Зоҳирий омиллар:

• “Ейиш-ичишни кўпайтирмаслик. Чунки у уйқуни чақиради ва туришни оғирлаштиради;
• Кундузи асаби ва аъзоларини чарчатадиган ишлар билан ўзини қийнамаслик. Чунки бу ҳам уйқуни чақиради.
• Кундузи озгина ухлаб олишни, яъни қайлулани тарк қилмаслик. Чунки у кечада қоим бўлишга ёрдам берадиган суннатдир;
• Кундузлари гуноҳ қилмаслик. Чунки бу қалбни қотиради ва раҳмат билан унинг орасига тўсиқ бўлади”.

Наманган шахар
"Баҳоуддин Нақшбандий" жоме масжиди.
(Янгиобод Боғ масжид)
Масжид каналига уланиш:
👇👇👇
@b_naqshbandiy
♻️Яқинларингизга ҳам улашинг!
https://t.me/joinchat/AAAAAE9c81_2R9K4KWvFKw

ЎЛИМ КЕЛГАНДА


Басралик обиднинг вафоти яқинлашди. Оиласи унинг атрофида йиғлашарди. У:
— Мени ўтирғизиб қўйинглар! — деди. Сўнг отасига боқиб: — Сиз нега йиғлаяпсиз, отажон? — деди.
— Сени вафот этиб, сенсиз ёлғиз қолишни ўйлаб йиғлаяпман!
— Онажон, сиз - чи?
— Фарзандни йўқотиш доғини менга тотдиришингдан...
— Жуфтим, ҳалолам, сен нега йиғлаяпсан?
— Сиз менга меҳрибон эдингиз жуда ҳам! Сизсиз нима қиламан? Бошқа бировга муҳтож бўлишдан қўрқаман!
— Жигарбандаларим, болажонларим! Нега йиғлайсиз?
— Отажон, етимлик аччиғини бошимизга келишидан... сизсиз бечора бўлишни ўйлаб йиғлаяпмиз! — дейишди.
Шунда обид киши ҳам йиғлаб юборди. Отаси:
— Болам, сен нега йиғлаяпсан — деди.
— Барчангиз мен учун эмас, ўзингиз учун йиғлаётганингизни кўриб йиғлаяпман. Сизлардан қайсингиз узоқ сафарга кетаётганимдан йиғлаяпти?
Қайси бирингиз озуқам (солиҳ амаллар) оз эканлигини ўйлаб йиғлаяпти?
Қайси бирингиз ётар жойим тупроқ бўлишини эслаб йиғлаяпти? Ҳисоб кунида мени кутаётганини ғам қилиб, Роббимга қай юз билан юзланишими ўйлаб йиғлаяпти? Мен Роббимга қай аҳволда юзланаман.... — деди - ю, юзтубан ерга йиқилди. Уни туртиб кўришди, у қимирламади. Жони чиққан эди.

Наманган шахар
"Баҳоуддин Нақшбандий" жоме масжиди.
(Янгиобод Боғ масжид)
Масжид каналига уланиш:
👇👇👇
@b_naqshbandiy
♻️Яқинларингизга ҳам улашинг!
https://t.me/joinchat/AAAAAE9c81_2R9K4KWvFKw