Huquq chempioni || Audio Huquq

🟢 Kanalimizga joylangan barcha testlar bir joyda👇

🔹1-blok test
🔹2-blok test
🔹3-blok test
🔹4-blok test
🔹5-blok test
🔹6-blok test
🔹7-blok test

📌 Bilimlaringizni sinab ko‘ring va xato kamchiliklaringiz ustida albatta ishlang!

Har bir test sizning bilimlaringizni sinash va tayyorligingizni oshirish uchun BMB tomonidan maxsus tayyorlangan.

🚀 Hoziroq testlarni ishlab koʻring.

🌐 Obuna boʻling:
♻️ Huquq chempioni

#Jinoyatdarajasi #jinoyat

Jinoyatlar o'z xususiyati va ijtimoiy xavflilik darajasiga ko'ra:

1. Ijtimoiy xavfi katta bo'lmagan:
(3 yildan ko'p bo'lmagan muddatda ozodlikdan mahrum qilish, shuningdek ehtiyotsizlik oqibatida 5 yildan ortiq bo'lmagan jazolar kiradi).

2. Uncha og'ir bo'lmagan:
(3 yildan ortiq yoki 5 yildan ko'p bo'lmagan ozodlikdan mahrum qilish).

3. Og'ir jinoyatlarga:
Qasddan sodir etilgan (5 yildan ortiq yoki 10 yildan ko'p bo'lmagan).

4. O'ta og'ir jinoyatlarga:
Qasddan sodir etilib ( 10 yildan ortiq muddatga ozodlikdan mahrum qilish yoki umrbod ozodlikdan mahrum qilish )

⚖ Huquq Chempioni — chempion huquqshunoslar uchun eng yaxshi kanal

❓Ta'lim muassasasiga telefon olib borish mumkinmi?

✅ TUSHUNTIRAMAN:

Birinchidan, Ta’lim muassasasiga kirib kelishda har bir ta’lim oluvchi, xodim, keluvchi va boshqa shaxslar o‘z telefoni abonentining chaqiruv ovozini to‘liq o‘chirib qo‘yishi (telefonni “ovozsiz” rejimga o‘tkazishi) shart.

Ikkinchidan, Ta’lim muassasalarida o‘tkaziladigan o‘quv mashg‘ulotlari va tadbirlar (saflanish, tarbiyaviy soatlar, bayram, sport tadbirlari va shu kabilar) boshlanishidan oldin ta’lim oluvchilar:
➖telefonini o‘chirib qo‘yishi;
➖telefonini portfeli, sumkasi va shu kabilarga solib qo‘yishi shart.

❌Uchinchidan, ta’lim oluvchilarga quyidagilar qat’iyan taqiqlanadi:

a) telefonini bo‘yniga osib olish, ko‘krak cho‘ntaklarida, shim, yubkalari cho‘ntaklarida va shu kabilarda saqlash;

b) telefon akkumulyatorini zaryadlash uchun ta’lim muassasasi elektr tarmoqlariga ulash;

v) telefoni yordamida:
atrofdagilarga zo‘ravonlik, shafqatsizlik, pornografiyani targ‘ib qiluvchi video va suratlarni namoyish qilish;
ta’lim muassasasining nufuziga, shu jumladan zo‘ravonlik va vandalizm holatlarini suratga olish va keyinchalik ularni atrofdagilarga namoyish etish yo‘li bilan zarar yetkazish;

g) o‘quv mashg‘ulotlari vaqtida:
➖telefon orqali so‘zlashish hamda SMS (MMS) va boshqa turdagi xabarlarni jo‘natish;
➖telefonni stol ustiga qo‘yish;
➖musiqa, shu jumladan naushniklar orqali tinglash;
➖surat va video tasvirlarni ko‘rsatishda telefondan foydalanish (o‘yinlar bilan shug‘ullanish), tasvir (matn, rasm, videoyozuv va fotosuratlar) ko‘rish, diktofon, kalkulyator, kalendar, bloknot, yon daftarcha kabilar sifatida foydalanish;
➖suratga olish va video tasvirga tushirish;
➖telefon (GPRS, Bluetooth, Internet va shu kabilar) orqali boshqa xizmatlardan foydalanish.

🟢 Qisqasi ta'lim muassasasiga telefon olib borish mumkin, lekin yuqoridagi qoidalarga amal qilgan holda foydalanish talab etiladi.

🔺Ha, aytgancha, yuqoridagi qoidalar o'qituvchi va xodimlarga ham tegishli.

Manbaa: LEGAL ZONE

⚖ Huquq Chempioni — chempion huquqshunoslar uchun eng yaxshi kanal

#sudtizimi #malumot

Oʻzbekiston Respublikasi Sud tizimi

Sud hokimiyati:
➖ Davlat hokimiyati bir boʻgʻini
➖ Odil sudlovni amalga oshirishga haqli birdan bir davlat organi

Prezumpsiya - aksi tasdiqlanmagan biror dalilni yuridik jihatdan toʻgʻri deb hisoblash

🟢Aybsizlik prezumpsiya - aybdor deb gumon qilinayotgan shaxsni aybdorligini isbotlab bermagunimizcha aybsiz hisoblanaverishi
(Jinoyat huquqida)

🔴Ayblilik prezumpsiyasi - aybsiz kishini aybsiz deb isbotlamasak u aybli boʻlib turishi
(Fuqarolik huquqida)

♻️Kanalimiz:
Huquq Chempioni — huquqiy bilimlar bo‘yicha chempionlar uchun eng yaxshi kanal❗️

📜 Yoshlarni harbiy-vatanparvarlik ruhida tarbiyalash ishlari samaradorligini oshirish chora- tadbirlari toʻgʻrisida:
Konsepsiyani amalga oshirishning bosqichlari:
Manbaa: Lex.uz

📈 Hurmatli obunachilar, konsepsiyada belgilangan tadbirlar yoshlarni harbiy-vatanparvarlik ruhida tarbiyalash uchun quyidagi besh bosqichda amalga oshiriladi:

1⃣-bosqich (3 — 7 yosh): Shu yoshdagi bolalarga xos xususiyatlar, jumladan, ilk o‘z tuyg‘ularini, xatti-harakatini boshqarish ko‘nikmalari, shaxsiy fazilatlari asoslari, ijtimoiy motivlar va milliy an’analarga qiziqishlarining paydo bo‘lishi, o‘zini namoyon etish hamda muvaffaqiyatga erishish kabi ehtiyojlarni inobatga olib, maktabgacha ta’lim tashkilotlarida o‘tkaziladi.
Mazkur bosqichda bolalar bilan milliy g‘urur, mehnatsevarlik, Vatanga muhabbat va uni himoya qilish, davlat ramzlari, buyuk ajdodlarimiz, tarixiy obidalarimizga hurmat, o‘zaro yordam, mehribonlik kabi olijanob fazilatlarni shakllantirishga qaratilgan she’r, ertak, kuy va qo‘shiqlarni, sport va milliy o‘yinlarni o‘rgatish, teatrlashtirilgan sahna tomoshalarini namoyish etishni o‘zida mujassam etgan tadbirlar o‘tkaziladi.

2⃣-bosqich (7 — 10 yosh): Tadbirlar umumta’lim va ixtisoslashtirilgan ta’lim tashkilotlarining kichik sinflarida, shuningdek, ushbu toifadagi yoshlarning yosh xususiyatlarini inobatga olgan holda mahallalarda o‘tkaziladi.
Ushbu bosqichda faxrlanish hamda Vatan va davlat ramzlariga muhabbat, yoshi kattalarga hurmat va izzat bilan munosabatda bo‘lish hamda milliy odat va an’analarni qadrlash tuyg‘ularini singdirish, O‘zbekiston Respublikasiga daxldorlikdan faxrlanish hissini rivojlantirish bo‘yicha kompleks tadbirlar o‘tkaziladi.

3⃣-bosqich
(11 — 17 yosh):
Tadbirlar umumta’lim va ixtisoslashtirilgan ta’lim tashkilotlarining katta sinflarida, shuningdek, ushbu toifadagi yoshlarning yosh xususiyatlarini inobatga olgan holda mahallalarda o‘tkaziladi.
Ushbu bosqichda asosiy e’tibor yoshlarda harbiy xizmatga bo‘lgan qiziqishni, Qurolli Kuchlarimiz bilan faxrlanish tuyg‘usini oshirish, jismoniy qobiliyatlarni rivojlantirish, ularni jismonan sog‘lom, ma’nan yetuk, keng dunyoqarashli, mustaqil fikr yuritadigan barkamol inson sifatida tarbiyalash, shuningdek, yoshlarni “Vatan tayanchi” bolalar-o‘smirlar harbiy-vatanparvarlik harakati faoliyatiga keng jalb etishga qaratiladi.

4⃣-bosqich
(18 — 21 yosh): Oliy ta’lim muassasalarining talabalari, uyushmagan yoshlar, muddatli harbiy xizmatchilar, kontrakt bo‘yicha harbiy xizmatga yangi chaqirilgan harbiy xizmatchilar, oliy harbiy ta’lim muassasalarining kursantlari, shuningdek, mehnat jamoalarida faoliyat olib borayotgan yoshlarni qamrab oladi.
Ushbu bosqichda asosiy e’tibor yoshlarning jismoniy va ma’naviy qobiliyati, yetakchilik ko‘nikmalari va intellektual salohiyati, umumiy va professional malakasini oshirish, ularni o‘z ustida muntazam ishlash, sog‘lom hayot kechirishga undash va shunga erishishga qaratiladi.

5⃣-bosqich(22 — 30 yosh): Tadbirlar mahallalardagi uyushmagan yoshlar, mehnat jamoalarida faoliyat olib borayotgan yoshlar, shuningdek, shartnoma bo‘yicha yosh oddiy askarlar, serjantlar va ofitserlar tarkibini qamrab oladi.
Yakuniy bosqichda asosiy e’tibor yuqori darajadagi ijtimoiy faollik, fuqarolik mas’uliyati, ma’naviyatni oshirishga, ijobiy qadriyat va xislatlarga ega, ularni mamlakat manfaatlari, davlatni mustahkamlash yo‘lida namoyon eta oladigan fuqarolarni shakllantirishga qaratiladi.

♻️Telegram kanalimizda yangi va muhim maʼlumotlarni kuzatib boring👇

🏆 Huquq Chempioni — huquqiy bilimlar bo‘yicha chempionlar uchun eng yaxshi kanal❗️

Prokuratura va tergov organlarida qaysi OTMni tugatganlar ishlashi mumkin.

Bugun bir nechta tarmoqlarda “Endi faqat Huquqni muhofaza qilish akademiyasini tugatganlar prokuratura va tergov organlarida ishlay oladi, deb Oʻzbekiston 24 da xato maʼlumot tarqatildi” degan xabar paydo boʻldi.

Shundan soʻng Huquqni muhofaza qilish akademiyasi rasmiy axborot eʼlon qildi. Ramiy axborotda ham akademiya bitiruvchilari ishlay olishi taʼkidlangandek. Chunki munosabatda “Jinoyatlarni tergov qilish sohasida malakali kadrlarni tayyorlashning sifat jihatidan yangi tizimini joriy etish toʻgʻrisida”gi PF–257-son Farmonning 7-bandida boshqa yuridik oliy taʼlim muassasalari bitiruvchilari Akademiyada davomiyligi 6 oy (576 soat) boʻlgan qayta tayyorlash kursini oʻtashi va tegishli diplomga ega boʻlishi talab etiladi. deb izohlangan. Biroq farmonda sal boshqacharoq yozilgan.

Prezident farmonida bu band quyidagicha aks etgan.

7-band Vakolatli davlat organlari xodimlari uchun Akademiyada quyidagi oʻquv dasturlari boʻyicha kasbiy qayta tayyorlash va malaka oshirishning majburiy tartibi joriy qilinsin: birinchi marotaba vakolatli davlat organlariga xizmatga qabul qilinib, surishtiruvchi yoki tergovchi lavozimlariga tayinlangan hamda prokuratura organlariga ilk bor xizmatga qabul qilingan xodimlar uchun — davomiyligi 576 soatdan kam boʻlmagan majburiy birlamchi ixtisoslashuv shaklida kasbiy qayta tayyorlash kurslari.

Yaʼni yaʼni mazkur banddan anglashiladiki, Prokuratura va tergov organlariga yangi ishga kirgan har qanday xodimlar Huquqni muhofaza qilish akademiyasini tugatgan yoki tugatmaganligidan qatʼiy nazar 6 oy (576 soat) boʻlgan qayta tayyorlash kursini oʻtashi lozim.

Bundan tashqari prokuratura toʻgʻrisidagi qonunning 43-moddasiga koʻra, Prokuratura organlarida prokurorlar, tergovchilar, surishtiruvchilar va ish oʻrganuvchilar lavozimiga oliy yuridik maʼlumotga ega, zarur kasbiy fazilatlari boʻlgan, zimmalariga yuklanadigan xizmat vazifalarini bajarishga sogʻligʻi imkon beradigan Oʻzbekiston Respublikasining fuqarolari tayinlanadi.

Yaʼni yuqoridagi normativ xujjatlardan xulosa qiladigan boʻlsak, Prokuratura va tergov organlarida faqat Huquqni muhofaza qilish akademiyasi bitiruvchilari ishlay oladi degan fikirlar notoʻgʻri hisoblanadi. Hech bir normativ hujjatda bunday qoida oʻz aksini topmagan. Yaʼni TDYU yoki boshqa oliy yuridik taʼlim muassasasini tugatganlar ham prokuratura va tergov organlariga ishga kira oladi.

Manba: Advokat_Esonaliev

⚖ Huquq Chempioni

➡️Jinoyat kodeksi 43-moddasiga koʻra jazo tizimi. (Voyaga yetganlar uchun)

(Jinoyat kodeksi keyinchalik matnda "JK" deb yoziladi)
ATI = Ahloq tuzatish ishlari
MJI = Majburiy jamoat ishlari

⏺JK 44-modda Jarima miqdori

5dan 600 baravarigacha miqdorda. Jarima toʻlanmaganda ATI, Ozodlikni cheklash va Ozodlikdan mahrum qilish bilan almashtiriladi.
MJI ning 2.5 soati jarima miqdorining 1 baravariga tenglashtiriladi.  ATI, Ozodlikni cheklash, Ozodlikdan mahrum qilishning 1 oyi jarima miqdorining 16 baravariga tenglashtiriladi.

⏺JK 45-modda Muayyan huquqdan mahrum qilish.

1-5yil asosiy jazo, 1-3yil qoʻshimcha jazo beriladi.

⏺JK 45¹-modda Majburiy jamoat ishlari

120-480 soatgacha faqat bu muddat 6 oy ichida tugallashi kerak. 1 kunda 4 soatga toʻgʻri keladi. Agar bu oʻtolmasa Ozodlikni cheklash va Ozodlikdan mahrum qilishni 1 kuniga 4 soat tenglanadi.

⏺46-modda Ahloq tuzatish ishlari.

6oydan 3yilgacha. 

⏺JK 47-modda Xizmat boʻyicha cheklash.

Maxsus qismga joʻnatish 2 oydan 3 yilgacha

⏺JK 48¹-modda Ozodlikni cheklash.

Sud qaroriga koʻra uyida yoki boshqa yerdagi belgilangan hududdan chiqmagan holda 1 oydan 5 yilgacha

⏺JK 49¹-modda Intizomiy qismga joʻnatish.

3oydan 1yilgacha

⏺JK 50-modda Ozodlikdan mahrum qilish

Kaloniya yoki turmada oʻtash 1 oydan 20 yilgacha. Uzoq muddatga mahrum etish 20-25 yilgacha

⏺JK 51-modda Umrbod ozodlikdan mahrum etish.

97²-modda bilan qasddan odam oʻldirish va 155³-modda terrorizmni moliyalashtirish uchun beriladi.

⚖ Huquq Chempioni

#sanksiya #jazolar

Ozodlikdan mahrum qilish

👮 Bu – ijtimoiy xavfli qilmish sodir etgan shaxslarga nisbatan qoʻllaniladigan jazo turlaridan biri. Boʻlganida ham eng ogʻir turdagi taʼsir choralaridandir. Shu sababli, boshqa yengilroq jazo bilan jinoyat sodir etgan shaxsning axloqini tuzatish imkoni boʻlmasa, keyin qonunchilikka muvofiq ozodlikdan mahrum qilish jazosini tayinlashga yoʻl qoʻyilgan. Bunda shaxs jamiyatdan ajratilib, jazoni ijro etish koloniyalarida, shu jumladan davolash huquqi asosidagi koloniyalarda, tarbiya koloniyalarida, turmalarda hamda mahkumlar uchun ixtisoslashgan kasalxonalarda oʻtashi mumkin. Ozodlikdan mahrum qilish umumiy tartibda bir oydan yigirma yilgacha muddatga belgilanadi. Ogʻirlashtiruvchi holatda odam oʻldirish va terrorizm (odam oʻlishi va boshqa ogʻir oqibatlarga olib kelsa) jinoyatlarini sodir etgan shaxslar uzoq muddatga ozodlikdan mahrum qilinib, 25 yilgacha “kesilishi” mumkin. Shunday qilib, ozodlikdan mahrum qilish jazosining maksimal uzoqlik muddati – 25 yil.

🚓 Qonunda umrbod ozodlikdan mahrum qilish jazo turi ham keltirilgan. Bunda mahkum maxsus tartibli jazoni ijro etish koloniyasiga joylashtirilib, jamiyatdan muddatsiz ajratib qoʻyiladi. Umrining oxirigacha jazoni oʻtaydimi, endi ozodlikka chiqmaydimi?, degan savol paydo boʻlishi mumkin. Oliy sud plenumi qarorida tushuntirilishicha, umrbod ozodlikdan mahrum qilish jazosi tayinlangan mahkum afv etish toʻgʻrisidagi iltimosnoma bildirish huquqiga ega. Bunday iltimosnoma jazoning amalda oʻtalgan qismi inobatga olingan holda sanaladigan muddatlar oʻtgandan soʻng berilishi mumkin.

❕ Quyidagi holatlarda homilador ayollarga, uch yoshga toʻlmagan bolalari bor ayollarga, yoshga doir pensiyaga chiqish huquqiga ega boʻlgan shaxslarga ozodlikdan mahrum qilish jazosi tayinlanmaydi:

🔔 ijtimoiy xavfi katta boʻlmagan jinoyat sodir etganda;

🔔 ehtiyotsizlik oqibatida jinoyat sodir etganda;

🔔 qasddan uncha ogʻir boʻlmagan jinoyat sodir etganda;

⚖ Huquq Chempioni — chempion huquqshunoslar uchun eng yaxshi kanal

#sanksiya #jazolar

Qamoqqa olish

❗️ Bu jinoiy jazo emas. Ehtiyot chorasi hisoblanadi. Xoʻsh, “ehtiyot chorasi” nima?

👮 Jinoiy qilmish sodir etilgani haqida huquqni muhofaza qiluvchi organlarga xabar keldi. Shunda mazkur ishga aloqador shaxslar jinoyat protsessiga jalb etiladi. Deylik, gumon qilinuvchi yoki ayblanuvchi tariqasida. Endi shaxsning ishga qaysi maqomda jalb qilingani va yuz bergan jinoiy qilmishning ogʻir-yengilligidan kelib chiqib, ularga nisbatan protsessual majburlov chorasi tayinlanishiga ehtiyoj tugʻiladi (ehtiyot chorasi shular jumlasidandir). Sababi shuki, agar majburlov chorasi belgilanmasa, jinoyat ishida kim aybdor ekanligini topish qiyinlashadi. Haqiqatlarni aniqlashga toʻsqinlik qilinishi mumkin. Jinoiy harakatlar davom etaverishi ehtimoli boʻladi. Shu sababli qonun garov, qamoq, uy qamogʻi va boshqa ehtiyot choralarini belgilashga ruxsat bergan. Ehtiyot chorasi tayinlangan shaxs jinoyatchi degani emas. Mutlaqo aybsiz boʻlishi ham mumkin. Zero, shaxsning aybi sud hukmi bilan oʻz tasdigʻini topmagunicha u aybsiz maqomda boʻladi.

❕ Ehtiyot chorasi sifatida qamoqqa olish Jinoyat kodeksida uch yildan ortiq muddatga ozodlikdan mahrum qilish tariqasidagi jazo nazarda tutilgan qasddan sodir etilgan jinoyatlarga doir ishlarda qoʻllanilishi mumkin. Masalan, tovlamachilik jinoyati uchun JK da (165-modda) uch yildan besh yilgacha ozodlikdan mahrum qilish jazosi belgilangan. Demak, bu qilmish uchun qamoqqa olish tarzidagi ehtiyot chorasini qoʻllash mumkin. Shuningdek, ehtiyotsizlik oqibatida sodir etilib, buning uchun Jinoyat kodeksida besh yildan ortiq muddatga ozodlikdan mahrum qilish tariqasidagi jazo nazarda tutilgan jinoyatlarga doir ishlar boʻyicha ham qamoqqa olish qoʻllanilishi mumkin.

👮‍♀️ Ayrim hollarda uch yilgacha muddatga ozodlikdan mahrum qilish tariqasidagi jazo nazarda tutilgan qasddan sodir etilgan jinoyatlarga doir ishlarda ham qamoqqa olish tarzidagi ehtiyot chorasi qoʻllanilishi mumkin. Aytaylik, shaxs firibgarlik jinoyati yuzasidan ishga ayblanuvchi sifatida jalb qilingan. Bu shaxsga nisbatan garov tariqasidagi ehtiyot chorasi tayinlanganiga qaramay, oʻrnatilgan cheklov tartiblariga rioya etmadi. Shunda sanksiyasida 3 yilgacha ozodlikdan mahrum qilish jazosi belgilangan jinoyatni sodir etganlikda ayblanayotgan boʻlishiga qaramay, bu shaxsga berilgan ehtiyot chorasi oʻzgartirilib, qamoqqa olish qoʻllaniladi.

⚖ Huquq Chempioni — chempion huquqshunoslar uchun eng yaxshi kanal

#siyosiypartiyalar #huquqiymalumot #abituriyentlarga

Siyosiy partiyalar haqida bilishingiz kerak boʻlgan maʼlumotlar:

▪️ XDP(O'zbekiston xalq demokratik partiyasi) - 1991-yil 15-noyabr
▪️Oʻzbekiston "Adolat" sotsial demokratik partiyasi- 1995-yil 18-fevral
▪️ Oʻzbekiston Milliy tiklanish demokratik partiyasi - 1995-yil 3-iyun
▪️ O'zLiDep - Oʻzbekiston Liberal-demokratik partiyasi - 2003-yil 15- noyabr
▪️O'EP- Oʻzbekiston Ekologik partiyasi - 2019-yil 22-yanvar.

⚖ Huquq Chempioni — chempion huquqshunoslar uchun eng yaxshi kanal

#broadvice

Ijtimoiy tarmoqlar haqiqiy joy emasligini unutmang...

#hikmatlisozlar #qollanma

📜 Abituriyentlar uchun tayyorlangan hikmatlar so‘zlar qoʻllanmamizdan:

1. Amir Temur:

▪️Davlatu saltanat uch narsa bilan: mulk, xazina va lashkar bilan tikdir. Dono vazir bularning har uchchalasini tadbirkorlik bilan yaxshi ahvolda saranjom tutadi.

▪️Davlat ishlarining toʻqqiz ulushi kengash, tadbir va mashvarat, qolgan bir ulushi esa qilich bilan bajo keltirilishini angladim.

▪️Boshsiz mamlakat jonsiz tanaga oʻxshaydi. Bejon tanning ahvoli vayronlikka yaqindir.

▪️Qudratimizga shak-shubhangiz boʻlsa, biz qurgan imoratlarga boqing.

▪️Dono vazir oʻz oʻrniga qarab, goh qattiqqoʻllik, gohida esa muloyimlik bilan ish yuritadi.

▪️Qoʻshin tashkil etishda uch qoidaga amal qildim: yigitning kuch-quvvati, qilichni o‘ynata olish mahorati va aql-zakovati.

▪️Agar davlat qonunlarga tayanmasa, u oʻzining shon-shuhrati va buyukligini uzoq vaqt saqlay olmaydi.

2. Abu Ali ibn Sino:

▪️Nega yer yuzida yovuzlik bu qadar koʻp?! Sababchisi siz-u biz.

▪️Xijolat va tortinchoqlik qayg‘u va yomonlik tufayli tinchlikning buzilishidir. Bu holat insonni o‘zini-o‘zi koyishga olib keladi.

▪️Bekorchilik va maishatparastlik nafaqat odobsizlikni tug‘diradi, ular bir vaqtda bemorlikka ham sabab bo‘ladi.

▪️Adolatli jamiyat taʼlimotini yaratishda katta hissa qoʻshgan.

▪️Ijtimoiy adolat va tartibotni taʼminlagan odil hukmdor hukmronlik qilgan davlat mukammal davlatdir.

3. Yusuf Xos Hojib:

▪️Otang pandlariga sen qilgʻil amal, yurarsan baxtiyor boʻlib har mahal.

▪️Gʻofil odam koʻz yumib gʻaflat uyqusiga botadi, ey irodali mard, gʻofil boʻlma, hushyor boʻl.

▪️Pora oʻnglanib ketgan ishlarni buzadi, bitayotgan ishlarni barbod qiladi.

4. Alisher Navoiy:

▪️Agar sen inson boʻlsang, xalq ehtiyoji toʻgʻrisida qaygʻurmaydiganni inson deb atamagin.

▪️Tuhmatchi bir soatda bir oyga tatigulik fitna qoʻzgʻatadi.

5. Jan Jak Russo:

▪️Yaxshi ishlarning yana bir afzalligi shundaki, u qalbni yuksaltiradi va uni yanada ezgu ishlarga moyil qiladi.

6. Sitseron Mark Tulliy:

▪️Hukumat-soʻzlovchi qonun, qonun esa gung hukumatdir.

▪️Ozod boʻlish uchun qonunlarning quliga aylanishga toʻgʻri keladi.

7. Aflotun:

▪️Eng mushkul ish qonunni joriy qilish.

▪️Yaxshilar masʼuliyat bilan ish qilishlari uchun qonunlarga muhtoj boʻlmaydilar. Yomonlar qonunlarga chap berish uchun yoʻl topadilar.

8. Farobiy:

▪️Fozil davlat uning aholisi oʻzaro yordam berishiga, insonparvarlikka va yaxshilashga asoslanadi.

9. Gyote:

▪️Qonun qudratli, biroq ehtiyoj yanada kuchliroq.

10. Shavkat Mirziyoyev:

▪️Bizning faoliyatimiz eng muhim konstitutsiyaviy qoidaga – ijtimoiy adolat tamoyilini ta’minlashga qaratilishi shart.

▪️Ijtimoiy adolat – bu siyosiy qarashlari, jinsi, millati, tili va diniy e’tiqodidan qat’i nazar, qonun oldida barcha fuqarolarning tengligini ta’minlashdir.

11. Hikmatli So‘zlar:

▪️Davlatda inson eng oliy qadriyatdir.

▪️Insonning eng katta dushmani-bu uning nafsi.

▪️Qanoat – harom bilan halolning chegarasini belgilaydigan vijdon qozisi.

12. Qur’oni Karim

▪️Niso surasi, 23-oyat:
Sizlar uchun (bu gap erkaklarga aytilyapti) onalaringiz, qizlaringiz, opa-singillaringiz, ammalaringiz, xolalaringiz, aka-ukalaringizning qizlari, opa-singillaringizning qizlari, emizgan onalaringiz, emishgan opa-singillaringiz, qaynonalaringiz, nikohingizda bo‘lgan xotinlaringizning tarbiyangizda bo‘lgan qizlari – mana shu sanab o‘tilgan ayollarga uylanish harom qilindi.

📌 Bu hikmatli soʻzlar abituriyentlar uchun juda muhim. Kirish imtihonlarida tushish ehtimoli bor.

🌐 Bizning kanal👇
⚖ Huquq Chempioni — chempion huquqshunoslar uchun eng yaxshi kanal