Type to search
Advanced channel search

Карго yami Оптовая торговля из Китая

Торговля и перевозки в Китае, наложенный платеж
img
ad

Продаю канал / Анекдоты

13 782 пдп, доход 28 000 в месяц, срочная продажа
img
ad

TGStat Bot

Bot to get channel statistics without leaving Telegram
img
ad

Асанов формати

@AsanovEldar
Channel's geo and language: Uzbekistan, Uzbek
Category: Blogs

Канал муаллифи, тилшунос, журналист ва блогер Эльдар Асанов тиллар, тарих, антропология мавзуларида таҳлилий ва оммабоп материаллар бериб боради.
Канални қўллаб-қувватлаш: tirikchilik.uz/AsanovEldar
Тижорий ҳамкорлик учун: @AshiVanghuhi

Related channels  |  Similar channels
Channel's geo and language
Uzbekistan, Uzbek
Category
Blogs
Statistics
Is this your channel? Confirm Channel history
Posts filter

Асанов формати

24 Sep, 20:51

Open in Telegram Share Report
Video is unavailable for watching
Show in Telegram
Бир пайтлар одамларни зомбига айланишдан итларда синалган вакцина қутқарган. Гап қутуриш касаллиги ҳақида кетмоқда.

Дастлаб итлар орасида авж олган қутуриш одамлар орасида ҳам тарқалишни бошлайди. Ҳатто ҳозир ҳам ит, бўри ёки шунга ўхшаш ҳайвонларнинг ҳамласи туфайли одамлар қутуриши кузатилади. Ўз вақтида қутуришнинг олдини олмаса, бу ўлимга ҳам сабаб бўлиши мумкин.

Қутуриш, умуман, одамлар қандай қилиб зомбига айлангани ҳақида билмоқчи бўлсангиз, “Худди шундай” жамоаси ишлаган видеони кўринг.

Тўлиқ видео: https://youtu.be/IvTHRzRhVyw?si=4Dd0rNxIL1yeNXZs
2.2k 0 16 24
Асанов формати

24 Sep, 15:28

Open in Telegram Share Report
Video is unavailable for watching
Show in Telegram
“Миллий тикланиш” партиясининг сайловолди ролиги. Узундан-узоқ чўзилган ва мураккаб формал жумлалардан иборат биз ўрганиб қолган роликлардан фарқли, бу ролик жуда қисқа — салкам бир дақиқа. Шу вақт ичида партиянинг барча асосий қадриятлари санаб ўтилган. Одамлар клип тафаккурига ўрганиб қолган бугунги замонда сиёсий ахборотни ҳам шунақа қисқа етказишни ўрганиш керак.

Яхшиликками, ёмонликками, оммавий нутқда эзғилаб тушунтириш даври ўтяпти. Бунга мослаб роликлар чиқарилаётгани электоратнинг кўникмаларини ўрганиб, шунга қараб мулоқот ўрнатишга ҳаракат борлигини кўрсатади.

#sаylоv24
@AsanovEldar
2.9k 1 20 56
Асанов формати

24 Sep, 11:51

Open in Telegram Share Report
Шуҳрат Шокиржоновнинг ёзишича, Самарқандда бир банк ўтказган тадбирда унга қаҳва беришмабди — фақат чет элликларга экан.

Бу постни ўқиб, бир воқеа эсимга келиб кетди. 2011 йилнинг октябри ёки ноябри эди. Ўша пайтдаги Экоҳаракат (ҳозир партия) трансчегаравий дарёларга бағишлаб халқаро конференция ўтказаётган эди. Қайси меҳмонхонада ўтгани эсимда йўқ, лекин катта меҳмонхона, катта тадбир эди.

Биринчи куни тушлик бошланганида ҳамма секин кириб, овқат ола бошлаганди. Шунда Экоҳаракатнинг ўша пайтдаги матбуот котиби ходимларига "нега журналистлар обедга кириб кетяпти? Фақат чет эллик меҳмонларга мўлжалланган" деган эди. Мен у пайтда матбуот бўлимида волонтёр эдим, аканинг ёнида турган эдим. Бироз ҳайрон қолгандим. Кейинчалик бу тадбирларда одатий ҳоллигини билдим.

Албатта, бу тепадан топшириқ эмас, матбуот котибининг ўз ташаббуси эди. Қолаверса, биров унга қулоқ солиб, журналистларни ҳайдаб чиқаргани ҳам йўқ. Лекин ўша йилларда шунақа тушунча кенг тарқалган эди — халқаро тадбирлардаги кофе-брейк, тушликлар чет эллик меҳмонларга, ўзбекистонликларга эмас. Расман ҳеч қаерда қайд этилмаган бу қоидани кўп тадбирларда эшитардим.

Сабабини ҳамма ҳар хил тушунтирарди — кимдир смета шунақа тузилганини, фақат чет элликларга овқат назарда тутилганини айтарди; баъзилар "ўзбек журналистлари очкўзлик қилиб, бизни уялтириб қўяди" дерди ҳатто.

Бу одатлар ҳозир йўқолиб кетди деб ўйлардим — тадбирларда ҳамма бемалол еб-ичиб юрибди. Ҳеч ким ҳеч кимни уялтиргани йўқ — текин зиёфатни ҳамма, паспортидан қатъи назар, бирдай босиб еяпти.

Бу постдан кўрдимки, ҳалиям қаердадир бор экан. Энди ўзим ҳам эслаяпман — тадбирларда смета меҳмонлар сонига нисбатан камроқ ёзилишини кўп кўрганман. Айтайлик, 50 та ўзбекистонлик, 50 та чет эллик меҳмон бўлса, 70 кишилик дастурхон назарда тутилади.

Аслида бу жуда майда масала. Бир маҳал овқатланмасак ҳам ўлиб қолмаймиз, қорнимизни мустақил тўйдира оламиз ҳам. Лекин бу ишлар Ўзбекистонда ҳали ҳам постколониал феъл-атвор борлигини яхши кўрсатади — "маданиятли чет элликларни зўр меҳмон қилишимиз керак, бос зиёфатни; ўзимизникиларни киритма, шарманда қилиб қўяди". Ёки балки "ўзимизникилар овқатланмасаям бўлади — пул тежаймиз".

Бу иккиси ҳам қолоқ жамиятларга хос уятли феъл-атвордир. Кимдир сенинг тадбирингга келдими, вақтини, кучини сарфлаяптими, қорнини тўйдириш имкониятига ҳам эга бўлиши керак — бу оддий маданият ва кундалик эҳтиёж. Нафақат меҳмонлар, тадбирларга жалб қилинадиган ходимлар, волонтёрларнинг ҳам қорнини ўйлаш керак — баъзида сметада уларни ҳам назарда тутишмайди. Улар ҳам меҳнат қиляпти. Еб, хонавайрон қилиб ташламайди, қўрқманглар. Жуда тежаш керак бўлса, 70 минглик сомса ўрнига 10 минг сўмлигидан қўйинглар, шунгаям раҳмат айтишади.

@AsanovEldar
3.4k 0 22 166
Асанов формати

24 Sep, 06:54

Open in Telegram Share Report
Video is unavailable for watching
Show in Telegram
“Тахтлар ўйини” асари таржимони билан суҳбат

Дунёга машҳур асарнинг таржима жараёни қандай бўлган? Асар “менталитет”га тескарими? 18+ нимани англатади ўзи?

Сигма Подкастнинг таржимон Мирзоҳид Музаффар билан сони анча қизиқарли чиққан.

Унда сифатли таржима қандай бўлиши, ўзбек тилининг муаммолари ва имкониятлари, фойдали адабиётлар ҳақида билиб олишингиз мумкин.

Томоша қилинг:

https://youtu.be/BfbgUp6pZeQ?si=Xj6O-E80xA2FhkAg
3.2k 0 19 40
Асанов формати

23 Sep, 15:16

Open in Telegram Share Report
Турли пабликларда, каналларда кўзим тушиб қолди — АҚШ элчиси билан учрашувдан иборат қандайдир тадбирга борган бир гуруҳ журналистларни қаттиқ ҳақоратлаб, хоинликда, АҚШга хизмат қилишда ва яна аллақандай гуноҳларда айблаб ётишибди. Бу жирканч айбловларни ёзган "жамоат фаоллари" менга Каримов даври паранойясини эслатиб юборди.

Мен у тадбирда йўқ эдим, кимлар борганиниям билмайман. Ўзи охирги йилларда АҚШ элчихонасининг деярли ҳеч бир тадбирига борганим йўқ, қандайдир шаклда алоқада эмасман; умуман, ҳеч бир элчихона билан яқин алоқада эмасман — уч йилдан буён журналист сифатида ишламаётганим туфайли бўлса керак. Лекин элчихоналарнинг тадбирларида қатнашиш одатий ҳол бўлиб қолган бир даврда журналистик фаолият билан шуғулланганман. Ундан олдинги даврда эса ҳар қандай хорижлик билан алоқа қилиш жиддий шубҳа-гумонга сабаб бўларди, мана шунақа айбловлар эшитилиб қоларди.

Мен сизга айтсам, элчихона — бошқа давлатнинг расмий ваколатхонаси. У бизнинг давлат билан келишилган ҳолда, рухсат олиб ишлайди. Маҳаллий медиа билан алоқа ўрнатиш, у орқали ўз мамлакатини тарғиб қилиш ҳам мана шу рухсат этилган фаолиятнинг бир туридир. Ўзбекистон элчихоналари ҳам худди шундай ишлайди, ҳатто хориж матбуотида пул эвазига пиар-мақолалар эълон қилиб боради. Америкалик "фаол"лар Ўзбекистонга бағишланган мақолани чоп этган сайтни "хоин"га чиқарармикин қизиқ?

Айтмоқчи бўлганим, бу жараёнлар — давлатлараро муносабатларнинг бир қисми, ҳамма жойда кузатиладиган одатий ва расмий нарсалар. Агар бундан ростдан қанақадир хавф бўлса, келинг ҳамма элчихоналарни ёпиб ташлайлик, чегараларни ҳам ёпволайлик.

Қайсидир давлатларнинг ғараз манфаати ёки бу йўлда қиладиган ишлари йўқ деб айтмайман. Балки бордир. Россия элчихонасининг "Россотрудничество" орқали шубҳали ишлар қилгани қулоғимга чалиниб қолади, лекин шунда ҳам у элчихона тадбирларига борадиган журналистларни "хоин"га чиқариш хаёлимга келмаган: улар ўз ишини бажаряпти — тадбирларни ёритяпти, қайси бири россияпараст бўлса, бу ҳам қонунан тақиқланмаган, сиёсий қарашлар эркинлиги бор. Лекин ўша ғараз мақсадли ишлар ўз "агент"ларини ҳаммага ошкор бир ерда тўплаб, едириб-ичириб, медиада ёритиб амалга оширилмаслигини ҳам жуда яхши биламан; озгина мантиқдан хабари бор одам буни тушунади. Ундай ишлар махфий қилинади, агентларнинг исми, юзи ошкор этилмайди.

Маданиятли жамиятларда зиёлилар бу оддий ҳақиқатларни яхши англайди ва адекват баҳс юритади. Параноик, фашистик давлатларда зиёлилар хорижлик билан тўқнаш келганларни хоинга чиқаради, ўзига ёқмайдиган қарашдаги одамларни қаматишга, қатл эттиришга, бадарға қилишга уриниб юради. Каримов даврида салкам шунақа аҳволга келиб қолгандик, яна ўша аҳволга қайтмайлик, зиёлилар босган қадамидан қўрқиб, қафасда яшагандай яшамасин.

Бунга ҳисса қўшаётган ўша "жамоат фаол"лари аслида оммавий паранойяни яратаётганини, сўз ва фикр эркинлигига болта ураётганини, Ўзбекистоннинг бошқа давлатлар билан расмий муносабатларига рахна солаётганини тушуниб олса яхши бўларди. Ўз постларида худди тепасида чироқ ушлаб тургандай, ҳеч қандай исбот-далилсиз, оғзига келганича "мана бундай режа қилишган, мана буни келишиб олишди, мана бундай иш қилишади" деб ёзган, журналистларни уялмай, қўрқмай оғир ҳақорат қилган у тролларни жабрланувчилар судга бериб, бироз хушёр торттириши керак менимча. Ҳамма бир-бирини пойлаб, бир-бирини шпионликда айблайдиган, кўчада эркин нафас олиб бўлмайдиган жамиятга қайтиб қолишни истамайман.

@AsanovEldar
3.5k 0 33 118
Асанов формати

23 Sep, 12:41

Open in Telegram Share Report
Интернетда "Европада илк исломий давлат тузилади" деган хабарлар тарқаляпти. Хабарни яхшилаб титкилаб кўрсанглар, бундай сарлавҳа бироз кликбейт эканини кўрасиз.

Албания пойтахти Тиранада Ватиканнинг исломий версиясини яратишмоқчи — 10 гектар ҳудудда расман мустақил давлатча, амалда ҳеч қандай реал давлатчиликка эга бўлмаган пиар-акция. Бу давлат исломий бўлади, лекин айни пайтда унда шариат қонунлари амал қилмайди: унда алкоголга рухсат этилади, кийимга чеклов қўйилмайди, ким қандай хоҳласа, шундай яшайди.

Албаниялик сиёсатчиларнинг айтишича, бу давлатни тузишдан мақсад — "толерант" исломни тарғиб қилиш, ислом радикализм билан тенглаштирилишига қарши чора. Лекин натижа тескари бўлади деб қўрқаман.

Биринчидан, бу давлат бектошия тариқати вакилларига оид бўлади. Номи ҳам шунақа — Бектошия тариқатининг мустақил давлати. Бектошия Туркия ҳудудида XIII асрда пайдо бўлган бектошия тариқати исломни анча эркин талқин қилади ва шариатга бўйсунмайди. Бектошийлар алкоголь истеъмол қилади, намоз ўқиш мажбурий эмас, шунингдек, моидани ("тайная вечеря"ни) ўзининг муқаддас одати деб билади.

Усмонли салтанатида христианлар кўп бўлган, уларнинг мусулмонлар бир кесишиш нуқталарида мана шунақа ўзига хос, ноортодокс тариқат ва ҳатто янги динлар кўп пайдо бўлган. Бектошия христианликдан исломга ўтаётганлар учун анча қулай дарича бўлган — кўп нарса ўзгармаган, лекин де юре мусулмонга айланишган. Хусусан, Болқон мусулмонлари орасида бектошия анча кенг тарқалган. Лекин ортодокслар бектошияни тан олмайди, салкам кофирлик деб билади.

Иккинчидан, "ҳамма нарсага рухсат берилган исломий давлат" де факто ноисломий давлат бўлиб қолади барибир. Бу дегани — ортодокслар яна Европани "фитна"да, исломни ўз "нафс"ига мослаб кўрсатишда айблайди.

Европа исломни ўз маданияти ва қадриятларига мослаб, чиқиштиришга уриниши мана шундай тескари реакцияга сабаб бўлганини кўп кўрганмиз. Икки томон шунчаки бир-бирининг тамал ғояларини, асосий муаммоси нимадалигини тушуна олмайди — бири шахсий эркинликдан гапираверса, иккинчиси бунда фитнани ва бузуқликни кўраверади, шунчаки миясида икки нарсани келиштира олмайди. Албания каби Европанинг асосий аҳолиси қисми мусулмон бўлган оз сонли давлатлари эса икки ўт орасида қолиб кетади — европалик ўзлигидан ҳам, диндан ҳам воз кечиш имконсиз.

@AsanovEldar
Albania announces plan to create a Muslim Vatican City-like microstate
If all goes to plan, the so-called "Sovereign State of the Bektashi Order" will become the world's smallest state, just a quarter of the size of Vatican City.
3.3k 0 33 62
Асанов формати

23 Sep, 07:46

Open in Telegram Share Report
Video is unavailable for watching
Show in Telegram
Актуаллиги йўқолган стереотиплардан воз кечиш керак

Венера Эрметова:

“Айрим стереотиплар туфайли эр-хотин жуфтлик сифатида шаклланмаяпти. Оилада ижтимоий роллар бузиляпти. Келин бўлиб келяпти-да, рафиқа бўлиб шаклланиб улгурмаяпти".

Парда подкаст — хотин-қизлар муаммоларини ёритиш, жамоат фаоллари, экспертлар билан биргаликда уларга ечим топиш бўйича эркин суҳбат.

Кўринглар: https://youtu.be/Sx-G_bkbQhE?si=bD4vOI6sNiw4Z5XF
3.4k 1 17 43
Асанов формати

21 Sep, 20:12

Open in Telegram Share Report
Ўзбекча креатив, пропаганда ва пиар

Мирзо Зоминий Ўзбекистондаги маркетинг соҳаси бўйича ёш умидли мутахассислардан бири.

Сигма подкастда пропаганда ва пиар фарқи, бренд қуриш, қадриятлар, брендга нисбатан салбий муносабат пайдо бўлганда қандай ишлаш кераклиги ва соҳа бўйича кўпгина саволларга жавоб берибди.

Тавсия қиламан:

https://youtu.be/Kg5InmUMzvg?si=rUCU_fo93Yndd842
Toshkent, O'zbek tili va Qadriyatlar | Mirzo Zominiy
Podkastimizning navbatdagi sonida jurnalist, kopirayter, pr va kreativ bo'yicha mutaxassis Mirzayor Erkin bilan Toshkent, uning arxitekturasi va ruhiyati, o'zbek tili, unda kreativ bilan shug'ullanish, propaganda va PR haqida suhbatlashdik. Reklama bo'yicha: +998 97-156-22-11 https://t.me/profsoyu...
4.1k 0 18 25
Асанов формати

20 Sep, 21:12

Open in Telegram Share Report
Яқинда бир нарса ҳақида кўп гаплар эшитдим ва ундан кейин кузатиб, гувоҳ бўлдимам.

Бутун республика миқёсида қанақа билмадим, аммо Тошкентда аёл ҳайдовчига дуч келган эркак ҳайдовчилар (ҳаммаси эмас, аммо кўп учрайди) ўзини жуда бефаросатларча тутади.

"Аёллар машина ҳайдашни билмайди" деган фикр мияга ўрнашиб қолгани учун эркак ҳайдовчи рулда аёлни кўриши билан негатив муносабатда бўлишни бошлайди, орқасидан бибиллатади ("йўл бер" ёки "тезроқ юр" деб), энг майда хатосигаям эътибор бериб, иложи бўлса, бошини чиқариб, ҳақоратлаб ёки қаттиқ гапириб кетади. Худди шу хатони эркак ҳайдовчи қилса, агар у бошқага хавф туғдирмаса, бошқа эркак ҳайдовчи уни тўғри тушуниб, индамай кетади.

Бошқа томондан, ўзи аёл ҳайдовчига йўл бермайди, сиқиб қўяди, хуллас, ўзини жуда ёмон тутади.

Бу бизда маиший сексизм қай даражада илдиз отиб кетганини кўрсатади. Янаям билмадим, балки бошқаларнинг кузатувлари бошқачароқдир.

@AsanovEldar
4.9k 0 21 177
Асанов формати

20 Sep, 21:08

Open in Telegram Share Report
Охирги ҳафталарда Ўзбекистондаги сиёсий жараёнларни бирмунча кузатиб боряпман. Октябрь ойида Олий Мажлис Қонунчилик палатаси ва маҳаллий Кенгашларга сайлов бўлиб ўтади.

Марказ ва ўнг-марказ позициясидаги партия – ЎзЛиДеП ҳам сайловолди режалари билан ўртоқлашиб бормоқда. Партия тадбиркорларнинг ҳимоясига қаратилган бир қатор ташаббусларни илгари суряпти. Жумладан:

1) тадбиркорлик билан боғлиқ жиноят турларини камайтириш ва соҳани либераллаштириш;

2) солиқларни ўз вақтида тўлаётган тадбиркорлик субъектларини текширмаслик;

3) тадбиркорларнинг фаолиятига белгиланган ҳоллардан ташқари аралашган мансабдорларга нисбатан жавобгарликни кучйтириш;

4) фермерлар фаолиятига аралашишини қатъиян тақиқлаш ва бошқа ташаббуслар партиянинг сайловолди дастуридан ўрин олган.

22 сентябрдан партияларнинг сайловолди ташвиқоти ва ўзаро дебатлари бошланади. Шундан кейин уларнинг сайлов олдидан қўйган мақсад ва режаларини янада батафсилроқ билиб олишимиз мумкин.

#sаylоv24

@AsanovEldar
4.4k 0 8 41
Асанов формати

20 Sep, 06:32

Open in Telegram Share Report
Қўштирноқ подкастда қизиқ ва шу билан бирга баҳсли мавзу. Ўзбек тилида бу ҳақда ҳали ҳеч қачон очиқ ва холис гапирилмаган.

Гормонлар бузилиш нима оқибатларга олиб келади? Трансгендерлик касалликми ёки танлов? Давоси борми? Инсон неччи ёшида жинсини англайди? ЛГБТ атамаси нима учун пайдо бўлган?

Шу ва бошқа саволларга эндокринология ва гинекология соҳаси вакилларининг профессионал жавоблари ушбу подкастда.

Кўринг: 🔗https://www.youtube.com/watch?v=kf1dA0PzLi4
Gormonlar buzilishi nima oqibatlarga olib keladi? Bunda jins o'zgarib ketishi mumkinmi? /Qo'shtirnoq
Gormonlar buzilishi nima oqibatlarga olib keladi? Transgenderlik: bu kasallikmi yoki tanlov? Buning davosi bormi? Inson nechi yoshida jinsini anglaydi? LGBT atamasi nima uchun paydo bo'lgan? Bolalarni nechi yoshidan shifokor nazoratida ushlash kerak? Rivojlangan davlatlar va uchinchi dunyo mamlakatl...
4.5k 0 41 62
Асанов формати

19 Sep, 16:10

Open in Telegram Share Report
"Ўзбекистондаги энг оммавий динлар" деган видео кўриб қолдим. Очиғи, унча ҳақиқатни акс эттирмайдиган видео экан.

Энг қадимги давр учун маълумотлар қаердан олинди, деган савол туғилди. Минтақа бўйича илк аниқроқ статистик маълумот XIX аср бошига оид, ундан олдинги давр бўйича тахминлар бор, ёзма манбалардаги рақамлар эса ошириб юборилган, ҳақиқатдан узоқ ҳисобланади кўпинча. Бу видеода эса икки минг йил олдин минтақада қанча зардуштий, қанча буддист бўлгани аниқ кўрсатиляпти.

Кўзимга ташланган яна бошқа камчиликлар:

- минтақада турли даврларда яшаган аҳоли сони унча тўғри кўрсатилмаган. Масалан, XI асрда Ўзбекистон ҳудудида 400 минг атрофида одам яшаган бўлиб чиқяпти. Видео ижодкорлари тарихда баъзан аҳоли кўпайиб, уруш, очарчилик, солғинлар туфайли камайиб кетганини инобатга олмаган, аҳоли тарихан бир маромда ўсиб борган деб ўйлаган;

- рақамни бир четга йиғиштириб, динларнинг улуш нисбатини кўрсак, ундаям унча тўғри келмаяпти. Масалан, исломгача даврда яҳудийлар буддистлардан икки баравар кўпроқ бўлган деб кўрсатиляпти, ваҳоланки, буддавийлик салкам зардуштийликдан кейинги ўриндаги дин бўлган у даврларда;

- динларнинг кириб келиш даврлари хато кўрсатилган. Масалан, VI асрдан бирдан "ҳиндавийлик" пайдо бўлиб қоляпти. Бу маълумот қаердан? Яҳудийлик жуда қадимдан бор деб кўрсатиляпти, лекин яҳудийлар борлиги ҳақидаги аниқ маълумот VIII асрга оид;

- "анъанавий" деб кўрсатилган динлар қайси экан? Нега зардуштийлик бу видеода унча узоқ яшаган (реалликда тез йўқолиб кетган)? Шомонлик, тангричилик нега акс этмаяпти? Монийлик нега йўқ? Улар "бошқа динлар" категориясида десак, бу категорияда жуда кам рақам кўрсатилган, ваҳоланки, монийлар, тангричилар жудаям кўп, ўн, балки юз минглаб бўлган вақтида.

Хулоса: бундай видеоларга ишониб кетаверманглар, фактчек қилинглар.

@AsanovEldar
Most popular religion in uzbekistan
Islam is the main religion in Uzbekistan. In 2022, the Uzbek Ministry of Foreign Affairs estimated that Islam was followed by 97% of the population. Islam (96.3%) Christianity (2.2%) Other religion (1.4%) No religion (0.1%) Muslim religion in Uzbekistan largest religion population Ranking in Uz...
4.6k 0 17 118
Асанов формати

19 Sep, 13:46

Open in Telegram Share Report
​Кеча ижтимоий тармоқларда "Мустақилликнинг 25 йиллиги" (М25) конида авария рўй бергани ҳақида хабарлар тарқалди. Афсуски, авария фожиага олиб келган — тўрт киши вафот этган, яна бир неча киши жароҳатланган.

Воқеага аниқлик киритиш ва расмий муносабат бериш учун энергетика ва ФВВ вазирлари иштирокида ОАВ вакиллари учун брифинг ўтказди. У ерда айтилган фикрлардан тезислар келтираман.

- "Мустақилликнинг 25 йиллиги" аслида 83 та кондан иборат мажмуа, шу конлардан биттасида авария бўлган;

- кондан сизиб чиққан модда аслида водород сульфид эмас, табиий газ бўлган. Табиий газнинг таркибида водород сульфид моддаси 7 фоизни ташкил этган;

- 15 сентябрь куни қудуқда юзага келган водород сульфид гази чиқиши тўхтатилган.

- энергетика вазирининг сўзларига қараганда, ҳолатга коннинг географик жойлашуви ва ўзига хос хусусиятлари сабаб. Географик жиҳатдан ҳудуд тоғолди-адир рельефидир. Рельефнинг мутлақ баландлиги денгиз сатҳидан минг метрни ташкил этади.

Расмий муносабат бўлгани, чоралар кўрилгани яхши, лекин брифингдан сўнг менда барибир саволлар қолди. Авария рельеф билан боғлиқ бўлса, нега бу бошидан инобатга олинмаган? Инобатга олинган бўлса, нега авария барибир юзага келди?

Соҳани тушунмаганим учун, очиғи, саволларни ҳам тўғри қўя олмаслигим мумкин. Шунга экспертлар ва тегишли ташкилотларнинг муносабатини кутаман. Гап одамлар ҳаёти ҳақида бораётгани учун жабрдийдаларга ёрдам кўрсатилиши, воқеа жиддий ўрганилиб, сабаблар аниқланиши, айбдорлар аниқланиб, жазоланиши керак деб ҳисоблайман.

@AsanovEldar
4.8k 0 13 78
Асанов формати

18 Sep, 16:04

Open in Telegram Share Report
Amazon Prime суратга олган "Узуклар ҳукмдори: Қудрат узуклари" сериалининг иккинчи мавсуми тақдимоти бўлиб ўтди. Susambil ижодкорлари биринчилар қаторида мавсумнинг биринчи учта қисмини томоша қилди ва унинг таҳлилини ҳозирлади.

Хўш, Amazon ижодкорлари ваъдасида турдими? Иккинчи мавсум биринчисига қараганда қизиқроқ чиқдими? Матбуот иккинчи мавсумни қандай қаршилади?

Айнан мана шу саволларга жавоб ушбу видеода бор.

👉 https://youtu.be/n2bdz-5xs_Y
5.2k 0 8 28
Асанов формати

18 Sep, 14:05

Open in Telegram Share Report
Экологик партия 10 ёшдан катта дарахтларни кўчириб ўтказишни тақиқлашни таклиф қиляпти. Катта ёшли дарахтларни кўчириш ландшафт дизайни ёки шаҳарнинг ривожланиш эҳтиёжларини қондириши мумкин бўлса, бу дарахтларнинг саломатлиги ва яшаб қолиши нуқтаи назаридан салбий оқибатларга олиб келиши мумкин.

Тадқиқотлар кўпроқ йил яшаган кекса дарахтлар кўчириб экилганидан кейин илдизлари янги муҳитга мослашишда қийинчиликка дуч келишини кўрсатган. Бу уларнинг узоқ муддатли ўсиши ва ҳаётийлиги учун зарур барқарор илдиз тизимини яратиш қобилиятига тўсқинлик қилади.

Халқаро тажриба тупроқ сиқилиши, илдиз тарқалиши учун чекланган жой ва ўзгарувчан намлик даражаси каби стресс омиллар ўтиш босқичида ёши катта дарахтлар дуч келадиган қийинчиликларни кучайтириши мумкинлигини кўрсатади.

Партия бу ташаббусни илмий асослаб бергани диққатга сазовор.

#sаylоv24
@AsanovEldar
5.4k 1 18 66
Асанов формати

18 Sep, 06:14

Open in Telegram Share Report
Video is unavailable for watching
Show in Telegram
“Эркак боқувчи” деган стереотип бор. Эркак пул топмаса, бу унинг депрессияга тушишига олиб келади. Оиласини боқмаса, нотўлиқ одамдек ҳис қилади ўзини.

Парда подкаст — хотин-қизлар муаммоларини ёритиш, жамоат фаоллари, экспертлар билан биргаликда уларга ечим топиш бўйича эркин суҳбат.

Кўринглар: https://youtu.be/Sx-G_bkbQhE?si=bD4vOI6sNiw4Z5XF
5k 0 32 64
Асанов формати

17 Sep, 20:47

Open in Telegram Share Report
Ўзбек медиасида, турли ижтимоий тармоқ фаоллари орасида шошқалоқлик жуда кўп — маълумотни текширмай тарқатвориш, ўзига ёқмайдиган масала бўлиб қолса, дарров ҳиссиётга берилиб, ваҳима кўтарвориш кўп учрайди. Ҳеч бир таҳлилни ва ҳиссиётсиз баҳо беришни ўрганишмади бундайлар. Бугунам шунақа воқеа рўй берди — эшак гўштини сотишга рухсат беришибди деган янгилик тарқалиб, бир олам ўринсиз эътироз ва киноя айтилди.

Авваламбор, гап бошқа ёқда эканига аниқлик киритилди — мана бу ерда батафсил ўқинг.

Иккинчидан, менда бир қанча савол туғилди. Рухсат берилганида нима бўларди? Сизни биров ейишга мажбур қилармиди? Ёки қизиқиб еб қўярмидингиз? Агар мабодо рухсат бўлса, қонун ва ахлоққа зид бўлмаса (менимча, зид), кимдир шу рухсатдан фойдаланиб, еса нима бўлади? Сизга нима зарари тегади? Ўзингга ёқмайдиган ҳар нарсани тақиқлашга интилиш қаердан? Нима бу ҳокимиятсиз диктаторлик?

Қолаверса, эшак гўштини сотиш бизнес нуқтаи назаридан ҳам зарарли — ҳам эшакни гўшт учун етиштириш ўзини оқламайди, ҳам кенг оммага маданият ва гигиена нуқтаи назаридан сотишнинг имкони йўқ. Рухсат тегсаям оммалашиб кетишига шубҳам бор. Экологлар, табиат ҳимоячилари ҳам эътироз билдиради деб ўйлайман.

@AsanovEldar
Bahodir Ahmedov
Гап эшак гўштини истеъмолга киритиш ҳақида бўлмаган Бугун Қонунчилик палатасида "Ҳайвонларни идентификация қилиш, рўйхатга олиш ва кузатиш тўғрисида"ги қонун лойиҳаси биринчи ўқишда муҳокама қилинганди. Бу қонун ҳақида турли миш-мишлар тарқалди, жумладан, эшак гўштини истеъмолга киритиш ҳақидаги но...
5.7k 1 36 129
Асанов формати

17 Sep, 12:37

Open in Telegram Share Report
Video is unavailable for watching
Show in Telegram
ХДП фракцияси аъзоси Анвархон Темиров жамоат транспорти ривожланиши автомобиллашув даражасини секинлаштиришини айтди.

Бир неча йил олдин шаҳар кенгаши депутатлари машиналар тезлигини пасайтиришга кескин қарши чиққанини кўриш биз учун норма эди. Энди эса узоқ йиллар тор доира зиёлилар орасида муҳокама қилинган шаҳарсозлик муаммолари сиёсатчилар орасида тилга олиняпти. Сиёсатчилар илғорлаб кетди деб мақташдан йироқман – улар зиёлиларга қулоқ тутиб бошлаганининг ўзи катта гап.

Дунё миқёсидаги тренд – машиналар сонини максимал қисқартириш, тезлигини тушириш, шаҳарларни пиёдаларга қайтариш. Бу нарса бир кун бизда ҳам бўлиши шарт. Бунинг учун жамоат транспортини ва шаҳар муҳитини ривожлантириш керак.

Темировнинг таъкидлашича, бу йил жамоат транспорти йўналишлари 40 фоизга кенгайган. Метро ва автобус йўналишларини боғлаш бўйича ишлар олиб борилган – биридан бошқасига чиқиб кетиш осонлашган.

@AsanovEldar
5k 0 8 63
Асанов формати

17 Sep, 08:11

Open in Telegram Share Report
Британияга ўн кунлик сафарим якунига етди. Сафардан асосий мақсад Дарем университетида ўтган CES24 конференциясида қатнашиш эди. Аммо бироз айланишга ҳам вақт бўлди — Лондон, Дарем, Ньюкасл ва Эдинбургда бўлдим.

Шаҳарлар ҳақида жуда катта, чуқур постлар ёзишдан маъни йўқ экан, ўйлаб қарасам — интернет тўла маълумот, Лондонга ё Эдинбургга адашиб бориб қолган телефони бор ҳар бир одам видео олиб, YouTube'га жойлашни ўз бурчи деб билади шекилли ўзиям.

Шунга қисқача умумий таассуротларни айтиб ўтаман кейинги постларда — Британия ҳақида, борган шаҳарларим ҳақида. Асосий постларни эса конференциядан ва университетдан олган илмий янгиликларимга бағишланади.

@AsanovEldar
4.7k 0 5 107
Асанов формати

16 Sep, 18:03

Open in Telegram Share Report
Video is unavailable for watching
Show in Telegram
Ўрганиб кетишга бўлган қизиқиш сизни керакли кадр қилади, тез ўрганувчи бўлсангиз, катта-катта компаниялар ҳам сизни олиб қолади.

Қўштирноқ подкастда Z авлод вакиллари билан суҳбат.

🔗https://youtu.be/d_V8ZlhNLbY
5k 0 26 30
20 last posts shown.