ЙПХ инспекторининг “01”га расмийлаштирилган ёлғон баённомаси бекор қилинди.
2024 йил 15 феврал куни Д.М. Дубайда дам олиб келганлигини дўстлар даврасида нишонлаб, эркинлик замонидан мамнун эди. Бироқ, уни ортидан айрим кимсалар хуфялик қилиб, баъзи орган ходимларига қимматбаҳо BYD машинаси бор янги бой спитли ичимликлар ичиб, тез орада машинасида уйига қайташи ҳақида хабар бериб қўйганлигини билмаганди.
Воқеа шундай бошланган эди. Пули борни ақли ҳам бўлади. Д.М. озроқ спиртли ичимлик ичганлиги сабабли, машинасини ҳайдаб уйига олиб бориб қўйишни сўраб, аввалдан таниш бўлган А.ни ёлланма ҳайдовчи қилиб чақирди. Воқеалар бундай ривожланишини кутмаган ходимлар шундай бўлсада, “умид”ларини узмаган ҳолда ўз хизмат ҳудудларини тарк этиб, қонун бунга йўл қўймасада, хуфя томонидан аввалроқ берилган хабар уларни Д.М.нинг яшаш манзилигача кузатиб боришга ундади.
Тунгги соат 02.00 ёлланма ҳайдовчи BYD машинаси Д.М.нинг яшаш манзилига бекамикўст етказиб қўйди. Бироқ, қонунчиликка мутлоқо тескари тарзда, яширин равишда уларни ортидан қолмаган оқ рангли cobalt автомашинаси ичида ЙПХ ходимлари тушиб келиб Д.М. мастлик ҳолатида транспорт воситасини бошқарганлик учун маъмурий жавобгарликка тортиш тўғрисида баённома расмийлаштиришди.
Одил суд адолатни қойим қилди. Суд фуқаро Д.М.нинг фойдасига Маъмурий жавобгарлик тўғрисидаги кодекснинг 131-моддаси (ҳайдовчининг транспорт воситасини маст ҳолатда бошқариш) бўйича тузилган баённомани йўл қўйилган хато, камчиликлар ва далил етарли эмаслиги сабабли тугатиш тўғрисида қарор қилди.
Адвокат Камолиддин Рахимов @generalissimus_uzb