Arab tilini o'rganamiz

Bugun ramazon oyigacha Qur’on o’qishni o’rganamiz kursimizdagi o’quvchilar uchun imtixon bo’lib o’tdi.

✍️ Ustozalar o’quvchilardan o’tilgan mavzularni so’rab vazifalarni olishdi.

🗓 Ramazon oyigacha arab tilini o’rganishni xohlaysizmi? Siz uchun maxsus dasturimizni tayyorladik! Ushbu kurs orqali arabcha o’qish va Qur’onni to’g’ri talaffuz qilishni o’rganasiz.

Siz ham biz bilan birgalikda arab tilini o’rganishni niyat qilgan bo’lsangiz bu yaxshi imkoniyat

✍️ Admin bilan bog‘lanish:

https://t.me/Arabtilidan_admin
https://t.me/Arabtilidan_admin

Ustoz:

-Endi sekin-sekin har kuni bittadan hikmatli so’z yodlanglar. O’zbekchada maqol bor-ku shunga o’xshagan.
-xo’p, ustoz Buxoriy Hadislarini ham yodlasak bo’ladimi?
-yo’q bo’lmaydi.
-iyee, nega yaxshi emasmi?
-Muammo hadisda emas, qarang misol keltiraman. Endi ovqat yeyishni boshlagan bolaga go’sht berasizmi?
-yo’q
-muammo go’shda emas, go’sht o’ta foydali mahsulot hisoblanadi. Muammo bolada.

Uni hazm qilish uchun hali oshqazoni tayyor emas, huddi siz hadisni hazm qilishga miyyangiz tayyor bo’lmagani kabi.

@Anasxon_Mahmud

QUR’ON O‘QILADIGAN XONADON FAYZI✨

Oisha roziyallohu anho onamizdan rivoyat qilinishicha, Rasululloh sollallohu alayhi va sallam: “Ko’kdagi yulduzlar yerdagilarga qanday ko‘rinsa, Qur’on o‘qiladigan uy osmon ahliga xuddi shunday ko‘rinadi”, deganlar (Bayhaqiy “Shuabul imon”da rivoyat qilgan).

Tunda samoga boqsangiz, miltillab turgan minglab yulduzlarni ko‘rasiz. Qur’on tilovat qilinadigan uy osmondagilarga ana o‘sha yulduzlar o‘xshab ko‘rinadi. Chunki Qur’on o‘qiladigan uydan nur taralib turadi.

Rasululloh sollallohu alayhi va sallamga:
– Sobit ibn Qays ibn Shammosning uyi kechasi yorishib ketganini ko‘rdingizmi? – deyildi. Shunda u zot:
– Baqara surasini o‘qigan bo‘lsa kerak, – deb marhamat qildilar.
Ibn Qaysdan bu haqida so‘ralganda, “Tunda Baqara surasini o‘qigandim”, deb javob berdi (Abu Ubayd va Ibn Kasir ikkisi “Fazoilul qur’on”da rivoyat qilgan. Ibn Kasir: “Rivoyat sanadi jayyid”, degan).

Odamlar ancha-muncha sarf-xarajat qilib, yelib-yugurib chiroyli uylar quradilar. Ayrim imoratlar bir qarashda ko‘zingizga dang‘illama ko‘rinsa-da, biroq xonadonda fayz bo‘lmaydi. Nega? Chunki u yerda Qur’on tilovat qilinmaydi, namoz o‘qilmaydi...
Imorat qancha hashamatli bo‘lmasin, Allohning Kalomi o‘qilmasa, unday joyda fayz-baraka bo‘lmaydi. Zero, quruq dabdaba bilan uyimizga nur kirib qolmaydi. Yashab turgan joyimiz nurga to‘lsin desak, Qur’on o‘qiylik, ibodat qilaylik, zikr aytaylik.

Abu Hurayra roziyallohu anhudan rivoyat qilinadi: “Qur’on tilovat qilinadigan uyning ahli uchun kenglik bo‘ladi, farishtalar hozir bo‘lib, shaytonlar u yerdan uzoqlashadi. Bunday xonadonning yaxshiliklari ko‘payadi. Qur’on o‘qilmaydigan uyning ahli uchun tanglik bo‘ladi. U yerni farishtalar tark etadi. O‘rniga shaytonlar keladi. Shuning uchun yaxshiliklari kamayadi” (Dorimiy sahih sanad bilan rivoyat qilgan).


Ba’zilar, “Har bir uyda bittadan Qur’on bo‘lishi kerak”, deb otasidan qolgan Qur’onni matoga yaxshilab o‘rab-chirmab, qo‘l yetmaydigan joyga ilib qo‘yadi. Keyin oyda-yilda bir olib, u yer-bu yerini varaqlagan bo‘ladi... Mushafni devorga osib qo‘yishdan hech qanday foyda yo‘q. Allohning Kalomini o‘qisak, hukmlarini qunt bilan o‘rgansak, ilohiy ta’limotlarga muvofiq yashasak, ana o‘shanda qalbimiz munavvar, xonadonimiz fayzli, ikki dunyoyimiz obod bo‘ladi, inshaalloh!

“Qur’on – qalblar shifosi” kitobidan

@Anasxon_Mahmud