Aziz Qahhorov |Rasmiy kanal

Kogon tumanida joylashgan “KNAUF GIPS BUXORO" XK MCHJ 0,9 MVt quvvatga ega quyosh elektr stansiyasini ishga tushirmoqda

Atrof-muhit muhofazasi, tabiiy resurslarni oqilona sarflash va energiya manbalaridan tejamkorlik bilan foydalanish, kelajak avlod uchun barqaror xayotni kafolatlaydi. Tabiiy resurs manbalari chegaralanganligini xisobga olsak, bugun qayta tiklanuvchi energiya resusrlaridan unumli foydalanish yanadan maqbul yechim sanaladi.

Davlatimiz rahbarining “qayta tiklanuvchi energiya manbalarini va energiya tejovchi texnologiyalarni joriy etishni jadallashtirish chora-tadbirlari to‘g‘risida”gi qarori bilan bugun sanoat korxonalari energiya tejamkor va qayta tiklanuvchi energiya manbalaridan foydalanishga o‘tmoqda. Sanoati korxonalarining yashil energiya manbalaridan  foydalanishi natijasida ishlab chiqarish samaradorligini oshibgina qolmay, tabiiy resurslarni va ona tabiatni asrab, avaylashga xizmat qilmoqda.

Kogon tumanida faoliyat yuritayotgan, yuqori sifatli qurilish mollari ishlab chiqarishga ixtisoslashgan “KNAUF GIPS BUXORO” MCHJ xorijiy korxonasi ana shulardan biri hisoblanadi. Jumladan bugun, 21-noyabr kuni  „KNAUF GIPS BUXORO” XK MCHJ kompaniyasining 0,9 MVt quvvatga ega quyosh elektr stantsiyasi tantanali ochilish marosimi bo'lib o'tdi.

Tantanali marosimda Kogon tuman hokimi Otabek Qazoqov so'zga chiqib, bugun mamlakatimizda alternativ energiya manbalaridan foydalanishga alohida eʼtibor qaratilayotgani, bu borada tadbirkorlarga keng imkoniyatlar yaratilayotganini alohida ta'kidladi. Korxona va tashkilotlar quyosh panellarini o‘rnatish orqali energiyaga bo‘lgan talabini quyosh energiyasi evaziga qoplash rejimiga o’tmoqda. Shuningdek, foydalanilgan energiya uchun to‘lanadigan mablag‘lar iqtisod qilinmoqda. Bu o‘z navbatida korxonaning iqtisodiy barqarorligini ta’minlashda jozibadorlik kasb etib, korxonalarda energiya taqchilligi kuzatilishining oldi olinmoqda. Albatta serquyosh zaminimizning imkoniyatlaridan to’laqonli foydalanish mamlakatimiz iqtisodiy salohiyatini yanada oshirish, ishlab chiqarish yo’nalishlarini kengaytirish, tobora eksportbop mahsulotlarni tayyorlab, ularni eksport qilish imkoniyatlarini yuksaltirishga xizmat qiladi dedi - tuman hokimi Otabek Qazoqov.

Shuningdek marosimda „KNAUF GIPS BUXORO” XK MCHJ kompaniyasi mas'ullari loyihaning ahamiyati to'g'risida yig'ilganlarga batafsil ma'lumot berdilar. Qisqa muddatda qurilgan mazkur loyiha 2 gektar maydonda 1 mln yevro korxona mablag'lari hisobiga tashkil etildi. Bu esa o'z navbatida yashil iqtisodiyotga o'tish va uglerod gazini kamaytirish bo'yicha strategiyani amalga oshirishda muhim qadam bo'lmoqda.

Quyosh elektr stantsiyasining ish jarayonini doimiy ravishda monitoring qilish va boshqarishni ta’minlaydigan innovatsion onlayn nazorat tizimi ishlab chiqilgan. Bu resurslardan samarali foydalanish va elektr stantsiyasining barqaror ishlashini kafolatlaydi. Ushbu qurilma CO2 chiqindilarini yiliga 940 tonnaga kamaytirish imkonini ta’minlaydi deydi -  «Knauf Gips Buxoro» xorijiy korxonasi bosh direktori D.A Deripalko.

@AzizQahhorov