"HUDUDGAZTA'MINOT" AJ

Toshkent shahar Yakkasaroy tumanidagi oʻrta bosimli yer osti gaz quvurida gaz sizib chiqish holati aniqlangani tufayli Yakkasaroy tumani "A.Qahhor", "Damariq" MFYlaridagi 720 ta yerli xonadon, Mirobod tumani "Yangi Mirobod", "Yangi Mirobod" MFYlaridagi 3 ta koʻp qavatli uy, 534 ta yerli xonadon va 48 ta ulgurji isteʼmolchilarda gaz taʼminoti vaqtincha toʻxtatildi.

Ayni vaqtda tuman gaz taʼminoti boʻlimining avariya brigadalari tomonidan taʼmirlash ishlari olib borilmoqda.

Axborot xizmati rahbarlari faoliyati samaradorligi natijalari eʼlon qilindi

Axborot va ommaviy kommunikatsiyalar agentligi tomonidan 2024-yil dekabr oyiga qadar faoliyat yuritib kelgan respublika darajasidagi davlat organlari va tashkilotlari, mahalliy davlat hokimiyati organlarining 150 nafar matbuot kotibi ish samaradorligi baholandi.

Unda “Hududgaztaʼminot” AJ Matbuot xizmati aksiyadorlik jamiyatlari Axborot xizmatlari orasida 84 ball bilan 11-oʻrinda qayd etildi.

Bu “Ochiqlik indeksi”ning birinchi indikatori hisoblanadi. Oʻrganish Oʻzbekiston Respublikasi Prezidentining 2019-yil 27-iyundagi “Ommaviy axborot vositalari mustaqilligini taʼminlash hamda davlat organlari va tashkilotlari axborot xizmatlari faoliyatini rivojlantirish boʻyicha qoʻshimcha chora-tadbirlar toʻgʻrisida”gi qaroriga asosan amalga oshirildi.

2024-yil yakunlari boʻyicha Agentlik tomonidan baholangan jami 150 ta tashkilot va idoraning 45 nafar matbuot kotibi (30%)ning ish natijalari yuqori, 59 nafari (39,4%)niki oʻrta darajada baholangan boʻlsa, 38 nafari (25,4%)niki qoniqarli, 8 nafari (5,2%)ning faoliyati past darajada, deb topildi.

Batafsil

💬Facebook | 👉Telegram |▶️ YouTube | 📷Instagram | 🌐 hududgaz.uz

#Yangi_hurriyat #Birdam_Jamiyat

Yoshlarga eʼtibor – ustuvor vazifalardan biri

Yurtimizda yoshlar masalasi davlat siyosatining ustuvor yoʻnalishlaridan biri boʻlib, ularni qoʻllab-quvvatlash va har tomonlama rivojlantirishga katta eʼtibor qaratilyapti. Ayniqsa, ehtiyojmand, yetarli imkoniyatga ega boʻlmagan, yordamga muhtoj yoshlarni aniqlash va ular bilan yakkama-yakka ishlash amaliyoti keng yoʻlga qoʻyilgani eʼtiborga loyiq.

Bu masalaga davlat rahbari darajasida eʼtibor qaratilmoqda. Har bir yosh taqdiri, uning orzu-maqsadlari, oilaviy va ijtimoiy sharoiti inobatga olinib, ularni munosib sharoitlar bilan taʼminlash yoʻlida manzilli choralar koʻrilmoqda.

“Hududgaztaʼminot” AJ rahbariyati ham ushbu jarayonda faol ishtirok etib, yoshlarga yaqindan koʻmak koʻrsatishni oʻzining ustuvor vazifalaridan biri sifatida belgilagan. Shu maqsadda Jamiyat tomonidan Toshkent viloyati, Oʻrtachirchiq tumanidagi “Adolat”, “Qunduzak”, “Yoriq”, “Kuchlik”, “Mingtepa” mahallalarida istiqomat qilayotgan 48 nafar yoshlar bandligini taʼminlash, muammolari hamda qiziqishlarini oʻrganish maqsadida tuman hokimligi va Yoshlar ishlari agentligi bilan hamkorlikda ishchi guruh shakllantirildi. Ishchi guruh tomonidan uyma-uy yurgan holda yoshlar bilan uchrashib, ular bilan suhbatlashildi.

Yoshlarni jamiyatda munosib oʻrin egallashi, muammolarini hal etish va bandligini taʼminlashga qaratilgan bu kabi tizimli yondashuv, shubhasiz, mamlakatimiz kelajagini barpo etayotgan yosh avlodga tayanch boʻlib xizmat qiladi. Ishchi guruh tomonidan biriktirilgan yoshlar bilan ishlash davom ettirilmoqda.

Batafsil: https://hududgaz.uz/ads?id=13799

💬Facebook | 👉Telegram |▶️ YouTube | 📷Instagram | 🌐 hududgaz.uz

✅Milliy liboslar - faxrimiz

"Hududgaz Navoiy" gaz taʼminoti filiali xodimlari har hafta anʼanaviy tarzda o‘tkazib kelinayotgan milliy liboslar chelenjida faol ishtirok etmoqda.

Adrasu atlas, do‘ppilarimiz o‘zligimiz timsoli, chin maʼnoda faxrimizdir.

✍️ "Hududgaz Navoiy" gaz taʼminoti filiali matbuot xizmati

💬Facebook | 👉Telegram |▶️ YouTube | 📷Instagram | 🌐 hududgaz.uz