Банк хизматлари истеъмолчиларининг ҳуқуқлари бузилишига доир ижтимоий тармоқларда тарқалаётган хабарлар мониторинг қилиб борилмоқда

🔸Ижтимоий тармоқларда “Капиталбанк”нинг “Барака” номли муддатли омонатига фоиз ҳисоблаш тартиби бўйича саволлар пайдо бўлди.

🔸Бу борада Марказий банкнинг Банк хизматлари истеъмолчиларининг ҳуқуқларини ҳимоя қилиш хизмати томонидан “Капиталбанк”ка мазкур масала бўйича омонатчиларга банкнинг расмий коммуникация каналлари орқали тушунтириш бериш юзасидан кўрсатма берилди.

🔸Ушбу кўрсатмага мувофиқ, “Капиталбанк” томонидан банкнинг автоматлаштирилган тизимида юзага келган носозликлар бартараф этилганлиги ва “Барака” номли омонатга фоиз ҳисоблаш тартиби билан боғлиқ муаммо ўз ечимини топганлиги тўғрисида банкнинг телеграмдаги расмий канали орқали ахборот жойлаштирилди.

🔸Ўз навбатида, банк хизматлари истеъмолчиларининг ҳуқуқлари бузилишига доир масалаларда ижтимоий тармоқларда тарқалаётган хабарлар Марказий банкнинг Банк хизматлари истеъмолчиларининг ҳуқуқларини ҳимоя қилиш хизмати томонидан доимий равишда мониторинг қилиниб, қонуний ечими юзасидан тегишли чора-тадбирлар амалга оширилишини маълум қиламиз.

Ҳурматли банк хизматлари истеъмолчилари!

🔸Агар Сиз тижорат банклари ёки нобанк кредит ташкилотлари хизматларидан фойдаланганингизда қонун ҳужжатлари билан белгиланган ҳамда шартномада кўрсатилган ҳуқуқларингиз бузилган деб ҳисобласангиз, у ҳолда Марказий банкнинг Банк хизматлари истеъмолчиларининг ҳуқуқларини ҳимоя қилиш хизматига ёзма равишда ёки 📞(71) 212-60-15, (71) 212-73-80, (71) 212-60-94 телефон рақамлари орқали мурожаат қилишингиз мумкинлигини билдирамиз.

Web | Telegram | Facebook | Instagram | Odnoklassniki | Youtube | Twitter | Linkedin