Oʼzsanoatqurilishbank matbuot kotibi | Behzod Bozorov

O‘zsanoatqurilishbank tomonidan 200ga yaqin mahalla bankirlari hamda 700dan ziyod yordamchi-agentlar faoliyati yo‘lga qo‘yildi.

Bugungi kunda bankka biriktirilgan 711 ta mahallada aniqlangan 400 ming nafar aholini doimiy ish va tadbirkorlikka jalb qilish bo‘yicha ishlar olib borilmoqda. Rejalashtirilgan qariyb 12 trln. so‘mlik kredit mablag‘larini samarali yo‘naltirish choralari ko‘rilmoqda.

Xususan, bankning hududiy tarmoqlarida “mahallabay ishlash” bo‘limlari tashkil etildi. 200ga yaqin mahalla bankirlari hamda 711 nafar yordamchi-agent ish boshladi.

Ayni paytda ular hududlarning biznes imkoniyatlarini o‘rganish, har bir fuqaro bilan yuzma-yuz muloqot qilib, g‘oyalarini loyihalarga aylantirish, yaratilgan biznes loyihalarini esa samarali boshqarishga ko‘maklashmoqda.

Aholiga biznes yuritish, ishlab chiqarilgan mahsulotlarini sotish, kredit, depozit, faktoring kabi bank xizmatlari haqida tushunchalar berib, ularning moliyaviy-huquqiy savodxonligini oshirishga yaqindan yordam bermoqda.

O‘zsanoatqurilishbank rahbariyatining tadbirkorlar bilan uchrashuvi Sirdaryo viloyatida ham sermahsul kechdi.

Hududda bankka biriktirilgan 13 ta mahallaning biznes imkoniyatlarini o‘rganib, yangidan-yangi tadbirkorlik faoliyatlarini ishga tushirishga har tomonlama ko‘maklashish sa’y-harakatlari davom ettirilayotgani ta’kidlandi.

Maqsad – davlatimiz rahbari ko‘rsatmasiga muvofiq, odamlarning g‘oyalari va qobiliyatini loyihalarga aylantirish, dedi bank mutasaddilari.

Qayd etish lozimki, joriy yilda O‘zsanoatqurilishbank tomonidan Sirdaryo viloyatida aholini daromadli mehnat bilan ta’minlanga qaratilgan turli dasturlar doirasida 8800dan ortiq ish o‘rinlari yaratiladi.

Uchrashuvda 30ga yaqin tadbirkorlar qatnashib, ularning aksariyati o‘z faoliyatida duch kelayotgan muammo va to‘siqlarni bartaraf etishga erishdi.

“SQB faktoring” kompaniyasi hamda “SQB mikoromoliyalashtirish tashkiloti” faoliyati yo‘lga qo‘yildi

“SQB faktoring” kompaniyasi tadbirkorlarga qulay shart-sharoitlarda faktoring xizmatlari ko‘rsatadi, ular mablag‘larini samarali boshqarishga yordam beradi.

“SQB mikromoliyalashtirish tashkiloti” aholi va tadbirkorlarga moslashuvchan moliyaviy resurslar taqdim etib, qisqa muddatda zarur mablag‘lar bilan ta’minlaydi.

O‘zsanoatqurilishbank tomonidan Jizzax viloyatida tashkil etilgan uchrashuvlarda ellikka yaqin tadbirkorlar ishtirok etdi.

Tadbirda dastlab Prezidentimiz boshchiligida kambag‘allikni qisqartirish va bandlik sohasida amalga oshirilayotgan islohotlar mazmun-mohiyati haqida so‘z bordi.

Aholini ish bilan ta’minlash va daromadli qilishda bank tomonidan amalga oshirilayotgan ishlar, tadbirkorlarni moliyaviy qo‘llab-quvvatlashda taklif etilayotgan xizmat va mahsulotlar haqida batafsil tushuncha berildi.

Aytish joiz, shu maqsadda bankka viloyatning Forish va Sharof Rashidov nomli tumanlarida 16 ta mahalla biriktirilgan. U yerda aniqlangan 5500 dan ziyod aholi qatlamini doimiy ish va tadbirkorlikka jalb qilish bo‘yicha faol ishlar olib borilmoqda. Bu borada rejalashtirilgan qariyb 938 mlrd. so‘mlik kredit mablag‘larini samarali yo‘naltirish choralari ko‘rilmoqda.

Uchrashuvda tadbirkorlar o‘z takliflari bilan murojaat qilib, yechimini kutayotgan savollariga javob oldi.

📣 Hurmatli Toshkent shahri SQB mijozlari va Mirzo Ulug’bek hamda Uchtepa tumanlardagi tadbirkorlar!
 
✅Sizni, ATB “O'zsanoatqurilishbank” Boshqaruvi bilan tashkil etilayotgan tadbirkorlar bilan uchrashuvga taklif etamiz. Tadbirda tadbirkorlarning murojaatlari va takliflari ko‘rib chiqiladi.
 
⏰ Tadbirning o‘tkazilish joyi va vaqti:
1. 09.01.2025 — Toshkent shahar BXO (bank binosi), soat 10:00 da.
📍Manzil: Toshkent shahri, Mirzo Ulug’bek tumani, Mustaqillik ko’chasi 5-uy.
 
📞Murojaat uchun raqamlar: (97) 872-32-01
 
2. 09.01.2025 — Uchtepa BXM hamda Al-Xorazmiy BXM (Uchtepa tumani hokimiyat binosi), soat 15:00 da.
📍Manzil: Toshkent shahri, Uchtepa tumani, Farhod ko’chasi 21-uy.
 
📞Murojaat uchun raqamlar: (94) 711-77-74
———————————
📣 Уважаемые клиенты SQB города Ташкента, предприниматели Мирзо-Улугбекского и Учтепинского районов!
 
✅Приглашаем вас на встречу, организуемую с Правлением АКБ «Узпромстройбанк». На мероприятии будут рассмотрены обращения и предложения предпринимателей.
 
⏰Место и время проведения мероприятия:
1. 09.01.2025 г. – Ташкентский OБУ (здание банка), в 10:00 часов.
📍Адрес: г. Ташкент, Мирзо-Улугбекский район, ул. Мустакиллик, 5.
 
📞 Контактные номера для обращений: (97) 872-32-01
 
2. 09.01.2025 г. - Учтепинский БХМ и Аль-Хорезмийский БХМ (здание хокимията Учтепинского района), в 15:00 часов
📍Адрес: г. Ташкент, Учтепинский район, ул. Фархад, 21.
 
📞 Контактные номера для обращений: (94) 711-77-74

O‘zsanoatqurilishbank tomonidan Nukus shahri hamda Qo‘ng‘irot va Taxiatosh tumanlari tadbirkorlari uchun uchrashuv tashkil etildi. Unda oltmishga yaqin ishbilarmon doiralar vakillari qatnashdi.

2024-yilning 16-dekabr kuni Prezidentimiz raisligida banklar ishtirokida mahallalarda aholi bandligini ta’minlash va daromadli qilishga qaratilgan ustuvor vazifalar muhokamasi yuzasidan videoselektor yig‘ilishi o‘tkazilgan edi. Unda banklarning mahallalarda hokimliklar bilan muvofiq ishlash tizimi ko‘rsatib o‘tilib, har bir mahalla bo‘yicha maqsadli ko‘rsatkichlar belgilandi.

Shunga ko‘ra, joriy yilda O‘zsanoatqurilishbankka 711 ta, shu jumladan, Qoraqalpog‘iston Respublikasining Nukus shahri hamda Qo‘ng‘irot va Taxiatosh tumanlarida 30 ta mahalla biriktirildi.

Uchrashuvlarda dastlab aholi bandligini ta’minlash va daromadli qilishda bank tomonidan amalga oshirilayotgan ishlar, ushbu maqsadda tadbirkorlarni moliyaviy qo‘llab-quvvatlashda taklif etilayotgan xizmat va mahsulotlar haqida batafsil tushuncha berildi.

Qayd etish joiz, bank tomonidan 2025-yilda Qoraqalpog‘iston Respublikasida kichik va o‘rta biznesga 292,7 mlrd. so‘m, turli iqtisodiy dasturlar doirasida esa, 121,8 mlrd. so‘m miqdorida kredit ajratish rejalashtirilgan. Natijada 6200dan ziyod aholi qatlami doimiy ish va tadbirkorlikka jalb qilinishi hisobiga daromadli mehnat bilan ta’minlanadi.

Ochiq muloqot ruhida o‘tkazilgan tadbirda mahallalarning biznes imkoniyatlari muhokama qilindi. Tadbirkorlarning g‘oya va rejalari, ularni tadbiq etishda to‘sqinlik qilayotgan masalalar tinglanib, yechimi yuzasidan chora-tadbirlar belgilab olindi.