Асланов билан футбол

Назаримда, бу энг асосий таркиб. Трент жароҳатланганини эътиборга олсак, фақат Макалистерга дам берилган холос. Диас ва Нуньез айни даражадаги футболчилар, деб ўйлайман.

@aslanov_futbol

Темур Кападзенинг «Гол» кўрсатувидаги интервюсини кўриб, у нега Катанец штабини олиб қолгани мен учун тушунарли бўлди.

«Чақирилмаган футболчилар ҳақида улардан сўрадим» - деди у, - «нега фалончи чақирилмади, мана бу футболчининг ўйнамаганига сабаб нима, қизиқдим»

Албатта, тўрт йилга яқин терма жамоада ишлаган штабда жуда катта маълумотлар базаси бор, қандайдир йўл босиб ўтилган. Улар Кападзега ҳисобот шаклида нимадир тақдим этишиям мумкин эди, аммо ҳозир вақт шу даражада қисқаки, ҳар бир масала юзасидан Кападзеда шахсий қараши, хулосаси шаклланиши учун етмайди. Демак, у баъзи масалаларда штабнинг фикрини олиши, ҳозирча, ўша хулосалар билан иш юритиб туриши мантиқли. Энди расмий ўйиндан уч кунгина олдин йиғиладиган жамоа билан Темур бўш қоғозда иш бошлагандан кўра, Катанецнинг қораламаларига таянишга мажбур. Штаб эса тайёр жонли ёрдамчи, Кападзе исталган дақиқада, исталган саволини бериши, тайёр хулосалар билан қандайдир қарорларни қабул қилиши мумкин.

«Мен ҳаммасини ўзгартирмайман. Футболчилар ҳам эртага келиб, умуман бошқа муҳит, тизим, бошқа талаблар остига келиб қолиши ҳалақит қилади. Кўраман, нимани яхши томонга ўзгартириш мумкин, нима ўзи шундоқ яхши, қолдирсак бўлади, нимани ўзгартириш керак, аммо ўйингача вақт етмайди, кейинга режа қилинади, барчасини кўриб чиқамиз» - деди Темур Кападзе.

Клуб бошқача ишлайди, мураббий ўз штаби билан келиб, тайёр футболчиларни машғулотлар орқали ўрганиб, ўйинга тайёрлайди. Дастлабки ўйинларда босим бўлмайди ҳам, вақт берилади.

Аммо ҳозирги шароитимизда Кападзенинг ўзи ҳамма саволларга жавоб топа олмайди. Бирор машғулотсиз таркиб йиғиши, уларни ўйинга тайёрлаши шарт. Табиийки, у баъзи масалаларда тўғрими, нотўғрими, тайёр жавоблардан фойдаланиб, шунинг устига режа тузади. Жавоблар эса Катанецнинг штабида бор.

Штабнинг қолиши Катанец услуби давом этишини билдирмайди. Кападзе ўз услубини қуришда улардан фойдаланади холос.

@aslanov_futbol

“Астон Вилла” Дюранни сотиб, бирданига уч ҳужумкор футболчини таркибига қўшиб олди – Мален, Асенсио ва Рэшфорд. Ортиқчадек туюлса-да, аслида мантиқли қарор, зеро айнан ротациянинг етишмаслиги Эмери жамоаси жисмоний томондан муаммолар келтириб чиқараётганди.

Мисол учун Чемпионлар Лигаси доирасида бирминҳэмликлар 8 ўйин ўтказган бўлса, ўша ўйинлардан кейинги АПЛ турларида асосан муваффақиятсизликка учраган – фақат 1 ғалаба, 3 дуранг ва 4 мағлубият. Аксинча, ўйин учун бир ҳафталик дам олиш, бошқа сўз билан тайёрланиш имкони бўлган ўйинларда “Астон Вилла”да 7 ўйиндан 6 ғалаба ва фақат бир марта “Арсенал”дан мағлубият.

Хулоса қилиш мумкинки, еврокубоклар режимида ўйнаш “Вилла” учун барибир янгилик, муаммолар уч кунда футбол ўйнаш қийинчиликларидан келиб чиқаётган бўлиши эҳтимоли катта. Тилеманс барча 24, Рожерс 23 ўйинда илк дақиқалардан ўйнади, Уоткинс ва Макгиннда 20 тадан шундай ўйин бор. Эмери айнан еврокубоклар учун тренер сифатида ном қозонган бўлса-да, Испанияда у эътиборини бир турнирга қаратиб, ички чемпионатга бироз енгил қараш имкониятига эга бўларди. Англияда бу ҳам қийин.

Демак янги футболчилар ўйин амалиётисиз қолиб кетмайди, биринчидан рақобат, иккинчидан Чемпионлар Лигаси плей-офф ўйинлари олдидан жамоа сифатни туширмаган ҳолда баъзи етакчиларни ротация қилиши мумкин.

@aslanov_futbol

Люк Шоу яна бир ойга сафдан чиқибди.

@aslanov_futbol

Бугун унинг туғилган куни.

Илк бор «Манчестер Юнайтед»да ўйнай бошлаганида, бу бошқача иқтидор эканини кўпчилик сезганди. Ўшандаёқ «у «Олтин тўп» олади ҳали, деганимни кўпчилик эслайди ҳам.

«У энди 18 ёшда, жисмоний томондан мукаммаллашса, катта футболчига айланади. Ҳозир ҳам тана тузилиши, тўп назорат қилиши ва дриблинги ажойиб мувозанатда» - деганди у ҳақида сэр Алекс Фергюсон.

Энг ёқтирган футболчиларимдан эди, кейин Испанияга кетганидан кейин ҳам алоҳида кузатдим, яхши ўйинларида қувондим, муваффақиятсизлигидан хафа бўлдим. Барибир мен учун ўша илк бор «Олд Траффорд»да тушиб, катта ўйинчилардек ҳаракатлар қилган нозик йигитча бўлиб қолаверади.

Туғилган кунинг билан, Аднан Янузай!

@aslanov_futbol

Абдуқодир Ҳусановнинг Чемпионлар Лигаси заявкасига киритилгани ҳақидаги хабарлар ҳақида Алишер Никимбаев ўзининг "Футболиум" телеграм каналида ёзмоқда:

"Ҳусановнинг заявкага қўшилиш эҳтимоли катта, зеро ҳар бир клуб навбатдаги босқичга қўшимча 3 футболчини киритиши мумкин. "Манчестер Сити" январда 4 футболчини сотиб олди - Ҳусанов, Рейс, Мармуш ва Нико Гонсалес. Хабарларга қараганда Нико Гонсалес заявкага киритилмаган.

Аммо қизиқ жиҳат шундаки, журналистлар бу хабарга ҳавола бераётган ESPN да кўрсатилган рўйхатда Клаудио Эчеверри номи ҳам бор. Унинг трансфери ўтган йилнинг қишида эълон қилинган, аммо таркибга жорий йилда келиб қўшилди. Тўрт янги футболчини қўшиш мумкин эмас, ESPN да эса 4 янги футболчи номи бор.

Мен яхшиси УЕФА cайтида расмий тасдиқланган рўйхатни кутаман. У ерда ёзилишича, барча жамоаларнинг плей-офф учун тўлиқ рўйхати 6-7 февралда чиқади"

@aslanov_futbol

Мана шу қишгача Пеп Гвардиола “Манчестер Сити”да 55 та трансфер амалга ошириб, бунга 1.5 миллиард евро атрофида пул сарфлаган эди. Шунча трансфердан атиги 3 нафари қишки дарчада амалга оширилган:

Эмерик Лапорте – 55 миллион евро, Габриел Жезус – 32 миллион евро, Хулиан Алварес – 21 миллион евро. Жами 108 миллион евро. Тўғри, яна сотиб олиниб, дарҳол ўз жамоасига ижарага қайтариб берилган ёки бошқа жамоага жўнатилган футболчилар (Эччивери, Парроне, Итакура, Роса, Харрисон) ҳам бор, клуб улар учун жами 47 миллион евро сарфлаган. Яъни жами транфер суммасидан келиб чиқсак, 10 фоизгаям етмайди, бемалол хулоса қилиш мумкинки, Гвардиола ҳамма бошқа мураббийлар қатори, асосий трансферларини ёзда амалга оширади.

Аммо ўтган январ бошқача бўлди – клуб 4 футболчи (Мармуш, Ҳусанов, Рейс, Нико) учун 212 миллион евро сарфлаб бўлди. Зеро ўтган ёзни клуб ниҳоятда сокин ўтказган, фақат Савио 25 миллионга олиниб, эркин агент сифатида Гундоған қайтарилганди холос. Қизиғ-а?

Бу ерда уч вариант бўлиши мумкин. Биринчиси, Гвардиола авлодлар алмаштиришда кеч қолганини сезиб, янги трансферларни бошлаб юборди – эҳтимоли кам, бунинг учун ёзни кутиш мантиқлироқ бўларди. Иккинчиси, ўйин борасида инқироз туфайли, таркибни шошилинч тўлдириш – бу ҳам кам эҳтимолли вариант, зеро ҳозир таркибга қўшилган футболчилар бирданига “Сити”ни кучайтириб юборишига ишониш қийин. Агар кейинги турнирлар, масалан Чемпионлар Лигасига урғу қаратилганда ҳам, бирор тажрибали футболчиларнинг ижараси ёки қисқа муддатли харидлар билан мавсумни якунлаб олиш тўғрироқдек туюлади.

Учинчи вариант ҳақиқатга яқинроқ туюляпти. Маълумки, баҳорда клубнинг молиявий айбловлар бўйича суд қарори маълум бўлади. Албатта, ичкарида тахминий хукм бўйича аниқроқ маълумотлар бўлиши керак. Трансферлар учун пул сарфлаш бошланганидан хулоса қилиш мумкинки, “Манчестер Сити”ни Чемпионшипга тушириб юбориш каби жиддий жазолар кутмаяпти. Фаол январ бошқа яна бир хулосага ундайди – балки клубни бирор муддатга трансферларни амалга оширишига чеклов киритилиш эҳтимоли пайдо бўлган бўлиши мумкин. У ҳолда ёзда кетиши мумкин бўлган ёши каттароқ футболчилар – Гундўған, де Брюйне, балким Грилиш кабиларга ўринбосар керак бўлади. Клуб тақиқ олдидан шошилинч равишда келажак учун таркибни тўлдираётган бўлиши эҳтимол.

@aslanov_futbol

10 минутдан кейин бошланади.

Шарҳловчилар ҳақида мавзу бўлибди, охири шу ерда тўхтаган шекилли, мен ҳам ўз тангамни ташлаб қўяй. :)

Давлат ака ёки Мирзаҳаким Тўхтамирзаев ҳар қанча зўр бўлишмасин, ҳеч ким уларни Ахбор Имомхўжаевдан ўтиб кетди, демаган. Даврон ҳам, Хайрулла ака ҳам айни дамда зўр, аммо Давлат ака билан солиштиришга тил бормайди. Менимча, аниқ қачондир, бир авлод Орифни (ундаги яхши маънодаги сурбетликни бошқалардаям бўлишини истардим), Ҳасан ё Муҳаммадалини (бир куни уни бир тайм Даврон деб ўйлаб эшитибман) танишади, Хайрулла аканинг фақат қачондир шарҳлаганини билишади холос. Шунақа соҳа бўлса керак бу, ўлчов йўқ, ҳакам йўқ, таққослагани голлар сони йўқ, мухлисларини ҳам ўлчай олмайсиз. Шунчаки, дид масаласи, қайсидир маънода шарҳловчи сиз билан бирга футбол кўрадиган суҳбатдош, табиийки, ҳамма учун зўри ҳар хил, тўғрими? Муҳими, профессионалликни сақлаб қолиш, ўз устида ишлашда давом этиш, чўққига ҳали анча борлигини доим ҳис қилиб туришки, буни ёш шарҳловчилар менсиз ҳам яхши билишига шубҳам йўқ, омад.

@aslanov_futbol

https://t.me/tolipovorif/10317